໑໑. ອພ຺ຍາກຕນິທ຺ເທໂສ

໓໐໖. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ຈກ຺ຂຸວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຣູປາຣມ຺ມຓໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໐໗. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາຈກ຺ຂຸວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’.

ຕຕ຺ຖ ກຕມໍ ວິຎ຺ຎາຓປຈ຺ຈຍາ ນາມໍ? ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ – ອິທໍ ວຸຈ຺ຈຕິ ‘‘ວິຎ຺ຎາຓປຈ຺ຈຍາ ນາມໍ’’.

ຕຕ຺ຖ ກຕມໍ ນາມປຈ຺ຈຍາ ຉຏ຺ຐາຍຕນໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາຈກ຺ຂຸວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ນາມປຈ຺ຈຍາ ຉຏ຺ຐາຍຕນໍ’’.

ຕຕ຺ຖ ກຕໂມ ຉຏ຺ຐາຍຕນປຈ຺ຈຍາ ຜສ຺ໂສ? ໂຍ ຜສ຺ໂສ ຜຸສນາ ສມ຺ຜຸສນາ ສມ຺ຜຸສິຕຕ຺ຕໍ – ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ເຈຕສິກໍ ເນວ ສາຕໍ ນາສາຕໍ ເຈໂຕສມ຺ຜສ຺ສຊໍ ອທຸກ຺ຂມສຸຂໍ ເວທຍິຕໍ ເຈໂຕສມ຺ຜສ຺ສຊາ ອທຸກ຺ຂມສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ຠໂວ? ຐເປຕ຺ວາ ເວທນໍ, ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໐໘. ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ ສງ຺ຂາຣເຫຕຸກໍ, ວິຎ຺ຎາຓປຈ຺ຈຍາ ນາມໍ ວິຎ຺ຎາຓເຫຕຸກໍ, ນາມປຈ຺ຈຍາ ຉຏ຺ຐາຍຕນໍ ນາມເຫຕຸກໍ, ຉຏ຺ຐາຍຕນປຈ຺ຈຍາ ຜສ຺ໂສ ຉຏ຺ຐາຍຕນເຫຕຸໂກ, ຜສ຺ສປຈ຺ຈຍາ ເວທນາ ຜສ຺ສເຫຕຸກາ, ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໐໙. ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ ສງ຺ຂາຣສມ຺ປຍຸຕ຺ຕໍ, ວິຎ຺ຎາຓປຈ຺ຈຍາ ນາມໍ ວິຎ຺ຎາຓສມ຺ປຍຸຕ຺ຕໍ, ນາມປຈ຺ຈຍາ ຉຏ຺ຐາຍຕນໍ ນາມສມ຺ປຍຸຕ຺ຕໍ, ຉຏ຺ຐາຍຕນປຈ຺ຈຍາ ຜສ຺ໂສ ຉຏ຺ຐາຍຕນສມ຺ປຍຸຕ຺ໂຕ, ຜສ຺ສປຈ຺ຈຍາ ເວທນາ ຜສ຺ສສມ຺ປຍຸຕ຺ຕາ, ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໐. ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາປິ ສງ຺ຂາໂຣ; ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາປິ ວິຎ຺ຎາຓໍ; ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາປິ ນາມໍ; ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາປິ ຉຏ຺ຐາຍຕນໍ; ຜສ຺ສປຈ຺ຈຍາ ເວທນາ, ເວທນາປຈ຺ຈຍາປິ ຜສ຺ໂສ; ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໑. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ໂສຕວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ສທ຺ທາຣມ຺ມຓໍ…ເປ… ຆານວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຄນ຺ຘາຣມ຺ມຓໍ…ເປ… ຊິວ຺ຫາວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຣສາຣມ຺ມຓໍ…ເປ… ກາຍວິຎ຺ຎາຓໍ ອຸປ຺ປນ຺ນໍ ໂຫຕິ ສຸຂສຫຄຕໍ ໂຜຏ຺ຐພ຺ພາຣມ຺ມຓໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໒. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ກາຍິກໍ ສາຕໍ ກາຍິກໍ ສຸຂໍ ກາຍສມ຺ຜສ຺ສຊໍ ສາຕໍ ສຸຂໍ ເວທຍິຕໍ ກາຍສມ຺ຜສ຺ສຊາ ສາຕາ ສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ຠໂວ? ຐເປຕ຺ວາ ເວທນໍ, ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໑໓. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນຘາຕຸ ອຸປ຺ປນ຺ນາ ໂຫຕິ ອຸເປກ຺ຂາສຫຄຕາ ຣູປາຣມ຺ມຓາ ວາ ສທ຺ທາຣມ຺ມຓາ ວາ ຄນ຺ຘາຣມ຺ມຓາ ວາ ຣສາຣມ຺ມຓາ ວາ ໂຜຏ຺ຐພ຺ພາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໔. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ເຈຕສິກໍ ເນວ ສາຕໍ ນາສາຕໍ ເຈໂຕສມ຺ຜສ຺ສຊໍ ອທຸກ຺ຂມສຸຂໍ ເວທຍິຕໍ ເຈໂຕສມ຺ຜສ຺ສຊາ ອທຸກ຺ຂມສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ອຘິໂມກ຺ໂຂ? ໂຍ ຈິຕ຺ຕສ຺ສ ອຘິໂມກ຺ໂຂ ອຘິມຸຈ຺ຈນາ ຕທຘິມຸຕ຺ຕຕາ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ອຘິໂມກ຺ໂຂ’’.

ຕຕ຺ຖ ກຕໂມ ອຘິໂມກ຺ຂປຈ຺ຈຍາ ຠໂວ? ຐເປຕ຺ວາ ອຘິໂມກ຺ຂໍ, ເວທນາກ຺ຂນ຺ໂຘ ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ອຘິໂມກ຺ຂປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໑໕. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ໂສມນສ຺ສສຫຄຕາ ຣູປາຣມ຺ມຓາ ວາ ສທ຺ທາຣມ຺ມຓາ ວາ ຄນ຺ຘາຣມ຺ມຓາ ວາ ຣສາຣມ຺ມຓາ ວາ ໂຜຏ຺ຐພ຺ພາຣມ຺ມຓາ ວາ ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໖. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ເຈຕສິກໍ ສາຕໍ ເຈຕສິກໍ ສຸຂໍ ເຈໂຕສມ຺ຜສ຺ສຊໍ ສາຕໍ ສຸຂໍ ເວທຍິຕໍ ເຈໂຕສມ຺ຜສ຺ສຊາ ສາຕາ ສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ອຘິໂມກ຺ໂຂ? ໂຍ ຈິຕ຺ຕສ຺ສ ອຘິໂມກ຺ໂຂ ອຘິມຸຈ຺ຈນາ ຕທຘິມຸຕ຺ຕຕາ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ອຘິໂມກ຺ໂຂ’’.

ຕຕ຺ຖ ກຕໂມ ອຘິໂມກ຺ຂປຈ຺ຈຍາ ຠໂວ? ຐເປຕ຺ວາ ອຘິໂມກ຺ຂໍ, ເວທນາກ຺ຂນ຺ໂຘ ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ອຘິໂມກ຺ຂປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໑໗. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ອຸເປກ຺ຂາສຫຄຕາ ຣູປາຣມ຺ມຓາ ວາ ສທ຺ທາຣມ຺ມຓາ ວາ ຄນ຺ຘາຣມ຺ມຓາ ວາ ຣສາຣມ຺ມຓາ ວາ ໂຜຏ຺ຐພ຺ພາຣມ຺ມຓາ ວາ ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໑໘. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ເຈຕສິກໍ ເນວ ສາຕໍ ນາສາຕໍ ເຈໂຕສມ຺ຜສ຺ສຊໍ ອທຸກ຺ຂມສຸຂໍ ເວທຍິຕໍ ເຈໂຕສມ຺ຜສ຺ສຊາ ອທຸກ຺ຂມສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ອຘິໂມກ຺ໂຂ? ໂຍ ຈິຕ຺ຕສ຺ສ ອຘິໂມກ຺ໂຂ ອຘິມຸຈ຺ຈນາ ຕທຘິມຸຕ຺ຕຕາ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ອຘິໂມກ຺ໂຂ’’.

ຕຕ຺ຖ ກຕໂມ ອຘິໂມກ຺ຂປຈ຺ຈຍາ ຠໂວ? ຐເປຕ຺ວາ ອຘິໂມກ຺ຂໍ, ເວທນາກ຺ຂນ຺ໂຘ ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ອຘິໂມກ຺ຂປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໑໙. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ກາມາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ໂສມນສ຺ສສຫຄຕາ ຎາຓສມ຺ປຍຸຕ຺ຕາ…ເປ… ໂສມນສ຺ສສຫຄຕາ ຎາຓສມ຺ປຍຸຕ຺ຕາ ສສງ຺ຂາເຣນ…ເປ… ໂສມນສ຺ສສຫຄຕາ ຎາຓວິປ຺ປຍຸຕ຺ຕາ…ເປ… ໂສມນສ຺ສສຫຄຕາ ຎາຓວິປ຺ປຍຸຕ຺ຕາ ສສງ຺ຂາເຣນ…ເປ… ອຸເປກ຺ຂາສຫຄຕາ ຎາຓສມ຺ປຍຸຕ຺ຕາ…ເປ… ອຸເປກ຺ຂາສຫຄຕາ ຎາຓສມ຺ປຍຸຕ຺ຕາ ສສງ຺ຂາເຣນ…ເປ… ອຸເປກ຺ຂາສຫຄຕາ ຎາຓວິປ຺ປຍຸຕ຺ຕາ…ເປ… ອຸເປກ຺ຂາສຫຄຕາ ຎາຓວິປ຺ປຍຸຕ຺ຕາ ສສງ຺ຂາເຣນ ຣູປາຣມ຺ມຓາ ວາ…ເປ… ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໐. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ປສາໂທ? ຍາ ສທ຺ຘາ ສທ຺ທຫນາ ໂອກປ຺ປນາ ອຠິປ຺ປສາໂທ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ປສາໂທ’’.

ຕຕ຺ຖ ກຕໂມ ປສາທປຈ຺ຈຍາ ອຘິໂມກ຺ໂຂ? ໂຍ ຈິຕ຺ຕສ຺ສ ອຘິໂມກ຺ໂຂ ອຘິມຸຈ຺ຈນາ ຕທຘິມຸຕ຺ຕຕາ – ອຍໍ ວຸຈ຺ຈຕິ ‘‘ປສາທປຈ຺ຈຍາ ອຘິໂມກ຺ໂຂ’’.

ຕຕ຺ຖ ກຕໂມ ອຘິໂມກ຺ຂປຈ຺ຈຍາ ຠໂວ? ຐເປຕ຺ວາ ອຘິໂມກ຺ຂໍ, ເວທນາກ຺ຂນ຺ໂຘ ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ອຘິໂມກ຺ຂປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໒໑. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ – ອິເມ ຘມ຺ມາ ກຸສລາ.

ຕສ຺ເສວ ຣູປາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໒. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ອຣູປູປປຕ຺ຕິຍາ ມຄ຺ຄໍ ຠາເວຕິ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ – ອິເມ ຘມ຺ມາ ກຸສລາ.

ຕສ຺ເສວ ອຣູປາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໓. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ – ອິເມ ຘມ຺ມາ ກຸສລາ.

ຕສ຺ເສວ ໂລກຸຕ຺ຕຣສ຺ສ ກຸສລສ຺ສ ຌານສ຺ສ ກຕຕ຺ຕາ ຠາວິຕຕ຺ຕາ ວິປາກໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມເຕສໍ ຘມ຺ມານໍ ສມຸທໂຍ ໂຫຕິ.

໓໒໔. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ອກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ຈກ຺ຂຸວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຣູປາຣມ຺ມຓໍ…ເປ… ໂສຕວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ສທ຺ທາຣມ຺ມຓໍ…ເປ… ຆານວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຄນ຺ຘາຣມ຺ມຓໍ…ເປ… ຊິວ຺ຫາວິຎ຺ຎາຓໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຣສາຣມ຺ມຓໍ…ເປ… ກາຍວິຎ຺ຎາຓໍ ອຸປ຺ປນ຺ນໍ ໂຫຕິ ທຸກ຺ຂສຫຄຕໍ ໂຜຏ຺ຐພ຺ພາຣມ຺ມຓໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໕. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາກາຍວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ກາຍິກໍ ອສາຕໍ ກາຍິກໍ ທຸກ຺ຂໍ ກາຍສມ຺ຜສ຺ສຊໍ ອສາຕໍ ທຸກ຺ຂໍ ເວທຍິຕໍ ກາຍສມ຺ຜສ຺ສຊາ ອສາຕາ ທຸກ຺ຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ຠໂວ? ຐເປຕ຺ວາ ເວທນໍ, ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໒໖. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ອກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນຘາຕຸ ອຸປ຺ປນ຺ນາ ໂຫຕິ ອຸເປກ຺ຂາສຫຄຕາ ຣູປາຣມ຺ມຓາ ວາ ສທ຺ທາຣມ຺ມຓາ ວາ ຄນ຺ຘາຣມ຺ມຓາ ວາ ຣສາຣມ຺ມຓາ ວາ ໂຜຏ຺ຐພ຺ພາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໗. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ສງ຺ຂາໂຣ.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ອຍໍ ວຸຈ຺ຈຕິ ‘‘ຉຏ຺ຐາຍຕນປຈ຺ຈຍາ ຜສ຺ໂສ’’.

ຕຕ຺ຖ ກຕມາ ຜສ຺ສປຈ຺ຈຍາ ເວທນາ? ຍໍ ເຈຕສິກໍ ເນວ ສາຕໍ ນາສາຕໍ ເຈໂຕສມ຺ຜສ຺ສຊໍ ອທຸກ຺ຂມສຸຂໍ ເວທຍິຕໍ ເຈໂຕສມ຺ຜສ຺ສຊາ ອທຸກ຺ຂມສຸຂາ ເວທນາ – ອຍໍ ວຸຈ຺ຈຕິ ‘‘ຜສ຺ສປຈ຺ຈຍາ ເວທນາ’’.

ຕຕ຺ຖ ກຕໂມ ເວທນາປຈ຺ຈຍາ ອຘິໂມກ຺ໂຂ? ໂຍ ຈິຕ຺ຕສ຺ສ ອຘິໂມກ຺ໂຂ ອຘິມຸຈ຺ຈນາ ຕທຘິມຸຕ຺ຕຕາ – ອຍໍ ວຸຈ຺ຈຕິ ‘‘ເວທນາປຈ຺ຈຍາ ອຘິໂມກ຺ໂຂ’’.

ຕຕ຺ຖ ກຕໂມ ອຘິໂມກ຺ຂປຈ຺ຈຍາ ຠໂວ? ຐເປຕ຺ວາ ອຘິໂມກ຺ຂໍ, ເວທນາກ຺ຂນ຺ໂຘ ສຎ຺ຎາກ຺ຂນ຺ໂຘ ສງ຺ຂາຣກ຺ຂນ຺ໂຘ ວິຎ຺ຎາຓກ຺ຂນ຺ໂຘ – ອຍໍ ວຸຈ຺ຈຕິ ‘‘ອຘິໂມກ຺ຂປຈ຺ຈຍາ ຠໂວ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໒໘. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ອກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກາ ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ອຸເປກ຺ຂາສຫຄຕາ ຣູປາຣມ຺ມຓາ ວາ…ເປ… ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໒໙. ຕຕ຺ຖ ກຕໂມ ສງ຺ຂາໂຣ? ຍາ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອຍໍ ວຸຈ຺ຈຕິ ‘‘ສງ຺ຂາໂຣ’’.

ຕຕ຺ຖ ກຕມໍ ສງ຺ຂາຣປຈ຺ຈຍາ ວິຎ຺ຎາຓໍ? ຍໍ ຈິຕ຺ຕໍ ມໂນ ມານສໍ…ເປ… ຕຊ຺ຊາມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ສງ຺ຂາຣປຈ຺ຈຍາ ວິຎ຺ຎາຓໍ’’…ເປ… ເຕນ ວຸຈ຺ຈຕິ ‘‘ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕີ’’ຕິ.

໓໓໐. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ມໂນຘາຕຸ ອຸປ຺ປນ຺ນາ ໂຫຕິ ກິຣິຍາ ເນວ ກຸສລາ ນາກຸສລາ ນ ຈ ກມ຺ມວິປາກາ ອຸເປກ຺ຂາສຫຄຕາ ຣູປາຣມ຺ມຓາ ວາ…ເປ… ໂຜຏ຺ຐພ຺ພາຣມ຺ມຓາ ວາ…ເປ… ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ກິຣິຍາ ເນວ ກຸສລາ ນາກຸສລາ ນ ຈ ກມ຺ມວິປາກາ ໂສມນສ຺ສສຫຄຕາ ຣູປາຣມ຺ມຓາ ວາ…ເປ… ຘມ຺ມາຣມ຺ມຓາ ວາ…ເປ… ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ກິຣິຍາ ເນວ ກຸສລາ ນາກຸສລາ ນ ຈ ກມ຺ມວິປາກາ ອຸເປກ຺ຂາສຫຄຕາ ຣູປາຣມ຺ມຓາ ວາ…ເປ… ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໓໑. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ມໂນວິຎ຺ຎາຓຘາຕຸ ອຸປ຺ປນ຺ນາ ໂຫຕິ ກິຣິຍາ ເນວ ກຸສລາ ນາກຸສລາ ນ ຈ ກມ຺ມວິປາກາ ໂສມນສ຺ສສຫຄຕາ ຎາຓສມ຺ປຍຸຕ຺ຕາ…ເປ… ໂສມນສ຺ສສຫຄຕາ ຎາຓສມ຺ປຍຸຕ຺ຕາ ສສງ຺ຂາເຣນ…ເປ… ໂສມນສ຺ສສຫຄຕາ ຎາຓວິປ຺ປຍຸຕ຺ຕາ…ເປ… ໂສມນສ຺ສສຫຄຕາ ຎາຓວິປ຺ປຍຸຕ຺ຕາ ສສງ຺ຂາເຣນ…ເປ… ອຸເປກ຺ຂາສຫຄຕາ ຎາຓສມ຺ປຍຸຕ຺ຕາ…ເປ… ອຸເປກ຺ຂາສຫຄຕາ ຎາຓສມ຺ປຍຸຕ຺ຕາ ສສງ຺ຂາເຣນ…ເປ… ອຸເປກ຺ຂາສຫຄຕາ ຎາຓວິປ຺ປຍຸຕ຺ຕາ…ເປ… ອຸເປກ຺ຂາສຫຄຕາ ຎາຓວິປ຺ປຍຸຕ຺ຕາ ສສງ຺ຂາເຣນ ຣູປາຣມ຺ມຓາ ວາ…ເປ… ຘມ຺ມາຣມ຺ມຓາ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໓໒. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ຣູປາວຈຣໍ ຌານໍ ຠາເວຕິ ກິຣິຍໍ ເນວ ກຸສລໍ ນາກຸສລໍ ນ ຈ ກມ຺ມວິປາກໍ ທິຏ຺ຐຘມ຺ມສຸຂວິຫາຣໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

໓໓໓. ກຕເມ ຘມ຺ມາ ອພ຺ຍາກຕາ? ຍສ຺ມິໍ ສມເຍ ອຣູປາວຈຣໍ ຌານໍ ຠາເວຕິ ກິຣິຍໍ ເນວ ກຸສລໍ ນາກຸສລໍ ນ ຈ ກມ຺ມວິປາກໍ ທິຏ຺ຐຘມ຺ມສຸຂວິຫາຣໍ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ສງ຺ຂາຣປຈ຺ຈຍາ ວິຎ຺ຎາຓໍ, ວິຎ຺ຎາຓປຈ຺ຈຍາ ນາມໍ, ນາມປຈ຺ຈຍາ ຉຏ຺ຐາຍຕນໍ, ຉຏ຺ຐາຍຕນປຈ຺ຈຍາ ຜສ຺ໂສ, ຜສ຺ສປຈ຺ຈຍາ ເວທນາ, ເວທນາປຈ຺ຈຍາ ປສາໂທ, ປສາທປຈ຺ຈຍາ ອຘິໂມກ຺ໂຂ, ອຘິໂມກ຺ຂປຈ຺ຈຍາ ຠໂວ, ຠວປຈ຺ຈຍາ ຊາຕິ, ຊາຕິປຈ຺ຈຍາ ຊຣາມຣຓໍ. ເອວເມຕສ຺ສ ເກວລສ຺ສ ທຸກ຺ຂກ຺ຂນ຺ຘສ຺ສ ສມຸທໂຍ ໂຫຕິ.

ອພ຺ຍາກຕນິທ຺ເທໂສ.