(໑) ປຈ຺ຈຸປ຺ປນ຺ນວາໂຣ

(ກ) ອນຸໂລມປຸຄ຺ຄໂລ

໒໗. (ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ຕຓ຺ຫາວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ສມຸທຍສຈ຺ຈໍ ອຸປ຺ປຊ຺ຊຕິ. ຕຓ຺ຫາຍ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ສມຸທຍສຈ຺ຈຎ຺ຈ ອຸປ຺ປຊ຺ຊຕິ.

(ຂ) ຍສ຺ສ ວາ ປນ ສມຸທຍສຈ຺ຈໍ ອຸປ຺ປຊ຺ຊຕິ ຕສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕີຕິ? ອາມນ຺ຕາ.

(ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ມຄ຺ຄວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊຕິ. ປຎ຺ຈໂວກາເຣ ມຄ຺ຄສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ອຸປ຺ປຊ຺ຊຕິ ຕສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕີຕິ?

ອຣູເປ ມຄ຺ຄສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ. ປຎ຺ຈໂວກາເຣ ມຄ຺ຄສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ອຸປ຺ປຊ຺ຊຕິ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ.

໒໘. (ກ) ຍສ຺ສ ສມຸທຍສຈ຺ຈໍ ອຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊຕີຕິ? ໂນ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ອຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊຕີຕິ? ໂນ.

(ຂ) ອນຸໂລມໂອກາໂສ

໒໙. (ກ) ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕີຕິ?

ອສຎ຺ຎສຕ຺ເຕ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ. ຈຕຸໂວກາເຣ ປຎ຺ຈໂວກາເຣ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ສມຸທຍສຈ຺ຈຎ຺ຈ ອຸປ຺ປຊ຺ຊຕິ.

(ຂ) ຍຕ຺ຖ ວາ ປນ…ເປ…? ອາມນ຺ຕາ.

(ກ) ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊຕີຕິ?

ອປາເຍ ອສຎ຺ຎສຕ຺ເຕ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊຕິ. ອວເສເສ ຈຕຸໂວກາເຣ ປຎ຺ຈໂວກາເຣ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊຕິ.

(ຂ) ຍຕ຺ຖ ວາ ປນ ມຄ຺ຄສຈ຺ຈໍ ອຸປ຺ປຊ຺ຊຕິ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕີຕິ? ອາມນ຺ຕາ.

໓໐. (ກ) ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊຕີຕິ?

ອປາເຍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ, ໂນ ຈ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊຕິ. ອວເສເສ ຈຕຸໂວກາເຣ ປຎ຺ຈໂວກາເຣ ຕຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊຕິ.

(ຂ) ຍຕ຺ຖ ວາ ປນ…ເປ…? ອາມນ຺ຕາ.

(ຄ) ອນຸໂລມປຸຄ຺ຄໂລກາສາ

໓໑. ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕີຕິ?…ເປ….

(ຍສ຺ສກມ຺ປິ ຍສ຺ສຍຕ຺ຖກມ຺ປິ ສທິສໍ ວິຕ຺ຖາເຣຕພ຺ພໍ).

(ຆ) ປຈ຺ຈນີກປຸຄ຺ຄໂລ

໓໒. (ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊຕີຕິ? ອາມນ຺ຕາ.

(ຂ) ຍສ຺ສ ວາ ປນ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ຕຓ຺ຫາວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

(ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊຕີຕິ?

ອຣູເປ ມຄ຺ຄສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ຜລສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ມຄ຺ຄວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ຜລສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

໓໓. (ກ) ຍສ຺ສ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊຕີຕິ?

ມຄ຺ຄສ຺ສ ອຸປ຺ປາທກ຺ຂເຓ ເຕສໍ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕມຄ຺ຄວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊຕີຕິ?

ຕຓ຺ຫາຍ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ສມຸທຍສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ມຄ຺ຄວິປ຺ປຍຸຕ຺ຕຕຓ຺ຫາວິປ຺ປຍຸຕ຺ຕຈິຕ຺ຕສ຺ສ [ຕຓ຺ຫາວິປ຺ປຍຸຕ຺ຕມຄ຺ຄວິປ຺ປຍຸຕ຺ຕຈິຕ຺ຕສ຺ສ (ສີ.) ເອວໍ ປຸຄ຺ຄໂລກາເສປິ ນິໂຣຘວາເຣປິ] ອຸປ຺ປາທກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ ສມຸທຍສຈ຺ຈຎ຺ຈ ນຸປ຺ປຊ຺ຊຕິ.

(ງ) ປຈ຺ຈນີກໂອກາໂສ

໓໔. (ກ) ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕີຕິ? ນຕ຺ຖິ.

(ຂ) ຍຕ຺ຖ ວາ ປນ ສມຸທຍສຈ຺ຈໍ ນຸປ຺ປຊ຺ຊຕິ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ? ອຸປ຺ປຊ຺ຊຕິ.

(ກ) ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕີຕິ? ນຕ຺ຖິ.

(ຂ) ຍຕ຺ຖ ວາ ປນ ມຄ຺ຄສຈ຺ຈໍ ນຸປ຺ປຊ຺ຊຕິ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ? ອຸປ຺ປຊ຺ຊຕິ.

໓໕. (ກ) ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ມຄ຺ຄສຈ຺ຈໍ ນຸປ຺ປຊ຺ຊຕິ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕີຕິ?

ອປາເຍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ, ໂນ ຈ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ. ອສຎ຺ຎສຕ຺ເຕ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ ສມຸທຍສຈ຺ຈຎ຺ຈ ນຸປ຺ປຊ຺ຊຕິ.

(ຈ) ປຈ຺ຈນີກປຸຄ຺ຄໂລກາສາ

໓໖. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕີຕິ? ອາມນ຺ຕາ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ຕຓ຺ຫາວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕີຕິ?

ອຣູເປ ມຄ຺ຄສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ຜລສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ມຄ຺ຄວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ຜລສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

໓໗. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕີຕິ?

ມຄ຺ຄສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕມຄ຺ຄວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕີຕິ?

ຕຓ຺ຫາຍ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ. ສພ຺ເພສໍ ຈິຕ຺ຕສ຺ສ ຠງ຺ຄກ຺ຂເຓ ມຄ຺ຄວິປ຺ປຍຸຕ຺ຕຕຓ຺ຫາວິປ຺ປຍຸຕ຺ຕຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊຕິ ສມຸທຍສຈ຺ຈຎ຺ຈ ນຸປ຺ປຊ຺ຊຕິ.