(໕) ປຈ຺ຈຸປ຺ປນ຺ນານາຄຕວາໂຣ

(ກ) ອນຸໂລມປຸຄ຺ຄໂລ

໕໙. (ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊຕິ ຕສ຺ສ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ອຸປ຺ປຊ຺ຊຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ວຈີສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ກາຍສງ຺ຂາໂຣ ອຸປ຺ປຊ຺ຊຕິ. ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊຕິ.

(ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊຕິ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ອຸປ຺ປຊ຺ຊຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ກາຍສງ຺ຂາໂຣ ອຸປ຺ປຊ຺ຊຕິ. ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊຕິ.

໖໐. (ກ) ຍສ຺ສ ວຈີສງ຺ຂາໂຣ ອຸປ຺ປຊ຺ຊຕິ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ວຈີສງ຺ຂາໂຣ ອຸປ຺ປຊ຺ຊຕິ, ໂນ ຈ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ວິຕກ຺ກວິຈາຣານໍ ອຸປ຺ປາທກ຺ຂເຓ ເຕສໍ ວຈີສງ຺ຂາໂຣ ຈ ອຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ອຸປ຺ປຊ຺ຊຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ວິຕກ຺ກວິຈາເຣຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ວຈີສງ຺ຂາໂຣ ອຸປ຺ປຊ຺ຊຕິ. ວິຕກ຺ກວິຈາຣານໍ ອຸປ຺ປາທກ຺ຂເຓ ເຕສໍ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊຕິ.

(ຂ) ອນຸໂລມໂອກາໂສ

໖໑. ຍຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ…ເປ….

(ຄ) ອນຸໂລມປຸຄ຺ຄໂລກາສາ

໖໒. (ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ສມາປນ຺ນານໍ ກາມາວຈຣານໍ ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຕຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊຕິ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊຕີຕິ?

ປຐມຊ຺ຌານໍ ສມາປນ຺ນານໍ ກາມາວຈຣານໍ ອສ຺ສາສປສ຺ສາສານໍ ຠງ຺ຄກ຺ຂເຓ ເຕສໍເຍວ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ. ປຐມຊ຺ຌານໍ ສມາປນ຺ນານໍ ກາມາວຈຣານໍ ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊຕິ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊຕິ. ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊຕິ.

໖໓. (ກ) ຍສ຺ສ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ວິຕກ຺ກວິຈາຣານໍ ອຸປ຺ປາທກ຺ຂເຓ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ວິຕກ຺ກວິຈາເຣຫິ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊຕິ. ວິຕກ຺ກວິຈາຣານໍ ອຸປ຺ປາທກ຺ຂເຓ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊຕິ.

(ຆ) ປຈ຺ຈນີກປຸຄ຺ຄໂລ

໖໔. (ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊຕິ ຕສ຺ສ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ກາຍສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ວຈີສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ເຕສໍ ກາຍສງ຺ຂາໂຣ ຈ ນຸປ຺ປຊ຺ຊຕິ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ນຸປ຺ປຊ຺ຊຕີຕິ? ອາມນ຺ຕາ.

(ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊຕິ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ກາຍສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ກາຍສງ຺ຂາໂຣ ຈ ນຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

໖໕. (ກ) ຍສ຺ສ ວຈີສງ຺ຂາໂຣ ນຸປ຺ປຊ຺ຊຕິ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ວິຕກ຺ກວິຈາເຣຫິ ຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ວຈີສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ອວິຕກ຺ກອວິຈາຣປຈ຺ຉິມຈິຕ຺ຕສມງ຺ຄີນໍ ເຕສໍ ວຈີສງ຺ຂາໂຣ ຈ ນຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ນຸປ຺ປຊ຺ຊຕີຕິ?

ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ວຈີສງ຺ຂາໂຣ ນຸປ຺ປຊ຺ຊຕິ. ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ອວິຕກ຺ກອວິຈາຣປຈ຺ຉິມຈິຕ຺ຕສມງ຺ຄີນໍ ເຕສໍ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ນຸປ຺ປຊ຺ຊຕິ.

໔. (ງ) ປຈ຺ຈນີກໂອກາໂສ

໖໖. ຍຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ…ເປ….

(ຈ) ປຈ຺ຈນີກປຸຄ຺ຄໂລກາສາ

໖໗. (ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ?

ປຐມຊ຺ຌານໍ ສມາປນ຺ນານໍ ກາມາວຈຣານໍ ອສ຺ສາສປສ຺ສາສານໍ ຠງ຺ຄກ຺ຂເຓ ເຕສໍເຍວ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອສ຺ສາສປສ຺ສາສານໍ ຠງ຺ຄກ຺ຂເຓ ເຕສໍເຍວ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊຕິ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊຕີຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອສ຺ສາສປສ຺ສາສານໍ ອຸປ຺ປາທກ຺ຂເຓ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອສ຺ສາສປສ຺ສາສານໍ ຠງ຺ຄກ຺ຂເຓ ເຕສໍເຍວ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ນຸປ຺ປຊ຺ຊຕິ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ອສ຺ສາສປສ຺ສາເສຫິ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊຕີຕິ? ອາມນ຺ຕາ.

໖໘. (ກ) ຍສ຺ສ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ວິນາ ວິຕກ຺ກວິຈາເຣຫິ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ອວິຕກ຺ກອວິຈາຣປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊຕີຕິ?

ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊຕິ. ສວິຕກ຺ກສວິຈາຣປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ອວິຕກ຺ກອວິຈາຣປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ນຸປ຺ປຊ຺ຊຕິ.