(໖) ອຕີຕານາຄຕວາໂຣ

(ກ) ອນຸໂລມປຸຄ຺ຄໂລ

໘໙. (ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

໙໐. (ກ) ຍສ຺ສ ອກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ອກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ອກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ອນຸໂລມໂອກາໂສ

໙໑. ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?…ເປ….

(ຄ) ອນຸໂລມປຸຄ຺ຄໂລກາສາ

໙໒. (ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ?

ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ?

ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິຕ຺ຖ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ.

໙໓. (ກ) ຍສ຺ສ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ?

ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ.

(ຆ) ປຈ຺ຈນີກປຸຄ຺ຄໂລ

໙໔. (ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ນຕ຺ຖິ.

(ຂ) ຍສ຺ສ ວາ ປນ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ນຕ຺ຖິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

໙໕. (ກ) ຍສ຺ສ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ນຕ຺ຖິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ງ) ປຈ຺ຈນີກໂອກາໂສ

໙໖. ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?…ເປ….

(ຈ) ປຈ຺ຈນີກປຸຄ຺ຄໂລກາສາ

໙໗. (ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊິຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ. ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ນ ອຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

໙໘. (ກ) ຍສ຺ສ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

ອຸປ຺ປາທວາໂຣ.