໑໙. ເອກູນວີສຕິມວຄ຺ໂຄ

(໑໙໓) ໘. ອິນ຺ທ຺ຣິຍກຖາ

໘໕໓. ນຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ອາມນ຺ຕາ. ນຕ຺ຖິ ໂລກິຍາ ສທ຺ຘາຕິ? ນ ເຫວໍ ວຕ຺ຕພ຺ເພ…ເປ… ນຕ຺ຖິ ໂລກິຍໍ ວີຣິຍິນ຺ທ຺ຣິຍໍ…ເປ… ສຕິນ຺ທ຺ຣິຍໍ…ເປ… ສມາຘິນ຺ທ຺ຣິຍໍ…ເປ… ປຎ຺ຎິນ຺ທ຺ຣິຍນ຺ຕິ? ອາມນ຺ຕາ. ນຕ຺ຖິ ໂລກິຍາ ປຎ຺ຎາຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂລກິຍາ ສທ຺ຘາຕິ? ອາມນ຺ຕາ. ອຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິຍໍ ວີຣິຍໍ…ເປ… ສຕິ…ເປ… ສມາຘິ…ເປ… ປຎ຺ຎາຕິ? ອາມນ຺ຕາ. ອຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂລກິໂຍ ມໂນ, ອຕ຺ຖິ ໂລກິຍໍ ມນິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ສທ຺ຘາ, ອຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິໂຍ ມໂນ, ອຕ຺ຖິ ໂລກິຍໍ ມນິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ປຎ຺ຎາ, ອຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂລກິຍໍ ໂສມນສ຺ສໍ, ອຕ຺ຖິ ໂລກິຍໍ ໂສມນສ຺ສິນ຺ທ຺ຣິຍໍ…ເປ… ອຕ຺ຖິ ໂລກິຍໍ ຊີວິຕໍ, ອຕ຺ຖິ ໂລກິຍໍ ຊີວິຕິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ສທ຺ຘາ, ອຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິຍໍ ຊີວິຕໍ, ອຕ຺ຖິ ໂລກິຍໍ ຊີວິຕິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ປຎ຺ຎາ, ອຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

໘໕໔. ອຕ຺ຖິ ໂລກິຍາ ສທ຺ຘາ, ນຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິໂຍ ມໂນ, ນຕ຺ຖິ ໂລກິຍໍ ມນິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິຍາ ປຎ຺ຎາ, ນຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິໂຍ ມໂນ, ນຕ຺ຖິ ໂລກິຍໍ ມນິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂລກິຍາ ສທ຺ຘາ, ນຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍໍ ໂສມນສ຺ສໍ, ນຕ຺ຖິ ໂລກິຍໍ ໂສມນສ຺ສິນ຺ທ຺ຣິຍນ຺ຕິ… ອຕ຺ຖິ ໂລກິຍໍ ຊີວິຕໍ, ນຕ຺ຖິ ໂລກິຍໍ ຊີວິຕິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິຍາ ປຎ຺ຎາ, ນຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິໂຍ ມໂນ, ນຕ຺ຖິ ໂລກິຍໍ ມນິນ຺ທ຺ຣິຍນ຺ຕິ…ເປ… ອຕ຺ຖິ ໂລກິຍໍ ຊີວິຕໍ, ນຕ຺ຖິ ໂລກິຍໍ ຊີວິຕິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

໘໕໕. ອຕ຺ຖິ ໂລກຸຕ຺ຕຣາ ສທ຺ຘາ, ອຕ຺ຖິ ໂລກຸຕ຺ຕຣໍ ສທ຺ຘິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ສທ຺ຘາ, ອຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກຸຕ຺ຕຣໍ ວີຣິຍໍ…ເປ… ອຕ຺ຖິ ໂລກຸຕ຺ຕຣາ ປຎ຺ຎາ, ອຕ຺ຖິ ໂລກຸຕ຺ຕຣໍ ປຎ຺ຎິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກິຍາ ປຎ຺ຎາ, ອຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂລກິຍາ ສທ຺ຘາ, ນຕ຺ຖິ ໂລກິຍໍ ສທ຺ຘິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກຸຕ຺ຕຣາ ສທ຺ຘາ, ນຕ຺ຖິ ໂລກຸຕ຺ຕຣໍ ສທ຺ຘິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂລກິຍໍ ວີຣິຍໍ…ເປ… ອຕ຺ຖິ ໂລກິຍາ ປຎ຺ຎາ, ນຕ຺ຖິ ໂລກິຍໍ ປຎ຺ຎິນ຺ທ຺ຣິຍນ຺ຕິ? ອາມນ຺ຕາ. ອຕ຺ຖິ ໂລກຸຕ຺ຕຣາ ປຎ຺ຎາ, ນຕ຺ຖິ ໂລກຸຕ຺ຕຣໍ ປຎ຺ຎິນ຺ທ຺ຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

໘໕໖. ນຕ຺ຖິ ໂລກິຍານິ ປຎ຺ຈິນ຺ທ຺ຣິຍານີຕິ? ອາມນ຺ຕາ. ນນຸ ວຸຕ຺ຕໍ ຠຄວຕາ – ‘‘ອທ຺ທສໍ ໂຂ ອຫໍ, ຠິກ຺ຂເວ, ພຸທ຺ຘຈກ຺ຂຸນາ ໂລກໍ ໂວໂລເກນ຺ໂຕ ສຕ຺ເຕ ອປ຺ປຣຊກ຺ເຂ ມຫາຣຊກ຺ເຂ, ຕິກ຺ຂິນ຺ທ຺ຣິເຍ ມຸທິນ຺ທ຺ຣິເຍ, ສ຺ວາກາເຣ, ສຸວິຎ຺ຎາປເຍ, ອປ຺ເປກຈ຺ເຈ ປຣໂລກວຊ຺ຊຠຍທສ຺ສາວິໂນ ວິຫຣນ຺ເຕ’’ຕິ [ມ. ນິ. ໑.໒໘໓ ຕຕ຺ຖ ‘‘ທ຺ວາກາເຣ ທຸວິຎ຺ຎາປເຍ’’ ອິຈ຺ຈາທີນິປິ ປທານິ ທິສ຺ສນ຺ຕິ]! ອຕ຺ເຖວ ສຸຕ຺ຕນ຺ໂຕຕິ? ອາມນ຺ຕາ. ເຕນ ຫິ ອຕ຺ຖິ ໂລກິຍານິ ປຎ຺ຈິນ຺ທ຺ຣິຍານີຕິ.

ອິນ຺ທ຺ຣິຍກຖາ ນິຏ຺ຐິຕາ.

ເອກູນວີສຕິມວຄ຺ໂຄ.

ຕສ຺ສຸທ຺ທານໍ –

ອຕີເຕ ກິເລເສ ຊຫຕິ ອນາຄເຕ ກິເລເສ ຊຫຕິ ປຈ຺ຈຸປ຺ປນ຺ເນ ກິເລເສ ຊຫຕິ, ສຸຎ຺ຎຕາ ສງ຺ຂາຣກ຺ຂນ຺ຘປຣິຍາປນ຺ນາ, ສາມຎ຺ຎຜລໍ ອສງ຺ຂຕໍ, ປຕ຺ຕິ ອສງ຺ຂຕາ, ສພ຺ພຘມ຺ມານໍ ຕຖຕາ ອສງ຺ຂຕາ, ນິພ຺ພານຘາຕຸ ກຸສລາ, ອຕ຺ຖິ ປຸຖຸຊ຺ຊນສ຺ສ ອຈ຺ຈນ຺ຕນິຍາມຕາ, ນຕ຺ຖິ ໂລກິຍານິ ປຎ຺ຈິນ຺ທ຺ຣິຍານີຕິ.