໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ; ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

ວິປາກໍ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາເກ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ວິປາເກ ຂນ຺ເຘ ປຏິຈ຺ຈ ກຏຕ຺ຕາຣູປໍ, ຂນ຺ເຘ ປຏິຈ຺ຈ ວຕ຺ຖຸ. (໒)

ວິປາກໍ ຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ. (໓)

໒. ວິປາກຘມ຺ມຘມ຺ມໍ ປຏິຈ຺ຈ ວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

ວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາກຘມ຺ມຘມ຺ເມ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ວິປາກຘມ຺ມຘມ຺ມໍ ປຏິຈ຺ຈ ວິປາກຘມ຺ມຘມ຺ໂມ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

໓. ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ເນວວິປາກນວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ, ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ. (໒)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ, ມຫາຠູເຕ ປຏິຈ຺ຈ ກຏຕ຺ຕາຣູປໍ. (໓)

໔. ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ. (໑)

ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາເກ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ວິປາເກ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ. (໒)

ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ວິປາເກ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ. (໓)

໕. ວິປາກຘມ຺ມຘມ຺ມຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາກຘມ຺ມຘມ຺ເມ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ອາຣມ຺ມຓປຈ຺ຈໂຍ

໖. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ; ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

໗. ວິປາກຘມ຺ມຘມ຺ມໍ ປຏິຈ຺ຈ ວິປາກຘມ຺ມຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

໘. ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ເນວວິປາກນວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ. (໒)

໙. ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ. (໑)

ອຘິປຕິປຈ຺ຈໂຍ

໑໐. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

ວິປາກໍ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວິປາເກ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ວິປາກໍ ຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ອຘິປຕິປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

ວິປາກຘມ຺ມຘມ຺ມໍ ປຏິຈ຺ຈ ຕີຓິ.

໑໑. ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ເນວວິປາກນວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

໑໒. ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວິປາເກ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ວິປາກຘມ຺ມຘມ຺ມຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວິປາກຘມ຺ມຘມ຺ເມ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ອນນ຺ຕຣປຈ຺ຈຍາທິ

໑໓. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ… (ອາຣມ຺ມຓປຈ຺ຈຍສທິສໍ) ສຫຊາຕປຈ຺ຈຍາ… (ສຫຊາຕໍ ສພ຺ພໍ ເຫຕຸປຈ຺ຈຍສທິສໍ).

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ (ສຫຊາເຕ ອິທໍ ນານາກຣຓໍ).

ອຎ຺ຎມຎ຺ຎປຈ຺ຈໂຍ

໑໔. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ; ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

ວິປາກໍ ຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ປຏິສນ຺ຘິກ຺ຂເຓ ວິປາເກ ຂນ຺ເຘ ປຏິຈ຺ຈ ວຕ຺ຖຸ. (໒)

ວິປາກໍ ຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ອຎ຺ຎມຎ຺ຎປຈ຺ຈຍາ – ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ວຕ຺ຖຸ ຈ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ວຕ຺ຖຸ ຈ. (໓)

ວິປາກຘມ຺ມຘມ຺ມໍ ປຏິຈ຺ຈ ວິປາກຘມ຺ມຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)

໑໕. ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ເນວວິປາກນວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ເອກໍ ມຫາຠູຕໍ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ…ເປ…. (໑)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ. (໒)

ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ປຏິສນ຺ຘິກ຺ຂເຓ ວິປາກໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ. (໑)

ນິສ຺ສຍປຈ຺ຈຍາທິ

໑໖. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ນິສ຺ສຍປຈ຺ຈຍາ (ສໍຂິຕ຺ຕໍ)… ອຸປນິສ຺ສຍປຈ຺ຈຍາ… ປຸເຣຊາຕປຈ຺ຈຍາ.

ອາເສວນປຈ຺ຈໂຍ

໑໗. ວິປາກຘມ຺ມຘມ຺ມໍ ປຏິຈ຺ຈ ວິປາກຘມ຺ມຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ.

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ເນວວິປາກນວິປາກຘມ຺ມຘມ຺ມໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ.

ກມ຺ມ-ວິປາກປຈ຺ຈຍາ

໑໘. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ (ສໍຂິຕ຺ຕໍ)… ວິປາກປຈ຺ຈຍາ… ຕີຓິ.

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ – ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ. (໒)

ເນວວິປາກນວິປາກຘມ຺ມຘມ຺ມໍ ປຏິຈ຺ຈ ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ວິປາກປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ວິປາກາ ຂນ຺ຘາ, ມຫາຠູເຕ ປຏິຈ຺ຈ ກຏຕ຺ຕາຣູປໍ. (໓)

ວິປາກຎ຺ຈ ເນວວິປາກນວິປາກຘມ຺ມຘມ຺ມຎ຺ຈ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ…ເປ… ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ. ວິປາໂກ ຈ ເນວວິປາກນວິປາກຘມ຺ມຘມ຺ໂມ ຈ ຘມ຺ມາ ອຸປ຺ປຊ຺ຊນ຺ຕິ ວິປາກປຈ຺ຈຍາ…ເປ….

ອາຫາຣປຈ຺ຈຍາທິ

໑໙. ວິປາກໍ ຘມ຺ມໍ ປຏິຈ຺ຈ ວິປາໂກ ຘມ຺ໂມ ອຸປ຺ປຊ຺ຊຕິ ອາຫາຣປຈ຺ຈຍາ (ສໍຂິຕ຺ຕໍ)… ອິນ຺ທ຺ຣິຍປຈ຺ຈຍາ… ຌານປຈ຺ຈຍາ… ມຄ຺ຄປຈ຺ຈຍາ… ສມ຺ປຍຸຕ຺ຕປຈ຺ຈຍາ … ວິປ຺ປຍຸຕ຺ຕປຈ຺ຈຍາ… ອຕ຺ຖິປຈ຺ຈຍາ… ນຕ຺ຖິປຈ຺ຈຍາ… ວິຄຕປຈ຺ຈຍາ… ອວິຄຕປຈ຺ຈຍາ.