ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ອຠິຘມ຺ມປິຏເກ

ປຏ຺ຐານປາຬິ

(ປຐໂມ ຠາໂຄ)

ຘມ຺ມານຸໂລເມ

ຕິກປຏ຺ຐານໍ

(໑) ປຈ຺ຈຍຸທ຺ເທໂສ

ເຫຕຸປຈ຺ຈໂຍ, ອາຣມ຺ມຓປຈ຺ຈໂຍ, ອຘິປຕິປຈ຺ຈໂຍ, ອນນ຺ຕຣປຈ຺ຈໂຍ, ສມນນ຺ຕຣປຈ຺ຈໂຍ, ສຫຊາຕປຈ຺ຈໂຍ, ອຎ຺ຎມຎ຺ຎປຈ຺ຈໂຍ, ນິສ຺ສຍປຈ຺ຈໂຍ, ອຸປນິສ຺ສຍປຈ຺ຈໂຍ, ປຸເຣຊາຕປຈ຺ຈໂຍ, ປຈ຺ຉາຊາຕປຈ຺ຈໂຍ, ອາເສວນປຈ຺ຈໂຍ, ກມ຺ມປຈ຺ຈໂຍ, ວິປາກປຈ຺ຈໂຍ, ອາຫາຣປຈ຺ຈໂຍ, ອິນ຺ທ຺ຣິຍປຈ຺ຈໂຍ, ຌານປຈ຺ຈໂຍ, ມຄ຺ຄປຈ຺ຈໂຍ, ສມ຺ປຍຸຕ຺ຕປຈ຺ຈໂຍ, ວິປ຺ປຍຸຕ຺ຕປຈ຺ຈໂຍ, ອຕ຺ຖິປຈ຺ຈໂຍ, ນຕ຺ຖິປຈ຺ຈໂຍ, ວິຄຕປຈ຺ຈໂຍ, ອວິຄຕປຈ຺ຈໂຍຕິ.

(໒) ປຈ຺ຈຍນິທ຺ເທໂສ

໑. ເຫຕຸປຈ຺ຈໂຍຕິ – ເຫຕູ ເຫຕຸສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ [ປຈ຺ຈໂຍຕິ (ສ຺ຍາ.)].

໒. ອາຣມ຺ມຓປຈ຺ຈໂຍຕິ – ຣູປາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ສທ຺ທາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ຄນ຺ຘາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ຣສາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ໂຜຏ຺ຐພ຺ພາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ຣູປາຍຕນໍ ສທ຺ທາຍຕນໍ ຄນ຺ຘາຍຕນໍ ຣສາຍຕນໍ ໂຜຏ຺ຐພ຺ພາຍຕນໍ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ. ສພ຺ເພ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ.

ຍໍ ຍໍ ຘມ຺ມໍ ອາຣພ຺ຠ ເຍ ເຍ ຘມ຺ມາ ອຸປ຺ປຊ຺ຊນ຺ຕິ ຈິຕ຺ຕເຈຕສິກາ ຘມ຺ມາ, ເຕ ເຕ ຘມ຺ມາ ເຕສໍ ເຕສໍ ຘມ຺ມານໍ ອາຣມ຺ມຓປຈ຺ຈເຍນ ປຈ຺ຈໂຍ.

໓. ອຘິປຕິປຈ຺ຈໂຍຕິ – ຉນ຺ທາຘິປຕິ ຉນ຺ທສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. ວີຣິຍາຘິປຕິ ວີຣິຍສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. ຈິຕ຺ຕາຘິປຕິ ຈິຕ຺ຕສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. ວີມໍສາຘິປຕິ ວີມໍສສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ.

ຍໍ ຍໍ ຘມ຺ມໍ ຄຣຸໍ ກຕ຺ວາ ເຍ ເຍ ຘມ຺ມາ ອຸປ຺ປຊ຺ຊນ຺ຕິ ຈິຕ຺ຕເຈຕສິກາ ຘມ຺ມາ, ເຕ ເຕ ຘມ຺ມາ ເຕສໍ ເຕສໍ ຘມ຺ມານໍ ອຘິປຕິປຈ຺ຈເຍນ ປຈ຺ຈໂຍ.

໔. ອນນ຺ຕຣປຈ຺ຈໂຍຕິ – ຈກ຺ຂຸວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ໂສຕວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ຆານວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ຊິວ຺ຫາວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ກາຍວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

ເຍສໍ ເຍສໍ ຘມ຺ມານໍ ອນນ຺ຕຣາ ເຍ ເຍ ຘມ຺ມາ ອຸປ຺ປຊ຺ຊນ຺ຕິ ຈິຕ຺ຕເຈຕສິກາ ຘມ຺ມາ, ເຕ ເຕ ຘມ຺ມາ ເຕສໍ ເຕສໍ ຘມ຺ມານໍ ອນນ຺ຕຣປຈ຺ຈເຍນ ປຈ຺ຈໂຍ.

໕. ສມນນ຺ຕຣປຈ຺ຈໂຍຕິ – ຈກ຺ຂຸວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ໂສຕວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ຆາຓວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ຊິວ຺ຫາວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ກາຍວິຎ຺ຎາຓຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ມໂນຘາຕຸ ຕໍສມ຺ປຍຸຕ຺ຕກາ ຈ ຘມ຺ມາ ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

ເຍສໍ ເຍສໍ ຘມ຺ມານໍ ສມນນ຺ຕຣາ ເຍ ເຍ ຘມ຺ມາ ອຸປ຺ປຊ຺ຊນ຺ຕິ ຈິຕ຺ຕເຈຕສິກາ ຘມ຺ມາ, ເຕ ເຕ ຘມ຺ມາ ເຕສໍ ເຕສໍ ຘມ຺ມານໍ ສມນນ຺ຕຣປຈ຺ຈເຍນ ປຈ຺ຈໂຍ.

໖. ສຫຊາຕປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ສຫຊາຕປຈ຺ຈເຍນ ປຈ຺ຈໂຍ. ຈຕ຺ຕາໂຣ ມຫາຠູຕາ ອຎ຺ຎມຎ຺ຎໍ ສຫຊາຕປຈ຺ຈເຍນ ປຈ຺ຈໂຍ. ໂອກ຺ກນ຺ຕິກ຺ຂເຓ ນາມຣູປໍ ອຎ຺ຎມຎ຺ຎໍ ສຫຊາຕປຈ຺ຈເຍນ ປຈ຺ຈໂຍ. ຈິຕ຺ຕເຈຕສິກາ ຘມ຺ມາ ຈິຕ຺ຕສມຸຏ຺ຐານານໍ ຣູປານໍ ສຫຊາຕປຈ຺ຈເຍນ ປຈ຺ຈໂຍ. ມຫາຠູຕາ ອຸປາທາຣູປານໍ ສຫຊາຕປຈ຺ຈເຍນ ປຈ຺ຈໂຍ. ຣູປິໂນ ຘມ຺ມາ ອຣູປີນໍ ຘມ຺ມານໍ ກິຎ຺ຈິ ກາເລ [ກຎ຺ຈິ ກາລໍ (ສ຺ຍາ.)] ສຫຊາຕປຈ຺ຈເຍນ ປຈ຺ຈໂຍ, ກິຎ຺ຈິ ກາເລ ນ ສຫຊາຕປຈ຺ຈເຍນ ປຈ຺ຈໂຍ.

໗. ອຎ຺ຎມຎ຺ຎປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎປຈ຺ຈເຍນ ປຈ຺ຈໂຍ. ຈຕ຺ຕາໂຣ ມຫາຠູຕາ ອຎ຺ຎມຎ຺ຎປຈ຺ຈເຍນ ປຈ຺ຈໂຍ. ໂອກ຺ກນ຺ຕິກ຺ຂເຓ ນາມຣູປໍ ອຎ຺ຎມຎ຺ຎປຈ຺ຈເຍນ ປຈ຺ຈໂຍ.

໘. ນິສ຺ສຍປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ນິສ຺ສຍປຈ຺ຈເຍນ ປຈ຺ຈໂຍ. ຈຕ຺ຕາໂຣ ມຫາຠູຕາ ອຎ຺ຎມຎ຺ຎໍ ນິສ຺ສຍປຈ຺ຈເຍນ ປຈ຺ຈໂຍ. ໂອກ຺ກນ຺ຕິກ຺ຂເຓ ນາມຣູປໍ ອຎ຺ຎມຎ຺ຎໍ ນິສ຺ສຍປຈ຺ຈເຍນ ປຈ຺ຈໂຍ. ຈິຕ຺ຕເຈຕສິກາ ຘມ຺ມາ ຈິຕ຺ຕສມຸຏ຺ຐານານໍ ຣູປານໍ ນິສ຺ສຍປຈ຺ຈເຍນ ປຈ຺ຈໂຍ. ມຫາຠູຕາ ອຸປາທາຣູປານໍ ນິສ຺ສຍປຈ຺ຈເຍນ ປຈ຺ຈໂຍ.

ຈກ຺ຂາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ. ໂສຕາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ. ຆານາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ. ຊິວ຺ຫາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ. ກາຍາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ. ຍໍ ຣູປໍ ນິສ຺ສາຍ ມໂນຘາຕຸ ຈ ມໂນວິຎ຺ຎາຓຘາຕຸ ຈ ວຕ຺ຕນ຺ຕິ, ຕໍ ຣູປໍ ມໂນຘາຕຸຍາ ຈ ມໂນວິຎ຺ຎາຓຘາຕຸຍາ ຈ ຕໍສມ຺ປຍຸຕ຺ຕການຎ຺ຈ ຘມ຺ມານໍ ນິສ຺ສຍປຈ຺ຈເຍນ ປຈ຺ຈໂຍ.

໙. ອຸປນິສ຺ສຍປຈ຺ຈໂຍຕິ – ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ເກສຎ຺ຈິ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ເກສຎ຺ຈິ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ.

ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອພ຺ຍາກຕານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ອຸປນິສ຺ສຍປຈ຺ຈເຍນ ປຈ຺ຈໂຍ.

ອຸຕຸໂຠຊນມ຺ປິ ອຸປນິສ຺ສຍປຈ຺ຈເຍນ ປຈ຺ຈໂຍ. ປຸຄ຺ຄໂລປິ ອຸປນິສ຺ສຍປຈ຺ຈເຍນ ປຈ຺ຈໂຍ. ເສນາສນມ຺ປິ ອຸປນິສ຺ສຍປຈ຺ຈເຍນ ປຈ຺ຈໂຍ.

໑໐. ປຸເຣຊາຕປຈ຺ຈໂຍຕິ – ຈກ຺ຂາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ໂສຕາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ຆານາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ຊິວ຺ຫາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ກາຍາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ.

ຣູປາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ສທ຺ທາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ຄນ຺ຘາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ຣສາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ໂຜຏ຺ຐພ຺ພາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ຣູປາຍຕນໍ ສທ຺ທາຍຕນໍ ຄນ຺ຘາຍຕນໍ ຣສາຍຕນໍ ໂຜຏ຺ຐພ຺ພາຍຕນໍ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ.

ຍໍ ຣູປໍ ນິສ຺ສາຍ ມໂນຘາຕຸ ຈ ມໂນວິຎ຺ຎາຓຘາຕຸ ຈ ວຕ຺ຕນ຺ຕິ, ຕໍ ຣູປໍ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ປຸເຣຊາຕປຈ຺ຈເຍນ ປຈ຺ຈໂຍ. ມໂນວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ກິຎ຺ຈິ ກາເລ ປຸເຣຊາຕປຈ຺ຈເຍນ ປຈ຺ຈໂຍ, ກິຎ຺ຈິ ກາເລ ນ ປຸເຣຊາຕປຈ຺ຈເຍນ ປຈ຺ຈໂຍ.

໑໑. ປຈ຺ຉາຊາຕປຈ຺ຈໂຍຕິ – ປຈ຺ຉາຊາຕາ ຈິຕ຺ຕເຈຕສິກາ ຘມ຺ມາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ.

໑໒. ອາເສວນປຈ຺ຈໂຍຕິ – ປຸຣິມາ ປຸຣິມາ ກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ກຸສລານໍ ຘມ຺ມານໍ ອາເສວນປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ອກຸສລາ ຘມ຺ມາ ປຈ຺ຉິມານໍ ປຈ຺ຉິມານໍ ອກຸສລານໍ ຘມ຺ມານໍ ອາເສວນປຈ຺ຈເຍນ ປຈ຺ຈໂຍ. ປຸຣິມາ ປຸຣິມາ ກິຣິຍາພ຺ຍາກຕາ ຘມ຺ມາ ປຈ຺ຉິມານໍ ປຈ຺ຉິມານໍ ກິຣິຍາພ຺ຍາກຕານໍ ຘມ຺ມານໍ ອາເສວນປຈ຺ຈເຍນ ປຈ຺ຈໂຍ.

໑໓. ກມ຺ມປຈ຺ຈໂຍຕິ – ກຸສລາກຸສລໍ ກມ຺ມໍ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. ເຈຕນາ ສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ.

໑໔. ວິປາກປຈ຺ຈໂຍຕິ – ວິປາກາ ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ວິປາກປຈ຺ຈເຍນ ປຈ຺ຈໂຍ.

໑໕. ອາຫາຣປຈ຺ຈໂຍຕິ – ກພຬີກາໂຣ [ກພຬິງ຺ກາໂຣ (ກ. ສີ. ສ຺ຍາ.)] ອາຫາໂຣ ອິມສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. ອຣູປິໂນ ອາຫາຣາ ສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ.

໑໖. ອິນ຺ທ຺ຣິຍປຈ຺ຈໂຍຕິ – ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ໂສຕິນ຺ທ຺ຣິຍໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ຆານິນ຺ທ຺ຣິຍໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ຊິວ຺ຫິນ຺ທ຺ຣິຍໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ກາຍິນ຺ທ຺ຣິຍໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ຣູປຊີວິຕິນ຺ທ຺ຣິຍໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ.

ອຣູປິໂນ ອິນ຺ທ຺ຣິຍາ ສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ.

໑໗. ຌານປຈ຺ຈໂຍຕິ – ຌານງ຺ຄານິ ຌານສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ຌານປຈ຺ຈເຍນ ປຈ຺ຈໂຍ.

໑໘. ມຄ຺ຄປຈ຺ຈໂຍຕິ – ມຄ຺ຄງ຺ຄານິ ມຄ຺ຄສມ຺ປຍຸຕ຺ຕການໍ ຘມ຺ມານໍ ຕໍສມຸຏ຺ຐານານຎ຺ຈ ຣູປານໍ ມຄ຺ຄປຈ຺ຈເຍນ ປຈ຺ຈໂຍ.

໑໙. ສມ຺ປຍຸຕ຺ຕປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ສມ຺ປຍຸຕ຺ຕປຈ຺ຈເຍນ ປຈ຺ຈໂຍ.

໒໐. ວິປ຺ປຍຸຕ຺ຕປຈ຺ຈໂຍຕິ – ຣູປິໂນ ຘມ຺ມາ ອຣູປີນໍ ຘມ຺ມານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ອຣູປິໂນ ຘມ຺ມາ ຣູປີນໍ ຘມ຺ມານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ.

໒໑. ອຕ຺ຖິປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ອຕ຺ຖິປຈ຺ຈເຍນ ປຈ຺ຈໂຍ. ຈຕ຺ຕາໂຣ ມຫາຠູຕາ ອຎ຺ຎມຎ຺ຎໍ ອຕ຺ຖິປຈ຺ຈເຍນ ປຈ຺ຈໂຍ. ໂອກ຺ກນ຺ຕິກ຺ຂເຓ ນາມຣູປໍ ອຎ຺ຎມຎ຺ຎໍ ອຕ຺ຖິປຈ຺ຈເຍນ ປຈ຺ຈໂຍ. ຈິຕ຺ຕເຈຕສິກາ ຘມ຺ມາ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ມຫາຠູຕາ ອຸປາທາຣູປານໍ ອຕ຺ຖິປຈ຺ຈເຍນ ປຈ຺ຈໂຍ.

ຈກ຺ຂາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ໂສຕາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ຆານາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ຊິວ຺ຫາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ກາຍາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ.

ຣູປາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ສທ຺ທາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ຄນ຺ຘາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ຣສາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ໂຜຏ຺ຐພ຺ພາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ. ຣູປາຍຕນໍ ສທ຺ທາຍຕນໍ ຄນ຺ຘາຍຕນໍ ຣສາຍຕນໍ ໂຜຏ຺ຐພ຺ພາຍຕນໍ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ.

ຍໍ ຣູປໍ ນິສ຺ສາຍ ມໂນຘາຕຸ ຈ ມໂນວິຎ຺ຎາຓຘາຕຸ ຈ ວຕ຺ຕນ຺ຕິ, ຕໍ ຣູປໍ ມໂນຘາຕຸຍາ ຈ ມໂນວິຎ຺ຎາຓຘາຕຸຍາ ຈ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອຕ຺ຖິປຈ຺ຈເຍນ ປຈ຺ຈໂຍ.

໒໒. ນຕ຺ຖິປຈ຺ຈໂຍຕິ – ສມນນ຺ຕຣນິຣຸທ຺ຘາ ຈິຕ຺ຕເຈຕສິກາ ຘມ຺ມາ ປຏຸປ຺ປນ຺ນານໍ ຈິຕ຺ຕເຈຕສິການໍ ຘມ຺ມານໍ ນຕ຺ຖິປຈ຺ຈເຍນ ປຈ຺ຈໂຍ.

໒໓. ວິຄຕປຈ຺ຈໂຍຕິ – ສມນນ຺ຕຣວິຄຕາ ຈິຕ຺ຕເຈຕສິກາ ຘມ຺ມາ ປຏຸປ຺ປນ຺ນານໍ ຈິຕ຺ຕເຈຕສິການໍ ຘມ຺ມານໍ ວິຄຕປຈ຺ຈເຍນ ປຈ຺ຈໂຍ.

໒໔. ອວິຄຕປຈ຺ຈໂຍຕິ – ຈຕ຺ຕາໂຣ ຂນ຺ຘາ ອຣູປິໂນ ອຎ຺ຎມຎ຺ຎໍ ອວິຄຕປຈ຺ຈເຍນ ປຈ຺ຈໂຍ. ຈຕ຺ຕາໂຣ ມຫາຠູຕາ ອຎ຺ຎມຎ຺ຎໍ ອວິຄຕປຈ຺ຈເຍນ ປຈ຺ຈໂຍ. ໂອກ຺ກນ຺ຕິກ຺ຂເຓ ນາມຣູປໍ ອຎ຺ຎມຎ຺ຎໍ ອວິຄຕປຈ຺ຈເຍນ ປຈ຺ຈໂຍ. ຈິຕ຺ຕເຈຕສິກາ ຘມ຺ມາ ຈິຕ຺ຕສມຸຏ຺ຐານານໍ ຣູປານໍ ອວິຄຕປຈ຺ຈເຍນ ປຈ຺ຈໂຍ. ມຫາຠູຕາ ອຸປາທາຣູປານໍ ອວິຄຕປຈ຺ຈເຍນ ປຈ຺ຈໂຍ.

ຈກ຺ຂາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ໂສຕາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ຆານາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ຊິວ຺ຫາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ກາຍາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ.

ຣູປາຍຕນໍ ຈກ຺ຂຸວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ສທ຺ທາຍຕນໍ ໂສຕວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ຄນ຺ຘາຍຕນໍ ຆານວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ຣສາຍຕນໍ ຊິວ຺ຫາວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ໂຜຏ຺ຐພ຺ພາຍຕນໍ ກາຍວິຎ຺ຎາຓຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ. ຣູປາຍຕນໍ ສທ຺ທາຍຕນໍ ຄນ຺ຘາຍຕນໍ ຣສາຍຕນໍ ໂຜຏ຺ຐພ຺ພາຍຕນໍ ມໂນຘາຕຸຍາ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ.

ຍໍ ຣູປໍ ນິສ຺ສາຍ ມໂນຘາຕຸ ຈ ມໂນວິຎ຺ຎາຓຘາຕຸ ຈ ວຕ຺ຕນ຺ຕິ, ຕໍ ຣູປໍ ມໂນຘາຕຸຍາ ຈ ມໂນວິຎ຺ຎາຓຘາຕຸຍາ ຈ ຕໍສມ຺ປຍຸຕ຺ຕການຎ຺ຈ ຘມ຺ມານໍ ອວິຄຕປຈ຺ຈເຍນ ປຈ຺ຈໂຍ.

ປຈ຺ຈຍນິທ຺ເທໂສ.

໓. ປຸຈ຺ຉາວາໂຣ

໑. ປຈ຺ຈຍານຸໂລມໍ

ເອກມູລກໍ

(໑.) ກຸສລປທໍ

໒໕. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໒) ອກຸສລປທໍ

໒໖. ສິຍາ ອກຸສລໍ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໓) ອພ຺ຍາກຕປທໍ

໒໗. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອພ຺ຍາກຕໍ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໔) ກຸສລາພ຺ຍາກຕປທໍ

໒໘. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໕) ອກຸສລາພ຺ຍາກຕປທໍ

໒໙. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໖) ກຸສລາກຸສລປທໍ

໓໐. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

(໗) ກຸສລາກຸສລາພ຺ຍາກຕປທໍ

໓໑. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ. ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ.

ເຫຕຸປຈ຺ຈຍວາໂຣ.

໓໒. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອາຣມ຺ມຓປຈ຺ຈຍາ.

(ຍຖາ ເຫຕຸປຈ຺ຈໂຍ ວິຕ຺ຖາຣິໂຕ, ເອວໍ ອາຣມ຺ມຓປຈ຺ຈໂຍປິ ວິຕ຺ຖາເຣຕພ຺ໂພ ວາຈນາມຄ຺ເຄນ.)

໓໓. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອຘິປຕິປຈ຺ຈຍາ… ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ… ສຫຊາຕປຈ຺ຈຍາ… ອຎ຺ຎມຎ຺ຎປຈ຺ຈຍາ… ນິສ຺ສຍປຈ຺ຈຍາ… ອຸປນິສ຺ສຍປຈ຺ຈຍາ… ປຸເຣຊາຕປຈ຺ຈຍາ… ປຈ຺ຉາຊາຕປຈ຺ຈຍາ… ອາເສວນປຈ຺ຈຍາ… ກມ຺ມປຈ຺ຈຍາ… ວິປາກປຈ຺ຈຍາ… ອາຫາຣປຈ຺ຈຍາ… ອິນ຺ທ຺ຣິຍປຈ຺ຈຍາ… ຌານປຈ຺ຈຍາ… ມຄ຺ຄປຈ຺ຈຍາ… ສມ຺ປຍຸຕ຺ຕປຈ຺ຈຍາ… ວິປ຺ປຍຸຕ຺ຕປຈ຺ຈຍາ… ອຕ຺ຖິປຈ຺ຈຍາ… ນຕ຺ຖິປຈ຺ຈຍາ… ວິຄຕປຈ຺ຈຍາ.

໓໔. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອວິຄຕປຈ຺ຈຍາ…ເປ… ອກຸສລໍ ຘມ຺ມໍ ປຏິຈ຺ຈ… ອພ຺ຍາກຕໍ ຘມ຺ມໍ ປຏິຈ຺ຈ… ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ… ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ… ກຸສລຎ຺ຈ ອກຸສລຎ຺ຈ ຘມ຺ມໍ ປຏິຈ຺ຈ… ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ… ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ… ອພ຺ຍາກໂຕ ຘມ຺ໂມ ອຸປ຺ປຊ຺ເຊຍ຺ຍ… ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ… ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ… ກຸສໂລ ຈ ອກຸສໂລ ຈ ຘມ຺ມາ ອຸປ຺ປຊ຺ເຊຍ຺ຍຸໍ… ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ອວິຄຕປຈ຺ຈຍາ.

(ຍຖາ ເຫຕຸປຈ຺ຈໂຍ ວິຕ຺ຖາຣິໂຕ, ເອວໍ ອວິຄຕປຈ຺ຈໂຍປິ ວິຕ຺ຖາເຣຕພ຺ໂພ ວາຈນາມຄ຺ເຄນ.)

ເອກມູລກໍ.

ທຸມູລກາທິ

ເຫຕຸມູລກໍ

໓໕. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ອາຣມ຺ມຓປຈ຺ຈຍາ…ເປ… ສິຍາ ກຸສລຎ຺ຈ ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ກຸສໂລ ຈ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ເຊຍ຺ຍຸໍ ເຫຕຸປຈ຺ຈຍາ ອາຣມ຺ມຓປຈ຺ຈຍາ.

໓໖. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ອຘິປຕິປຈ຺ຈຍາ …ເປ… ເຫຕຸປຈ຺ຈຍາ ອນນ຺ຕຣປຈ຺ຈຍາ… ເຫຕຸປຈ຺ຈຍາ ສມນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອວິຄຕປຈ຺ຈຍາ.

ທຸມູລກໍ.

໓໗. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ອນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ອວິຄຕປຈ຺ຈຍາ.

ຕິມູລກໍ.

໓໘. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອວິຄຕປຈ຺ຈຍາ.

ຈຕຸມູລກໍ.

(ປຎ຺ຈມູລກາທິກາ ສໍຂິຕ຺ຕາ. ເອກມູລກໍ, ທຸມູລກໍ, ຕິມູລກໍ, ຈຕຸມູລກໍ, ປຎ຺ຈມູລກໍ, ສພ຺ພມູລກໍ ອສມ຺ມຸຍ຺ຫນ຺ເຕນ ວິຕ຺ຖາເຣຕພ຺ພໍ.)

ເຫຕຸມູລກໍ.

ອາຣມ຺ມຓມູລກາທິ

໓໙. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອາຣມ຺ມຓປຈ຺ຈຍາ ເຫຕຸປຈ຺ຈຍາ… ອາຣມ຺ມຓປຈ຺ຈຍາ ອຘິປຕິປຈ຺ຈຍາ…ເປ… ອາຣມ຺ມຓປຈ຺ຈຍາ ອວິຄຕປຈ຺ຈຍາ.

ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອຘິປຕິປຈ຺ຈຍາ… ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ… ສຫຊາຕປຈ຺ຈຍາ… ອຎ຺ຎມຎ຺ຎປຈ຺ຈຍາ…ເປ… ອວິຄຕປຈ຺ຈຍາ ເຫຕຸປຈ຺ຈຍາ… ອວິຄຕປຈ຺ຈຍາ ອາຣມ຺ມຓປຈ຺ຈຍາ… ອວິຄຕປຈ຺ຈຍາ ອຘິປຕິປຈ຺ຈຍາ…ເປ… ອວິຄຕປຈ຺ຈຍາ ວິຄຕປຈ຺ຈຍາ.

ທຸມູລກໍ.

໔໐. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ… ອວິຄຕປຈ຺ຈຍາ ເຫຕຸປຈ຺ຈຍາ ອຘິປຕິປຈ຺ຈຍາ… ອວິຄຕປຈ຺ຈຍາ ເຫຕຸປຈ຺ຈຍາ ອນນ຺ຕຣປຈ຺ຈຍາ…ເປ… ອວິຄຕປຈ຺ຈຍາ ເຫຕຸປຈ຺ຈຍາ ວິຄຕປຈ຺ຈຍາ.

໔໑. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ… ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ ອນນ຺ຕຣປຈ຺ຈຍາ…ເປ… ວິຄຕປຈ຺ຈຍາ.

(ເອເກກສ຺ສ ປທສ຺ສ ເອກມູລກໍ, ທຸມູລກໍ, ຕິມູລກໍ, ຈຕຸມູລກໍ, ປຎ຺ຈມູລກໍ, ສພ຺ພມູລກໍ ອສມ຺ມຸຍ຺ຫນ຺ເຕນ ວິຕ຺ຖາເຣຕພ຺ພໍ. )

(ກ) ຕິກຎ຺ຈ ປຏ຺ຐານວຣໍ ທຸກຸຕ຺ຕມໍ,

ທຸກໍ ຕິກຎ຺ເຈວ ຕິກໍ ທຸກຎ຺ຈ;

ຕິກໍ ຕິກຎ຺ເຈວ ທຸກໍ ທຸກຎ຺ຈ,

ຉ ອນຸໂລມມ຺ຫິ ນຍາ ສຸຄມ຺ຠີຣາຕິ.

໒. ປຈ຺ຈຍປຈ຺ຈນີຍໍ

໔໒. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນເຫຕຸປຈ຺ຈຍາ.

(ຍຖາ ອນຸໂລເມ ເຫຕຸປຈ຺ຈໂຍ ວິຕ຺ຖາຣິໂຕ, ເອວໍ ປຈ຺ຈນີເຍປິ ນເຫຕຸປຈ຺ຈໂຍ ວິຕ຺ຖາເຣຕພ຺ໂພ.)

໔໓. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນອາຣມ຺ມຓປຈ຺ຈຍາ… ນອຘິປຕິປຈ຺ຈຍາ… ນອນນ຺ຕຣປຈ຺ຈຍາ… ນສມນນ຺ຕຣປຈ຺ຈຍາ… ນສຫຊາຕປຈ຺ຈຍາ… ນອຎ຺ຎມຎ຺ຎປຈ຺ຈຍາ… ນນິສ຺ສຍປຈ຺ຈຍາ… ນອຸປນິສ຺ສຍປຈ຺ຈຍາ… ນປຸເຣຊາຕປຈ຺ຈຍາ… ນປຈ຺ຉາຊາຕປຈ຺ຈຍາ … ນອາເສວນປຈ຺ຈຍາ… ນກມ຺ມປຈ຺ຈຍາ… ນວິປາກປຈ຺ຈຍາ… ນອາຫາຣປຈ຺ຈຍາ… ນອິນ຺ທ຺ຣິຍປຈ຺ຈຍາ… ນຌານປຈ຺ຈຍາ… ນມຄ຺ຄປຈ຺ຈຍາ… ນສມ຺ປຍຸຕ຺ຕປຈ຺ຈຍາ… ນວິປ຺ປຍຸຕ຺ຕປຈ຺ຈຍາ… ໂນອຕ຺ຖິປຈ຺ຈຍາ… ໂນນຕ຺ຖິປຈ຺ຈຍາ… ໂນວິຄຕປຈ຺ຈຍາ… ໂນອວິຄຕປຈ຺ຈຍາ.

໔໔. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນເຫຕຸປຈ຺ຈຍາ ນອາຣມ຺ມຓປຈ຺ຈຍາ….

(ຍຖາ ອນຸໂລເມ ເອເກກສ຺ສ ປທສ຺ສ ເອກມູລກໍ, ທຸມູລກໍ, ຕິມູລກໍ, ຈຕຸມູລກໍ, ຍາວ ເຕວີສຕິມູລກໍ ເອວໍ ປຈ຺ຈນີເຍປິ ວິຕ຺ຖາເຣຕພ຺ພໍ. )

(ຂ) ຕິກຎ຺ຈ ປຏ຺ຐານວຣໍ ທຸກຸຕ຺ຕມໍ,

ທຸກໍ ຕິກຎ຺ເຈວ ຕິກໍ ທຸກຎ຺ຈ;

ຕິກໍ ຕິກຎ຺ເຈວ ທຸກໍ ທຸກຎ຺ຈ,

ຉ ປຈ຺ຈນີຍມ຺ຫິ ນຍາ ສຸຄມ຺ຠີຣາຕິ.

໓. ປຈ຺ຈຍານຸໂລມປຈ຺ຈນີຍໍ

໔໕. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ນອາຣມ຺ມຓປຈ຺ຈຍາ… ສິຍາ ກຸສລໍ ຘມ຺ມໍ ປຏິຈ຺ຈ ອກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ນອາຣມ຺ມຓປຈ຺ຈຍາ.

(ຍຖາ ອນຸໂລເມ ເຫຕຸປຈ຺ຈໂຍ ວິຕ຺ຖາຣິໂຕ, ເອວໍ ອນຸໂລມປຈ຺ຈນີເຍປິ ປທໍ ວິຕ຺ຖາເຣຕພ຺ພໍ.)

໔໖. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ນອຘິປຕິປຈ຺ຈຍາ… ເຫຕຸປຈ຺ຈຍາ ນອນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ໂນອວິຄຕປຈ຺ຈຍາ.

໔໗. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ເຫຕຸປຈ຺ຈຍາ ອາຣມ຺ມຓປຈ຺ຈຍາ ນອຘິປຕິປຈ຺ຈຍາ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ນອນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ໂນອວິຄຕປຈ຺ຈຍາ.

ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ນອນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ໂນອວິຄຕປຈ຺ຈຍາ.

ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອນນ຺ຕຣປຈ຺ຈຍາ ນສມນນ຺ຕຣປຈ຺ຈຍາ…ເປ… ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອນນ຺ຕຣປຈ຺ຈຍາ ໂນອວິຄຕປຈ຺ຈຍາ…ເປ….

ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອນນ຺ຕຣປຈ຺ຈຍາ ສມນນ຺ຕຣປຈ຺ຈຍາ ສຫຊາຕປຈ຺ຈຍາ ອຎ຺ຎມຎ຺ຎປຈ຺ຈຍາ ນິສ຺ສຍປຈ຺ຈຍາ ອຸປນິສ຺ສຍປຈ຺ຈຍາ ປຸເຣຊາຕປຈ຺ຈຍາ ປຈ຺ຉາຊາຕປຈ຺ຈຍາ ອາເສວນປຈ຺ຈຍາ ກມ຺ມປຈ຺ຈຍາ ວິປາກປຈ຺ຈຍາ ອາຫາຣປຈ຺ຈຍາ ອິນ຺ທ຺ຣິຍປຈ຺ຈຍາ ຌານປຈ຺ຈຍາ ມຄ຺ຄປຈ຺ຈຍາ ສມ຺ປຍຸຕ຺ຕປຈ຺ຈຍາ ວິປ຺ປຍຸຕ຺ຕປຈ຺ຈຍາ ອຕ຺ຖິປຈ຺ຈຍາ ນຕ຺ຖິປຈ຺ຈຍາ ວິຄຕປຈ຺ຈຍາ ໂນອວິຄຕປຈ຺ຈຍາ.

໔໘. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ອາຣມ຺ມຓປຈ຺ຈຍາ… ອຘິປຕິປຈ຺ຈຍາ… ອນນ຺ຕຣປຈ຺ຈຍາ…ເປ… ອວິຄຕປຈ຺ຈຍາ ນເຫຕຸປຈ຺ຈຍາ … ອວິຄຕປຈ຺ຈຍາ ນອາຣມ຺ມຓປຈ຺ຈຍາ…ເປ… ອວິຄຕປຈ຺ຈຍາ ໂນວິຄຕປຈ຺ຈຍາ.

ອວິຄຕປຈ຺ຈຍາ ເຫຕຸປຈ຺ຈຍາ ນອາຣມ຺ມຓປຈ຺ຈຍາ…ເປ… ອວິຄຕປຈ຺ຈຍາ ເຫຕຸປຈ຺ຈຍາ ໂນວິຄຕປຈ຺ຈຍາ.

ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ ນອຘິປຕິປຈ຺ຈຍາ…ເປ… ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ ໂນວິຄຕປຈ຺ຈຍາ.

ອວິຄຕປຈ຺ຈຍາ ເຫຕຸປຈ຺ຈຍາ ອາຣມ຺ມຓປຈ຺ຈຍາ ອຘິປຕິປຈ຺ຈຍາ ອນນ຺ຕຣປຈ຺ຈຍາ ສມນນ຺ຕຣປຈ຺ຈຍາ ສຫຊາຕປຈ຺ຈຍາ…ເປ… ໂນວິຄຕປຈ຺ຈຍາ.

(ຄ) ຕິກຎ຺ຈ ປຏ຺ຐານວຣໍ ທຸກຸຕ຺ຕມໍ,

ທຸກໍ ຕິກຎ຺ເຈວ ຕິກໍ ທຸກຎ຺ຈ;

ຕິກໍ ຕິກຎ຺ເຈວ ທຸກໍ ທຸກຎ຺ຈ,

ຉ ອນຸໂລມປຈ຺ຈນີຍມ຺ຫິ ນຍາ ສຸຄມ຺ຠີຣາຕິ.

໔. ປຈ຺ຈຍປຈ຺ຈນີຍານຸໂລມໍ

໔໙. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນເຫຕຸປຈ຺ຈຍາ ອາຣມ຺ມຓປຈ຺ຈຍາ. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນເຫຕຸປຈ຺ຈຍາ ອຘິປຕິປຈ຺ຈຍາ…ເປ… ນເຫຕຸປຈ຺ຈຍາ ອວິຄຕປຈ຺ຈຍາ.

໕໐. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນເຫຕຸປຈ຺ຈຍາ ນອາຣມ຺ມຓປຈ຺ຈຍາ ອຘິປຕິປຈ຺ຈຍາ…ເປ… ອວິຄຕປຈ຺ຈຍາ.

ນເຫຕຸປຈ຺ຈຍາ ນອາຣມ຺ມຓປຈ຺ຈຍາ ນອຘິປຕິປຈ຺ຈຍາ…ເປ… ອວິຄຕປຈ຺ຈຍາ.

ນເຫຕຸປຈ຺ຈຍາ ນອາຣມ຺ມຓປຈ຺ຈຍາ ນອຘິປຕິປຈ຺ຈຍາ ນອນນ຺ຕຣປຈ຺ຈຍາ ນສມນນ຺ຕຣປຈ຺ຈຍາ…ເປ… ໂນອຕ຺ຖິປຈ຺ຈຍາ ໂນນຕ຺ຖິປຈ຺ຈຍາ ໂນວິຄຕປຈ຺ຈຍາ ອວິຄຕປຈ຺ຈຍາ.

໕໑. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນອາຣມ຺ມຓປຈ຺ຈຍາ ເຫຕຸປຈ຺ຈຍາ.

໕໒. ສິຍາ ກຸສລໍ ຘມ຺ມໍ ປຏິຈ຺ຈ ກຸສໂລ ຘມ຺ໂມ ອຸປ຺ປຊ຺ເຊຍ຺ຍ ນອາຣມ຺ມຓປຈ຺ຈຍາ ອຘິປຕິປຈ຺ຈຍາ…ເປ… ນອາຣມ຺ມຓປຈ຺ຈຍາ ອວິຄຕປຈ຺ຈຍາ…ເປ… ໂນອວິຄຕປຈ຺ຈຍາ ເຫຕຸປຈ຺ຈຍາ… ໂນອວິຄຕປຈ຺ຈຍາ ອາຣມ຺ມຓປຈ຺ຈຍາ…ເປ… ໂນອວິຄຕປຈ຺ຈຍາ ວິຄຕປຈ຺ຈຍາ.

ໂນອວິຄຕປຈ຺ຈຍາ ນເຫຕຸປຈ຺ຈຍາ ອາຣມ຺ມຓປຈ຺ຈຍາ…ເປ… ໂນອວິຄຕປຈ຺ຈຍາ ນເຫຕຸປຈ຺ຈຍາ ວິຄຕປຈ຺ຈຍາ.

ໂນອວິຄຕປຈ຺ຈຍາ ນເຫຕຸປຈ຺ຈຍາ ນອາຣມ຺ມຓປຈ຺ຈຍາ ນອຘິປຕິປຈ຺ຈຍາ…ເປ… ໂນອຕ຺ຖິປຈ຺ຈຍາ ໂນນຕ຺ຖິປຈ຺ຈຍາ ວິຄຕປຈ຺ຈຍາ.

(ຆ) ຕິກຎ຺ຈ ປຏ຺ຐານວຣໍ ທຸກຸຕ຺ຕມໍ,

ທຸກໍ ຕິກຎ຺ເຈວ ຕິກໍ ທຸກຎ຺ຈ;

ຕິກໍ ຕິກຎ຺ເຈວ ທຸກໍ ທຸກຎ຺ຈ,

ຉ ປຈ຺ຈນີຍານຸໂລມມ຺ຫິ ນຍາ ສຸຄມ຺ຠີຣາຕິ.