໔. ອທນ຺ຕວຄ຺ຄວຓ຺ຓນາ

໓໑. ຈຕຸຕ຺ຖສ຺ສ ປຐເມ ອທນ຺ຕນ຺ຕິ ສວິເສວນໍ ອທນ຺ຕຫຕ຺ຖິອສ຺ສາທິສທິສໍ. ຈິຕ຺ຕນ຺ຕິ ວຏ຺ຏວເສນ ອຸປ຺ປນ຺ນຈິຕ຺ຕເມວ.

໓໒. ທຸຕິເຍ ທນ຺ຕນ຺ຕິ ນິພ຺ພິເສວນໍ ທນ຺ຕຫຕ຺ຖິອສ຺ສາທິສທິສໍ. ອິມສ຺ມິມ຺ປິ ສຸຕ຺ຕທ຺ວເຍ ວຏ຺ຏວິວຏ຺ຏວເສນ ອຸປ຺ປນ຺ນຈິຕ຺ຕເມວ ກຖິຕໍ. ຍຖາ ເຈຕ຺ຖ, ເອວໍ ອິໂຕ ປເຣສຸປີຕິ.

໓໓. ຕຕິເຍ ອຄຸຕ຺ຕນ຺ຕິ ອໂຄປິຕໍ ສຕິສໍວຣຣຫິຕໍ ອຄຸຕ຺ຕຫຕ຺ຖິອສ຺ສາທິສທິສໍ.

໓໔. ຈຕຸຕ຺ເຖ ຄຸຕ຺ຕນ຺ຕິ ໂຄປິຕໍ ອວິສ຺ສຏ຺ຐສຕິສໍວຣໍ ຄຸຕ຺ຕຫຕ຺ຖິອສ຺ສາທິສທິສໍ.

໓໕-໓໖. ປຎ຺ຈມຉຏ຺ຐານິ ອຣກ຺ຂິຕໍ ຣກ຺ຂິຕນ຺ຕິ ປທວເສນ ພຸຊ຺ຌນການໍ ອຊ຺ຌາສເຍນ ວຸຕ຺ຕານິ. ອຕ຺ໂຖ ປເນຕ຺ຖ ປຸຣິມສທິໂສເຍວ.

໓໗-໓໘. ສຕ຺ຕມຏ຺ຐເມສຸປິ ເອເສວ ນໂຍ. ອຸປມາ ປເນຕ຺ຖ ອສໍວຸຕຆຣທ຺ວາຣາທິວເສນ ເວທິຕພ຺ພາ.

໓໙-໔໐. ນວມທສມານິ ຈຕູຫິປິ ປເທຫິ ໂຍເຊຕ຺ວາ ວຸຕ຺ຕານິ. ອິມສ຺ມິມ຺ປິ ວຄ຺ເຄ ວຏ຺ຏວິວຏ຺ຏເມວ ກຖິຕນ຺ຕິ.

ອທນ຺ຕວຄ຺ຄວຓ຺ຓນາ.