໓. ອນາຄຕວາໂຣ

(ກ) ອນຸໂລມໍ

໔໕໑. (ກ) ໂຍ ຈກ຺ຂຸນ຺ທ຺ຣິຍໍ ປຣິຊານິສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ?

ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍໍ ປຣິຊານິສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫິສ຺ສນ຺ຕິ. ປຎ຺ຈ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ປຣິຊານິສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ປຊຫິສ຺ສນ຺ຕິ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິສ຺ສຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ?

ຉ ປຸຄ຺ຄລາ ຈກ຺ຂຸນ຺ທ຺ຣິຍໍ ປຣິຊານິສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ຈກ຺ຂຸນ຺ທ຺ຣິຍຎ຺ຈ ປຣິຊານິສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິສ຺ສຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິສ຺ສຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິສ຺ສຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ປຣິຊານິສ຺ສຕີຕິ?

ອຄ຺ຄມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ, ໂນ ຈ ຈກ຺ຂຸນ຺ທ຺ຣິຍໍ ປຣິຊານິສ຺ສຕິ. ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ປຣິຊານິສ຺ສນ຺ຕິ. (ຈກ຺ຂຸນ຺ທ຺ຣິຍມູລກໍ)

໔໕໒. (ກ) ໂຍ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ?

ຈຕ຺ຕາໂຣ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ໂທມນສ຺ສິນ຺ທ຺ຣິຍຎ຺ຈ ປຊຫິສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວສ຺ສນ຺ຕິ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ?

ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ ໂນ ຈ ໂທມນສ຺ສິນ຺ທ຺ຣິຍໍ ປຊຫິສ຺ສນ຺ຕິ, ປຎ຺ຈ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ຠວິສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ປຊຫິສ຺ສນ຺ຕິ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ປຊຫິສ຺ສຕີຕິ?

ຕໂຍ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ປຊຫິສ຺ສນ຺ຕິ. ປຎ຺ຈ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ປຊຫິສ຺ສນ຺ຕິ. (ໂທມນສ຺ສິນ຺ທ຺ຣິຍມູລກໍ)

໔໕໓. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ?

ຉ ປຸຄ຺ຄລາ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ອຎ຺ຎິນ຺ທ຺ຣິຍຎ຺ຈ ຠາເວສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວສ຺ສນ຺ຕິ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສຕີຕິ?

ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາເວສ຺ສນ຺ຕິ. ເຍ ປຸຖຸຊ຺ຊນາ ມຄ຺ຄໍ ປຏິລຠິສ຺ສນ຺ຕິ ເຕ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາເວສ຺ສນ຺ຕິ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໕໔. (ກ) ໂຍ ອຎ຺ຎິນ຺ທ຺ຣິຍໍ ຠາເວສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ຠາເວສ຺ສຕີຕິ?

ອຄ຺ຄມຄ຺ຄສມງ຺ຄີ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິສ຺ສນ຺ຕິ, ໂນ ຈ ອຎ຺ຎິນ຺ທ຺ຣິຍໍ ຠາເວສ຺ສນ຺ຕິ. ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິສ຺ສນ຺ຕິ ອຎ຺ຎິນ຺ທ຺ຣິຍຎ຺ຈ ຠາເວສ຺ສນ຺ຕິ. (ອຎ຺ຎິນ຺ທ຺ຣິຍມູລກໍ)

(ຂ) ປຈ຺ຈນີກໍ

໔໕໕. (ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕີຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິສ຺ສນ຺ຕິ. ຕໂຍ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິສ຺ສນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ. ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕີຕິ.

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິສ຺ສນ຺ຕິ. ຕໂຍ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ຈກ຺ຂຸນ຺ທ຺ຣິຍຎ຺ຈ ນ ປຣິຊານິສ຺ສນ຺ຕິ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕີຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ອຄ຺ຄມຄ຺ຄສມງ຺ຄີ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິສ຺ສນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ຈກ຺ຂຸນ຺ທ຺ຣິຍໍ ນ ປຣິຊານິສ຺ສຕີຕິ? ອາມນ຺ຕາ. (ຈກ຺ຂຸນ຺ທ຺ຣິຍມູລກໍ)

໔໕໖. (ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ? ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ?

ຈຕ຺ຕາໂຣ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ. ປຎ຺ຈ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ຕໂຍ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ຕໂຍ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິສ຺ສນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິສ຺ສຕີຕິ? ອາມນ຺ຕາ. (ໂທມນສ຺ສິນ຺ທ຺ຣິຍມູລກໍ)

໔໕໗. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ອຎ຺ຎິນ຺ທ຺ຣິຍໍ ນ ຠາເວສ຺ສນ຺ຕິ. ຕໂຍ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ? ອາມນ຺ຕາ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ສຕ຺ຕ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສນ຺ຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສນ຺ຕິ. ທ຺ເວ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາເວສ຺ສຕີຕິ? ອາມນ຺ຕາ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໕໘. (ກ) ໂຍ ອຎ຺ຎິນ຺ທ຺ຣິຍໍ ນ ຠາເວສ຺ສຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕີຕິ?

ອຄ຺ຄມຄ຺ຄສມງ຺ຄີ ອຎ຺ຎິນ຺ທ຺ຣິຍໍ ນ ຠາເວສ຺ສຕິ, ໂນ ຈ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ. ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາເວສ຺ສນ຺ຕິ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິສ຺ສນ຺ຕິ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິສ຺ສຕິ ໂສ ອຎ຺ຎິນ຺ທ຺ຣິຍໍ ນ ຠາເວສ຺ສຕີຕິ? ອາມນ຺ຕາ. (ອຎ຺ຎິນ຺ທ຺ຣິຍມູລກໍ)