໖. ອຕີຕານາຄຕວາໂຣ

(ກ) ອນຸໂລມໍ

໔໗໕. (ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ? ໂນ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ໂນ. (ຈກ຺ຂຸນ຺ທ຺ຣິຍມູລກໍ)

໔໗໖. (ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ? ໂນ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ? ໂນ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ. ອນາຄາມີ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ອຎ຺ຎິນ຺ທ຺ຣິຍຎ຺ຈ ຠາເວສ຺ສຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ?

ຉ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫິຕ຺ຖ. ອນາຄາມີ ອຎ຺ຎິນ຺ທ຺ຣິຍຎ຺ຈ ຠາເວສ຺ສຕິ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ?

ອຣຫາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ. ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ?

ຉ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫິຕ຺ຖ. ທ຺ເວ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ. (ໂທມນສ຺ສິນ຺ທ຺ຣິຍມູລກໍ)

໔໗໗. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ?

ທ຺ເວ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ. ປຎ຺ຈ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ອຎ຺ຎິນ຺ທ຺ຣິຍຎ຺ຈ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ. ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ?

ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ. ຕໂຍ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ຠາເວສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ?

ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ. ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ?

ທ຺ເວ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ. ຉ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໗໘. (ກ) ໂຍ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ໂນ. (ອຎ຺ຎິນ຺ທ຺ຣິຍມູລກໍ)

(ຂ) ປຈ຺ຈນີກໍ

໔໗໙. (ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ?

ປຎ຺ຈ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ. ຈຕ຺ຕາໂຣ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ?

ອຣຫາ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ. ຈຕ຺ຕາໂຣ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ. ອຏ຺ຐ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ?

ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ. ອຏ຺ຐ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ສຕ຺ຕ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ?

ອຣຫາ ອຎ຺ຎິນ຺ທ຺ຣິຍໍ ນ ຠາເວສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ. ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ອຏ຺ຐ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ?

ອຣຫາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ. (ຈກ຺ຂຸນ຺ທ຺ຣິຍມູລກໍ)

໔໘໐. (ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ. ຉ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ຕໂຍ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ຉ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊ຺ຊຫິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ຉ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ອຣຫາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ. (ໂທມນສ຺ສິນ຺ທ຺ຣິຍມູລກໍ)

໔໘໑. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ທ຺ເວ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ທ຺ເວ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ອຣຫາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໘໒. (ກ) ໂຍ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ອຏ຺ຐ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ?

ອຣຫາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາວິຕ຺ຖ. ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ. (ອຎ຺ຎິນ຺ທ຺ຣິຍມູລກໍ).

ປຣິຎ຺ຎາວາໂຣ.

ອິນ຺ທ຺ຣິຍຍມກໍ ນິຏ຺ຐິຕໍ.

ຍມກປກຣຓໍ ນິຏ຺ຐິຕໍ.