(໕) ປຈ຺ຈຸປ຺ປນ຺ນານາຄຕວາໂຣ

(ກ) ອນຸໂລມປຸຄ຺ຄໂລ

໗໙. (ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ກຸສລາ ຘມ຺ມາ ອຸປ຺ປຊ຺ຊນ຺ຕິ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ກຸສລານໍ ອຸປ຺ປາທກ຺ຂເຓ ເຕສໍ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

໘໐. (ກ) ຍສ຺ສ ອກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊນ຺ຕິ. ອກຸສລານໍ ອຸປ຺ປາທກ຺ຂເຓ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ຂ) ອນຸໂລມໂອກາໂສ

໘໑. ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?…ເປ….

(ຄ) ອນຸໂລມປຸຄ຺ຄໂລກາສາ

໘໒. (ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

໘໓. (ກ) ຍສ຺ສ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕິ. ອກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ຆ) ປຈ຺ຈນີກປຸຄ຺ຄໂລ

໘໔. (ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ.

(ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.

໘໕. (ກ) ຍສ຺ສ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ອກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.

(ງ) ປຈ຺ຈນີກໂອກາໂສ

໘໖. ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?…ເປ….

(ຈ) ປຈ຺ຈນີກປຸຄ຺ຄໂລກາສາ

໘໗. (ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.

໘໘. (ກ) ຍສ຺ສ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.