໕-໖. ສງ຺ຄາຣວສຸຕ຺ຕາທິວຓ຺ຓນາ

໑໑໗-໑໑໘. ປຎ຺ຈເມ ໂອຣິມໍ ຕີຣນ຺ຕິ ໂລກິຍໍ ໂອຣິມຕີຣໍ. ປາຣິມໍ ຕີຣນ຺ຕິ ໂລກຸຕ຺ຕຣໍ ປາຣິມຕີຣໍ. ປາຣຄາມິໂນຕິ ນິພ຺ພານຄາມິໂນ. ຕີຣເມວານຸຘາວຕີຕິ ສກ຺ກາຍທິຏ຺ຐິຕີຣໍເຍວ ອນຸຘາວຕິ. ຘມ຺ເມ ຘມ຺ມານຸວຕ຺ຕິໂນຕິ ສມ຺ມາ ອກ຺ຂາເຕ ນວວິເຘ ໂລກຸຕ຺ຕຣຘມ຺ເມ ອນຸຘມ຺ມວຕ຺ຕິໂນ, ຕສ຺ສ ຘມ຺ມສ຺ສານຸຈ຺ຉວິກາຍ ສຫສີລາຍ ປຸພ຺ພຠາຄປຏິປຕ຺ຕິຍາ ປວຕ຺ຕມານາ. ມຈ຺ຈຸເຘຍ຺ຍໍ ສຸທຸຕ຺ຕຣນ຺ຕິ ມຈ຺ຈຸໂນ ຐານຠູຕໍ ເຕຠູມກວຏ຺ຏໍ ສຸທຸຕ຺ຕຣໍ ຕຣິຕ຺ວາ. ປາຣເມສ຺ສນ຺ຕີຕິ ນິພ຺ພານໍ ປາປຸຓິສ຺ສນ຺ຕິ.

ໂອກາ ອໂນກມາຄມ຺ມາຕິ ວຏ຺ຏໂຕ ວິວຏ຺ຏໍ ອາຄມ຺ມ. ວິເວເກ ຍຕ຺ຖ ທູຣມນ຺ຕິ ຍສ຺ມິໍ ກາຍຈິຕ຺ຕອຸປຘິວິເວເກ ທຸຣຠິຣມໍ, ຕຕ຺ຣາຠິຣຕິມິຈ຺ເຉຍ຺ຍ. ຫິຕ຺ວາ ກາເມຕິ ທຸວິເຘປິ ກາເມ ປຫາຍ. ອກິຎ຺ຈໂນຕິ ນິປ຺ປລິໂພໂຘ. ອາທານປຏິນິສ຺ສເຄຕິ ຄຫຓປຏິນິສ຺ສຄ຺ຄສງ຺ຂາເຕ ນິພ຺ພາເນ. ອນຸປາທາຍ ເຍ ຣຕາຕິ ຈຕູຫິ ອຸປາທາເນຫິ ກິຎ຺ຈິປິ ອນຸປາທິຍິຕ຺ວາ ເຍ ອຠິຣຕາ. ປຣິນິພ຺ພຸຕາຕິ ເຕ ອປຈ຺ຈຍປຣິນິພ຺ພາເນນ ປຣິນິພ຺ພຸຕາ ນາມາຕິ ເວທິຕພ຺ພາ. ຉຏ຺ຐໍ ຠິກ຺ຂູນໍ ເທສິຕໍ.