(໖) ອຕີຕານາຄຕວາໂຣ

(ກ) ອນຸໂລມປຸຄ຺ຄໂລ

໖໙. (ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ເຕສໍ ກາຍສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ກາຍສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…. ອາມນ຺ຕາ.

໗໐. (ກ) ຍສ຺ສ ວຈີສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ວຈີສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ຂ) ອນຸໂລມໂອກາໂສ

໗໑. ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ…ເປ….

(ຄ) ອນຸໂລມປຸຄ຺ຄໂລກາສາ

໗໒. (ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ກາມາວຈເຣ ປຈ຺ຉິມຈິຕ຺ຕສມງ຺ຄີນໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ສມາປນ຺ນານໍ ອິຕເຣສໍ ກາມາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖາຕິ?

ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ກາມາວຈເຣ ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອິຕເຣສໍ ກາມາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖາຕິ?

ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ.

໗໓. (ກ) ຍສ຺ສ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ?

ສວິຕກ຺ກສວິຈາຣຠູມິຍໍ ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ສວິຕກ຺ກສວິຈາຣຠູມິຍໍ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖາຕິ?

ອວິຕກ຺ກອວິຈາຣຠູມິຍໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ. ສວິຕກ຺ກສວິຈາຣຠູມິຍໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ.

(ຆ) ປຈ຺ຈນີກປຸຄ຺ຄໂລ

໗໔. (ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ? ນຕ຺ຖິ.

(ຂ) ຍສ຺ສ ວາ ປນ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ? ນຕ຺ຖິ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

໗໕. (ກ) ຍສ຺ສ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ? ນຕ຺ຖິ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ນຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ງ) ປຈ຺ຈນີກໂອກາໂສ

໗໖. ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ…ເປ….

(ຈ) ປຈ຺ຈນີກປຸຄ຺ຄໂລກາສາ

໗໗. (ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ. ຣູປາວຈເຣ ອຣູປາວຈເຣ ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ?

ກາມາວຈເຣ ປຈ຺ຉິມຈິຕ຺ຕສມງ຺ຄີນໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ. ຣູປາວຈເຣ ອຣູປາວຈເຣ ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ຣູປາວຈເຣ ອຣູປາວຈເຣ ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ?

ກາມາວຈເຣ ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ. ຣູປາວຈເຣ ອຣູປາວຈເຣ ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ.

໗໘. (ກ) ຍສ຺ສ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ອວິຕກ຺ກອວິຈາຣຠູມິຍໍ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ອວິຕກ຺ກອວິຈາຣຠູມິຍໍ ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖາຕິ?

ສວິຕກ຺ກສວິຈາຣຠູມິຍໍ ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ. ອວິຕກ຺ກອວິຈາຣຠູມິຍໍ ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ນຸປ຺ປຊ຺ຊິຕ຺ຖ.

ອຸປ຺ປາທວາໂຣ.