(໒) ອຕີຕວາໂຣ

(ກ) ອນຸໂລມປຸຄ຺ຄໂລ

໒໙. (ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ວຈີສງ຺ຂາໂຣ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ກ) ຍສ຺ສ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ…ເປ…? ອາມນ຺ຕາ.

໓໐. (ກ) ຍສ຺ສ ວຈີສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ຂ) ອນຸໂລມໂອກາໂສ

໓໑. ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ…ເປ…

(ຍຕ຺ຖກມ຺ປິ ສພ຺ພຕ຺ຖ ເອກສທິສໍ).

(ຄ) ອນຸໂລມປຸຄ຺ຄໂລກາສາ

໓໒. (ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖາຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖາຕິ?

ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖາຕິ?

ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ກາມາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິຕ຺ຖ ກາຍສງ຺ຂາໂຣ ຈ ອຸປ຺ປຊ຺ຊິຕ຺ຖ.

໓໓. (ກ) ຍສ຺ສ ຍຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖາຕິ?

ທຸຕິຍຊ຺ຌານໍ ຕຕິຍຊ຺ຌານໍ ຈຕຸຕ຺ຖຊ຺ຌານໍ ສມາປນ຺ນານໍ ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ເຕສໍ ຕຕ຺ຖ ຈິຕ຺ຕສງ຺ຂາໂຣ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ອຸປ຺ປຊ຺ຊິຕ຺ຖ. ປຐມຊ຺ຌານໍ ສມາປນ຺ນານໍ ກາມາວຈຣານໍ ອິຕເຣສໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ຈິຕ຺ຕສງ຺ຂາໂຣ ຈ ອຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ອຸປ຺ປຊ຺ຊິຕ຺ຖ.

(ຆ) ປຈ຺ຈນີກປຸຄ຺ຄໂລ

໓໔. (ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ວຈີສງ຺ຂາໂຣ ນຸປ຺ປຊ຺ຊິຕ຺ຖາຕິ? ນຕ຺ຖິ.

(ຂ) ຍສ຺ສ ວາ ປນ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ? ນຕ຺ຖິ.

(ກ) ຍສ຺ສ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖາຕິ? ນຕ຺ຖິ.

(ຂ) ຍສ຺ສ ວາ ປນ…ເປ…? ນຕ຺ຖິ.

໓໕. (ກ) ຍສ຺ສ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖາຕິ? ນຕ຺ຖິ.

(ຂ) ຍສ຺ສ ວາ ປນ…ເປ…? ນຕ຺ຖິ.

(ງ) ປຈ຺ຈນີກໂອກາໂສ

໓໖. ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ…ເປ….

(ຈ) ປຈ຺ຈນີກປຸຄ຺ຄໂລກາສາ

໓໗. (ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖາຕິ?

ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ. ຈຕຸຕ຺ຖຊ຺ຌານໍ ສມາປນ຺ນານໍ ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖາຕິ?

ທຸຕິຍຊ຺ຌານໍ ຕຕິຍຊ຺ຌານໍ ສມາປນ຺ນານໍ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ. ຈຕຸຕ຺ຖຊ຺ຌານໍ ສມາປນ຺ນານໍ ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ.

(ກ) ຍສ຺ສ ຍຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖາຕິ?

ຈຕຸຕ຺ຖຊ຺ຌານໍ ສມາປນ຺ນານໍ ຣູປາວຈຣານໍ ອຣູປາວຈຣານໍ ເຕສໍ ຕຕ຺ຖ ກາຍສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ກາຍສງ຺ຂາໂຣ ຈ ນຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ…ເປ…? ອາມນ຺ຕາ.

໓໘. (ກ) ຍສ຺ສ ຍຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖາຕິ?

ທຸຕິຍຊ຺ຌານໍ ຕຕິຍຊ຺ຌານໍ ຈຕຸຕ຺ຖຊ຺ຌານໍ ສມາປນ຺ນານໍ ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ເຕສໍ ຕຕ຺ຖ ວຈີສງ຺ຂາໂຣ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ຈິຕ຺ຕສງ຺ຂາໂຣ ນຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ວຈີສງ຺ຂາໂຣ ຈ ນຸປ຺ປຊ຺ຊິຕ຺ຖ ຈິຕ຺ຕສງ຺ຂາໂຣ ຈ ນຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຍຕ຺ຖ…ເປ…? ອາມນ຺ຕາ.