(໓) ອນາຄຕວາໂຣ

(ກ) ອນຸໂລມປຸຄ຺ຄໂລ

໓໙. (ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈເຣ ອຣູປາວຈເຣ ປຈ຺ຉິມຠວິການໍ ເຍ ຈ ຣູປາວຈຣໍ ອຣູປາວຈຣໍ ອຸປປຊ຺ຊິຕ຺ວາ ປຣິນິພ຺ພາຍິສ຺ສນ຺ຕິ ເຕສໍ ຈວນ຺ຕານໍ ເຕສໍ ວຈີສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ກາຍສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ກາຍສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈເຣ ອຣູປາວຈເຣ ປຈ຺ຉິມຠວິການໍ ເຍ ຈ ຣູປາວຈຣໍ ອຣູປາວຈຣໍ ອຸປປຊ຺ຊິຕ຺ວາ ປຣິນິພ຺ພາຍິສ຺ສນ຺ຕິ ເຕສໍ ຈວນ຺ຕານໍ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ກາຍສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິສ຺ສຕິ.

໔໐. (ກ) ຍສ຺ສ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ເຕສໍ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ອນຸໂລມໂອກາໂສ

໔໑. ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ…ເປ….

(ຄ) ອນຸໂລມປຸຄ຺ຄໂລກາສາ

໔໒. (ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ສມາປນ຺ນານໍ ອິຕເຣສໍ ກາມາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ອິຕເຣສໍ ກາມາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ອຸປ຺ປຊ຺ຊິສ຺ສຕິ.

໔໓. (ກ) ຍສ຺ສ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ທຸຕິຍຊ຺ຌານໍ ຕຕິຍຊ຺ຌານໍ ຈຕຸຕ຺ຖຊ຺ຌານໍ ສມາປນ຺ນານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິສ຺ສຕິ. ປຐມຊ຺ຌານໍ ສມາປນ຺ນານໍ ກາມາວຈຣານໍ ອິຕເຣສໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ອຸປ຺ປຊ຺ຊິສ຺ສຕິ.

(ຆ) ປຈ຺ຈນີກປຸຄ຺ຄໂລ

໔໔. (ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈເຣ ອຣູປາວຈເຣ ປຈ຺ຉິມຠວິການໍ ເຍ ຈ ຣູປາວຈຣໍ ອຣູປາວຈຣໍ ອຸປປຊ຺ຊິຕ຺ວາ ປຣິນິພ຺ພາຍິສ຺ສນ຺ຕິ ເຕສໍ ຈວນ຺ຕານໍ ເຕສໍ ກາຍສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ວຈີສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ເຕສໍ ກາຍສງ຺ຂາໂຣ ຈ ນຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈເຣ ອຣູປາວຈເຣ ປຈ຺ຉິມຠວິການໍ ເຍ ຈ ຣູປາວຈຣໍ ອຣູປາວຈຣໍ ອຸປປຊ຺ຊິຕ຺ວາ ປຣິນິພ຺ພາຍິສ຺ສນ຺ຕິ ເຕສໍ ຈວນ຺ຕານໍ ເຕສໍ ກາຍສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ກາຍສງ຺ຂາໂຣ ຈ ນຸປ຺ປຊ຺ຊິສ຺ສຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຈິຕ຺ຕສງ຺ຂາໂຣ…ເປ…? ອາມນ຺ຕາ.

໔໕. (ກ) ຍສ຺ສ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ເຕສໍ ວຈີສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ງ) ປຈ຺ຈນີກໂອກາໂສ

໔໖. ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ…ເປ….

(ຈ) ປຈ຺ຈນີກປຸຄ຺ຄໂລກາສາ

໔໗. (ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິສ຺ສຕິ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕີຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ ກາຍສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ກາມາວຈຣານໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິສ຺ສຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ…ເປ…? ອາມນ຺ຕາ.

໔໘. (ກ) ຍສ຺ສ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອວິຕກ຺ກອວິຈາຣໍ ປຈ຺ຉິມຈິຕ຺ຕໍ ອຸປ຺ປຊ຺ຊິສ຺ສຕິ ທຸຕິຍຊ຺ຌານໍ ຕຕິຍຊ຺ຌານໍ ຈຕຸຕ຺ຖຊ຺ຌານໍ ສມາປນ຺ນານໍ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິສ຺ສຕິ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ…ເປ…? ອາມນ຺ຕາ.