໓. ສຎ຺ຎາກ຺ຂນ຺ໂຘ

໖໒. ຕຕ຺ຖ ກຕໂມ ສຎ຺ຎາກ຺ຂນ຺ໂຘ? ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ.

ຈຕຸພ຺ພິເຘນ ສຎ຺ຎາກ຺ຂນ຺ໂຘ – ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ.

ປຎ຺ຈວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສຸຂິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ທຸກ຺ຂິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ໂສມນສ຺ສິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ໂທມນສ຺ສິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ອຸເປກ຺ຂິນ຺ທ຺ຣິຍສມ຺ປຍຸຕ຺ໂຕ. ເອວໍ ປຎ຺ຈວິເຘນ ສຎ຺ຎາກ຺ຂນ຺ໂຘ.

ຉພ຺ພິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນສມ຺ຜສ຺ສຊາ ສຎ຺ຎາ. ເອວໍ ຉພ຺ພິເຘນ ສຎ຺ຎາກ຺ຂນ຺ໂຘ.

ສຕ຺ຕວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ. ເອວໍ ສຕ຺ຕວິເຘນ ສຎ຺ຎາກ຺ຂນ຺ໂຘ.

ອຏ຺ຐວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສຊາ ສຎ຺ຎາ…ເປ… ກາຍສມ຺ຜສ຺ສຊາ ສຎ຺ຎາ ອຕ຺ຖິ ສຸຂສຫຄຕາ, ອຕ຺ຖິ ທຸກ຺ຂສຫຄຕາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ. ເອວໍ ອຏ຺ຐວິເຘນ ສຎ຺ຎາກ຺ຂນ຺ໂຘ.

ນວວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສຊາ ສຎ຺ຎາ…ເປ… ກາຍສມ຺ຜສ຺ສຊາ ສຎ຺ຎາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ ອຕ຺ຖິ ກຸສລາ, ອຕ຺ຖິ ອກຸສລາ, ອຕ຺ຖິ ອພ຺ຍາກຕາ. ເອວໍ ນວວິເຘນ ສຎ຺ຎາກ຺ຂນ຺ໂຘ.

ທສວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສຊາ ສຎ຺ຎາ…ເປ… ກາຍສມ຺ຜສ຺ສຊາ ສຎ຺ຎາ ອຕ຺ຖິ ສຸຂສຫຄຕາ, ອຕ຺ຖິ ທຸກ຺ຂສຫຄຕາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ ອຕ຺ຖິ ກຸສລາ, ອຕ຺ຖິ ອກຸສລາ, ອຕ຺ຖິ ອພ຺ຍາກຕາ. ເອວໍ ທສວິເຘນ ສຎ຺ຎາກ຺ຂນ຺ໂຘ.

໖໓. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໖໔. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ວິປາໂກ, ອຕ຺ຖິ ວິປາກຘມ຺ມຘມ຺ໂມ, ອຕ຺ຖິ ເນວວິປາກນວິປາກຘມ຺ມຘມ຺ໂມ. ອຕ຺ຖິ ອຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນອນຸປາທານິໂຍ. ອຕ຺ຖິ ສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐອສໍກິເລສິໂກ. ອຕ຺ຖິ ສວິຕກ຺ກສວິຈາໂຣ, ອຕ຺ຖິ ອວິຕກ຺ກວິຈາຣມຕ຺ໂຕ, ອຕ຺ຖິ ອວິຕກ຺ກອວິຈາໂຣ. ອຕ຺ຖິ ປີຕິສຫຄໂຕ, ອຕ຺ຖິ ສຸຂສຫຄໂຕ, ອຕ຺ຖິ ອຸເປກ຺ຂາສຫຄໂຕ. ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ໂພ. ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸໂກ. ອຕ຺ຖິ ອາຈຍຄາມີ, ອຕ຺ຖິ ອປຈຍຄາມີ, ອຕ຺ຖິ ເນວາຈຍຄາມິນາປຈຍຄາມີ. ອຕ຺ຖິ ເສກ຺ໂຂ, ອຕ຺ຖິ ອເສກ຺ໂຂ, ອຕ຺ຖິ ເນວເສກ຺ຂນາເສກ຺ໂຂ. ອຕ຺ຖິ ປຣິຕ຺ໂຕ, ອຕ຺ຖິ ມຫຄ຺ຄໂຕ, ອຕ຺ຖິ ອປ຺ປມາໂຓ. ອຕ຺ຖິ ປຣິຕ຺ຕາຣມ຺ມໂຓ, ອຕ຺ຖິ ມຫຄ຺ຄຕາຣມ຺ມໂຓ, ອຕ຺ຖິ ອປ຺ປມາຓາຣມ຺ມໂຓ. ອຕ຺ຖິ ຫີໂນ, ອຕ຺ຖິ ມຊ຺ຌິໂມ, ອຕ຺ຖິ ປຓີໂຕ. ອຕ຺ຖິ ມິຈ຺ຉຕ຺ຕນິຍໂຕ, ອຕ຺ຖິ ສມ຺ມຕ຺ຕນິຍໂຕ, ອຕ຺ຖິ ອນິຍໂຕ. ອຕ຺ຖິ ມຄ຺ຄາຣມ຺ມໂຓ, ອຕ຺ຖິ ມຄ຺ຄເຫຕຸໂກ, ອຕ຺ຖິ ມຄ຺ຄາຘິປຕິ. ອຕ຺ຖິ ອຸປ຺ປນ຺ໂນ, ອຕ຺ຖິ ອນຸປ຺ປນ຺ໂນ, ອຕ຺ຖິ ອຸປ຺ປາທີ. ອຕ຺ຖິ ອຕີໂຕ, ອຕ຺ຖິ ອນາຄໂຕ, ອຕ຺ຖິ ປຈ຺ຈຸປ຺ປນ຺ໂນ. ອຕ຺ຖິ ອຕີຕາຣມ຺ມໂຓ, ອຕ຺ຖິ ອນາຄຕາຣມ຺ມໂຓ, ອຕ຺ຖິ ປຈ຺ຈຸປ຺ປນ຺ນາຣມ຺ມໂຓ. ອຕ຺ຖິ ອຊ຺ຌຕ຺ໂຕ, ອຕ຺ຖິ ພຫິທ຺ໂຘ, ອຕ຺ຖິ ອຊ຺ຌຕ຺ຕພຫິທ຺ໂຘ. ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ… ເອວໍ ທສວິເຘນ ສຎ຺ຎາກ຺ຂນ຺ໂຘ.

໖໕. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ເຫຕຸສມ຺ປຍຸຕ຺ໂຕ, ອຕ຺ຖິ ເຫຕຸວິປ຺ປຍຸຕ຺ໂຕ. ອຕ຺ຖິ ນ ເຫຕຸສເຫຕຸໂກ, ອຕ຺ຖິ ນ ເຫຕຸອເຫຕຸໂກ. ອຕ຺ຖິ ໂລກິໂຍ, ອຕ຺ຖິ ໂລກຸຕ຺ຕໂຣ. ອຕ຺ຖິ ເກນຈິ ວິຎ຺ເຎຍ຺ໂຍ, ອຕ຺ຖິ ເກນຈິ ນ ວິຎ຺ເຎຍ຺ໂຍ. ອຕ຺ຖິ ສາສໂວ, ອຕ຺ຖິ ອນາສໂວ. ອຕ຺ຖິ ອາສວສມ຺ປຍຸຕ຺ໂຕ, ອຕ຺ຖິ ອາສວວິປ຺ປຍຸຕ຺ໂຕ. ອຕ຺ຖິ ອາສວວິປ຺ປຍຸຕ຺ຕສາສໂວ, ອຕ຺ຖິ ອາສວວິປ຺ປຍຸຕ຺ຕອນາສໂວ. ອຕ຺ຖິ ສໍໂຍຊນິໂຍ, ອຕ຺ຖິ ອສໍໂຍຊນິໂຍ. ອຕ຺ຖິ ສໍໂຍຊນສມ຺ປຍຸຕ຺ໂຕ, ອຕ຺ຖິ ສໍໂຍຊນວິປ຺ປຍຸຕ຺ໂຕ. ອຕ຺ຖິ ສໍໂຍຊນວິປ຺ປຍຸຕ຺ຕສໍໂຍຊນິໂຍ, ອຕ຺ຖິ ສໍໂຍຊນວິປ຺ປຍຸຕ຺ຕອສໍໂຍຊນິໂຍ. ອຕ຺ຖິ ຄນ຺ຖນິໂຍ, ອຕ຺ຖິ ອຄນ຺ຖນິໂຍ. ອຕ຺ຖິ ຄນ຺ຖສມ຺ປຍຸຕ຺ໂຕ, ອຕ຺ຖິ ຄນ຺ຖວິປ຺ປຍຸຕ຺ໂຕ. ອຕ຺ຖິ ຄນ຺ຖວິປ຺ປຍຸຕ຺ຕຄນ຺ຖນິໂຍ, ອຕ຺ຖິ ຄນ຺ຖວິປ຺ປຍຸຕ຺ຕອຄນ຺ຖນິໂຍ. ອຕ຺ຖິ ໂອຆນິໂຍ, ອຕ຺ຖິ ອໂນຆນິໂຍ. ອຕ຺ຖິ ໂອຆສມ຺ປຍຸຕ຺ໂຕ, ອຕ຺ຖິ ໂອຆວິປ຺ປຍຸຕ຺ໂຕ. ອຕ຺ຖິ ໂອຆວິປ຺ປຍຸຕ຺ຕໂອຆນິໂຍ, ອຕ຺ຖິ ໂອຆວິປ຺ປຍຸຕ຺ຕອໂນຆນິໂຍ. ອຕ຺ຖິ ໂຍຄນິໂຍ, ອຕ຺ຖິ ອໂຍຄນິໂຍ. ອຕ຺ຖິ ໂຍຄສມ຺ປຍຸຕ຺ໂຕ, ອຕ຺ຖິ ໂຍຄວິປ຺ປຍຸຕ຺ໂຕ. ອຕ຺ຖິ ໂຍຄວິປ຺ປຍຸຕ຺ຕໂຍຄນິໂຍ, ອຕ຺ຖິ ໂຍຄວິປ຺ປຍຸຕ຺ຕອໂຍຄນິໂຍ. ອຕ຺ຖິ ນີວຣຓິໂຍ, ອຕ຺ຖິ ອນີວຣຓິໂຍ. ອຕ຺ຖິ ນີວຣຓສມ຺ປຍຸຕ຺ໂຕ, ອຕ຺ຖິ ນີວຣຓວິປ຺ປຍຸຕ຺ໂຕ. ອຕ຺ຖິ ນີວຣຓວິປ຺ປຍຸຕ຺ຕນີວຣຓິໂຍ, ອຕ຺ຖິ ນີວຣຓວິປ຺ປຍຸຕ຺ຕອນີວຣຓິໂຍ. ອຕ຺ຖິ ປຣາມຏ຺ໂຐ, ອຕ຺ຖິ ອປຣາມຏ຺ໂຐ. ອຕ຺ຖິ ປຣາມາສສມ຺ປຍຸຕ຺ໂຕ, ອຕ຺ຖິ ປຣາມາສວິປ຺ປຍຸຕ຺ໂຕ. ອຕ຺ຖິ ປຣາມາສວິປ຺ປຍຸຕ຺ຕປຣາມຏ຺ໂຐ, ອຕ຺ຖິ ປຣາມາສວິປ຺ປຍຸຕ຺ຕອປຣາມຏ຺ໂຐ. ອຕ຺ຖິ ອຸປາທິນ຺ໂນ, ອຕ຺ຖິ ອນຸປາທິນ຺ໂນ. ອຕ຺ຖິ ອຸປາທານິໂຍ, ອຕ຺ຖິ ອນຸປາທານິໂຍ. ອຕ຺ຖິ ອຸປາທານສມ຺ປຍຸຕ຺ໂຕ, ອຕ຺ຖິ ອຸປາທານວິປ຺ປຍຸຕ຺ໂຕ. ອຕ຺ຖິ ອຸປາທານວິປ຺ປຍຸຕ຺ຕອຸປາທານິໂຍ, ອຕ຺ຖິ ອຸປາທານວິປ຺ປຍຸຕ຺ຕອນຸປາທານິໂຍ. ອຕ຺ຖິ ສໍກິເລສິໂກ, ອຕ຺ຖິ ອສໍກິເລສິໂກ. ອຕ຺ຖິ ສໍກິລິຏ຺ໂຐ, ອຕ຺ຖິ ອສໍກິລິຏ຺ໂຐ. ອຕ຺ຖິ ກິເລສສມ຺ປຍຸຕ຺ໂຕ, ອຕ຺ຖິ ກິເລສວິປ຺ປຍຸຕ຺ໂຕ. ອຕ຺ຖິ ກິເລສວິປ຺ປຍຸຕ຺ຕສໍກິເລສິໂກ, ອຕ຺ຖິ ກິເລສວິປ຺ປຍຸຕ຺ຕອສໍກິເລສິໂກ. ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ນ ທສ຺ສເນນ ປຫາຕພ຺ໂພ. ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ນ ຠາວນາຍ ປຫາຕພ຺ໂພ. ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ນ ທສ຺ສເນນ ປຫາຕພ຺ພເຫຕຸໂກ. ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ນ ຠາວນາຍ ປຫາຕພ຺ພເຫຕຸໂກ. ອຕ຺ຖິ ສວິຕກ຺ໂກ, ອຕ຺ຖິ ອວິຕກ຺ໂກ. ອຕ຺ຖິ ສວິຈາໂຣ, ອຕ຺ຖິ ອວິຈາໂຣ. ອຕ຺ຖິ ສປ຺ປີຕິໂກ, ອຕ຺ຖິ ອປ຺ປີຕິໂກ. ອຕ຺ຖິ ປີຕິສຫຄໂຕ, ອຕ຺ຖິ ນ ປີຕິສຫຄໂຕ. ອຕ຺ຖິ ສຸຂສຫຄໂຕ, ອຕ຺ຖິ ນ ສຸຂສຫຄໂຕ. ອຕ຺ຖິ ອຸເປກ຺ຂາສຫຄໂຕ, ອຕ຺ຖິ ນ ອຸເປກ຺ຂາສຫຄໂຕ. ອຕ຺ຖິ ກາມາວຈໂຣ, ອຕ຺ຖິ ນ ກາມາວຈໂຣ. ອຕ຺ຖິ ຣູປາວຈໂຣ, ອຕ຺ຖິ ນ ຣູປາວຈໂຣ. ອຕ຺ຖິ ອຣູປາວຈໂຣ, ອຕ຺ຖິ ນ ອຣູປາວຈໂຣ. ອຕ຺ຖິ ປຣິຍາປນ຺ໂນ, ອຕ຺ຖິ ອປຣິຍາປນ຺ໂນ. ອຕ຺ຖິ ນິຍ຺ຍານິໂກ, ອຕ຺ຖິ ອນິຍ຺ຍານິໂກ. ອຕ຺ຖິ ນິຍໂຕ, ອຕ຺ຖິ ອນິຍໂຕ. ອຕ຺ຖິ ສອຸຕ຺ຕໂຣ, ອຕ຺ຖິ ອນຸຕ຺ຕໂຣ. ອຕ຺ຖິ ສຣໂຓ, ອຕ຺ຖິ ອຣໂຓ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໖໖. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສຣໂຓ, ອຕ຺ຖິ ອຣໂຓ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ. ອຕ຺ຖິ ວິປາໂກ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

(ຍຖາ ກຸສລຕ຺ຕິເກ ວິຕ຺ຖາໂຣ, ເອວໍ ສພ຺ເພປິ ຕິກາ ວິຕ຺ຖາເຣຕພ຺ພາ.)

ທຸກມູລກໍ.

໖໗. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

໖໘. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ເຫຕຸສມ຺ປຍຸຕ຺ໂຕ, ອຕ຺ຖິ ເຫຕຸວິປ຺ປຍຸຕ຺ໂຕ…ເປ… ອຕ຺ຖິ ສຣໂຓ, ອຕ຺ຖິ ອຣໂຓ.

໖໙. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

໗໐. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

ຕິກມູລກໍ.

໗໑. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

໗໒. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ເຫຕຸສມ຺ປຍຸຕ຺ໂຕ, ອຕ຺ຖິ ເຫຕຸວິປ຺ປຍຸຕ຺ໂຕ.

໗໓. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ນ ເຫຕຸ ສເຫຕຸໂກ, ອຕ຺ຖິ ນ ເຫຕຸ ອເຫຕຸໂກ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ວິປາໂກ, ອຕ຺ຖິ ວິປາກຘມ຺ມຘມ຺ໂມ, ອຕ຺ຖິ ເນວວິປາກນວິປາກຘມ຺ມຘມ຺ໂມ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໔. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂລກິໂຍ, ອຕ຺ຖິ ໂລກຸຕ຺ຕໂຣ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນອນຸປາທານິໂຍ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໕. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ເກນຈິ ວິຎ຺ເຎຍ຺ໂຍ, ອຕ຺ຖິ ເກນຈິ ນ ວິຎ຺ເຎຍ຺ໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐອສໍກິເລສິໂກ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໖. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສາສໂວ, ອຕ຺ຖິ ອນາສໂວ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສວິຕກ຺ກສວິຈາໂຣ, ອຕ຺ຖິ ອວິຕກ຺ກວິຈາຣມຕ຺ໂຕ, ອຕ຺ຖິ ອວິຕກ຺ກອວິຈາໂຣ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໗. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອາສວສມ຺ປຍຸຕ຺ໂຕ, ອຕ຺ຖິ ອາສວວິປ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ປີຕິສຫຄໂຕ, ອຕ຺ຖິ ສຸຂສຫຄໂຕ, ອຕ຺ຖິ ອຸເປກ຺ຂາສຫຄໂຕ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໘. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອາສວວິປ຺ປຍຸຕ຺ຕສາສໂວ, ອຕ຺ຖິ ອາສວວິປ຺ປຍຸຕ຺ຕອນາສໂວ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ໂພ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໗໙. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສໍໂຍຊນິໂຍ, ອຕ຺ຖິ ອສໍໂຍຊນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸໂກ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໐. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສໍໂຍຊນສມ຺ປຍຸຕ຺ໂຕ, ອຕ຺ຖິ ສໍໂຍຊນວິປ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອາຈຍຄາມີ, ອຕ຺ຖິ ອປຈຍຄາມີ, ອຕ຺ຖິ ເນວາຈຍຄາມິນາປຈຍຄາມີ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໑. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສໍໂຍຊນວິປ຺ປຍຸຕ຺ຕສໍໂຍຊນິໂຍ, ອຕ຺ຖິ ສໍໂຍຊນວິປ຺ປຍຸຕ຺ຕອສໍໂຍຊນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ເສກ຺ໂຂ, ອຕ຺ຖິ ອເສກ຺ໂຂ, ອຕ຺ຖິ ເນວເສກ຺ຂນາເສກ຺ໂຂ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໒. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ຄນ຺ຖນິໂຍ, ອຕ຺ຖິ ອຄນ຺ຖນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ປຣິຕ຺ໂຕ, ອຕ຺ຖິ ມຫຄ຺ຄໂຕ, ອຕ຺ຖິ ອປ຺ປມາໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໓. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ຄນ຺ຖສມ຺ປຍຸຕ຺ໂຕ, ອຕ຺ຖິ ຄນ຺ຖວິປ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ປຣິຕ຺ຕາຣມ຺ມໂຓ, ອຕ຺ຖິ ມຫຄ຺ຄຕາຣມ຺ມໂຓ, ອຕ຺ຖິ ອປ຺ປມາຓາຣມ຺ມໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໔. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ຄນ຺ຖວິປ຺ປຍຸຕ຺ຕຄນ຺ຖນິໂຍ, ອຕ຺ຖິ ຄນ຺ຖວິປ຺ປຍຸຕ຺ຕອຄນ຺ຖນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ຫີໂນ, ອຕ຺ຖິ ມຊ຺ຌິໂມ, ອຕ຺ຖິ ປຓີໂຕ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໕. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂອຆນິໂຍ, ອຕ຺ຖິ ອໂນຆນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ມິຈ຺ຉຕ຺ຕນິຍໂຕ, ອຕ຺ຖິ ສມ຺ມຕ຺ຕນິຍໂຕ, ອຕ຺ຖິ ອນິຍໂຕ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໖. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂອຆສມ຺ປຍຸຕ຺ໂຕ, ອຕ຺ຖິ ໂອຆວິປ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ມຄ຺ຄາຣມ຺ມໂຓ, ອຕ຺ຖິ ມຄ຺ຄເຫຕຸໂກ, ອຕ຺ຖິ ມຄ຺ຄາຘິປຕິ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໗. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂອຆວິປ຺ປຍຸຕ຺ຕໂອຆນິໂຍ, ອຕ຺ຖິ ໂອຆວິປ຺ປຍຸຕ຺ຕອໂນຆນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຸປ຺ປນ຺ໂນ, ອຕ຺ຖິ ອນຸປ຺ປນ຺ໂນ, ອຕ຺ຖິ ອຸປ຺ປາທີ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໘. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂຍຄນິໂຍ, ອຕ຺ຖິ ອໂຍຄນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຕີໂຕ, ອຕ຺ຖິ ອນາຄໂຕ, ອຕ຺ຖິ ປຈ຺ຈຸປ຺ປນ຺ໂນ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໘໙. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂຍຄສມ຺ປຍຸຕ຺ໂຕ, ອຕ຺ຖິ ໂຍຄວິປ຺ປຍຸຕ຺ໂຕ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຕີຕາຣມ຺ມໂຓ, ອຕ຺ຖິ ອນາຄຕາຣມ຺ມໂຓ, ອຕ຺ຖິ ປຈ຺ຈຸປ຺ປນ຺ນາຣມ຺ມໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໙໐. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ໂຍຄວິປ຺ປຍຸຕ຺ຕໂຍຄນິໂຍ, ອຕ຺ຖິ ໂຍຄວິປ຺ປຍຸຕ຺ຕອໂຍຄນິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຊ຺ຌຕ຺ໂຕ, ອຕ຺ຖິ ພຫິທ຺ໂຘ, ອຕ຺ຖິ ອຊ຺ຌຕ຺ຕພຫິທ຺ໂຘ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

໙໑. ເອກວິເຘນ ສຎ຺ຎາກ຺ຂນ຺ໂຘ – ຜສ຺ສສມ຺ປຍຸຕ຺ໂຕ.

ທຸວິເຘນ ສຎ຺ຎາກ຺ຂນ຺ໂຘ – ອຕ຺ຖິ ນີວຣຓິໂຍ, ອຕ຺ຖິ ອນີວຣຓິໂຍ.

ຕິວິເຘນ ສຎ຺ຎາກ຺ຂນ຺ໂຘ – ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສຎ຺ຎາກ຺ຂນ຺ໂຘ.

ອຸຠໂຕວຑ຺ຒກໍ.

ສຕ຺ຕວິເຘນ ສຎ຺ຎາກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ. ເອວໍ ສຕ຺ຕວິເຘນ ສຎ຺ຎາກ຺ຂນ຺ໂຘ.

ອປໂຣປິ ສຕ຺ຕວິເຘນ ສຎ຺ຎາກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ. ເອວໍ ສຕ຺ຕວິເຘນ ສຎ຺ຎາກ຺ຂນ຺ໂຘ.

ຈຕຸວີສຕິວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ; ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນສມ຺ຜສ຺ສຊາ ສຎ຺ຎາ. ເອວໍ ຈຕຸວີສຕິວິເຘນ ສຎ຺ຎາກ຺ຂນ຺ໂຘ.

ອປໂຣປິ ຈຕຸວີສຕິວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ຈກ຺ຂຸສມ຺ຜສ຺ສຊາ ສຎ຺ຎາ…ເປ… ມໂນສມ຺ຜສ຺ສຊາ ສຎ຺ຎາ. ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ; ຈກ຺ຂຸສມ຺ຜສ຺ສຊາ ສຎ຺ຎາ…ເປ… ມໂນສມ຺ຜສ຺ສຊາ ສຎ຺ຎາ. ເອວໍ ຈຕຸວີສຕິວິເຘນ ສຎ຺ຎາກ຺ຂນ຺ໂຘ.

ຕິໍສຕິວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ …ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ຈກ຺ຂຸສມ຺ຜສ຺ສຊາ ສຎ຺ຎາ…ເປ… ມໂນສມ຺ຜສ຺ສຊາ ສຎ຺ຎາ. ເອວໍ ຕິໍສຕິວິເຘນ ສຎ຺ຎາກ຺ຂນ຺ໂຘ.

ພຫຸວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ໂສຕສມ຺ຜສ຺ສປຈ຺ຈຍາ …ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ຈກ຺ຂຸສມ຺ຜສ຺ສຊາ ສຎ຺ຎາ…ເປ… ມໂນສມ຺ຜສ຺ສຊາ ສຎ຺ຎາ. ເອວໍ ພຫຸວິເຘນ ສຎ຺ຎາກ຺ຂນ຺ໂຘ.

ອປໂຣປິ ພຫຸວິເຘນ ສຎ຺ຎາກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສຎ຺ຎາກ຺ຂນ຺ໂຘ ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ, ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນສມ຺ຜສ຺ສຊາ ສຎ຺ຎາ. ເອວໍ ພຫຸວິເຘນ ສຎ຺ຎາກ຺ຂນ຺ໂຘ.

ອຍໍ ວຸຈ຺ຈຕິ ສຎ຺ຎາກ຺ຂນ຺ໂຘ.