໓. ປຎ຺ຫາປຸຈ຺ຉກໍ

໑໖໘. ທ຺ວາທສາຍຕນານິ – ຈກ຺ຂາຍຕນໍ, ຣູປາຍຕນໍ, ໂສຕາຍຕນໍ, ສທ຺ທາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ.

໑໖໙. ທ຺ວາທສນ຺ນໍ ອາຍຕນານໍ ກຕິ ກຸສລາ, ກຕິ ອກຸສລາ, ກຕິ ອພ຺ຍາກຕາ…ເປ… ກຕິ ສຣຓາ, ກຕິ ອຣຓາ?

໑. ຕິກໍ

໑໗໐. ທສາຍຕນາ ອພ຺ຍາກຕາ. ທ຺ວາຍຕນາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ. ທສາຍຕນາ ນ ວຕ຺ຕພ຺ພາ – ‘‘ສຸຂາຍ ເວທນາຍ ສມ຺ປຍຸຕ຺ຕາ’’ຕິປິ, ‘‘ທຸກ຺ຂາຍ ເວທນາຍ ສມ຺ປຍຸຕ຺ຕາ’’ຕິປິ, ‘‘ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ’’ຕິປິ. ມນາຍຕນໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ. ຘມ຺ມາຍຕນໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ນ ວຕ຺ຕພ຺ພໍ – ‘‘ສຸຂາຍ ເວທນາຍ ສມ຺ປຍຸຕ຺ຕ’’ນ຺ຕິປິ, ‘‘ທຸກ຺ຂາຍ ເວທນາຍ ສມ຺ປຍຸຕ຺ຕ’’ນ຺ຕິປິ, ‘‘ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕ’’ນ຺ຕິປິ. ທສາຍຕນາ ເນວວິປາກນວິປາກຘມ຺ມຘມ຺ມາ. ທ຺ວາຍຕນາ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

ປຎ຺ຈາຍຕນາ ອຸປາທິນ຺ນຸປາທານິຍາ. ສທ຺ທາຍຕນໍ ອນຸປາທິນ຺ນຸປາທານິຍໍ. ຈຕ຺ຕາໂຣ ອາຍຕນາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທານິຍາ. ທ຺ວາຍຕນາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ. ທສາຍຕນາ ອສໍກິລິຏ຺ຐສໍກິເລສິກາ. ທ຺ວາຍຕນາ ສິຍາ ສໍກິລິຏ຺ຐສໍກິເລສິກາ, ສິຍາ ອສໍກິລິຏ຺ຐສໍກິເລສິກາ, ສິຍາ ອສໍກິລິຏ຺ຐອສໍກິເລສິກາ. ທສາຍຕນາ ອວິຕກ຺ກອວິຈາຣາ. ມນາຍຕນໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ. ຘມ຺ມາຍຕນໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ, ສິຍາ ນ ວຕ຺ຕພ຺ພໍ – ‘‘ສວິຕກ຺ກສວິຈາຣ’’ນ຺ຕິປິ, ‘‘ອວິຕກ຺ກວິຈາຣມຕ຺ຕ’’ນ຺ຕິປິ, ‘‘ອວິຕກ຺ກອວິຈາຣ’’ນ຺ຕິປິ. ທສາຍຕນາ ນ ວຕ຺ຕພ຺ພາ – ‘‘ປີຕິສຫຄຕາ’’ຕິປິ, ‘‘ສຸຂສຫຄຕາ’’ຕິປິ, ‘‘ອຸເປກ຺ຂາສຫຄຕາ’’ຕິປິ. ທ຺ວາຍຕນາ ສິຍາ ປີຕິສຫຄຕາ, ສິຍາ ສຸຂສຫຄຕາ, ສິຍາ ອຸເປກ຺ຂາສຫຄຕາ, ສິຍາ ນ ວຕ຺ຕພ຺ພາ – ‘‘ປີຕິສຫຄຕາ’’ຕິປິ, ‘‘ສຸຂສຫຄຕາ’’ຕິປິ, ‘‘ອຸເປກ຺ຂາສຫຄຕາ’’ຕິປິ.

ທສາຍຕນາ ເນວ ທສ຺ສເນນ ນ ຠາວນາຍ ປຫາຕພ຺ພາ. ທ຺ວາຍຕນາ ສິຍາ ທສ຺ສເນນ ປຫາຕພ຺ພາ, ສິຍາ ຠາວນາຍ ປຫາຕພ຺ພາ, ສິຍາ ເນວ ທສ຺ສເນນ ນ ຠາວນາຍ ປຫາຕພ຺ພາ. ທສາຍຕນາ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸກາ. ທ຺ວາຍຕນາ ສິຍາ ທສ຺ສເນນ ປຫາຕພ຺ພເຫຕຸກາ, ສິຍາ ຠາວນາຍ ປຫາຕພ຺ພເຫຕຸກາ, ສິຍາ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸກາ. ທສາຍຕນາ ເນວາຈຍຄາມິນາປຈຍຄາມິໂນ. ທ຺ວາຍຕນາ ສິຍາ ອາຈຍຄາມິໂນ, ສິຍາ ອປຈຍຄາມິໂນ, ສິຍາ ເນວາຈຍຄາມິນາປຈຍຄາມິໂນ. ທສາຍຕນາ ເນວເສກ຺ຂນາເສກ຺ຂາ. ທ຺ວາຍຕນາ ສິຍາ ເສກ຺ຂາ, ສິຍາ ອເສກ຺ຂາ, ສິຍາ ເນວເສກ຺ຂນາເສກ຺ຂາ. ທສາຍຕນາ ປຣິຕ຺ຕາ. ທ຺ວາຍຕນາ ສິຍາ ປຣິຕ຺ຕາ, ສິຍາ ມຫຄ຺ຄຕາ, ສິຍາ ອປ຺ປມາຓາ. ທສາຍຕນາ ອນາຣມ຺ມຓາ. ທ຺ວາຍຕນາ ສິຍາ ປຣິຕ຺ຕາຣມ຺ມຓາ, ສິຍາ ມຫຄ຺ຄຕາຣມ຺ມຓາ, ສິຍາ ອປ຺ປມາຓາຣມ຺ມຓາ, ສິຍາ ນ ວຕ຺ຕພ຺ພາ – ‘‘ປຣິຕ຺ຕາຣມ຺ມຓາ’’ຕິປິ, ‘‘ມຫຄ຺ຄຕາຣມ຺ມຓາ’’ຕິປິ, ‘‘ອປ຺ປມາຓາຣມ຺ມຓາ’’ຕິປິ. ທສາຍຕນາ ມຊ຺ຌິມາ. ທ຺ວາຍຕນາ ສິຍາ ຫີນາ, ສິຍາ ມຊ຺ຌິມາ, ສິຍາ ປຓີຕາ. ທສາຍຕນາ ອນິຍຕາ. ທ຺ວາຍຕນາ ສິຍາ ມິຈ຺ຉຕ຺ຕນິຍຕາ, ສິຍາ ສມ຺ມຕ຺ຕນິຍຕາ, ສິຍາ ອນິຍຕາ.

ທສາຍຕນາ ອນາຣມ຺ມຓາ. ທ຺ວາຍຕນາ ສິຍາ ມຄ຺ຄາຣມ຺ມຓາ, ສິຍາ ມຄ຺ຄເຫຕຸກາ, ສິຍາ ມຄ຺ຄາຘິປຕິໂນ, ສິຍາ ນ ວຕ຺ຕພ຺ພາ – ‘‘ມຄ຺ຄາຣມ຺ມຓາ’’ຕິປິ, ‘‘ມຄ຺ຄເຫຕຸກາ’’ຕິປິ, ‘‘ມຄ຺ຄາຘິປຕິໂນ’’ຕິປິ. ປຎ຺ຈາຍຕນາ ສິຍາ ອຸປ຺ປນ຺ນາ, ສິຍາ ອຸປ຺ປາທິໂນ, ນ ວຕ຺ຕພ຺ພາ – ‘‘ອນຸປ຺ປນ຺ນາ’’ຕິ. ສທ຺ທາຍຕນໍ ສິຍາ ອຸປ຺ປນ຺ນໍ, ສິຍາ ອນຸປ຺ປນ຺ນໍ, ນ ວຕ຺ຕພ຺ພໍ – ‘‘ອຸປ຺ປາທີ’’ຕິ. ປຎ຺ຈາຍຕນາ ສິຍາ ອຸປ຺ປນ຺ນາ, ສິຍາ ອນຸປ຺ປນ຺ນາ, ສິຍາ ອຸປ຺ປາທິໂນ. ຘມ຺ມາຍຕນໍ ສິຍາ ອຸປ຺ປນ຺ນໍ, ສິຍາ ອນຸປ຺ປນ຺ນໍ, ສິຍາ ອຸປ຺ປາທິ, ສິຍາ ນ ວຕ຺ຕພ຺ພໍ – ‘‘ອຸປ຺ປນ຺ນ’’ນ຺ຕິປິ, ‘‘ອນຸປ຺ປນ຺ນ’’ນ຺ຕິປິ, ‘‘ອຸປ຺ປາທີ’’ຕິປິ. ເອກາທສາຍຕນາ ສິຍາ ອຕີຕາ, ສິຍາ ອນາຄຕາ, ສິຍາ ປຈ຺ຈຸປ຺ປນ຺ນາ. ຘມ຺ມາຍຕນໍ ສິຍາ ອຕີຕໍ, ສິຍາ ອນາຄຕໍ, ສິຍາ ປຈ຺ຈຸປ຺ປນ຺ນໍ, ສິຍາ ນ ວຕ຺ຕພ຺ພໍ – ‘‘ອຕີຕ’’ນ຺ຕິປິ, ‘‘ອນາຄຕ’’ນ຺ຕິປິ, ‘‘ປຈ຺ຈຸປ຺ປນ຺ນ’’ນ຺ຕິປິ. ທສາຍຕນາ ອນາຣມ຺ມຓາ. ທ຺ວາຍຕນາ ສິຍາ ອຕີຕາຣມ຺ມຓາ, ສິຍາ ອນາຄຕາຣມ຺ມຓາ, ສິຍາ ປຈ຺ຈຸປ຺ປນ຺ນາຣມ຺ມຓາ, ສິຍາ ນ ວຕ຺ຕພ຺ພາ – ‘‘ອຕີຕາຣມ຺ມຓາ’’ຕິປິ, ‘‘ອນາຄຕາຣມ຺ມຓາ’’ຕິປິ, ‘‘ປຈ຺ຈຸປ຺ປນ຺ນາຣມ຺ມຓາ’’ຕິປິ; ສິຍາ ອຊ຺ຌຕ຺ຕາ, ສິຍາ ພຫິທ຺ຘາ, ສິຍາ ອຊ຺ຌຕ຺ຕພຫິທ຺ຘາ. ທສາຍຕນາ ອນາຣມ຺ມຓາ. ທ຺ວາຍຕນາ ສິຍາ ອຊ຺ຌຕ຺ຕາຣມ຺ມຓາ, ສິຍາ ພຫິທ຺ຘາຣມ຺ມຓາ, ສິຍາ ອຊ຺ຌຕ຺ຕພຫິທ຺ຘາຣມ຺ມຓາ, ສິຍາ ນ ວຕ຺ຕພ຺ພາ – ‘‘ອຊ຺ຌຕ຺ຕາຣມ຺ມຓາ’’ຕິປິ, ‘‘ພຫິທ຺ຘາຣມ຺ມຓາ’’ຕິປິ, ‘‘ອຊ຺ຌຕ຺ຕພຫິທ຺ຘາຣມ຺ມຓາ’’ຕິປິ. ຣູປາຍຕນໍ ສນິທສ຺ສນສປ຺ປຏິຆໍ. ນວາຍຕນາ ອນິທສ຺ສນສປ຺ປຏິຆາ. ທ຺ວາຍຕນາ ອນິທສ຺ສນອປ຺ປຏິຆາ.

໒. ທຸກໍ

໑໗໑. ເອກາທສາຍຕນາ ນ ເຫຕູ. ຘມ຺ມາຍຕນໍ ສິຍາ ເຫຕຸ, ສິຍາ ນ ເຫຕຸ. ທສາຍຕນາ ອເຫຕຸກາ. ທ຺ວາຍຕນາ ສິຍາ ສເຫຕຸກາ, ສິຍາ ອເຫຕຸກາ. ທສາຍຕນາ ເຫຕຸວິປ຺ປຍຸຕ຺ຕາ. ທ຺ວາຍຕນາ ສິຍາ ເຫຕຸສມ຺ປຍຸຕ຺ຕາ, ສິຍາ ເຫຕຸວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ເຫຕູ ເຈວ ສເຫຕຸກາ ຈາ’’ຕິປິ, ‘‘ສເຫຕຸກາ ເຈວ ນ ຈ ເຫຕູ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ເຫຕຸ ເຈວ ສເຫຕຸກຎ຺ຈາ’’ຕິ, ສິຍາ ສເຫຕຸກຎ຺ເຈວ ນ ຈ ເຫຕຸ, ສິຍາ ນ ວຕ຺ຕພ຺ພໍ – ‘‘ສເຫຕຸກຎ຺ເຈວ ນ ຈ ເຫຕູ’’ຕິ. ຘມ຺ມາຍຕນໍ ສິຍາ ເຫຕຸ ເຈວ ສເຫຕຸກຎ຺ຈ, ສິຍາ ສເຫຕຸກຎ຺ເຈວ ນ ຈ ເຫຕຸ, ສິຍາ ນ ວຕ຺ຕພ຺ພໍ – ‘‘ເຫຕຸ ເຈວ ສເຫຕຸກຎ຺ຈາ’’ຕິປິ, ‘‘ສເຫຕຸກຎ຺ເຈວ ນ ຈ ເຫຕູ’’ຕິປິ. ທສາຍຕນາ ນ ວຕ຺ຕພ຺ພາ – ‘‘ເຫຕູ ເຈວ ເຫຕຸສມ຺ປຍຸຕ຺ຕາ ຈາ’’ຕິປິ, ‘‘ເຫຕຸສມ຺ປຍຸຕ຺ຕາ ເຈວ ນ ຈ ເຫຕູ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ເຫຕຸ ເຈວ ເຫຕຸສມ຺ປຍຸຕ຺ຕຎ຺ຈາ’’ຕິ, ສິຍາ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸ, ສິຍາ ນ ວຕ຺ຕພ຺ພໍ – ‘‘ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕູ’’ຕິ. ຘມ຺ມາຍຕນໍ ສິຍາ ເຫຕຸ ເຈວ ເຫຕຸສມ຺ປຍຸຕ຺ຕຎ຺ຈ, ສິຍາ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸ, ສິຍາ ນ ວຕ຺ຕພ຺ພໍ – ‘‘ເຫຕຸ ເຈວ ເຫຕຸສມ຺ປຍຸຕ຺ຕຎ຺ຈາ’’ຕິປິ, ‘‘ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕູ’’ຕິປິ. ທສາຍຕນາ ນ ເຫຕູອເຫຕຸກາ. ມນາຍຕນໍ ສິຍາ ນ ເຫຕຸສເຫຕຸກໍ, ສິຍາ ນ ເຫຕຸອເຫຕຸກໍ. ຘມ຺ມາຍຕນໍ ສິຍາ ນ ເຫຕຸສເຫຕຸກໍ, ສິຍາ ນ ເຫຕຸອເຫຕຸກໍ, ສິຍາ ນ ວຕ຺ຕພ຺ພໍ – ‘‘ນ ເຫຕຸສເຫຕຸກ’’ນ຺ຕິປິ, ‘‘ນ ເຫຕຸອເຫຕຸກ’’ນ຺ຕິປິ.

ເອກາທສາຍຕນາ ສປ຺ປຈ຺ຈຍາ. ຘມ຺ມາຍຕນໍ ສິຍາ ສປ຺ປຈ຺ຈຍໍ, ສິຍາ ອປ຺ປຈ຺ຈຍໍ. ເອກາທສາຍຕນາ ສງ຺ຂຕາ. ຘມ຺ມາຍຕນໍ ສິຍາ ສງ຺ຂຕໍ, ສິຍາ ອສງ຺ຂຕໍ. ຣູປາຍຕນໍ ສນິທສ຺ສນໍ. ເອກາທສາຍຕນາ ອນິທສ຺ສນາ. ທສາຍຕນາ ສປ຺ປຏິຆາ. ທ຺ວາຍຕນາ ອປ຺ປຏິຆາ. ທສາຍຕນາ ຣູປາ. ມນາຍຕນໍ ອຣູປໍ. ຘມ຺ມາຍຕນໍ ສິຍາ ຣູປໍ, ສິຍາ ອຣູປໍ. ທສາຍຕນາ ໂລກິຍາ. ທ຺ວາຍຕນາ ສິຍາ ໂລກິຍາ, ສິຍາ ໂລກຸຕ຺ຕຣາ; ເກນຈິ ວິຎ຺ເຎຍ຺ຍາ, ເກນຈິ ນ ວິຎ຺ເຎຍ຺ຍາ.

ເອກາທສາຍຕນາ ໂນ ອາສວາ. ຘມ຺ມາຍຕນໍ ສິຍາ ອາສໂວ, ສິຍາ ໂນ ອາສໂວ. ທສາຍຕນາ ສາສວາ. ທ຺ວາຍຕນາ ສິຍາ ສາສວາ, ສິຍາ ອນາສວາ. ທສາຍຕນາ ອາສວວິປ຺ປຍຸຕ຺ຕາ. ທ຺ວາຍຕນາ ສິຍາ ອາສວສມ຺ປຍຸຕ຺ຕາ, ສິຍາ ອາສວວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ອາສວາ ເຈວ ສາສວາ ຈາ’’ຕິ, ‘‘ສາສວາ ເຈວ ໂນ ຈ ອາສວາ’’. ມນາຍຕນໍ ນ ວຕ຺ຕພ຺ພໍ – ‘‘ອາສໂວ ເຈວ ສາສວຎ຺ຈາ’’ຕິ, ສິຍາ ສາສວຎ຺ເຈວ ໂນ ຈ ອາສໂວ, ສິຍາ ນ ວຕ຺ຕພ຺ພໍ – ‘‘ສາສວຎ຺ເຈວ ໂນ ຈ ອາສໂວ’’ຕິ. ຘມ຺ມາຍຕນໍ ສິຍາ ອາສໂວ ເຈວ ສາສວຎ຺ຈ, ສິຍາ ສາສວຎ຺ເຈວ ໂນ ຈ ອາສໂວ, ສິຍາ ນ ວຕ຺ຕພ຺ພໍ – ‘‘ອາສໂວ ເຈວ ສາສວຎ຺ຈາ’’ຕິປິ, ‘‘ສາສວຎ຺ເຈວ ໂນ ຈ ອາສໂວ’’ຕິປິ. ທສາຍຕນາ ນ ວຕ຺ຕພ຺ພາ – ‘‘ອາສວາ ເຈວ ອາສວສມ຺ປຍຸຕ຺ຕາ ຈາ’’ຕິປິ, ‘‘ອາສວສມ຺ປຍຸຕ຺ຕາ ເຈວ ໂນ ຈ ອາສວາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ອາສໂວ ເຈວ ອາສວສມ຺ປຍຸຕ຺ຕຎ຺ຈາ’’ຕິ, ສິຍາ ອາສວສມ຺ປຍຸຕ຺ຕຎ຺ເຈວ ໂນ ຈ ອາສໂວ, ສິຍາ ນ ວຕ຺ຕພ຺ພໍ – ‘‘ອາສວສມ຺ປຍຸຕ຺ຕຎ຺ເຈວ ໂນ ຈ ອາສໂວ’’ຕິ. ຘມ຺ມາຍຕນໍ ສິຍາ ອາສໂວ ເຈວ ອາສວສມ຺ປຍຸຕ຺ຕຎ຺ຈ, ສິຍາ ອາສວສມ຺ປຍຸຕ຺ຕຎ຺ເຈວ ໂນ ຈ ອາສໂວ, ສິຍາ ນ ວຕ຺ຕພ຺ພໍ – ‘‘ອາສໂວ ເຈວ ອາສວສມ຺ປຍຸຕ຺ຕຎ຺ຈາ’’ຕິປິ, ‘‘ອາສວສມ຺ປຍຸຕ຺ຕຎ຺ເຈວ ໂນ ຈ ອາສໂວ’’ຕິປິ. ທສາຍຕນາ ອາສວວິປ຺ປຍຸຕ຺ຕສາສວາ. ທ຺ວາຍຕນາ ສິຍາ ອາສວວິປ຺ປຍຸຕ຺ຕສາສວາ, ສິຍາ ອາສວວິປ຺ປຍຸຕ຺ຕອນາສວາ, ສິຍາ ນ ວຕ຺ຕພ຺ພາ – ‘‘ອາສວວິປ຺ປຍຸຕ຺ຕສາສວາ’’ຕິປິ, ‘‘ອາສວວິປ຺ປຍຸຕ຺ຕອນາສວາ’’ຕິປິ.

ເອກາທສາຍຕນາ ໂນ ສໍໂຍຊນາ. ຘມ຺ມາຍຕນໍ ສິຍາ ສໍໂຍຊນໍ, ສິຍາ ໂນ ສໍໂຍຊນໍ. ທສາຍຕນາ ສໍໂຍຊນິຍາ. ທ຺ວາຍຕນາ ສິຍາ ສໍໂຍຊນິຍາ, ສິຍາ ອສໍໂຍຊນິຍາ. ທສາຍຕນາ ສໍໂຍຊນວິປ຺ປຍຸຕ຺ຕາ. ທ຺ວາຍຕນາ ສິຍາ ສໍໂຍຊນສມ຺ປຍຸຕ຺ຕາ, ສິຍາ ສໍໂຍຊນວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ສໍໂຍຊນາ ເຈວ ສໍໂຍຊນິຍາ ຈາ’’ຕິ, ສໍໂຍຊນິຍາ ເຈວ ໂນ ຈ ສໍໂຍຊນາ. ມນາຍຕນໍ ນ ວຕ຺ຕພ຺ພໍ – ‘‘ສໍໂຍຊນຎ຺ເຈວ ສໍໂຍຊນິຍຎ຺ຈາ’’ຕິ, ສິຍາ ສໍໂຍຊນິຍຎ຺ເຈວ ໂນ ຈ ສໍໂຍຊນໍ, ສິຍາ ນ ວຕ຺ຕພ຺ພໍ – ‘‘ສໍໂຍຊນິຍຎ຺ເຈວ ໂນ ຈ ສໍໂຍຊນ’’ນ຺ຕິ. ຘມ຺ມາຍຕນໍ ສິຍາ ສໍໂຍຊນຎ຺ເຈວ ສໍໂຍຊນິຍຎ຺ຈ, ສິຍາ ສໍໂຍຊນິຍຎ຺ເຈວ ໂນ ຈ ສໍໂຍຊນໍ, ສິຍາ ນ ວຕ຺ຕພ຺ພໍ – ‘‘ສໍໂຍຊນຎ຺ເຈວ ສໍໂຍຊນິຍ’’ນ຺ຕິປິ, ‘‘ສໍໂຍຊນິຍຎ຺ເຈວ ໂນ ຈ ສໍໂຍຊນ’’ນ຺ຕິປິ. ທສາຍຕນາ ນ ວຕ຺ຕພ຺ພາ – ‘‘ສໍໂຍຊນາ ເຈວ ສໍໂຍຊນສມ຺ປຍຸຕ຺ຕາ ຈາ’’ຕິປິ, ‘‘ສໍໂຍຊນສມ຺ປຍຸຕ຺ຕາ ເຈວ ໂນ ຈ ສໍໂຍຊນາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ສໍໂຍຊນຎ຺ເຈວ ສໍໂຍຊນສມ຺ປຍຸຕ຺ຕຎ຺ຈາ’’ຕິ, ສິຍາ ສໍໂຍຊນສມ຺ປຍຸຕ຺ຕຎ຺ເຈວ ໂນ ຈ ສໍໂຍຊນໍ, ສິຍາ ນ ວຕ຺ຕພ຺ພໍ – ‘‘ສໍໂຍຊນສມ຺ປຍຸຕ຺ຕຎ຺ເຈວ ໂນ ຈ ສໍໂຍຊນ’’ນ຺ຕິ. ຘມ຺ມາຍຕນໍ ສິຍາ ສໍໂຍຊນຎ຺ເຈວ ສໍໂຍຊນສມ຺ປຍຸຕ຺ຕຎ຺ຈ, ສິຍາ ສໍໂຍຊນສມ຺ປຍຸຕ຺ຕຎ຺ເຈວ ໂນ ຈ ສໍໂຍຊນໍ, ສິຍາ ນ ວຕ຺ຕພ຺ພໍ – ‘‘ສໍໂຍຊນຎ຺ເຈວ ສໍໂຍຊນສມ຺ປຍຸຕ຺ຕຎ຺ຈາ’’ຕິປິ, ‘‘ສໍໂຍຊນສມ຺ປຍຸຕ຺ຕຎ຺ເຈວ ໂນ ຈ ສໍໂຍຊນ’’ນ຺ຕິປິ. ທສາຍຕນາ ສໍໂຍຊນວິປ຺ປຍຸຕ຺ຕສໍໂຍຊນິຍາ. ທ຺ວາຍຕນາ ສິຍາ ສໍໂຍຊນວິປ຺ປຍຸຕ຺ຕສໍໂຍຊນິຍາ, ສິຍາ ສໍໂຍຊນວິປ຺ປຍຸຕ຺ຕອສໍໂຍຊນິຍາ, ສິຍາ ນ ວຕ຺ຕພ຺ພາ – ‘‘ສໍໂຍຊນວິປ຺ປຍຸຕ຺ຕສໍໂຍຊນິຍາ’’ຕິປິ, ‘‘ສໍໂຍຊນວິປ຺ປຍຸຕ຺ຕອສໍໂຍຊນິຍາ’’ຕິປິ.

ເອກາທສາຍຕນາ ໂນ ຄນ຺ຖາ. ຘມ຺ມາຍຕນໍ ສິຍາ ຄນ຺ໂຖ, ສິຍາ ໂນ ຄນ຺ໂຖ. ທສາຍຕນາ ຄນ຺ຖນິຍາ. ທ຺ວາຍຕນາ ສິຍາ ຄນ຺ຖນິຍາ, ສິຍາ ອຄນ຺ຖນິຍາ. ທສາຍຕນາ ຄນ຺ຖວິປ຺ປຍຸຕ຺ຕາ. ທ຺ວາຍຕນາ ສິຍາ ຄນ຺ຖສມ຺ປຍຸຕ຺ຕາ, ສິຍາ ຄນ຺ຖວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ຄນ຺ຖາ ເຈວ ຄນ຺ຖນິຍາ ຈາ’’ຕິ, ຄນ຺ຖນິຍາ ເຈວ ໂນ ຈ ຄນ຺ຖາ. ມນາຍຕນໍ ນ ວຕ຺ຕພ຺ພໍ – ‘‘ຄນ຺ໂຖ ເຈວ ຄນ຺ຖນິຍຎ຺ຈາ’’ຕິ, ສິຍາ ຄນ຺ຖນິຍຎ຺ເຈວ ໂນ ຈ ຄນ຺ໂຖ, ສິຍາ ນ ວຕ຺ຕພ຺ພໍ – ‘‘ຄນ຺ຖນິຍຎ຺ເຈວ ໂນ ຈ ຄນ຺ໂຖ’’ຕິ. ຘມ຺ມາຍຕນໍ ສິຍາ ຄນ຺ໂຖ ເຈວ ຄນ຺ຖນິຍຎ຺ຈ, ສິຍາ ຄນ຺ຖນິຍຎ຺ເຈວ ໂນ ຈ ຄນ຺ໂຖ, ສິຍາ ນ ວຕ຺ຕພ຺ພໍ – ‘‘ຄນ຺ໂຖ ເຈວ ຄນ຺ຖນິຍຎ຺ຈາ’’ຕິປິ, ‘‘ຄນ຺ຖນິຍຎ຺ເຈວ ໂນ ຈ ຄນ຺ໂຖ’’ຕິປິ. ທສາຍຕນາ ນ ວຕ຺ຕພ຺ພາ – ‘‘ຄນ຺ຖາ ເຈວ ຄນ຺ຖສມ຺ປຍຸຕ຺ຕາ ຈາ’’ຕິປິ, ‘‘ຄນ຺ຖສມ຺ປຍຸຕ຺ຕາ ເຈວ ໂນ ຈ ຄນ຺ຖາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ຄນ຺ໂຖ ເຈວ ຄນ຺ຖສມ຺ປຍຸຕ຺ຕຎ຺ຈາ’’ຕິ, ສິຍາ ຄນ຺ຖສມ຺ປຍຸຕ຺ຕຎ຺ເຈວ ໂນ ຈ ຄນ຺ໂຖ, ສິຍາ ນ ວຕ຺ຕພ຺ພໍ – ‘‘ຄນ຺ຖສມ຺ປຍຸຕ຺ຕຎ຺ເຈວ ໂນ ຈ ຄນ຺ໂຖ’’ຕິ. ຘມ຺ມາຍຕນໍ ສິຍາ ຄນ຺ໂຖ ເຈວ ຄນ຺ຖສມ຺ປຍຸຕ຺ຕຎ຺ຈ, ສິຍາ ຄນ຺ຖສມ຺ປຍຸຕ຺ຕຎ຺ເຈວ ໂນ ຈ ຄນ຺ໂຖ, ສິຍາ ນ ວຕ຺ຕພ຺ພໍ – ‘‘ຄນ຺ໂຖ ເຈວ ຄນ຺ຖສມ຺ປຍຸຕ຺ຕຎ຺ຈາ’’ຕິປິ, ‘‘ຄນ຺ຖສມ຺ປຍຸຕ຺ຕຎ຺ເຈວ ໂນ ຈ ຄນ຺ໂຖ’’ຕິປິ. ທສາຍຕນາ ຄນ຺ຖວິປ຺ປຍຸຕ຺ຕຄນ຺ຖນິຍາ. ທ຺ວາຍຕນາ ສິຍາ ຄນ຺ຖວິປ຺ປຍຸຕ຺ຕຄນ຺ຖນິຍາ, ສິຍາ ຄນ຺ຖວິປ຺ປຍຸຕ຺ຕອຄນ຺ຖນິຍາ, ສິຍາ ນ ວຕ຺ຕພ຺ພາ – ‘‘ຄນ຺ຖວິປ຺ປຍຸຕ຺ຕຄນ຺ຖນິຍາ’’ຕິປິ, ‘‘ຄນ຺ຖວິປ຺ປຍຸຕ຺ຕອຄນ຺ຖນິຍາ’’ຕິປິ.

ເອກາທສາຍຕນາ ໂນ ໂອຆາ…ເປ… ໂນ ໂຍຄາ…ເປ… ໂນ ນີວຣຓາ. ຘມ຺ມາຍຕນໍ ສິຍາ ນີວຣຓໍ, ສິຍາ ໂນ ນີວຣຓໍ. ທສາຍຕນາ ນີວຣຓິຍາ. ທ຺ວາຍຕນາ ສິຍາ ນີວຣຓິຍາ, ສິຍາ ອນີວຣຓິຍາ. ທສາຍຕນາ ນີວຣຓວິປ຺ປຍຸຕ຺ຕາ. ທ຺ວາຍຕນາ ສິຍາ ນີວຣຓສມ຺ປຍຸຕ຺ຕາ, ສິຍາ ນີວຣຓວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ນີວຣຓາ ເຈວ ນີວຣຓິຍາ ຈາ’’ຕິ, ນີວຣຓິຍາ ເຈວ ໂນ ຈ ນີວຣຓາ. ມນາຍຕນໍ ນ ວຕ຺ຕພ຺ພໍ – ‘‘ນີວຣຓຎ຺ເຈວ ນີວຣຓິຍຎ຺ຈາ’’ຕິ, ສິຍາ ນີວຣຓິຍຎ຺ເຈວ ໂນ ຈ ນີວຣຓໍ, ສິຍາ ນ ວຕ຺ຕພ຺ພໍ – ‘‘ນີວຣຓິຍຎ຺ເຈວ ໂນ ຈ ນີວຣຓ’’ນ຺ຕິ. ຘມ຺ມາຍຕນໍ ສິຍາ ນີວຣຓຎ຺ເຈວ ນີວຣຓິຍຎ຺ຈ, ສິຍາ ນີວຣຓິຍຎ຺ເຈວ ໂນ ຈ ນີວຣຓໍ, ສິຍາ ນ ວຕ຺ຕພ຺ພໍ – ‘‘ນີວຣຓຎ຺ເຈວ ນີວຣຓິຍຎ຺ຈາ’’ຕິປິ, ‘‘ນີວຣຓິຍຎ຺ເຈວ ໂນ ຈ ນີວຣຓ’’ນ຺ຕິປິ. ທສາຍຕນາ ນ ວຕ຺ຕພ຺ພາ – ‘‘ນີວຣຓາ ເຈວ ນີວຣຓສມ຺ປຍຸຕ຺ຕາ ຈາ’’ຕິປິ, ‘‘ນີວຣຓສມ຺ປຍຸຕ຺ຕາ ເຈວ ໂນ ຈ ນີວຣຓາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ນີວຣຓຎ຺ເຈວ ນີວຣຓສມ຺ປຍຸຕ຺ຕຎ຺ຈາ’’ຕິ, ສິຍາ ນີວຣຓສມ຺ປຍຸຕ຺ຕຎ຺ເຈວ ໂນ ຈ ນີວຣຓໍ, ສິຍາ ນ ວຕ຺ຕພ຺ພໍ – ‘‘ນີວຣຓສມ຺ປຍຸຕ຺ຕຎ຺ເຈວ ໂນ ຈ ນີວຣຓ’’ນ຺ຕິ. ຘມ຺ມາຍຕນໍ ສິຍາ ນີວຣຓຎ຺ເຈວ ນີວຣຓສມ຺ປຍຸຕ຺ຕຎ຺ຈ, ສິຍາ ນີວຣຓສມ຺ປຍຸຕ຺ຕຎ຺ເຈວ ໂນ ຈ ນີວຣຓໍ, ສິຍາ ນ ວຕ຺ຕພ຺ພໍ – ‘‘ນີວຣຓຎ຺ເຈວ ນີວຣຓສມ຺ປຍຸຕ຺ຕຎ຺ຈາ’’ຕິປິ, ‘‘ນີວຣຓສມ຺ປຍຸຕ຺ຕຎ຺ເຈວ ໂນ ຈ ນີວຣຓ’’ນ຺ຕິປິ. ທສາຍຕນາ ນີວຣຓວິປ຺ປຍຸຕ຺ຕນີວຣຓິຍາ. ທ຺ວາຍຕນາ ສິຍາ ນີວຣຓວິປ຺ປຍຸຕ຺ຕນີວຣຓິຍາ, ສິຍາ ນີວຣຓວິປ຺ປຍຸຕ຺ຕອນີວຣຓິຍາ, ສິຍາ ນ ວຕ຺ຕພ຺ພາ – ‘‘ນີວຣຓວິປ຺ປຍຸຕ຺ຕນີວຣຓິຍາ’’ຕິປິ, ‘‘ນີວຣຓວິປ຺ປຍຸຕ຺ຕອນີວຣຓິຍາ’’ຕິປິ.

ເອກາທສາຍຕນາ ໂນ ປຣາມາສາ. ຘມ຺ມາຍຕນໍ ສິຍາ ປຣາມາໂສ, ສິຍາ ໂນ ປຣາມາໂສ. ທສາຍຕນາ ປຣາມຏ຺ຐາ. ທ຺ວາຍຕນາ ສິຍາ ປຣາມຏ຺ຐາ, ສິຍາ ອປຣາມຏ຺ຐາ. ທສາຍຕນາ ປຣາມາສວິປ຺ປຍຸຕ຺ຕາ. ມນາຍຕນໍ ສິຍາ ປຣາມາສສມ຺ປຍຸຕ຺ຕໍ, ສິຍາ ປຣາມາສວິປ຺ປຍຸຕ຺ຕໍ. ຘມ຺ມາຍຕນໍ ສິຍາ ປຣາມາສສມ຺ປຍຸຕ຺ຕໍ, ສິຍາ ປຣາມາສວິປ຺ປຍຸຕ຺ຕໍ, ສິຍາ ນ ວຕ຺ຕພ຺ພໍ – ‘‘ປຣາມາສສມ຺ປຍຸຕ຺ຕ’’ນ຺ຕິປິ, ‘‘ປຣາມາສວິປ຺ປຍຸຕ຺ຕ’’ນ຺ຕິປິ. ທສາຍຕນາ ນ ວຕ຺ຕພ຺ພາ – ‘‘ປຣາມາສາ ເຈວ ປຣາມຏ຺ຐາ ຈາ’’ຕິ, ‘‘ປຣາມຏ຺ຐາ ເຈວ ໂນ ຈ ປຣາມາສາ’’. ມນາຍຕນໍ ນ ວຕ຺ຕພ຺ພໍ – ‘‘ປຣາມາໂສ ເຈວ ປຣາມຏ຺ຐຎ຺ຈາ’’ຕິ, ສິຍາ ປຣາມຏ຺ຐຎ຺ເຈວ ໂນ ຈ ປຣາມາໂສ, ສິຍາ ນ ວຕ຺ຕພ຺ພໍ – ‘‘ປຣາມຏ຺ຐຎ຺ເຈວ ໂນ ຈ ປຣາມາໂສ’’ຕິ. ຘມ຺ມາຍຕນໍ ສິຍາ ປຣາມາໂສ ເຈວ ປຣາມຏ຺ຐຎ຺ຈ, ສິຍາ ປຣາມຏ຺ຐຎ຺ເຈວ ໂນ ຈ ປຣາມາໂສ, ສິຍາ ນ ວຕ຺ຕພ຺ພໍ – ‘‘ປຣາມາໂສ ເຈວ ປຣາມຏ຺ຐຎ຺ຈາ’’ຕິປິ, ‘‘ປຣາມຏ຺ຐຎ຺ເຈວ ໂນ ຈ ປຣາມາໂສ’’ຕິປິ. ທສາຍຕນາ ປຣາມາສວິປ຺ປຍຸຕ຺ຕປຣາມຏ຺ຐາ. ທ຺ວາຍຕນາ ສິຍາ ປຣາມາສວິປ຺ປຍຸຕ຺ຕປຣາມຏ຺ຐາ, ສິຍາ ປຣາມາສວິປ຺ປຍຸຕ຺ຕອປຣາມຏ຺ຐາ, ສິຍາ ນ ວຕ຺ຕພ຺ພາ – ‘‘ປຣາມາສວິປ຺ປຍຸຕ຺ຕປຣາມຏ຺ຐາ’’ຕິປິ, ‘‘ປຣາມາສວິປ຺ປຍຸຕ຺ຕອປຣາມຏ຺ຐາ’’ຕິປິ.

ທສາຍຕນາ ອນາຣມ຺ມຓາ. ມນາຍຕນໍ ສາຣມ຺ມຓໍ. ຘມ຺ມາຍຕນໍ ສິຍາ ສາຣມ຺ມຓໍ, ສິຍາ ອນາຣມ຺ມຓໍ. ມນາຍຕນໍ ຈິຕ຺ຕໍ. ເອກາທສາຍຕນາ ໂນ ຈິຕ຺ຕາ. ເອກາທສາຍຕນາ ອເຈຕສິກາ. ຘມ຺ມາຍຕນໍ ສິຍາ ເຈຕສິກໍ, ສິຍາ ອເຈຕສິກໍ. ທສາຍຕນາ ຈິຕ຺ຕວິປ຺ປຍຸຕ຺ຕາ. ຘມ຺ມາຍຕນໍ ສິຍາ ຈິຕ຺ຕສມ຺ປຍຸຕ຺ຕໍ, ສິຍາ ຈິຕ຺ຕວິປ຺ປຍຸຕ຺ຕໍ. ມນາຍຕນໍ ນ ວຕ຺ຕພ຺ພໍ – ‘‘ຈິຕ຺ເຕນ ສມ຺ປຍຸຕ຺ຕ’’ນ຺ຕິປິ, ‘‘ຈິຕ຺ເຕນ ວິປ຺ປຍຸຕ຺ຕ’’ນ຺ຕິປິ. ທສາຍຕນາ ຈິຕ຺ຕວິສໍສຏ຺ຐາ. ຘມ຺ມາຍຕນໍ ສິຍາ ຈິຕ຺ຕສໍສຏ຺ຐໍ, ສິຍາ ຈິຕ຺ຕວິສໍສຏ຺ຐໍ. ມນາຍຕນໍ ນ ວຕ຺ຕພ຺ພໍ – ‘‘ຈິຕ຺ເຕນ ສໍສຏ຺ຐ’’ນ຺ຕິປິ, ‘‘ຈິຕ຺ເຕນ ວິສໍສຏ຺ຐ’’ນ຺ຕິປິ. ຉາຍຕນາ ໂນ ຈິຕ຺ຕສມຸຏ຺ຐານາ. ຉາຍຕນາ ສິຍາ ຈິຕ຺ຕສມຸຏ຺ຐານາ, ສິຍາ ໂນ ຈິຕ຺ຕສມຸຏ຺ຐານາ. ເອກາທສາຍຕນາ ໂນ ຈິຕ຺ຕສຫຠຸໂນ. ຘມ຺ມາຍຕນໍ ສິຍາ ຈິຕ຺ຕສຫຠູ, ສິຍາ ໂນ ຈິຕ຺ຕສຫຠູ. ເອກາທສາຍຕນາ ໂນ ຈິຕ຺ຕານຸປຣິວຕ຺ຕິໂນ. ຘມ຺ມາຍຕນໍ ສິຍາ ຈິຕ຺ຕານຸປຣິວຕ຺ຕິ, ສິຍາ ໂນ ຈິຕ຺ຕານຸປຣິວຕ຺ຕິ. ເອກາທສາຍຕນາ ໂນ ຈິຕ຺ຕສໍສຏ຺ຐສມຸຏ຺ຐານາ. ຘມ຺ມາຍຕນໍ ສິຍາ ຈິຕ຺ຕສໍສຏ຺ຐສມຸຏ຺ຐານໍ, ສິຍາ ໂນ ຈິຕ຺ຕສໍສຏ຺ຐສມຸຏ຺ຐານໍ. ເອກາທສາຍຕນາ ໂນ ຈິຕ຺ຕສໍສຏ຺ຐສມຸຏ຺ຐານສຫຠຸໂນ. ຘມ຺ມາຍຕນໍ ສິຍາ ຈິຕ຺ຕສໍສຏ຺ຐສມຸຏ຺ຐານສຫຠູ, ສິຍາ ໂນ ຈິຕ຺ຕສໍສຏ຺ຐສມຸຏ຺ຐານສຫຠູ. ເອກາທສາຍຕນາ ໂນ ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິໂນ. ຘມ຺ມາຍຕນໍ ສິຍາ ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິ, ສິຍາ ໂນ ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິ.

ຉາຍຕນາ ອຊ຺ຌຕ຺ຕິກາ. ຉາຍຕນາ ພາຫິຣາ. ນວາຍຕນາ ອຸປາທາ. ທ຺ວາຍຕນາ ໂນ ອຸປາທາ. ຘມ຺ມາຍຕນໍ ສິຍາ ອຸປາທາ, ສິຍາ ໂນ ອຸປາທາ. ປຎ຺ຈາຍຕນາ ອຸປາທິນ຺ນາ. ສທ຺ທາຍຕນໍ ອນຸປາທິນ຺ນໍ. ຉາຍຕນາ ສິຍາ ອຸປາທິນ຺ນາ, ສິຍາ ອນຸປາທິນ຺ນາ. ເອກາທສາຍຕນາ ໂນ ອຸປາທານາ. ຘມ຺ມາຍຕນໍ ສິຍາ ອຸປາທານໍ, ສິຍາ ໂນ ອຸປາທານໍ. ທສາຍຕນາ ອຸປາທານິຍາ. ທ຺ວາຍຕນາ ສິຍາ ອຸປາທານິຍາ, ສິຍາ ອນຸປາທານິຍາ. ທສາຍຕນາ ອຸປາທານວິປ຺ປຍຸຕ຺ຕາ. ທ຺ວາຍຕນາ ສິຍາ ອຸປາທານສມ຺ປຍຸຕ຺ຕາ, ສິຍາ ອຸປາທານວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ອຸປາທານາ ເຈວ ອຸປາທານິຍາ ຈາ’’ຕິ, ອຸປາທານິຍາ ເຈວ ໂນ ຈ ອຸປາທານາ. ມນາຍຕນໍ ນ ວຕ຺ຕພ຺ພໍ – ‘‘ອຸປາທານຎ຺ເຈວ ອຸປາທານິຍຎ຺ຈາ’’ຕິ, ສິຍາ ອຸປາທານິຍຎ຺ເຈວ ໂນ ຈ ອຸປາທານໍ, ສິຍາ ນ ວຕ຺ຕພ຺ພໍ – ‘‘ອຸປາທານິຍຎ຺ເຈວ ໂນ ຈ ອຸປາທານ’’ນ຺ຕິ. ຘມ຺ມາຍຕນໍ ສິຍາ ອຸປາທານຎ຺ເຈວ ອຸປາທານິຍຎ຺ຈ, ສິຍາ ອຸປາທານິຍຎ຺ເຈວ ໂນ ຈ ອຸປາທານໍ, ສິຍາ ນ ວຕ຺ຕພ຺ພໍ – ‘‘ອຸປາທານຎ຺ເຈວ ອຸປາທານິຍຎ຺ຈາ’’ຕິປິ, ‘‘ອຸປາທານິຍຎ຺ເຈວ ໂນ ຈ ອຸປາທານ’’ນ຺ຕິປິ. ທສາຍຕນາ ນ ວຕ຺ຕພ຺ພາ – ‘‘ອຸປາທານາ ເຈວ ອຸປາທານສມ຺ປຍຸຕ຺ຕາ ຈາ’’ຕິປິ, ‘‘ອຸປາທານສມ຺ປຍຸຕ຺ຕາ ເຈວ ໂນ ຈ ອຸປາທານາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ອຸປາທານິຍຎ຺ເຈວ ອຸປາທານສມ຺ປຍຸຕ຺ຕຎ຺ຈາ’’ຕິ, ສິຍາ ອຸປາທານສມ຺ປຍຸຕ຺ຕຎ຺ເຈວ ໂນ ຈ ອຸປາທານໍ, ສິຍາ ນ ວຕ຺ຕພ຺ພໍ – ‘‘ອຸປາທານສມ຺ປຍຸຕ຺ຕຎ຺ເຈວ ໂນ ຈ ອຸປາທານ’’ນ຺ຕິ. ຘມ຺ມາຍຕນໍ ສິຍາ ອຸປາທານຎ຺ເຈວ ອຸປາທານສມ຺ປຍຸຕ຺ຕຎ຺ຈ, ສິຍາ ອຸປາທານສມ຺ປຍຸຕ຺ຕຎ຺ເຈວ ໂນ ຈ ອຸປາທານໍ, ສິຍາ ນ ວຕ຺ຕພ຺ພໍ – ‘‘ອຸປາທານຎ຺ເຈວ ອຸປາທານສມ຺ປຍຸຕ຺ຕຎ຺ຈາ’’ຕິປິ, ‘‘ອຸປາທານສມ຺ປຍຸຕ຺ຕຎ຺ເຈວ ໂນ ຈ ອຸປາທານ’’ນ຺ຕິປິ. ທສາຍຕນາ ອຸປາທານວິປ຺ປຍຸຕ຺ຕອຸປາທານິຍາ. ທ຺ວາຍຕນາ ສິຍາ ອຸປາທານສມ຺ປຍຸຕ຺ຕອຸປາທານິຍາ, ສິຍາ ອຸປາທານວິປ຺ປຍຸຕ຺ຕອນຸປາທານິຍາ, ສິຍາ ນ ວຕ຺ຕພ຺ພາ – ‘‘ອຸປາທານວິປ຺ປຍຸຕ຺ຕອຸປາທານິຍາ’’ຕິປິ, ‘‘ອຸປາທານວິປ຺ປຍຸຕ຺ຕອນຸປາທານິຍາ’’ຕິປິ.

ເອກາທສາຍຕນາ ໂນ ກິເລສາ. ຘມ຺ມາຍຕນໍ ສິຍາ ກິເລໂສ, ສິຍາ ໂນ ກິເລໂສ. ທສາຍຕນາ ສໍກິເລສິກາ. ທ຺ວາຍຕນາ ສິຍາ ສໍກິເລສິກາ, ສິຍາ ອສໍກິເລສິກາ. ທສາຍຕນາ ອສໍກິລິຏ຺ຐາ. ທ຺ວາຍຕນາ ສິຍາ ສໍກິລິຏ຺ຐາ, ສິຍາ ອສໍກິລິຏ຺ຐາ. ທສາຍຕນາ ກິເລສວິປ຺ປຍຸຕ຺ຕາ. ທ຺ວາຍຕນາ ສິຍາ ກິເລສສມ຺ປຍຸຕ຺ຕາ, ສິຍາ ກິເລສວິປ຺ປຍຸຕ຺ຕາ. ທສາຍຕນາ ນ ວຕ຺ຕພ຺ພາ – ‘‘ກິເລສາ ເຈວ ສໍກິເລສິກາ ຈາ’’ຕິ, ‘‘ສໍກິເລສິກາ ເຈວ ໂນ ຈ ກິເລສາ’’. ມນາຍຕນໍ ນ ວຕ຺ຕພ຺ພໍ – ‘‘ກິເລໂສ ເຈວ ສໍກິເລສິກຎ຺ຈາ’’ຕິ, ສິຍາ ສໍກິເລສິກຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ສໍກິເລສິກຎ຺ເຈວ ໂນ ຈ ກິເລໂສ’’ຕິ. ຘມ຺ມາຍຕນໍ ສິຍາ ກິເລໂສ ເຈວ ສໍກິເລສິກຎ຺ຈ, ສິຍາ ສໍກິເລສິກຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ກິເລໂສ ເຈວ ສໍກິເລສິກຎ຺ຈາ’’ຕິປິ, ‘‘ສໍກິເລສິກຎ຺ເຈວ ໂນ ຈ ກິເລໂສ’’ຕິປິ. ທສາຍຕນາ ນ ວຕ຺ຕພ຺ພາ – ‘‘ກິເລສາ ເຈວ ສໍກິລິຏ຺ຐາ ຈາ’’ຕິປິ, ‘‘ສໍກິລິຏ຺ຐາ ເຈວ ໂນ ຈ ກິເລສາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ກິເລໂສ ເຈວ ສໍກິລິຏ຺ຐຎ຺ຈາ’’ຕິ, ສິຍາ ສໍກິລິຏ຺ຐຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ສໍກິລິຏ຺ຐຎ຺ເຈວ ໂນ ຈ ກິເລໂສ’’ຕິ. ຘມ຺ມາຍຕນໍ ສິຍາ ກິເລໂສ ເຈວ ສໍກິລິຏ຺ຐຎ຺ຈ, ສິຍາ ສໍກິລິຏ຺ຐຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ກິເລໂສ ເຈວ ສໍກິລິຏ຺ຐຎ຺ຈາ’’ຕິປິ, ‘‘ສໍກິລິຏ຺ຐຎ຺ເຈວ ໂນ ຈ ກິເລໂສ’’ຕິປິ.

ທສາຍຕນາ ນ ວຕ຺ຕພ຺ພາ – ‘‘ກິເລສາ ເຈວ ກິເລສສມ຺ປຍຸຕ຺ຕາ ຈາ’’ຕິປິ, ‘‘ກິເລສສມ຺ປຍຸຕ຺ຕາ ເຈວ ໂນ ຈ ນ ກິເລສາ’’ຕິປິ. ມນາຍຕນໍ ນ ວຕ຺ຕພ຺ພໍ – ‘‘ກິເລໂສ ເຈວ ກິເລສສມ຺ປຍຸຕ຺ຕຎ຺ຈາ’’ຕິ, ສິຍາ ກິເລສສມ຺ປຍຸຕ຺ຕຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ກິເລສສມ຺ປຍຸຕ຺ຕຎ຺ເຈວ ໂນ ຈ ກິເລໂສ’’ຕິ. ຘມ຺ມາຍຕນໍ ສິຍາ ກິເລໂສ ເຈວ ກິເລສສມ຺ປຍຸຕ຺ຕຎ຺ຈ, ສິຍາ ກິເລສສມ຺ປຍຸຕ຺ຕຎ຺ເຈວ ໂນ ຈ ກິເລໂສ, ສິຍາ ນ ວຕ຺ຕພ຺ພໍ – ‘‘ກິເລໂສ ເຈວ ກິເລສສມ຺ປຍຸຕ຺ຕຎ຺ຈາ’’ຕິປິ, ‘‘ກິເລສສມ຺ປຍຸຕ຺ຕຎ຺ເຈວ ໂນ ຈ ກິເລໂສ’’ຕິປິ. ທສາຍຕນາ ກິເລສວິປ຺ປຍຸຕ຺ຕສໍກິເລສິກາ. ທ຺ວາຍຕນາ ສິຍາ ກິເລສວິປ຺ປຍຸຕ຺ຕສໍກິເລສິກາ, ສິຍາ ກິເລສວິປ຺ປຍຸຕ຺ຕອສໍກິເລສິກາ, ສິຍາ ນ ວຕ຺ຕພ຺ພາ – ‘‘ກິເລສວິປ຺ປຍຸຕ຺ຕສໍກິເລສິກາ’’ຕິປິ, ‘‘ກິເລສວິປ຺ປຍຸຕ຺ຕອສໍກິເລສິກາ’’ຕິປິ.

ທສາຍຕນາ ນ ທສ຺ສເນນ ປຫາຕພ຺ພາ. ທ຺ວາຍຕນາ ສິຍາ ທສ຺ສເນນ ປຫາຕພ຺ພາ, ສິຍາ ນ ທສ຺ສເນນ ປຫາຕພ຺ພາ. ທສາຍຕນາ ນ ຠາວນາຍ ປຫາຕພ຺ພາ. ທ຺ວາຍຕນາ ສິຍາ ຠາວນາຍ ປຫາຕພ຺ພາ, ສິຍາ ນ ຠາວນາຍ ປຫາຕພ຺ພາ. ທສາຍຕນາ ນ ທສ຺ສເນນ ປຫາຕພ຺ພເຫຕຸກາ. ທ຺ວາຍຕນາ ສິຍາ ທສ຺ສເນນ ປຫາຕພ຺ພເຫຕຸກາ, ສິຍາ ນ ທສ຺ສເນນ ປຫາຕພ຺ພເຫຕຸກາ. ທສາຍຕນາ ນ ຠາວນາຍ ປຫາຕພ຺ພເຫຕຸກາ. ທ຺ວາຍຕນາ ສິຍາ ຠາວນາຍ ປຫາຕພ຺ພເຫຕຸກາ, ສິຍາ ນ ຠາວນາຍ ປຫາຕພ຺ພເຫຕຸກາ. ທສາຍຕນາ ອວິຕກ຺ກາ. ທ຺ວາຍຕນາ ສິຍາ ສວິຕກ຺ກາ, ສິຍາ ອວິຕກ຺ກາ. ທສາຍຕນາ ອວິຈາຣາ. ທ຺ວາຍຕນາ ສິຍາ ສວິຈາຣາ, ສິຍາ ອວິຈາຣາ. ທສາຍຕນາ ອປ຺ປີຕິກາ. ທ຺ວາຍຕນາ ສິຍາ ສປ຺ປີຕິກາ, ສິຍາ ອປ຺ປີຕິກາ. ທສາຍຕນາ ນ ປີຕິສຫຄຕາ. ທ຺ວາຍຕນາ ສິຍາ ປີຕິສຫຄຕາ, ສິຍາ ນ ປີຕິສຫຄຕາ. ທສາຍຕນາ ນ ສຸຂສຫຄຕາ. ທ຺ວາຍຕນາ ສິຍາ ສຸຂສຫຄຕາ, ສິຍາ ນ ສຸຂສຫຄຕາ. ທສາຍຕນາ ນ ອຸເປກ຺ຂາສຫຄຕາ. ທ຺ວາຍຕນາ ສິຍາ ອຸເປກ຺ຂາສຫຄຕາ, ສິຍາ ນ ອຸເປກ຺ຂາສຫຄຕາ.

ທສາຍຕນາ ກາມາວຈຣາ. ທ຺ວາຍຕນາ ສິຍາ ກາມາວຈຣາ, ສິຍາ ນ ກາມາວຈຣາ. ທສາຍຕນາ ນ ຣູປາວຈຣາ. ທ຺ວາຍຕນາ ສິຍາ ຣູປາວຈຣາ, ສິຍາ ນ ຣູປາວຈຣາ. ທສາຍຕນາ ນ ອຣູປາວຈຣາ. ທ຺ວາຍຕນາ ສິຍາ ອຣູປາວຈຣາ, ສິຍາ ນ ອຣູປາວຈຣາ. ທສາຍຕນາ ປຣິຍາປນ຺ນາ. ທ຺ວາຍຕນາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ. ທສາຍຕນາ ອນິຍ຺ຍານິກາ. ທ຺ວາຍຕນາ ສິຍາ ນິຍ຺ຍານິກາ, ສິຍາ ອນິຍ຺ຍານິກາ. ທສາຍຕນາ ອນິຍຕາ. ທ຺ວາຍຕນາ ສິຍາ ນິຍຕາ, ສິຍາ ອນິຍຕາ. ທສາຍຕນາ ສອຸຕ຺ຕຣາ. ທ຺ວາຍຕນາ ສິຍາ ສອຸຕ຺ຕຣາ, ສິຍາ ອນຸຕ຺ຕຣາ. ທສາຍຕນາ ອຣຓາ. ທ຺ວາຍຕນາ ສິຍາ ສຣຓາ, ສິຍາ ອຣຓາຕິ.

ປຎ຺ຫາປຸຈ຺ຉກໍ.

ອາຍຕນວິຠງ຺ໂຄ ນິຏ຺ຐິໂຕ.