໔. ປຈ຺ຈຸປ຺ປນ຺ນາຕີຕວາໂຣ

(ກ) ອນຸໂລມໍ

໔໕໙. (ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ປຣິຊານນ຺ຕິ. ອຄ຺ຄມຄ຺ຄສມງ຺ຄີ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ຈກ຺ຂຸນ຺ທ຺ຣິຍຎ຺ຈ ປຣິຊານນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ປຣິຊານນ຺ຕິ. ອຄ຺ຄມຄ຺ຄສມງ຺ຄີ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ຈກ຺ຂຸນ຺ທ຺ຣິຍຎ຺ຈ ປຣິຊານາຕິ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ? ໂນ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານາຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານາຕີຕິ? ໂນ. (ຈກ຺ຂຸນ຺ທ຺ຣິຍມູລກໍ)

໔໖໐. (ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ປຊຫນ຺ຕິ. ອນາຄາມິມຄ຺ຄສມງ຺ຄີ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ໂທມນສ຺ສິນ຺ທ຺ຣິຍຎ຺ຈ ປຊຫຕິ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ? ໂນ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫຕີຕິ? ໂນ. (ໂທມນສ຺ສິນ຺ທ຺ຣິຍມູລກໍ)

໔໖໑. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕິ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕີຕິ? ໂນ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວຕີຕິ? ໂນ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໖໒. (ກ) ໂຍ ອຎ຺ຎິນ຺ທ຺ຣິຍໍ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ? ໂນ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ອຎ຺ຎິນ຺ທ຺ຣິຍໍ ຠາເວຕີຕິ? ໂນ. (ອຎ຺ຎິນ຺ທ຺ຣິຍມູລກໍ)

(ຂ) ປຈ຺ຈນີກໍ

໔໖໓. (ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ຉ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ຉ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ?

ອຣຫາ ຈກ຺ຂຸນ຺ທ຺ຣິຍໍ ນ ປຣິຊານາຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາວິຕ຺ຖ. ສຕ຺ຕ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ?

ອຄ຺ຄມຄ຺ຄສມງ຺ຄີ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານາຕິ. ສຕ຺ຕ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານາຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ?

ອຣຫາ ຈກ຺ຂຸນ຺ທ຺ຣິຍໍ ນ ປຣິຊານາຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ. ອຏ຺ຐ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານາຕີຕິ?

ອຄ຺ຄມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານາຕິ. ອຏ຺ຐ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ຈກ຺ຂຸນ຺ທ຺ຣິຍຎ຺ຈ ນ ປຣິຊານນ຺ຕິ. (ຈກ຺ຂຸນ຺ທ຺ຣິຍມູລກໍ)

໔໖໔. (ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ຉ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ?

ອຣຫາ ໂທມນສ຺ສິນ຺ທ຺ຣິຍໍ ນປ຺ປຊຫຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາວິຕ຺ຖ. ສຕ຺ຕ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ?

ອນາຄາມິມຄ຺ຄສມງ຺ຄີ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫຕິ. ສຕ຺ຕ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ?

ອຣຫາ ໂທມນສ຺ສິນ຺ທ຺ຣິຍໍ ນປ຺ປຊຫຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ. ອຏ຺ຐ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫຕີຕິ?

ອນາຄາມິມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫຕິ. ອຏ຺ຐ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫນ຺ຕິ. (ໂທມນສ຺ສິນ຺ທ຺ຣິຍມູລກໍ)

໔໖໕. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ?

ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາວິຕ຺ຖ. ສຕ຺ຕ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕີຕິ?

ອຏ຺ຐມໂກ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ. ສຕ຺ຕ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ?

ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ. ອຏ຺ຐ [ສຕ຺ຕ (ສີ. ສ຺ຍາ. ກ.)] ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕີຕິ?

ອຏ຺ຐມໂກ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວຕິ. ອຏ຺ຐ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວນ຺ຕິ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໖໖. (ກ) ໂຍ ອຎ຺ຎິນ຺ທ຺ຣິຍໍ ນ ຠາເວຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ?

ອຣຫາ ອຎ຺ຎິນ຺ທ຺ຣິຍໍ ນ ຠາເວຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ. ຉ [ປຎ຺ຈ (ສີ. ສ຺ຍາ. ກ.)] ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາເວນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາເວຕີຕິ?

ຕໂຍ ມຄ຺ຄສມງ຺ຄິໂນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ນ ຠາເວນ຺ຕິ. ຉ [ປຎ຺ຈ (ສີ. ສ຺ຍາ. ກ.)] ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ອຎ຺ຎິນ຺ທ຺ຣິຍຎ຺ຈ ນ ຠາເວນ຺ຕິ. (ອຎ຺ຎິນ຺ທ຺ຣິຍມູລກໍ)