໒. ອຕີຕວາໂຣ

(ກ) ອນຸໂລມໍ

໔໔໓. (ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ປຣິຊານິຕ຺ຖ. ອຣຫາ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ຈກ຺ຂຸນ຺ທ຺ຣິຍຎ຺ຈ ປຣິຊານິຕ຺ຖ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ປຣິຊານິຕ຺ຖ. ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ຈກ຺ຂຸນ຺ທ຺ຣິຍຎ຺ຈ ປຣິຊານິຕ຺ຖ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ປຣິຊານິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ?

ໂຍ ອຄ຺ຄຜລໍ ສຈ຺ຉິກໂຣຕິ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ. ໂຍ ອຄ຺ຄຜລໍ ສຈ຺ຉາກາສິ ໂສ ຈກ຺ຂຸນ຺ທ຺ຣິຍຎ຺ຈ ປຣິຊານິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ຈກ຺ຂຸນ຺ທ຺ຣິຍໍ ປຣິຊານິຕ຺ຖາຕິ? ອາມນ຺ຕາ. (ຈກ຺ຂຸນ຺ທ຺ຣິຍມູລກໍ)

໔໔໔. (ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ?

ຈຕ຺ຕາໂຣ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ປຊຫິຕ຺ຖ. ຕໂຍ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ?

ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ຠາວິຕ຺ຖ. ອຣຫາ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ອຎ຺ຎິນ຺ທ຺ຣິຍຎ຺ຈ ຠາວິຕ຺ຖ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ປຊຫິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ?

ຕໂຍ ປຸຄ຺ຄລາ ໂທມນສ຺ສິນ຺ທ຺ຣິຍໍ ປຊຫິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ. ອຣຫາ ໂທມນສ຺ສິນ຺ທ຺ຣິຍຎ຺ຈ ປຊຫິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ໂທມນສ຺ສິນ຺ທ຺ຣິຍໍ ປຊຫິຕ຺ຖາຕິ? ອາມນ຺ຕາ. (ໂທມນສ຺ສິນ຺ທ຺ຣິຍມູລກໍ)

໔໔໕. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ?

ຉ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ຠາວິຕ຺ຖ. ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ອຎ຺ຎິນ຺ທ຺ຣິຍຎ຺ຈ ຠາວິຕ຺ຖ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ?

ສຕ຺ຕ ປຸຄ຺ຄລາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ. ອຣຫາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ຠາວິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໔໖. (ກ) ໂຍ ອຎ຺ຎິນ຺ທ຺ຣິຍໍ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖາຕິ?

ໂຍ ອຄ຺ຄຜລໍ ສຈ຺ຉິກໂຣຕິ ໂສ ອຎ຺ຎິນ຺ທ຺ຣິຍໍ ຠາວິຕ຺ຖ, ໂນ ຈ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ. ໂຍ ອຄ຺ຄຜລໍ ສຈ຺ຉາກາສິ ໂສ ອຎ຺ຎິນ຺ທ຺ຣິຍຎ຺ຈ ຠາວິຕ຺ຖ ອຎ຺ຎາຕາວິນ຺ທ຺ຣິຍຎ຺ຈ ສຈ຺ຉິກຣິຕ຺ຖ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ສຈ຺ຉິກຣິຕ຺ຖ ໂສ ອຎ຺ຎິນ຺ທ຺ຣິຍໍ ຠາວິຕ຺ຖາຕິ? ອາມນ຺ຕາ. (ອຎ຺ຎິນ຺ທ຺ຣິຍມູລກໍ)

(ຂ) ປຈ຺ຈນີກໍ

໔໔໗. (ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ຉ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ.

(ຂ) ໂຍ ວາ ປນ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ຉ ປຸຄ຺ຄລາ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ? ອາມນ຺ຕາ.

(ກ) ໂຍ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖາຕິ?

ໂຍ ອຄ຺ຄຜລໍ ສຈ຺ຉິກໂຣຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ຈກ຺ຂຸນ຺ທ຺ຣິຍໍ ນ ປຣິຊານິຕ຺ຖ. ອຏ຺ຐ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ຈກ຺ຂຸນ຺ທ຺ຣິຍຎ຺ຈ ນ ປຣິຊານິຕ຺ຖ. (ຈກ຺ຂຸນ຺ທ຺ຣິຍມູລກໍ)

໔໔໘. (ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ຈຕ຺ຕາໂຣ ປຸຄ຺ຄລາ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ຂ) ໂຍ ວາ ປນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ? ອາມນ຺ຕາ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ຉ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ.

(ກ) ໂຍ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖາຕິ?

ຕໂຍ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ໂທມນສ຺ສິນ຺ທ຺ຣິຍໍ ນປ຺ປຊຫິຕ຺ຖ. ຉ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ໂທມນສ຺ສິນ຺ທ຺ຣິຍຎ຺ຈ ນປ຺ປຊຫິຕ຺ຖ. (ໂທມນສ຺ສິນ຺ທ຺ຣິຍມູລກໍ)

໔໔໙. (ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ຉ ປຸຄ຺ຄລາ ອຎ຺ຎິນ຺ທ຺ຣິຍໍ ນ ຠາວິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ.

(ກ) ໂຍ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖາຕິ?

ສຕ຺ຕ ປຸຄ຺ຄລາ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ນ ຠາວິຕ຺ຖ. ທ຺ເວ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ນ ຠາວິຕ຺ຖ. (ອນຎ຺ຎາຕຎ຺ຎສ຺ສາມີຕິນ຺ທ຺ຣິຍມູລກໍ)

໔໕໐. (ກ) ໂຍ ອຎ຺ຎິນ຺ທ຺ຣິຍໍ ນ ຠາວິຕ຺ຖ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖາຕິ? ອາມນ຺ຕາ.

(ຂ) ໂຍ ວາ ປນ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ ໂສ ອຎ຺ຎິນ຺ທ຺ຣິຍໍ ນ ຠາວິຕ຺ຖາຕິ?

ໂຍ ອຄ຺ຄຜລໍ ສຈ຺ຉິກໂຣຕິ ໂສ ອຎ຺ຎາຕາວິນ຺ທ຺ຣິຍໍ ນ ສຈ຺ຉິກຣິຕ຺ຖ, ໂນ ຈ ອຎ຺ຎິນ຺ທ຺ຣິຍໍ ນ ຠາວິຕ຺ຖ. ອຏ຺ຐ ປຸຄ຺ຄລາ ອຎ຺ຎາຕາວິນ຺ທ຺ຣິຍຎ຺ຈ ນ ສຈ຺ຉິກຣິຕ຺ຖ ອຎ຺ຎິນ຺ທ຺ຣິຍຎ຺ຈ ນ ຠາວິຕ຺ຖ. (ອຎ຺ຎິນ຺ທ຺ຣິຍມູລກໍ)