(໓) ອນາຄຕວາໂຣ

(ກ) ອນຸໂລມປຸຄ຺ຄໂລ

໔໘. (ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ…? ອາມນ຺ຕາ.

(ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ…ເປ… ອຸປ຺ປຊ຺ຊິສ຺ສຕີຕິ? ອາມນ຺ຕາ.

໔໙. (ກ) ຍສ຺ສ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ອນຸໂລມໂອກາໂສ

໕໐. ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ…ເປ….

(ຄ) ອນຸໂລມປຸຄ຺ຄໂລກາສາ

໕໑. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ອສຎ຺ຎສຕ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ອິຕເຣສໍ ຈຕຸໂວກາຣານໍ ປຎ຺ຈໂວກາຣານໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ…ເປ… ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ອາປາຍິການໍ ອສຎ຺ຎສຕ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ, ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊິສ຺ສຕີຕິ? ອາມນ຺ຕາ.

໕໒. (ກ) ຍສ຺ສ ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຆ) ປຈ຺ຈນີກປຸຄ຺ຄໂລ

໕໓. (ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊິສ຺ສຕິ.

໕໔. (ກ) ຍສ຺ສ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ງ) ປຈ຺ຈນີກໂອກາໂສ

໕໕. ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ…ເປ….

(ຈ) ປຈ຺ຈນີກປຸຄ຺ຄໂລກາສາ

໕໖. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ອາປາຍິການໍ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສມງ຺ຄີນໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊິສ຺ສຕິ.

໕໗. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ?

ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ.