໕. ປຈ຺ຈຸປ຺ປນ຺ນານາຄຕວາໂຣ

(ກ) ອນຸໂລມໍ

໔໖໗. (ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ? ໂນ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ?

ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ຈກ຺ຂຸນ຺ທ຺ຣິຍໍ ປຣິຊານນ຺ຕິ. ອຄ຺ຄມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສຕິ ຈກ຺ຂຸນ຺ທ຺ຣິຍຎ຺ຈ ປຣິຊານາຕິ. (ຈກ຺ຂຸນ຺ທ຺ຣິຍມູລກໍ)

໔໖໘. (ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ? ໂນ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ?

ຉ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫນ຺ຕິ ອນາຄາມິມຄ຺ຄສມງ຺ຄິ ອຎ຺ຎິນ຺ທ຺ຣິຍຎ຺ຈ ຠາເວສ຺ສນ຺ຕິ, ໂທມນສ຺ສິນ຺ທ຺ຣິຍຎ຺ຈ ປຊຫນ຺ຕິ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ?

ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫນ຺ຕິ. ອນາຄາມິມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສຕິ ໂທມນສ຺ສິນ຺ທ຺ຣິຍຎ຺ຈ ປຊຫຕິ. (ໂທມນສ຺ສິນ຺ທ຺ຣິຍມູລກໍ)

໔໖໙. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕີຕິ?

ຉ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວນ຺ຕິ. ອຏ຺ຐມໂກ ອຎ຺ຎິນ຺ທ຺ຣິຍຎ຺ຈ ຠາເວສ຺ສຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວຕິ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕີຕິ?

ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວນ຺ຕິ. ອຏ຺ຐມໂກ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວຕິ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໗໐. (ກ) ໂຍ ອຎ຺ຎິນ຺ທ຺ຣິຍໍ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ຠາເວຕີຕິ?

ປຎ຺ຈ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ອຎ຺ຎິນ຺ທ຺ຣິຍໍ ຠາເວນ຺ຕິ. ຕໂຍ ມຄ຺ຄສມງ຺ຄິໂນ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ອຎ຺ຎິນ຺ທ຺ຣິຍຎ຺ຈ ຠາເວນ຺ຕິ. (ອຎ຺ຎິນ຺ທ຺ຣິຍມູລກໍ)

(ຂ) ປຈ຺ຈນີກໍ

໔໗໑. (ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ?

ປຎ຺ຈ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ. ຈຕ຺ຕາໂຣ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ?

ອຄ຺ຄມຄ຺ຄສມງ຺ຄີ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານາຕິ. ຈຕ຺ຕາໂຣ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ. ອຏ຺ຐ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ?

ອຄ຺ຄມຄ຺ຄສມງ຺ຄີ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານາຕິ. ອຏ຺ຐ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ສຕ຺ຕ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ?

ອຄ຺ຄມຄ຺ຄສມງ຺ຄີ ອຎ຺ຎິນ຺ທ຺ຣິຍໍ ນ ຠາເວສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານາຕິ. ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ສຕ຺ຕ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ? ອາມນ຺ຕາ. (ຈກ຺ຂຸນ຺ທ຺ຣິຍມູລກໍ)

໔໗໒. (ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ໂທມນສ຺ສິນ຺ທ຺ຣິຍໍ ນປ຺ປຊຫນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ. ອຏ຺ຐ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ?

ອນາຄາມິມຄ຺ຄສມງ຺ຄີ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫຕິ. ອຏ຺ຐ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ຉ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫນ຺ຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ຕໂຍ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ສຕ຺ຕ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ? ອາມນ຺ຕາ. (ໂທມນສ຺ສິນ຺ທ຺ຣິຍມູລກໍ)

໔໗໓. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວນ຺ຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ຕໂຍ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕີຕິ? ອາມນ຺ຕາ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ສຕ຺ຕ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕີຕິ? ອາມນ຺ຕາ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໗໔. (ກ) ໂຍ ອຎ຺ຎິນ຺ທ຺ຣິຍໍ ນ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ປຎ຺ຈ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາເວນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາເວຕີຕິ? ອາມນ຺ຕາ. (ອຎ຺ຎິນ຺ທ຺ຣິຍມູລກໍ)