(໒) ອຕີຕວາໂຣ
(ກ) ອນຸໂລມປຸຄ຺ຄໂລ
໓໘. (ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ສມຸທຍສຈ຺ຈໍ ອຸປ຺ປຊ຺ຊິຕ຺ຖາຕິ? ອາມນ຺ຕາ.
(ຂ) ຍສ຺ສ ວາ ປນ ສມຸທຍສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖາຕິ? ອາມນ຺ຕາ.
(ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖາຕິ?
ອນຠິສເມຕາວີນໍ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖ. ອຠິສເມຕາວີນໍ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊິຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິຕ຺ຖ.
(ຂ) ຍສ຺ສ ວາ ປນ…ເປ… ອຸປ຺ປຊ຺ຊິຕ຺ຖາຕິ? ອາມນ຺ຕາ.
໓໙. (ກ) ຍສ຺ສ ສມຸທຍສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖາຕິ?
ອນຠິສເມຕາວີນໍ ເຕສໍ ສມຸທຍສຈ຺ຈໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖ. ອຠິສເມຕາວີນໍ ເຕສໍ ສມຸທຍສຈ຺ຈຎ຺ຈ ອຸປ຺ປຊ຺ຊິຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິຕ຺ຖ.
(ຂ) ຍສ຺ສ ວາ ປນ…ເປ… ອຸປ຺ປຊ຺ຊິຕ຺ຖາຕິ? ອາມນ຺ຕາ.
(ຂ) ອນຸໂລມໂອກາໂສ
໔໐. ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ…ເປ….
(ຍຕ຺ຖກມ຺ປິ ສພ຺ພຕ຺ຖ ສທິສໍ. ຕນ຺ຕິນານາກຣຓໍ ເຫຏ຺ຐາ ຍຕ຺ຖກສທິສໍ).
(ຄ) ອນຸໂລມປຸຄ຺ຄໂລກາສາ
໔໑. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິຕ຺ຖ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊິຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊິຕ຺ຖ.
(ຂ) ຍສ຺ສ ວາ ປນ ຍຕ຺ຖ…ເປ… ອຸປ຺ປຊ຺ຊິຕ຺ຖາຕິ? ອາມນ຺ຕາ.
(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອນຠິສເມຕາວີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖ. ອຠິສເມຕາວີນໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊິຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິຕ຺ຖ.
(ຂ) ຍສ຺ສ ວາ ປນ ຍຕ຺ຖ…ເປ… ອຸປ຺ປຊ຺ຊິຕ຺ຖາຕິ? ອາມນ຺ຕາ.
໔໒. (ກ) ຍສ຺ສ ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊິຕ຺ຖ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ອກຸສເລ ຈິຕ຺ເຕ ວຕ຺ຕມາເນ ອນຠິສເມຕາວີນໍ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິຕ຺ຖ. ອຠິສເມຕາວີນໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊິຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິຕ຺ຖ.
(ຂ) ຍສ຺ສ ວາ ປນ ຍຕ຺ຖ…ເປ… ອຸປ຺ປຊ຺ຊິຕ຺ຖາຕິ? ອາມນ຺ຕາ.
(ຆ) ປຈ຺ຈນີກປຸຄ຺ຄໂລ
໔໓. (ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ສມຸທຍສຈ຺ຈໍ ນຸປ຺ປຊ຺ຊິຕ຺ຖາຕິ? ນຕ຺ຖິ.
(ຂ) ຍສ຺ສ ວາ ປນ…ເປ… ນຸປ຺ປຊ຺ຊິຕ຺ຖາຕິ? ນຕ຺ຖິ.
(ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖາຕິ? ນຕ຺ຖິ.
(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.
໔໔. (ກ) ຍສ຺ສ ສມຸທຍສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖາຕິ? ນຕ຺ຖິ.
(ຂ) ຍສ຺ສ ວາ ປນ…ເປ… ນຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.
(ງ) ປຈ຺ຈນີກໂອກາໂສ
໔໕. ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ…ເປ….
(ຈ) ປຈ຺ຈນີກປຸຄ຺ຄໂລກາສາ
໔໖. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖາຕິ? ອາມນ຺ຕາ.
(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊິຕ຺ຖ ທຸກ຺ຂສຈ຺ຈຎ຺ຈ ນຸປ຺ປຊ຺ຊິຕ຺ຖ.
(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖາຕິ? ອາມນ຺ຕາ.
(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອນຠິສເມຕາວີນໍ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິຕ຺ຖ. ສຸທ຺ຘາວາສໍ ອຸປປຊ຺ຊນ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິຕ຺ຖ ທຸກ຺ຂສຈ຺ຈຎ຺ຈ ນຸປ຺ປຊ຺ຊິຕ຺ຖ.
໔໗. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖາຕິ? ອາມນ຺ຕາ.
(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖາຕິ?
ສຸທ຺ຘາວາສານໍ ທຸຕິເຍ ອກຸສເລ ຈິຕ຺ເຕ ວຕ຺ຕມາເນ ອນຠິສເມຕາວີນໍ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິຕ຺ຖ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິຕ຺ຖ. ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊິຕ຺ຖ.