໑. ສໍຂິຕ຺ຕສຸຕ຺ຕວຓ຺ຓນາ

໒໓໒. ຈຕຸຕ຺ຖສ຺ສ ປຐເມ ກຓ຺ຫນ຺ຕິ ກາຬກໍ ທສອກຸສລກມ຺ມປຖກມ຺ມໍ. ກຓ຺ຫວິປາກນ຺ຕິ ອປາເຍ ນິພ຺ພຕ຺ຕນໂຕ ກາຬກວິປາກໍ. ສຸກ຺ກນ຺ຕິ ປຓ຺ຑຣກໍ ກຸສລກມ຺ມປຖກມ຺ມໍ. ສຸກ຺ກວິປາກນ຺ຕິ ສຄ຺ເຄ ນິພ຺ພຕ຺ຕນໂຕ ປຓ຺ຑຣກວິປາກໍ. ກຓ຺ຫສຸກ຺ກນ຺ຕິ ມິສ຺ສກກມ຺ມໍ. ກຓ຺ຫສຸກ຺ກວິປາກນ຺ຕິ ສຸຂທຸກ຺ຂວິປາກໍ. ມິສ຺ສກກມ຺ມຎ຺ຫິ ກຕ຺ວາ ອກຸສເລນ ຕິຣຈ຺ຉານໂຍນິຍໍ ມງ຺ຄລຫຕ຺ຖິຏ຺ຐານາທີສຸ ອຸປ຺ປນ຺ໂນ ກຸສເລນ ປວຕ຺ເຕ ສຸຂໍ ເວທິຍຕິ. ກຸສເລນ ຣາຊກຸເລປິ ນິພ຺ພຕ຺ໂຕ ອກຸສເລນ ປວຕ຺ເຕ ທຸກ຺ຂໍ ເວທິຍຕິ. ອກຓ຺ຫໍ ອສຸກ຺ກນ຺ຕິ ກມ຺ມກ຺ຂຍກຣໍ ຈຕຸມຄ຺ຄຎາຓໍ ອຘິປ຺ເປຕໍ. ຕຎ຺ຫິ ຍທິ ກຓ຺ຫໍ ຠເວຍ຺ຍ, ກຓ຺ຫວິປາກໍ ທເທຍ຺ຍ. ຍທິ ສຸກ຺ກໍ ຠເວຍ຺ຍ, ສຸກ຺ກວິປາກໍ ທເທຍ຺ຍ. ອຸຠຍວິປາກສ຺ສ ປນ ອປ຺ປທານໂຕ ອກຓ຺ຫໍ ອສຸກ຺ກນ຺ຕິ ອຍເມຕ຺ຖ ອຕ຺ໂຖ.