໑. ວິຠງ຺ຄວາໂຣ

ເຫຕຸປຈ຺ຈໂຍ

໒໔໓. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. ກຸສລໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກຸສເລ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ກຸສລໍ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

໒໔໔. ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. ອກຸສລໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອກຸສເລ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ອກຸສລໍ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

໒໔໕. ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ວິປາກາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ກຏຕ຺ຕາ ຈ ຣູປໍ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ ກຏຕ຺ຕາ ຈ ຣູປໍ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ກຏຕ຺ຕາ ຈ ຣູປໍ; ຂນ຺ເຘ ປຈ຺ຈຍາ ວຕ຺ຖຸ, ວຕ຺ຖຸໍ ປຈ຺ຈຍາ ຂນ຺ຘາ; ເອກໍ ມຫາຠູຕໍ ປຈ຺ຈຍາ ຕໂຍ ມຫາຠູຕາ, ຕໂຍ ມຫາຠູເຕ ປຈ຺ຈຍາ ເອກໍ ມຫາຠູຕໍ, ທ຺ເວ ມຫາຠູເຕ ປຈ຺ຈຍາ ທ຺ເວ ມຫາຠູຕາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ; ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ. (໑)

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ. (໒)

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ. (໓)

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໔)

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໕)

໒໔໖. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໓)

໒໔໗. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ອກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໓)

ອາຣມ຺ມຓປຈ຺ຈໂຍ

໒໔໘. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. (໑)

໒໔໙. ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. (໑)

໒໕໐. ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ; ປຏິສນ຺ຘິກ຺ຂເຓ ວິປາກາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ; ວຕ຺ຖຸໍ ປຈ຺ຈຍາ ຂນ຺ຘາ; ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ, ໂສຕາຍຕນໍ ປຈ຺ຈຍາ ໂສຕວິຎ຺ຎາຓໍ, ຆານາຍຕນໍ ປຈ຺ຈຍາ ຆານວິຎ຺ຎາຓໍ, ຊິວ຺ຫາຍຕນໍ ປຈ຺ຈຍາ ຊິວ຺ຫາວິຎ຺ຎາຓໍ, ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ. (໑)

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ. (໒)

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ. (໓)

໒໕໑. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ. (໑)

໒໕໒. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ. (໑)

ອຘິປຕິປຈ຺ຈໂຍ

໒໕໓. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ… ຕີຓິ.

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ… ຕີຓິ.

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ເອກໍ ມຫາຠູຕໍ ປຈ຺ຈຍາ ຕໂຍ ມຫາຠູຕາ…ເປ… ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ.

(ຍຖາ ເຫຕຸປຈ຺ຈຍໍ, ເອວໍ ວິຕ຺ຖາເຣຕພ຺ພໍ.)

ອນນ຺ຕຣ-ສມນນ຺ຕຣປຈ຺ຈຍາ

໒໕໔. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ.

(ຍຖາ ອາຣມ຺ມຓປຈ຺ຈຍໍ, ເອວໍ ວິຕ຺ຖາເຣຕພ຺ພໍ.)

ສຫຊາຕປຈ຺ຈໂຍ

໒໕໕. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ… ຕີຓິ.

ອກຸສລໍ ຘມ຺ມໍ ປຈ຺ຈຍາ… ຕີຓິ.

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ປຏິສນ຺ຘິກ຺ຂເຓ…ເປ… ເອກໍ ມຫາຠູຕໍ ປຈ຺ຈຍາ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ ປຈ຺ຈຍາ…ເປ… ມຫາຠູເຕ ປຈ຺ຈຍາ ກຏຕ຺ຕາຣູປໍ ອຸປາທາຣູປໍ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ.

(ຍຖາ ເຫຕຸປຈ຺ຈຍໍ, ເອວໍ ວິຕ຺ຖາເຣຕພ຺ພໍ.)

ອຎ຺ຎມຎ຺ຎປຈ຺ຈໂຍ

໒໕໖. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ… ເອກໍ.

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ… ເອກໍ.

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ; ປຏິສນ຺ຘິກ຺ຂເຓ ວິປາກາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ວຕ຺ຖຸ ຈ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ວຕ຺ຖຸ ຈ, ຂນ຺ເຘ ປຈ຺ຈຍາ ວຕ຺ຖຸ, ວຕ຺ຖຸໍ ປຈ຺ຈຍາ ຂນ຺ຘາ; ເອກໍ ມຫາຠູຕໍ ປຈ຺ຈຍາ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຈ຺ຈຍາ ທ຺ເວ ມຫາຠູຕາ; ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ ປຈ຺ຈຍາ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຈ຺ຈຍາ ທ຺ເວ ມຫາຠູຕາ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ.

(ຍຖາ ອາຣມ຺ມຓປຈ຺ຈຍໍ, ເອວໍ ວິຕ຺ຖາເຣຕພ຺ພໍ.)

ນິສ຺ສຍປຈ຺ຈໂຍ

໒໕໗. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ນິສ຺ສຍປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ.

(ຍຖາ ສຫຊາຕປຈ຺ຈຍໍ, ເອວໍ ວິຕ຺ຖາເຣຕພ຺ພໍ.)

ອຸປນິສ຺ສຍປຈ຺ຈໂຍ

໒໕໘. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຸປນິສ຺ສຍປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ. (ອາຣມ຺ມຓປຈ຺ຈຍສທິສໍ.)

ປຸເຣຊາຕປຈ຺ຈໂຍ

໒໕໙. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ. ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. ວຕ຺ຖຸໍ ປຸເຣຊາຕປຈ຺ຈຍາ. (໑)

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ. ວຕ຺ຖຸໍ ປຸເຣຊາຕປຈ຺ຈຍາ. (໑)

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ.

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ. (໓)

ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ. (໑)

ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ປຸເຣຊາຕປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ປຸເຣຊາຕປຈ຺ຈຍາ. (໑)

ອາເສວນປຈ຺ຈໂຍ

໒໖໐. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ…ເປ….

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ…ເປ….

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ປຈ຺ຈຍາ ກິຣິຍາພ຺ຍາກຕາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ.

ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ…ເປ….

ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ອາເສວນປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ….

ກມ຺ມປຈ຺ຈໂຍ

໒໖໑. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ… ຕີຓິ.

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ… ຕີຓິ.

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ…ເປ… ປຏິສນ຺ຘິກ຺ຂເຓ…ເປ… ເອກໍ ມຫາຠູຕໍ ປຈ຺ຈຍາ…ເປ… ອສຎ຺ຎສຕ຺ຕານໍ ເອກໍ ມຫາຠູຕໍ ປຈ຺ຈຍາ…ເປ… ມຫາຠູເຕ ປຈ຺ຈຍາ ກຏຕ຺ຕາຣູປໍ ອຸປາທາຣູປໍ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ.

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ກມ຺ມປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ…ເປ…. (໕)

ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຘມ຺ໂມ…ເປ… ອພ຺ຍາກໂຕ ຘມ຺ໂມ…ເປ… ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ກມ຺ມປຈ຺ຈຍາ…ເປ….

ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ…ເປ… ອພ຺ຍາກໂຕ ຘມ຺ໂມ…ເປ… ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ກມ຺ມປຈ຺ຈຍາ, ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ…ເປ… ອກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ.

ວິປາກປຈ຺ຈໂຍ

໒໖໒. ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ. ວິປາກາພ຺ຍາກຕໍ ເອກໍ ຂນ຺ຘໍ ປຈ຺ຈຍາ…ເປ… ປຏິສນ຺ຘິກ຺ຂເຓ…ເປ… ເອກໍ ມຫາຠູຕໍ ປຈ຺ຈຍາ…ເປ… ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ຂນ຺ຘາ.

ອາຫາຣປຈ຺ຈໂຍ

໒໖໓. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອາຫາຣປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ… ຕີຓິ.

ອກຸສລໍ ຘມ຺ມໍ ປຈ຺ຈຍາ… ຕີຓິ.

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອາຫາຣປຈ຺ຈຍາ…ເປ… ປຏິສນ຺ຘິກ຺ຂເຓ…ເປ… ອາຫາຣສມຸຏ຺ຐານໍ ເອກໍ ມຫາຠູຕໍ…ເປ… ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ. (ປຣິປຸຓ຺ຓໍ.)

ອິນ຺ທ຺ຣິຍປຈ຺ຈໂຍ

໒໖໔. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອິນ຺ທ຺ຣິຍປຈ຺ຈຍາ…ເປ… ອສຎ຺ຎສຕ຺ຕານໍ ເອກໍ ມຫາຠູຕໍ ປຈ຺ຈຍາ…ເປ… ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ.

(ອິນ຺ທ຺ຣິຍປຈ຺ຈຍາ ຍຖາ ກມ຺ມປຈ຺ຈຍາ, ເອວໍ ວິຕ຺ຖາເຣຕພ຺ພໍ.)

ຌານ-ມຄ຺ຄປຈ຺ຈຍາ

໒໖໕. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ຌານປຈ຺ຈຍາ…ເປ… ມຄ຺ຄປຈ຺ຈຍາ.

(ຌານປຈ຺ຈຍາປິ ມຄ຺ຄປຈ຺ຈຍາປິ ຍຖາ ເຫຕຸປຈ຺ຈຍາ, ເອວໍ ວິຕ຺ຖາເຣຕພ຺ພໍ.)

ສມ຺ປຍຸຕ຺ຕປຈ຺ຈໂຍ

໒໖໖. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ສມ຺ປຍຸຕ຺ຕປຈ຺ຈຍາ. (ອາຣມ຺ມຓປຈ຺ຈຍສທິສໍ.)

ວິປ຺ປຍຸຕ຺ຕປຈ຺ຈໂຍ

໒໖໗. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ. ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. ກຸສລໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ກຸສເລ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ເຘ ວິປ຺ປຍຸຕ຺ຕປຈ຺ຈຍາ, ກຸສລໍ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ – ກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໓)

ອກຸສລໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. ອກຸສລໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ອກຸສເລ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ເຘ ວິປ຺ປຍຸຕ຺ຕປຈ຺ຈຍາ. ອກຸສລໍ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ – ອກຸສລໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໓)

ອພ຺ຍາກຕໍ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ວິປາກາພ຺ຍາກຕໍ ກິຣິຍາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ, ປຏິສນ຺ຘິກ຺ຂເຓ ວິປາກາພ຺ຍາກຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ ປຈ຺ຈຍາ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ກຏຕ຺ຕາຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ, ຂນ຺ເຘ ປຈ຺ຈຍາ ວຕ຺ຖຸ, ວຕ຺ຖຸໍ ປຈ຺ຈຍາ ຂນ຺ຘາ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ວຕ຺ຖຸ ຂນ຺ເຘ ວິປ຺ປຍຸຕ຺ຕປຈ຺ຈຍາ; ເອກໍ ມຫາຠູຕໍ ປຈ຺ຈຍາ…ເປ… ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ; ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ; ວຕ຺ຖຸໍ ປຈ຺ຈຍາ ວິປາກາພ຺ຍາກຕາ ກິຣິຍາພ຺ຍາກຕາ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. (໑)

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. (໒)

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. (໓)

ອພ຺ຍາກຕໍ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ – ວຕ຺ຖຸໍ ປຈ຺ຈຍາ ກຸສລາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໔)

ອພ຺ຍາກຕໍ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ – ວຕ຺ຖຸໍ ປຈ຺ຈຍາ ອກຸສລາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໕)

ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ. ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ. ກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ຂນ຺ເຘ ວິປ຺ປຍຸຕ຺ຕປຈ຺ຈຍາ. ກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ, ກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ, ຕໂຍ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ເອໂກ ຂນ຺ໂຘ, ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໓)

ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ວຕ຺ຖຸໍ ວິປ຺ປຍຸຕ຺ຕປຈ຺ຈຍາ. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ວິປ຺ປຍຸຕ຺ຕປຈ຺ຈຍາ – ອກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ເຘ ວິປ຺ປຍຸຕ຺ຕປຈ຺ຈຍາ. ອກຸສລຎ຺ຈ ອພ຺ຍາກຕຎ຺ຈ ຘມ຺ມໍ ປຈ຺ຈຍາ ອກຸສໂລ ຈ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ວິປ຺ປຍຸຕ຺ຕປຈ຺ຈຍາ – ອກຸສລໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ຘາ, ອກຸສເລ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ຂນ຺ຘາ ວຕ຺ຖຸໍ ວິປ຺ປຍຸຕ຺ຕປຈ຺ຈຍາ, ຈິຕ຺ຕສມຸຏ຺ຐານໍ ຣູປໍ ຂນ຺ເຘ ວິປ຺ປຍຸຕ຺ຕປຈ຺ຈຍາ. (໓)

ອຕ຺ຖິປຈ຺ຈຍາທິ

໒໖໘. ກຸສລໍ ຘມ຺ມໍ ປຈ຺ຈຍາ ກຸສໂລ ຘມ຺ໂມ ອຸປ຺ປຊ຺ຊຕິ ອຕ຺ຖິປຈ຺ຈຍາ…ເປ… (ອຕ຺ຖິປຈ຺ຈຍາ ສຫຊາຕປຈ຺ຈຍສທິສໍ ກາຕພ຺ພໍ. ນຕ຺ຖິປຈ຺ຈຍາ ວິຄຕປຈ຺ຈຍາ ອາຣມ຺ມຓປຈ຺ຈຍສທິສໍ, ອວິຄຕປຈ຺ຈຍາ ສຫຊາຕປຈ຺ຈຍສທິສໍ.)