໑໐. ຕິກາທິທສ຺ສນວາໂຣ

໑. ກຸສລຕ຺ຕິກໍ

໑໐໓໘. ປຎ຺ຈນ຺ນໍ ຂນ຺ຘານໍ ກຕິ ກຸສລາ, ກຕິ ອກຸສລາ, ກຕິ ອພ຺ຍາກຕາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ກຸສລາ, ກຕິ ອກຸສລາ, ກຕິ ອພ຺ຍາກຕາ?

ຣູປກ຺ຂນ຺ໂຘ ອພ຺ຍາກໂຕ. ຈຕ຺ຕາໂຣ ຂນ຺ຘາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ. ທສາຍຕນາ ອພ຺ຍາກຕາ. ທ຺ວາຍຕນາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ. ໂສຬສ ຘາຕຸໂຍ ອພ຺ຍາກຕາ. ທ຺ເວ ຘາຕຸໂຍ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ. ສມຸທຍສຈ຺ຈໍ ອກຸສລໍ. ມຄ຺ຄສຈ຺ຈໍ ກຸສລໍ. ນິໂຣຘສຈ຺ຈໍ ອພ຺ຍາກຕໍ. ທຸກ຺ຂສຈ຺ຈໍ ສິຍາ ກຸສລໍ, ສິຍາ ອກຸສລໍ, ສິຍາ ອພ຺ຍາກຕໍ.

ທສິນ຺ທ຺ຣິຍາ ອພ຺ຍາກຕາ. ໂທມນສ຺ສິນ຺ທ຺ຣິຍໍ ອກຸສລໍ. ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ກຸສລໍ. ຈຕ຺ຕາຣິນ຺ທ຺ຣິຍາ ສິຍາ ກຸສລາ, ສິຍາ ອພ຺ຍາກຕາ. ຉ ອິນ຺ທ຺ຣິຍາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ.

ຕໂຍ ກຸສລເຫຕູ ກຸສລາ. ຕໂຍ ອກຸສລເຫຕູ ອກຸສລາ. ຕໂຍ ອພ຺ຍາກຕເຫຕູ ອພ຺ຍາກຕາ. ກພຬີກາໂຣ ອາຫາໂຣ ອພ຺ຍາກໂຕ. ຕໂຍ ອາຫາຣາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ. ຉ ຜສ຺ສາ ອພ຺ຍາກຕາ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ກຸສໂລ, ສິຍາ ອກຸສໂລ, ສິຍາ ອພ຺ຍາກໂຕ. ຉ ເວທນາ… ຉ ສຎ຺ຎາ… ຉ ເຈຕນາ… ຉ ຈິຕ຺ຕາ ອພ຺ຍາກຕາ. ມໂນວິຎ຺ຎາຓຘາຕຸ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ.

໒. ເວທນາຕິກໍ

໑໐໓໙. ປຎ຺ຈນ຺ນໍ ຂນ຺ຘານໍ ກຕິ ສຸຂາຍ ເວທນາຍ ສມ຺ປຍຸຕ຺ຕາ, ກຕິ ທຸກ຺ຂາຍ ເວທນາຍ ສມ຺ປຍຸຕ຺ຕາ, ກຕິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ສຸຂາຍ ເວທນາຍ ສມ຺ປຍຸຕ຺ຕາ, ກຕິ ທຸກ຺ຂາຍ ເວທນາຍ ສມ຺ປຍຸຕ຺ຕາ, ກຕິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ?

ທ຺ເວ ຂນ຺ຘາ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ. ຕໂຍ ຂນ຺ຘາ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ.

ທສາຍຕນາ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ. ມນາຍຕນໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ. ຘມ຺ມາຍຕນໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ນ ວຕ຺ຕພ຺ພໍ ສຸຂາຍ ເວທນາຍ ສມ຺ປຍຸຕ຺ຕນ຺ຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕນ຺ຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕນ຺ຕິປິ.

ທສ ຘາຕຸໂຍ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ. ປຎ຺ຈ ຘາຕຸໂຍ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ, ກາຍວິຎ຺ຎາຓຘາຕຸ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ. ມໂນວິຎ຺ຎາຓຘາຕຸ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ຘມ຺ມຘາຕຸ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ, ສິຍາ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ.

ທ຺ເວ ສຈ຺ຈາ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ນິໂຣຘສຈ຺ຈໍ ນ ວຕ຺ຕພ຺ພໍ ສຸຂາຍ ເວທນາຍ ສມ຺ປຍຸຕ຺ຕນ຺ຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕນ຺ຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕນ຺ຕິປິ. ທຸກ຺ຂສຈ຺ຈໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ນ ວຕ຺ຕພ຺ພໍ ສຸຂາຍ ເວທນາຍ ສມ຺ປຍຸຕ຺ຕນ຺ຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕນ຺ຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕນ຺ຕິປິ.

ທ຺ວາທສິນ຺ທ຺ຣິຍາ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ. ຉ ອິນ຺ທ຺ຣິຍາ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ຕີຓິນ຺ທ຺ຣິຍາ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ຊີວິຕິນ຺ທ຺ຣິຍໍ ສິຍາ ສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕໍ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ, ສິຍາ ນ ວຕ຺ຕພ຺ພໍ ສຸຂາຍ ເວທນາຍ ສມ຺ປຍຸຕ຺ຕນ຺ຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕນ຺ຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕນ຺ຕິປິ.

ໂທໂສ ອກຸສລເຫຕຸ ທຸກ຺ຂາຍ ເວທນາຍ ສມ຺ປຍຸຕ຺ໂຕ. ສຕ຺ຕ ເຫຕູ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ໂມໂຫ ອກຸສລເຫຕຸ ສິຍາ ສຸຂາຍ ເວທນາຍ ສມ຺ປຍຸຕ຺ໂຕ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ສິຍາ ທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ.

ກພຬີກາໂຣ ອາຫາໂຣ ນ ວຕ຺ຕພ຺ໂພ ສຸຂາຍ ເວທນາຍ ສມ຺ປຍຸຕ຺ໂຕຕິ ປິ, ທຸກ຺ຂາຍ ເວທນາຍ ສມ຺ປຍຸຕ຺ໂຕຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕຕິປິ. ຕໂຍ ອາຫາຣາ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ.

ປຎ຺ຈ ຜສ຺ສາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ. ກາຍວິຎ຺ຎາຓຘາຕຸສມ຺ຜສ຺ໂສ ສິຍາ ສຸຂາຍ ເວທນາຍ ສມ຺ປຍຸຕ຺ໂຕ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ໂຕ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ສຸຂາຍ ເວທນາຍ ສມ຺ປຍຸຕ຺ໂຕ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ.

ສຕ຺ຕ ເວທນາ ນ ວຕ຺ຕພ຺ພາ ສຸຂາຍ ເວທນາຍ ສມ຺ປຍຸຕ຺ຕາຕິປິ, ທຸກ຺ຂາຍ ເວທນາຍ ສມ຺ປຍຸຕ຺ຕາຕິປິ, ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາຕິປິ. ປຎ຺ຈ ສຎ຺ຎາ… ປຎ຺ຈ ເຈຕນາ… ປຎ຺ຈ ຈິຕ຺ຕາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ, ກາຍວິຎ຺ຎາຓຘາຕຸ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ. ມໂນວິຎ຺ຎາຓຘາຕຸ ສິຍາ ສຸຂາຍ ເວທນາຍ ສມ຺ປຍຸຕ຺ຕາ, ສິຍາ ທຸກ຺ຂາຍ ເວທນາຍ ສມ຺ປຍຸຕ຺ຕາ, ສິຍາ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ.

໓. ວິປາກຕ຺ຕິກໍ

໑໐໔໐. ປຎ຺ຈນ຺ນໍ ຂນ຺ຘານໍ ກຕິ ວິປາກາ, ກຕິ ວິປາກຘມ຺ມຘມ຺ມາ, ກຕິ ເນວວິປາກນວິປາກຘມ຺ມຘມ຺ມາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ວິປາກາ, ກຕິ ວິປາກຘມ຺ມຘມ຺ມາ, ກຕິ ເນວວິປາກນວິປາກຘມ຺ມຘມ຺ມາ?

ຣູປກ຺ຂນ຺ໂຘ ເນວວິປາກນວິປາກຘມ຺ມຘມ຺ໂມ. ຈຕ຺ຕາໂຣ ຂນ຺ຘາ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

ທສາຍຕນາ ເນວວິປາກນວິປາກຘມ຺ມຘມ຺ມາ. ທ຺ວາຍຕນາ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

ທສ ຘາຕຸໂຍ ເນວວິປາກນວິປາກຘມ຺ມຘມ຺ມາ. ປຎ຺ຈ ຘາຕຸໂຍ ວິປາກາ. ມໂນຘາຕຸ ສິຍາ ວິປາກາ, ສິຍາ ເນວວິປາກນວິປາກຘມ຺ມຘມ຺ມາ. ທ຺ເວ ຘາຕຸໂຍ ສິຍາ ວິປາກາ ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

ທ຺ເວ ສຈ຺ຈາ ວິປາກຘມ຺ມຘມ຺ມາ. ນິໂຣຘສຈ຺ຈໍ ເນວວິປາກນວິປາກຘມ຺ມຘມ຺ມໍ. ທຸກ຺ຂສຈ຺ຈໍ ສິຍາ ວິປາກໍ, ສິຍາ ວິປາກຘມ຺ມຘມ຺ມໍ, ສິຍາ ເນວວິປາກນວິປາກຘມ຺ມຘມ຺ມໍ.

ສຕ຺ຕິນ຺ທ຺ຣິຍາ ເນວວິປາກນວິປາກຘມ຺ມຘມ຺ມາ. ຕີຓິນ຺ທ຺ຣິຍາ ວິປາກາ. ທ຺ວິນ຺ທ຺ຣິຍາ ວິປາກຘມ຺ມຘມ຺ມາ. ອຎ຺ຎິນ຺ທ຺ຣິຍໍ ສິຍາ ວິປາກໍ, ສິຍາ ວິປາກຘມ຺ມຘມ຺ມໍ. ນວິນ຺ທ຺ຣິຍາ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

ຉ ເຫຕູ ວິປາກຘມ຺ມຘມ຺ມາ. ຕໂຍ ອພ຺ຍາກຕເຫຕູ ສິຍາ ວິປາກາ, ສິຍາ ເນວວິປາກນວິປາກຘມ຺ມຘມ຺ມາ.

ກພຬີກາໂຣ ອາຫາໂຣ ເນວວິປາກນວິປາກຘມ຺ມຘມ຺ໂມ. ຕໂຍ ອາຫາຣາ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ. ປຎ຺ຈ ຜສ຺ສາ ວິປາກາ. ມໂນຘາຕຸສມ຺ຜສ຺ໂສ ສິຍາ ວິປາໂກ, ສິຍາ ເນວວິປາກນວິປາກຘມ຺ມຘມ຺ໂມ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ວິປາໂກ, ສິຍາ ວິປາກຘມ຺ມຘມ຺ໂມ, ສິຍາ ເນວວິປາກນວິປາກຘມ຺ມຘມ຺ໂມ. ປຎ຺ຈ ເວທນາ… ປຎ຺ຈ ສຎ຺ຎາ… ປຎ຺ຈ ເຈຕນາ… ປຎ຺ຈ ຈິຕ຺ຕາ ວິປາກາ. ມໂນຘາຕຸ ສິຍາ ວິປາກາ, ສິຍາ ເນວວິປາກນວິປາກຘມ຺ມຘມ຺ມາ. ມໂນວິຎ຺ຎາຓຘາຕຸ ສິຍາ ວິປາກາ, ສິຍາ ວິປາກຘມ຺ມຘມ຺ມາ, ສິຍາ ເນວວິປາກນວິປາກຘມ຺ມຘມ຺ມາ.

໔. ອຸປາທິນ຺ນຕ຺ຕິກໍ

໑໐໔໑. ປຎ຺ຈນ຺ນໍ ຂນ຺ຘານໍ ກຕິ ອຸປາທິນ຺ນຸປາທານິຍາ, ກຕິ ອນຸປາທິນ຺ນຸປາທານິຍາ, ກຕິ ອນຸປາທິນ຺ນອນຸປາທານິຍາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ອຸປາທິນ຺ນຸປາທານິຍາ, ກຕິ ອນຸປາທິນ຺ນຸປາທານິຍາ, ກຕິ ອນຸປາທິນ຺ນອນຸປາທານິຍາ?

ຣູປກ຺ຂນ຺ໂຘ ສິຍາ ອຸປາທິນ຺ນຸປາທານິໂຍ, ສິຍາ ອນຸປາທິນ຺ນຸປາທານິໂຍ ໔. ຈຕ຺ຕາໂຣ ຂນ຺ຘາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

ປຎ຺ຈາຍຕນາ ອຸປາທິນ຺ນຸປາທານິຍາ. ສທ຺ທາຍຕນໍ ອນຸປາທິນ຺ນຸປາທານິຍໍ. ຈຕ຺ຕາໂຣ ອາຍຕນາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ. ທ຺ວາຍຕນາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

ທສ ຘາຕຸໂຍ ອຸປາທິນ຺ນຸປາທານິຍາ. ສທ຺ທຘາຕຸ ອນຸປາທິນ຺ນຸປາທານິຍາ. ປຎ຺ຈ ຘາຕຸໂຍ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ. ທ຺ເວ ຘາຕຸໂຍ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

ສມຸທຍສຈ຺ຈໍ ອນຸປາທິນ຺ນຸປາທານິຍໍ. ທ຺ເວ ສຈ຺ຈາ ອນຸປາທິນ຺ນອນຸປາທານິຍາ. ທຸກ຺ຂສຈ຺ຈໍ ສິຍາ ອຸປາທິນ຺ນຸປາທານິຍໍ, ສິຍາ ອນຸປາທິນ຺ນຸປາທານິຍໍ.

ນວິນ຺ທ຺ຣິຍາ ອຸປາທິນ຺ນຸປາທານິຍາ. ໂທມນສ຺ສິນ຺ທ຺ຣິຍໍ ອນຸປາທິນ຺ນຸປາທານິຍໍ. ຕີຓິນ຺ທ຺ຣິຍາ ອນຸປາທິນ຺ນອນຸປາທານິຍາ. ນວິນ຺ທ຺ຣິຍາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ. ຕໂຍ ອກຸສລເຫຕູ ອນຸປາທິນ຺ນຸປາທານິຍາ. ຕໂຍ ກຸສລເຫຕູ ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ. ຕໂຍ ອພ຺ຍາກຕເຫຕູ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

ກພຬີກາໂຣ ອາຫາໂຣ ສິຍາ ອຸປາທິນ຺ນຸປາທານິໂຍ, ສິຍາ ອນຸປາທິນ຺ນຸປາທານິໂຍ. ຕໂຍ ອາຫາຣາ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

ປຎ຺ຈ ຜສ຺ສາ ອຸປາທິນ຺ນຸປາທານິຍາ. ມໂນຘາຕຸສມ຺ຜສ຺ໂສ ສິຍາ ອຸປາທິນ຺ນຸປາທານິໂຍ, ສິຍາ ອນຸປາທິນ຺ນຸປາທານິໂຍ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ອຸປາທິນ຺ນຸປາທານິໂຍ, ສິຍາ ອນຸປາທິນ຺ນຸປາທານິໂຍ, ສິຍາ ອນຸປາທິນ຺ນອນຸປາທານິໂຍ. ປຎ຺ຈ ເວທນາ… ປຎ຺ຈ ສຎ຺ຎາ… ປຎ຺ຈ ເຈຕນາ… ປຎ຺ຈ ຈິຕ຺ຕາ ອຸປາທິນ຺ນຸປາທານິຍາ. ມໂນຘາຕຸ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ. ມໂນວິຎ຺ຎາຓຘາຕຸ ສິຍາ ອຸປາທິນ຺ນຸປາທານິຍາ, ສິຍາ ອນຸປາທິນ຺ນຸປາທານິຍາ, ສິຍາ ອນຸປາທິນ຺ນອນຸປາທານິຍາ.

໕. ວິຕກ຺ກຕ຺ຕິກໍ

໑໐໔໒. ປຎ຺ຈນ຺ນໍ ຂນ຺ຘານໍ ກຕິ ສວິຕກ຺ກສວິຈາຣາ, ກຕິ ອວິຕກ຺ກວິຈາຣມຕ຺ຕາ, ກຕິ ອວິຕກ຺ກອວິຈາຣາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ສວິຕກ຺ກສວິຈາຣາ, ກຕິ ອວິຕກ຺ກວິຈາຣມຕ຺ຕາ, ກຕິ ອວິຕກ຺ກອວິຈາຣາ?

ຣູປກ຺ຂນ຺ໂຘ ອວິຕກ຺ກອວິຈາໂຣ. ຕໂຍ ຂນ຺ຘາ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ. ສງ຺ຂາຣກ຺ຂນ຺ໂຘ ສິຍາ ສວິຕກ຺ກສວິຈາໂຣ, ສິຍາ ອວິຕກ຺ກວິຈາຣມຕ຺ໂຕ, ສິຍາ ອວິຕກ຺ກອວິຈາໂຣ ສິຍາ ນ ວຕ຺ຕພ຺ໂພ ສວິຕກ຺ກສວິຈາໂຣຕິປິ, ອວິຕກ຺ກວິຈາຣມຕ຺ໂຕຕິປິ, ອວິຕກ຺ກອວິຈາໂຣຕິປິ.

ທສາຍຕນາ ອວິຕກ຺ກອວິຈາຣາ. ມນາຍຕນໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ. ຘມ຺ມາຍຕນໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ, ສິຍາ ນ ວຕ຺ຕພ຺ພໍ ສວິຕກ຺ກສວິຈາຣນ຺ຕິປິ, ອວິຕກ຺ກວິຈາຣມຕ຺ຕນ຺ຕິປິ, ອວິຕກ຺ກອວິຈາຣນ຺ຕິປິ.

ປນ຺ນຣສ ຘາຕຸໂຍ ອວິຕກ຺ກອວິຈາຣາ. ມໂນຘາຕຸ ສວິຕກ຺ກສວິຈາຣາ. ມໂນວິຎ຺ຎາຓຘາຕຸ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ. ຘມ຺ມຘາຕຸ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ, ສິຍາ ນ ວຕ຺ຕພ຺ພາ ສວິຕກ຺ກສວິຈາຣາຕິປິ, ອວິຕກ຺ກວິຈາຣມຕ຺ຕາຕິປິ, ອວິຕກ຺ກອວິຈາຣາຕິປິ.

ສມຸທຍສຈ຺ຈໍ ສວິຕກ຺ກສວິຈາຣໍ. ນິໂຣຘສຈ຺ຈໍ ອວິຕກ຺ກອວິຈາຣໍ. ມຄ຺ຄສຈ຺ຈໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ. ທຸກ຺ຂສຈ຺ຈໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກວິຈາຣມຕ຺ຕໍ, ສິຍາ ອວິຕກ຺ກອວິຈາຣໍ, ສິຍາ ນ ວຕ຺ຕພ຺ພໍ ສວິຕກ຺ກສວິຈາຣນ຺ຕິປິ, ອວິຕກ຺ກວິຈາຣມຕ຺ຕນ຺ຕິປິ, ອວິຕກ຺ກອວິຈາຣນ຺ຕິປິ.

ນວິນ຺ທ຺ຣິຍາ ອວິຕກ຺ກອວິຈາຣາ. ໂທມນສ຺ສິນ຺ທ຺ຣິຍໍ ສວິຕກ຺ກສວິຈາຣໍ. ອຸເປກ຺ຂິນ຺ທ຺ຣິຍໍ ສິຍາ ສວິຕກ຺ກສວິຈາຣໍ, ສິຍາ ອວິຕກ຺ກອວິຈາຣໍ. ເອກາທສິນ຺ທ຺ຣິຍາ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ.

ຕໂຍ ອກຸສລເຫຕູ ສວິຕກ຺ກສວິຈາຣາ. ຉ ເຫຕູ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ. ກພຬີກາໂຣ ອາຫາໂຣ ອວິຕກ຺ກອວິຈາໂຣ. ຕໂຍ ອາຫາຣາ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ. ປຎ຺ຈ ຜສ຺ສາ ອວິຕກ຺ກອວິຈາຣາ. ມໂນຘາຕຸສມ຺ຜສ຺ໂສ ສວິຕກ຺ກສວິຈາໂຣ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ສວິຕກ຺ກສວິຈາໂຣ, ສິຍາ ອວິຕກ຺ກວິຈາຣມຕ຺ໂຕ, ສິຍາ ອວິຕກ຺ກອວິຈາໂຣ. ປຎ຺ຈ ເວທນາ… ປຎ຺ຈ ສຎ຺ຎາ… ປຎ຺ຈ ເຈຕນາ… ປຎ຺ຈ ຈິຕ຺ຕາ ອວິຕກ຺ກອວິຈາຣາ ມໂນຘາຕຸ ສວິຕກ຺ກສວິຈາຣາ, ມໂນວິຎ຺ຎາຓຘາຕຸ ສິຍາ ສວິຕກ຺ກສວິຈາຣາ, ສິຍາ ອວິຕກ຺ກວິຈາຣມຕ຺ຕາ, ສິຍາ ອວິຕກ຺ກອວິຈາຣາ.

(໑) ຣູປທຸກໍ

໑໐໔໓. ປຎ຺ຈນ຺ນໍ ຂນ຺ຘານໍ ກຕິ ຣູປາ, ກຕິ ອຣູປາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ຣູປາ, ກຕິ ອຣູປາ?

ຣູປກ຺ຂນ຺ໂຘ ຣູປໍ. ຈຕ຺ຕາໂຣ ຂນ຺ຘາ ອຣູປາ. ທສາຍຕນາ ຣູປາ. ມນາຍຕນໍ ອຣູປໍ. ຘມ຺ມາຍຕນໍ ສິຍາ ຣູປໍ, ສິຍາ ອຣູປໍ. ທສ ຘາຕຸໂຍ ຣູປາ. ສຕ຺ຕ ຘາຕຸໂຍ ອຣູປາ. ຘມ຺ມຘາຕຸ ສິຍາ ຣູປາ, ສິຍາ ອຣູປາ. ຕີຓິ ສຈ຺ຈານິ ອຣູປາ. ທຸກ຺ຂສຈ຺ຈໍ ສິຍາ ຣູປໍ, ສິຍາ ອຣູປໍ. ສຕ຺ຕິນ຺ທ຺ຣິຍາ ຣູປາ. ຈຸທ຺ທສິນ຺ທ຺ຣິຍາ ອຣູປາ. ຊີວິຕິນ຺ທ຺ຣິຍໍ ສິຍາ ຣູປໍ, ສິຍາ ອຣູປໍ. ນວ ເຫຕູ ອຣູປາ. ກພຬີກາໂຣ ອາຫາໂຣ ຣູປໍ. ຕໂຍ ອາຫາຣາ ອຣູປາ. ສຕ຺ຕ ຜສ຺ສາ ອຣູປາ. ສຕ຺ຕ ເວທນາ… ສຕ຺ຕ ສຎ຺ຎາ… ສຕ຺ຕ ເຈຕນາ ສຕ຺ຕ ຈິຕ຺ຕາ ອຣູປາ.

(໒) ໂລກິຍທຸກໍ

໑໐໔໔. ປຎ຺ຈນ຺ນໍ ຂນ຺ຘານໍ ກຕິ ໂລກິຍາ, ກຕິ ໂລກຸຕ຺ຕຣາ? ທ຺ວາທສນ຺ນໍ ອາຍຕນານໍ ກຕິ ໂລກິຍາ, ກຕິ ໂລກຸຕ຺ຕຣາ? ອຏ຺ຐາຣສນ຺ນໍ ຘາຕູນໍ ກຕິ ໂລກິຍາ, ກຕິ ໂລກຸຕ຺ຕຣາ? ຈຕຸນ຺ນໍ ສຈ຺ຈານໍ ກຕິ ໂລກິຍາ, ກຕິ ໂລກຸຕ຺ຕຣາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ໂລກິຍາ, ກຕິ ໂລກຸຕ຺ຕຣາ?

ຣູປກ຺ຂນ຺ໂຘ ໂລກິໂຍ. ຈຕ຺ຕາໂຣ ຂນ຺ຘາ ສິຍາ ໂລກິຍາ, ສິຍາ ໂລກຸຕ຺ຕຣາ. ທສາຍຕນາ ໂລກິຍາ. ທ຺ເວ ອາຍຕນາ ສິຍາ ໂລກິຍາ, ສິຍາ ໂລກຸຕ຺ຕຣາ. ໂສຬສ ຘາຕຸໂຍ ໂລກິຍາ. ທ຺ເວ ຘາຕຸໂຍ ສິຍາ ໂລກິຍາ, ສິຍາ ໂລກຸຕ຺ຕຣາ. ທ຺ເວ ສຈ຺ຈາ ໂລກິຍາ. ທ຺ເວ ສຈ຺ຈາ ໂລກຸຕ຺ຕຣາ.

ທສິນ຺ທ຺ຣິຍາ ໂລກິຍາ. ຕີຓິນ຺ທ຺ຣິຍາ ໂລກຸຕ຺ຕຣາ. ນວິນ຺ທ຺ຣິຍາ ສິຍາ ໂລກິຍາ, ສິຍາ ໂລກຸຕ຺ຕຣາ. ຕໂຍ ອກຸສລເຫຕູ ໂລກິຍາ. ຉ ເຫຕູ ສິຍາ ໂລກິຍາ, ສິຍາ ໂລກຸຕ຺ຕຣາ. ກພຬີກາໂຣ ອາຫາໂຣ ໂລກິໂຍ. ຕໂຍ ອາຫາຣາ ສິຍາ ໂລກິຍາ, ສິຍາ ໂລກຸຕ຺ຕຣາ. ຉ ຜສ຺ສາ ໂລກິຍາ. ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ໂລກິໂຍ, ສິຍາ ໂລກຸຕ຺ຕໂຣ. ຉ ເວທນາ ໂລກິຍາ. ມໂນວິຎ຺ຎາຓຘາຕຸສມ຺ຜສ຺ສຊາ ເວທນາ ສິຍາ ໂລກິຍາ, ສິຍາ ໂລກຸຕ຺ຕຣາ. ຉ ສຎ຺ຎາ ໂລກິຍາ. ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ ສິຍາ ໂລກິຍາ, ສິຍາ ໂລກຸຕ຺ຕຣາ. ຉ ເຈຕນາ ໂລກິຍາ. ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ ສິຍາ ໂລກິຍາ, ສິຍາ ໂລກຸຕ຺ຕຣາ. ຉ ຈິຕ຺ຕາ ໂລກິຍາ. ມໂນວິຎ຺ຎາຓຘາຕຸ ສິຍາ ໂລກິຍາ, ສິຍາ ໂລກຸຕ຺ຕຣາຕິ.

ອຠິຎ຺ຎາ ທ຺ເວ ສາຣມ຺ມຓາ, ທິຏ຺ຐາ ກຸສລເວທນາ;

ວິປາກາ ຈ ອຸປາທິນ຺ນາ, ວິຕກ຺ກໍ ຣູປໂລກິຍາຕິ.

ຘມ຺ມຫທຍວິຠງ຺ໂຄ ນິຏ຺ຐິໂຕ.

ວິຠງ຺ຄປກຣຓໍ ນິຏ຺ຐິຕໍ.