(໔) ປຈ຺ຈຸປ຺ປນ຺ນາຕີຕວາໂຣ

(ກ) ອນຸໂລມປຸຄ຺ຄໂລ

໖໙. (ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ອກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ອກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

໗໐. (ກ) ຍສ຺ສ ອກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ອກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊນ຺ຕິ. ອກຸສລານໍ ອຸປ຺ປາທກ຺ຂເຓ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ຂ) ອນຸໂລມໂອກາໂສ

໗໑. ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ?…ເປ….

(ຄ) ອນຸໂລມປຸຄ຺ຄໂລກາສາ

໗໒. (ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊິຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊນ຺ຕິ. ກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

໗໓. (ກ) ຍສ຺ສ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊນ຺ຕິ. ອກຸສລານໍ ອຸປ຺ປາທກ຺ຂເຓ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິຕ຺ຖ ອກຸສລາ ຈ ຘມ຺ມາ ອຸປ຺ປຊ຺ຊນ຺ຕິ.

(ຆ) ປຈ຺ຈນີກປຸຄ຺ຄໂລ

໗໔. (ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ນຕ຺ຖິ.

(ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ນຕ຺ຖິ.

໗໕. (ກ) ຍສ຺ສ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ນຕ຺ຖິ.

(ງ) ປຈ຺ຈນີກໂອກາໂສ

໗໖. ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ?…ເປ….

(ຈ) ປຈ຺ຈນີກປຸຄ຺ຄໂລກາສາ

໗໗. (ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖາຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖ. ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອກຸສລາ ຈ ຘມ຺ມາ ນ ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖາຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.

໗໘. (ກ) ຍສ຺ສ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖາຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ອກຸສລວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊນ຺ຕີຕິ? ອາມນ຺ຕາ.