໔. ສງ຺ຂາຣກ຺ຂນ຺ໂຘ

໙໒. ຕຕ຺ຖ ກຕໂມ ສງ຺ຂາຣກ຺ຂນ຺ໂຘ? ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ, ອຕ຺ຖິ ນ ເຫຕຸ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ.

ຈຕຸພ຺ພິເຘນ ສງ຺ຂາຣກ຺ຂນ຺ໂຘ – ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ.

ປຎ຺ຈວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຸຂິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ທຸກ຺ຂິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ໂສມນສ຺ສິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ໂທມນສ຺ສິນ຺ທ຺ຣິຍສມ຺ປຍຸຕ຺ໂຕ, ອຕ຺ຖິ ອຸເປກ຺ຂິນ຺ທ຺ຣິຍສມ຺ປຍຸຕ຺ໂຕ. ເອວໍ ປຎ຺ຈວິເຘນ ສງ຺ຂາຣກ຺ຂນ຺ໂຘ.

ຉພ຺ພິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນສມ຺ຜສ຺ສຊາ ເຈຕນາ. ເອວໍ ຉພ຺ພິເຘນ ສງ຺ຂາຣກ຺ຂນ຺ໂຘ.

ສຕ຺ຕວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ. ເອວໍ ສຕ຺ຕວິເຘນ ສງ຺ຂາຣກ຺ຂນ຺ໂຘ.

ອຏ຺ຐວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສຊາ ເຈຕນາ…ເປ… ກາຍສມ຺ຜສ຺ສຊາ ເຈຕນາ ອຕ຺ຖິ ສຸຂສຫຄຕາ, ອຕ຺ຖິ ທຸກ຺ຂສຫຄຕາ, ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ. ເອວໍ ອຏ຺ຐວິເຘນ ສງ຺ຂາຣກ຺ຂນ຺ໂຘ.

ນວວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສຊາ ເຈຕນາ…ເປ… ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ ອຕ຺ຖິ ກຸສລາ, ອຕ຺ຖິ ອກຸສລາ, ອຕ຺ຖິ ອພ຺ຍາກຕາ. ເອວໍ ນວວິເຘນ ສງ຺ຂາຣກ຺ຂນ຺ໂຘ.

ທສວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສຊາ ເຈຕນາ…ເປ… ກາຍສມ຺ຜສ຺ສຊາ ເຈຕນາ ອຕ຺ຖິ ສຸຂສຫຄຕາ, ອຕ຺ຖິ ທຸກ຺ຂສຫຄຕາ, ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ ອຕ຺ຖິ ກຸສລາ, ອຕ຺ຖິ ອກຸສລາ, ອຕ຺ຖິ ອພ຺ຍາກຕາ. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໙໓. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ, ອຕ຺ຖິ ນ ເຫຕຸ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ. ອຕ຺ຖິ ວິປາໂກ, ອຕ຺ຖິ ວິປາກຘມ຺ມຘມ຺ໂມ, ອຕ຺ຖິ ເນວວິປາກນວິປາກຘມ຺ມຘມ຺ໂມ. ອຕ຺ຖິ ອຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນອນຸປາທານິໂຍ. ອຕ຺ຖິ ສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐອສໍກິເລສິໂກ. ອຕ຺ຖິ ສວິຕກ຺ກສວິຈາໂຣ, ອຕ຺ຖິ ອວິຕກ຺ກວິຈາຣມຕ຺ໂຕ, ອຕ຺ຖິ ອວິຕກ຺ກອວິຈາໂຣ. ອຕ຺ຖິ ປີຕິສຫຄໂຕ, ອຕ຺ຖິ ສຸຂສຫຄໂຕ, ອຕ຺ຖິ ອຸເປກ຺ຂາສຫຄໂຕ. ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ໂພ. ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸໂກ. ອຕ຺ຖິ ອາຈຍຄາມີ, ອຕ຺ຖິ ອປຈຍຄາມີ, ອຕ຺ຖິ ເນວາຈຍຄາມິນາປຈຍຄາມີ. ອຕ຺ຖິ ເສກ຺ໂຂ, ອຕ຺ຖິ ອເສກ຺ໂຂ, ອຕ຺ຖິ ເນວເສກ຺ຂນາເສກ຺ໂຂ. ອຕ຺ຖິ ປຣິຕ຺ໂຕ, ອຕ຺ຖິ ມຫຄ຺ຄໂຕ, ອຕ຺ຖິ ອປ຺ປມາໂຓ. ອຕ຺ຖິ ປຣິຕ຺ຕາຣມ຺ມໂຓ, ອຕ຺ຖິ ມຫຄ຺ຄຕາຣມ຺ມໂຓ, ອຕ຺ຖິ ອປ຺ປມາຓາຣມ຺ມໂຓ. ອຕ຺ຖິ ຫີໂນ, ອຕ຺ຖິ ມຊ຺ຌິໂມ, ອຕ຺ຖິ ປຓີໂຕ. ອຕ຺ຖິ ມິຈ຺ຉຕ຺ຕນິຍໂຕ, ອຕ຺ຖິ ສມ຺ມຕ຺ຕນິຍໂຕ, ອຕ຺ຖິ ອນິຍໂຕ. ອຕ຺ຖິ ມຄ຺ຄາຣມ຺ມໂຓ, ອຕ຺ຖິ ມຄ຺ຄເຫຕຸໂກ, ອຕ຺ຖິ ມຄ຺ຄາຘິປຕິ. ອຕ຺ຖິ ອຸປ຺ປນ຺ໂນ, ອຕ຺ຖິ ອນຸປ຺ປນ຺ໂນ, ອຕ຺ຖິ ອຸປ຺ປາທີ. ອຕ຺ຖິ ອຕີໂຕ, ອຕ຺ຖິ ອນາຄໂຕ, ອຕ຺ຖິ ປຈ຺ຈຸປ຺ປນ຺ໂນ. ອຕ຺ຖິ ອຕີຕາຣມ຺ມໂຓ, ອຕ຺ຖິ ອນາຄຕາຣມ຺ມໂຓ, ອຕ຺ຖິ ປຈ຺ຈຸປ຺ປນ຺ນາຣມ຺ມໂຓ. ອຕ຺ຖິ ອຊ຺ຌຕ຺ໂຕ, ອຕ຺ຖິ ພຫິທ຺ໂຘ, ອຕ຺ຖິ ອຊ຺ຌຕ຺ຕພຫິທ຺ໂຘ. ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໙໔. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ. ອຕ຺ຖິ ເຫຕຸສມ຺ປຍຸຕ຺ໂຕ, ອຕ຺ຖິ ເຫຕຸວິປ຺ປຍຸຕ຺ໂຕ. ອຕ຺ຖິ ເຫຕຸ ເຈວ ສເຫຕຸໂກ ຈ, ອຕ຺ຖິ ສເຫຕຸໂກ ເຈວ ນ ຈ ເຫຕຸ. ອຕ຺ຖິ ເຫຕຸ ເຈວ ເຫຕຸສມ຺ປຍຸຕ຺ໂຕ ຈ, ອຕ຺ຖິ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ. ອຕ຺ຖິ ນ ເຫຕຸ ສເຫຕຸໂກ, ອຕ຺ຖິ ນ ເຫຕຸ ອເຫຕຸໂກ. ອຕ຺ຖິ ໂລກິໂຍ, ອຕ຺ຖິ ໂລກຸຕ຺ຕໂຣ. ອຕ຺ຖິ ເກນຈິ ວິຎ຺ເຎຍ຺ໂຍ, ອຕ຺ຖິ ເກນຈິ ນ ວິຎ຺ເຎຍ຺ໂຍ. ອຕ຺ຖິ ອາສໂວ, ອຕ຺ຖິ ໂນ ອາສໂວ. ອຕ຺ຖິ ສາສໂວ, ອຕ຺ຖິ ອນາສໂວ. ອຕ຺ຖິ ອາສວສມ຺ປຍຸຕ຺ໂຕ, ອຕ຺ຖິ ອາສວວິປ຺ປຍຸຕ຺ໂຕ. ອຕ຺ຖິ ອາສໂວ ເຈວ ສາສໂວ ຈ, ອຕ຺ຖິ ສາສໂວ ເຈວ ໂນ ຈ ອາສໂວ. ອຕ຺ຖິ ອາສໂວ ເຈວ ອາສວສມ຺ປຍຸຕ຺ໂຕ ຈ, ອຕ຺ຖິ ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ. ອຕ຺ຖິ ອາສວວິປ຺ປຍຸຕ຺ຕສາສໂວ, ອຕ຺ຖິ ອາສວວິປ຺ປຍຸຕ຺ຕອນາສໂວ. ອຕ຺ຖິ ສໍໂຍຊນໍ, ອຕ຺ຖິ ໂນ ສໍໂຍຊນໍ. ອຕ຺ຖິ ສໍໂຍຊນິໂຍ, ອຕ຺ຖິ ອສໍໂຍຊນິໂຍ. ອຕ຺ຖິ ສໍໂຍຊນສມ຺ປຍຸຕ຺ໂຕ, ອຕ຺ຖິ ສໍໂຍຊນວິປ຺ປຍຸຕ຺ໂຕ. ອຕ຺ຖິ ສໍໂຍຊນຎ຺ເຈວ ສໍໂຍຊນິໂຍ ຈ, ອຕ຺ຖິ ສໍໂຍຊນິໂຍ ເຈວ ໂນ ຈ ສໍໂຍຊນໍ. ອຕ຺ຖິ ສໍໂຍຊນຎ຺ເຈວ ສໍໂຍຊນສມ຺ປຍຸຕ຺ໂຕ ຈ, ອຕ຺ຖິ ສໍໂຍຊນສມ຺ປຍຸຕ຺ໂຕ ເຈວ ໂນ ຈ ສໍໂຍຊນໍ. ອຕ຺ຖິ ສໍໂຍຊນວິປ຺ປຍຸຕ຺ຕສໍໂຍຊນິໂຍ, ອຕ຺ຖິ ສໍໂຍຊນວິປ຺ປຍຸຕ຺ຕອສໍໂຍຊນິໂຍ.

ອຕ຺ຖິ ຄນ຺ໂຖ, ອຕ຺ຖິ ໂນ ຄນ຺ໂຖ. ອຕ຺ຖິ ຄນ຺ຖນິໂຍ, ອຕ຺ຖິ ອຄນ຺ຖນິໂຍ. ອຕ຺ຖິ ຄນ຺ຖສມ຺ປຍຸຕ຺ໂຕ, ອຕ຺ຖິ ຄນ຺ຖວິປ຺ປຍຸຕ຺ໂຕ. ອຕ຺ຖິ ຄນ຺ໂຖ ເຈວ ຄນ຺ຖນິໂຍ ຈ, ອຕ຺ຖິ ຄນ຺ຖນິໂຍ ເຈວ ໂນ ຈ ຄນ຺ໂຖ. ອຕ຺ຖິ ຄນ຺ໂຖ ເຈວ ຄນ຺ຖສມ຺ປຍຸຕ຺ໂຕ ຈ, ອຕ຺ຖິ ຄນ຺ຖສມ຺ປຍຸຕ຺ໂຕ ເຈວ ໂນ ຈ ຄນ຺ໂຖ. ອຕ຺ຖິ ຄນ຺ຖວິປ຺ປຍຸຕ຺ຕຄນ຺ຖນິໂຍ, ອຕ຺ຖິ ຄນ຺ຖວິປ຺ປຍຸຕ຺ຕອຄນ຺ຖນິໂຍ. ອຕ຺ຖິ ໂອໂຆ, ອຕ຺ຖິ ໂນ ໂອໂຆ. ອຕ຺ຖິ ໂອຆນິໂຍ, ອຕ຺ຖິ ອໂນຆນິໂຍ. ອຕ຺ຖິ ໂອຆສມ຺ປຍຸຕ຺ໂຕ, ອຕ຺ຖິ ໂອຆວິປ຺ປຍຸຕ຺ໂຕ. ອຕ຺ຖິ ໂອໂຆ ເຈວ ໂອຆນິໂຍ ຈ, ອຕ຺ຖິ ໂອຆນິໂຍ ເຈວ ໂນ ຈ ໂອໂຆ. ອຕ຺ຖິ ໂອໂຆ ເຈວ ໂອຆສມ຺ປຍຸຕ຺ໂຕ ຈ, ອຕ຺ຖິ ໂອຆສມ຺ປຍຸຕ຺ໂຕ ເຈວ ໂນ ຈ ໂອໂຆ. ອຕ຺ຖິ ໂອຆວິປ຺ປຍຸຕ຺ຕໂອຆນິໂຍ, ອຕ຺ຖິ ໂອຆວິປ຺ປຍຸຕ຺ຕອໂນຆນິໂຍ. ອຕ຺ຖິ ໂຍໂຄ, ອຕ຺ຖິ ໂນ ໂຍໂຄ. ອຕ຺ຖິ ໂຍຄນິໂຍ, ອຕ຺ຖິ ອໂຍຄນິໂຍ. ອຕ຺ຖິ ໂຍຄສມ຺ປຍຸຕ຺ໂຕ, ອຕ຺ຖິ ໂຍຄວິປ຺ປຍຸຕ຺ໂຕ. ອຕ຺ຖິ ໂຍໂຄ ເຈວ ໂຍຄນິໂຍ ຈ, ອຕ຺ຖິ ໂຍຄນິໂຍ ເຈວ ໂນ ຈ ໂຍໂຄ. ອຕ຺ຖິ ໂຍໂຄ ເຈວ ໂຍຄສມ຺ປຍຸຕ຺ໂຕ ຈ, ອຕ຺ຖິ ໂຍຄສມ຺ປຍຸຕ຺ໂຕ ເຈວ ໂນ ຈ ໂຍໂຄ. ອຕ຺ຖິ ໂຍຄວິປ຺ປຍຸຕ຺ຕໂຍຄນິໂຍ, ອຕ຺ຖິ ໂຍຄວິປ຺ປຍຸຕ຺ຕອໂຍຄນິໂຍ. ອຕ຺ຖິ ນີວຣຓໍ, ອຕ຺ຖິ ໂນ ນີວຣຓໍ. ອຕ຺ຖິ ນີວຣຓິໂຍ, ອຕ຺ຖິ ອນີວຣຓິໂຍ. ອຕ຺ຖິ ນີວຣຓສມ຺ປຍຸຕ຺ໂຕ, ອຕ຺ຖິ ນີວຣຓວິປ຺ປຍຸຕ຺ໂຕ. ອຕ຺ຖິ ນີວຣຓຎ຺ເຈວ ນີວຣຓິໂຍ ຈ, ອຕ຺ຖິ ນີວຣຓິໂຍ ເຈວ ໂນ ຈ ນີວຣຓໍ. ອຕ຺ຖິ ນີວຣຓຎ຺ເຈວ ນີວຣຓສມ຺ປຍຸຕ຺ໂຕ ຈ, ອຕ຺ຖິ ນີວຣຓສມ຺ປຍຸຕ຺ໂຕ ເຈວ ໂນ ຈ ນີວຣຓໍ. ອຕ຺ຖິ ນີວຣຓວິປ຺ປຍຸຕ຺ຕນີວຣຓິໂຍ, ອຕ຺ຖິ ນີວຣຓວິປ຺ປຍຸຕ຺ຕອນີວຣຓິໂຍ.

ອຕ຺ຖິ ປຣາມາໂສ, ອຕ຺ຖິ ໂນ ປຣາມາໂສ. ອຕ຺ຖິ ປຣາມຏ຺ໂຐ, ອຕ຺ຖິ ອປຣາມຏ຺ໂຐ. ອຕ຺ຖິ ປຣາມາສສມ຺ປຍຸຕ຺ໂຕ, ອຕ຺ຖິ ປຣາມາສວິປ຺ປຍຸຕ຺ໂຕ. ອຕ຺ຖິ ປຣາມາໂສ ເຈວ ປຣາມຏ຺ໂຐ ຈ, ອຕ຺ຖິ ປຣາມຏ຺ໂຐ ເຈວ ໂນ ຈ ປຣາມາໂສ. ອຕ຺ຖິ ປຣາມາສວິປ຺ປຍຸຕ຺ຕປຣາມຏ຺ໂຐ, ອຕ຺ຖິ ປຣາມາສວິປ຺ປຍຸຕ຺ຕອປຣາມຏ຺ໂຐ. ອຕ຺ຖິ ອຸປາທິນ຺ໂນ, ອຕ຺ຖິ ອນຸປາທິນ຺ໂນ. ອຕ຺ຖິ ອຸປາທານໍ, ອຕ຺ຖິ ໂນ ອຸປາທານໍ. ອຕ຺ຖິ ອຸປາທານິໂຍ, ອຕ຺ຖິ ອນຸປາທານິໂຍ. ອຕ຺ຖິ ອຸປາທານສມ຺ປຍຸຕ຺ໂຕ, ອຕ຺ຖິ ອຸປາທານວິປ຺ປຍຸຕ຺ໂຕ. ອຕ຺ຖິ ອຸປາທານຎ຺ເຈວ ອຸປາທານິໂຍ ຈ, ອຕ຺ຖິ ອຸປາທານິໂຍ ເຈວ ໂນ ຈ ອຸປາທານໍ. ອຕ຺ຖິ ອຸປາທານຎ຺ເຈວ ອຸປາທານສມ຺ປຍຸຕ຺ໂຕ ຈ, ອຕ຺ຖິ ອຸປາທານສມ຺ປຍຸຕ຺ໂຕ ເຈວ ໂນ ຈ ອຸປາທານໍ. ອຕ຺ຖິ ອຸປາທານວິປ຺ປຍຸຕ຺ຕອຸປາທານິໂຍ, ອຕ຺ຖິ ອຸປາທານວິປ຺ປຍຸຕ຺ຕອນຸປາທານິໂຍ.

ອຕ຺ຖິ ກິເລໂສ, ອຕ຺ຖິ ໂນ ກິເລໂສ. ອຕ຺ຖິ ສໍກິເລສິໂກ, ອຕ຺ຖິ ອສໍກິເລສິໂກ. ອຕ຺ຖິ ສໍກິລິຏ຺ໂຐ, ອຕ຺ຖິ ອສໍກິລິຏ຺ໂຐ. ອຕ຺ຖິ ກິເລສສມ຺ປຍຸຕ຺ໂຕ, ອຕ຺ຖິ ກິເລສວິປ຺ປຍຸຕ຺ໂຕ. ອຕ຺ຖິ ກິເລໂສ ເຈວ ສໍກິເລສິໂກ ຈ, ອຕ຺ຖິ ສໍກິເລສິໂກ ເຈວ ໂນ ຈ ກິເລໂສ. ອຕ຺ຖິ ກິເລໂສ ເຈວ ສໍກິລິຏ຺ໂຐ ຈ, ອຕ຺ຖິ ສໍກິລິຏ຺ໂຐ ເຈວ ໂນ ຈ ກິເລໂສ. ອຕ຺ຖິ ກິເລໂສ ເຈວ ກິເລສສມ຺ປຍຸຕ຺ໂຕ ຈ, ອຕ຺ຖິ ກິເລສສມ຺ປຍຸຕ຺ໂຕ ເຈວ ໂນ ຈ ກິເລໂສ. ອຕ຺ຖິ ກິເລສວິປ຺ປຍຸຕ຺ຕສໍກິເລສິໂກ, ອຕ຺ຖິ ກິເລສວິປ຺ປຍຸຕ຺ຕອສໍກິເລສິໂກ. ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ນ ທສ຺ສເນນ ປຫາຕພ຺ໂພ. ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ນ ຠາວນາຍ ປຫາຕພ຺ໂພ. ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ນ ທສ຺ສເນນ ປຫາຕພ຺ພເຫຕຸໂກ. ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ນ ຠາວນາຍ ປຫາຕພ຺ພເຫຕຸໂກ.

ອຕ຺ຖິ ສວິຕກ຺ໂກ, ອຕ຺ຖິ ອວິຕກ຺ໂກ. ອຕ຺ຖິ ສວິຈາໂຣ, ອຕ຺ຖິ ອວິຈາໂຣ. ອຕ຺ຖິ ສປ຺ປີຕິໂກ, ອຕ຺ຖິ ອປ຺ປີຕິໂກ. ອຕ຺ຖິ ປີຕິສຫຄໂຕ, ອຕ຺ຖິ ນ ປີຕິສຫຄໂຕ. ອຕ຺ຖິ ສຸຂສຫຄໂຕ, ອຕ຺ຖິ ນ ສຸຂສຫຄໂຕ. ອຕ຺ຖິ ອຸເປກ຺ຂາສຫຄໂຕ, ອຕ຺ຖິ ນ ອຸເປກ຺ຂາສຫຄໂຕ. ອຕ຺ຖິ ກາມາວຈໂຣ, ອຕ຺ຖິ ນ ກາມາວຈໂຣ. ອຕ຺ຖິ ຣູປາວຈໂຣ, ອຕ຺ຖິ ນ ຣູປາວຈໂຣ. ອຕ຺ຖິ ອຣູປາວຈໂຣ, ອຕ຺ຖິ ນ ອຣູປາວຈໂຣ. ອຕ຺ຖິ ປຣິຍາປນ຺ໂນ, ອຕ຺ຖິ ອປຣິຍາປນ຺ໂນ. ອຕ຺ຖິ ນິຍ຺ຍານິໂກ, ອຕ຺ຖິ ອນິຍ຺ຍານິໂກ. ອຕ຺ຖິ ນິຍໂຕ, ອຕ຺ຖິ ອນິຍໂຕ. ອຕ຺ຖິ ສອຸຕ຺ຕໂຣ, ອຕ຺ຖິ ອນຸຕ຺ຕໂຣ. ອຕ຺ຖິ ສຣໂຓ, ອຕ຺ຖິ ອຣໂຓ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໙໕. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຣໂຓ, ອຕ຺ຖິ ອຣໂຓ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

ທຸກມູລກໍ.

໙໖. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ, ອຕ຺ຖິ ນ ເຫຕຸ.

໙໗. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຣໂຓ, ອຕ຺ຖິ ອຣໂຓ.

໙໘. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ, ອຕ຺ຖິ ນ ເຫຕຸ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໙໙. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຣໂຓ, ອຕ຺ຖິ ອຣໂຓ.

ຕິກມູລກໍ.

໑໐໐. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ, ອຕ຺ຖິ ນ ເຫຕຸ.

໑໐໑. ເອກວິເຘນ ສງ຺ຂາຣກ຺ຂນ຺ໂຘ ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ ອຕ຺ຖິ ສເຫຕຸໂກ, ອຕ຺ຖິ ອເຫຕຸໂກ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໒. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸສມ຺ປຍຸຕ຺ໂຕ, ອຕ຺ຖິ ເຫຕຸວິປ຺ປຍຸຕ຺ໂຕ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ວິປາໂກ, ອຕ຺ຖິ ວິປາກຘມ຺ມຘມ຺ໂມ, ອຕ຺ຖິ ເນວວິປາກນວິປາກຘມ຺ມຘມ຺ໂມ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໓. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ ເຈວ ສເຫຕຸໂກ ຈ, ອຕ຺ຖິ ສເຫຕຸໂກ ເຈວ ນ ຈ ເຫຕຸ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນຸປາທານິໂຍ, ອຕ຺ຖິ ອນຸປາທິນ຺ນອນຸປາທານິໂຍ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໔. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເຫຕຸ ເຈວ ເຫຕຸສມ຺ປຍຸຕ຺ໂຕ ຈ, ອຕ຺ຖິ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐສໍກິເລສິໂກ, ອຕ຺ຖິ ອສໍກິລິຏ຺ຐອສໍກິເລສິໂກ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໕. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ນ ເຫຕຸ ສເຫຕຸໂກ, ອຕ຺ຖິ ນ ເຫຕຸ ອເຫຕຸໂກ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສວິຕກ຺ກສວິຈາໂຣ, ອຕ຺ຖິ ອວິຕກ຺ກວິຈາຣມຕ຺ໂຕ, ອຕ຺ຖິ ອວິຕກ຺ກອວິຈາໂຣ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໖. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ໂລກິໂຍ, ອຕ຺ຖິ ໂລກຸຕ຺ຕໂຣ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ປີຕິສຫຄໂຕ, ອຕ຺ຖິ ສຸຂສຫຄໂຕ, ອຕ຺ຖິ ອຸເປກ຺ຂາສຫຄໂຕ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໗. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເກນຈິ ວິຎ຺ເຎຍ຺ໂຍ, ອຕ຺ຖິ ເກນຈິ ນ ວິຎ຺ເຎຍ຺ໂຍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ທສ຺ສເນນ ປຫາຕພ຺ໂພ, ອຕ຺ຖິ ຠາວນາຍ ປຫາຕພ຺ໂພ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ໂພ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໘. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາສໂວ, ອຕ຺ຖິ ໂນ ອາສໂວ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ທສ຺ສເນນ ປຫາຕພ຺ພເຫຕຸໂກ, ອຕ຺ຖິ ຠາວນາຍ ປຫາຕພ຺ພເຫຕຸໂກ, ອຕ຺ຖິ ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸໂກ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໐໙. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສາສໂວ, ອຕ຺ຖິ ອນາສໂວ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາຈຍຄາມີ, ອຕ຺ຖິ ອປຈຍຄາມີ, ອຕ຺ຖິ ເນວາຈຍຄາມິນາປຈຍຄາມີ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໐. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາສວສມ຺ປຍຸຕ຺ໂຕ, ອຕ຺ຖິ ອາສວວິປ຺ປຍຸຕ຺ໂຕ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ເສກ຺ໂຂ, ອຕ຺ຖິ ອເສກ຺ໂຂ, ອຕ຺ຖິ ເນວເສກ຺ຂນາເສກ຺ໂຂ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໑. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາສໂວ ເຈວ ສາສໂວ ຈ, ອຕ຺ຖິ ສາສໂວ ເຈວ ໂນ ຈ ອາສໂວ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ປຣິຕ຺ໂຕ, ອຕ຺ຖິ ມຫຄ຺ຄໂຕ, ອຕ຺ຖິ ອປ຺ປມາໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໒. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາສໂວ ເຈວ ອາສວສມ຺ປຍຸຕ຺ໂຕ ຈ, ອຕ຺ຖິ ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ປຣິຕ຺ຕາຣມ຺ມໂຓ, ອຕ຺ຖິ ມຫຄ຺ຄຕາຣມ຺ມໂຓ, ອຕ຺ຖິ ອປ຺ປມາຓາຣມ຺ມໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໓. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອາສວວິປ຺ປຍຸຕ຺ຕສາສໂວ, ອຕ຺ຖິ ອາສວິປ຺ປຍຸຕ຺ຕອນາສໂວ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ຫີໂນ, ອຕ຺ຖິ ມຊ຺ຌິໂມ, ອຕ຺ຖິ ປຓີໂຕ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໔. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນໍ, ອຕ຺ຖິ ໂນ ສໍໂຍຊນໍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ມິຈ຺ຉຕ຺ຕນິຍໂຕ, ອຕ຺ຖິ ສມ຺ມຕ຺ຕນິຍໂຕ, ອຕ຺ຖິ ອນິຍໂຕ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໕. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນິໂຍ, ອຕ຺ຖິ ອສໍໂຍຊນິໂຍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ມຄ຺ຄາຣມ຺ມໂຓ, ອຕ຺ຖິ ມຄ຺ຄເຫຕຸໂກ, ອຕ຺ຖິ ມຄ຺ຄາຘິປຕິ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໖. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນສມ຺ປຍຸຕ຺ໂຕ, ອຕ຺ຖິ ສໍໂຍຊນວິປ຺ປຍຸຕ຺ໂຕ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຸປ຺ປນ຺ໂນ, ອຕ຺ຖິ ອນຸປ຺ປນ຺ໂນ, ອຕ຺ຖິ ອຸປ຺ປາທີ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໗. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນຎ຺ເຈວ ສໍໂຍຊນິໂຍ ຈ, ອຕ຺ຖິ ສໍໂຍຊນິໂຍ ເຈວ ໂນ ຈ ສໍໂຍຊນໍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຕີໂຕ, ອຕ຺ຖິ ອນາຄໂຕ, ອຕ຺ຖິ ປຈ຺ຈຸປ຺ປນ຺ໂນ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໘. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນຎ຺ເຈວ ສໍໂຍຊນສມ຺ປຍຸຕ຺ໂຕ ຈ, ອຕ຺ຖິ ສໍໂຍຊນສມ຺ປຍຸຕ຺ໂຕ ເຈວ ໂນ ຈ ສໍໂຍຊນໍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຕີຕາຣມ຺ມໂຓ, ອຕ຺ຖິ ອນາຄຕາຣມ຺ມໂຓ, ອຕ຺ຖິ ປຈ຺ຈຸປ຺ປນ຺ນາຣມ຺ມໂຓ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໑໙. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສໍໂຍຊນວິປ຺ປຍຸຕ຺ຕສໍໂຍຊນິໂຍ, ອຕ຺ຖິ ສໍໂຍຊນວິປ຺ປຍຸຕ຺ຕອສໍໂຍຊນິໂຍ.

ຕິວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ອຊ຺ຌຕ຺ໂຕ, ອຕ຺ຖິ ພຫິທ຺ໂຘ, ອຕ຺ຖິ ອຊ຺ຌຕ຺ຕພຫິທ຺ໂຘ…ເປ…. ເອວໍ ທສວິເຘນ ສງ຺ຂາຣກ຺ຂນ຺ໂຘ.

໑໒໐. ເອກວິເຘນ ສງ຺ຂາຣກ຺ຂນ຺ໂຘ – ຈິຕ຺ຕສມ຺ປຍຸຕ຺ໂຕ.

ທຸວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ຄນ຺ໂຖ, ອຕ຺ຖິ ໂນ ຄນ຺ໂຖ.

ອຸຠໂຕວຑ຺ຒກໍ.

ສຕ຺ຕວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ; ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ. ເອວໍ ສຕ຺ຕວິເຘນ ສງ຺ຂາຣກ຺ຂນ຺ໂຘ.

ອປໂຣປິ ສຕ຺ຕວິເຘນ ສງ຺ຂາຣກ຺ຂນ຺ໂຘ – ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ; ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ; ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ. ເອວໍ ສຕ຺ຕວິເຘນ ສງ຺ຂາຣກ຺ຂນ຺ໂຘ.

ຈຕຸວີສຕິວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ; ຈກ຺ຂຸສມ຺ຜສ຺ສຊາ ເຈຕນາ…ເປ… ມໂນສມ຺ຜສ຺ສຊາ ເຈຕນາ. ເອວໍ ຈຕຸວີສຕິວິເຘນ ສງ຺ຂາຣກ຺ຂນ຺ໂຘ.

ອປໂຣປິ ຈຕຸວີສຕິວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ; ຈກ຺ຂຸສມ຺ຜສ຺ສຊາ ເຈຕນາ…ເປ… ມໂນສມ຺ຜສ຺ສຊາ ເຈຕນາ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ; ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນສມ຺ຜສ຺ສຊາ ເຈຕນາ. ເອວໍ ຈຕຸວີສຕິວິເຘນ ສງ຺ຂາຣກ຺ຂນ຺ໂຘ.

ຕິໍສຕິວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ …ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ຈກ຺ຂຸສມ຺ຜສ຺ສຊາ ເຈຕນາ…ເປ… ມໂນສມ຺ຜສ຺ສຊາ ເຈຕນາ. ເອວໍ ຕິໍສຕິວິເຘນ ສງ຺ຂາຣກ຺ຂນ຺ໂຘ.

ພຫຸວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ກຸສໂລ, ອຕ຺ຖິ ອກຸສໂລ, ອຕ຺ຖິ ອພ຺ຍາກໂຕ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນສມ຺ຜສ຺ສຊາ ເຈຕນາ. ເອວໍ ພຫຸວິເຘນ ສງ຺ຂາຣກ຺ຂນ຺ໂຘ.

ອປໂຣປິ ພຫຸວິເຘນ ສງ຺ຂາຣກ຺ຂນ຺ໂຘ – ຈກ຺ຂຸສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ທຸກ຺ຂາຍ ເວທນາຍ ສມ຺ປຍຸຕ຺ໂຕ, ອຕ຺ຖິ ອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ…ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ໂສຕສມ຺ຜສ຺ສປຈ຺ຈຍາ…ເປ… ຆານສມ຺ຜສ຺ສປຈ຺ຈຍາ…ເປ… ຊິວ຺ຫາສມ຺ຜສ຺ສປຈ຺ຈຍາ…ເປ… ກາຍສມ຺ຜສ຺ສປຈ຺ຈຍາ…ເປ… ມໂນສມ຺ຜສ຺ສປຈ຺ຈຍາ ສງ຺ຂາຣກ຺ຂນ຺ໂຘ ອຕ຺ຖິ ສຸຂາຍ ເວທນາຍ ສມ຺ປຍຸຕ຺ໂຕ …ເປ… ອຕ຺ຖິ ອຊ຺ຌຕ຺ຕາຣມ຺ມໂຓ, ອຕ຺ຖິ ພຫິທ຺ຘາຣມ຺ມໂຓ, ອຕ຺ຖິ ອຊ຺ຌຕ຺ຕພຫິທ຺ຘາຣມ຺ມໂຓ, ອຕ຺ຖິ ກາມາວຈໂຣ, ອຕ຺ຖິ ຣູປາວຈໂຣ, ອຕ຺ຖິ ອຣູປາວຈໂຣ, ອຕ຺ຖິ ອປຣິຍາປນ຺ໂນ; ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນສມ຺ຜສ຺ສຊາ ເຈຕນາ. ເອວໍ ພຫຸວິເຘນ ສງ຺ຂາຣກ຺ຂນ຺ໂຘ.

ອຍໍ ວຸຈ຺ຈຕິ ສງ຺ຂາຣກ຺ຂນ຺ໂຘ.