(໓) ອນາຄຕວາໂຣ

(ກ) ອນຸໂລມປຸຄ຺ຄໂລ

໕໗. (ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ກ) ຍສ຺ສ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

໕໘. (ກ) ຍສ຺ສ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ເຕສໍ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ອນຸໂລມໂອກາໂສ

໕໙. (ກ) ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ກ) ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອສຎ຺ຎສຕ຺ເຕ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ຈຕຸໂວກາເຣ ປຎ຺ຈໂວກາເຣ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

໖໐. (ກ) ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອສຎ຺ຎສຕ຺ເຕ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ຈຕຸໂວກາເຣ ປຎ຺ຈໂວກາເຣ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຄ) ອນຸໂລມປຸຄ຺ຄໂລກາສາ

໖໑. (ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

໖໒. (ກ) ຍສ຺ສ ຍຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ອສຎ຺ຎສຕ຺ຕານໍ ເຕສໍ ຕຕ຺ຖ ອພ຺ຍາກຕາ ຘມ຺ມາ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອກຸສລາ ຘມ຺ມາ ອຸປ຺ປຊ຺ຊິສ຺ສນ຺ຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ອພ຺ຍາກຕາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ ອກຸສລາ ຈ ຘມ຺ມາ ອຸປ຺ປຊ຺ຊິສ຺ສນ຺ຕິ.

(ຆ) ປຈ຺ຈນີກປຸຄ຺ຄໂລ

໖໓. (ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຕສໍ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ກ) ຍສ຺ສ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຕສໍ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

໖໔. (ກ) ຍສ຺ສ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ງ) ປຈ຺ຈນີກໂອກາໂສ

໖໕. (ກ) ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ກ) ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອຸປ຺ປຊ຺ຊິສ຺ສນ຺ຕິ.

(ຂ) ຍຕ຺ຖ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ນຕ຺ຖິ.

໖໖. (ກ) ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອຸປ຺ປຊ຺ຊິສ຺ສນ຺ຕິ.

(ຂ) ຍຕ຺ຖ ວາ ປນ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ນຕ຺ຖິ.

(ຈ) ປຈ຺ຈນີກປຸຄ຺ຄໂລກາສາ

໖໗. (ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ກ) ຍສ຺ສ ຍຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.

໖໘. (ກ) ຍສ຺ສ ຍຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ອສຎ຺ຎສຕ຺ຕານໍ ເຕສໍ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ, ໂນ ຈ ເຕສໍ ຕຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ອກຸສລາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ອພ຺ຍາກຕາ ຈ ຘມ຺ມາ ນ ອຸປ຺ປຊ຺ຊິສ຺ສນ຺ຕິ.

(ຂ) ຍສ຺ສ ວາ ປນ ຍຕ຺ຖ ອພ຺ຍາກຕາ ຘມ຺ມາ ນ ອຸປ຺ປຊ຺ຊິສ຺ສນ຺ຕິ ຕສ຺ສ ຕຕ຺ຖ ອກຸສລາ ຘມ຺ມາ ນ ອຸປ຺ປຊ຺ຊິສ຺ສນ຺ຕີຕິ? ອາມນ຺ຕາ.