(໘໙) ໖. ອຕີຕານາຄຕາຣມ຺ມຓກຖາ

໕໕໙. ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ນນຸ ອຕີຕາຣມ຺ມຓນ຺ຕິ? ອາມນ຺ຕາ. ຫຎ຺ຈິ ອຕີຕາຣມ຺ມຓໍ, ໂນ ຈ ວຕ ເຣ ວຕ຺ຕພ຺ເພ – ‘‘ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ. ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ ມິຈ຺ຉາ. ຫຎ຺ຈິ ວາ ປນ ອນາຣມ຺ມຓໍ, ໂນ ຈ ວຕ ເຣ ວຕ຺ຕພ຺ເພ – ‘‘ອຕີຕາຣມ຺ມຓ’’ນ຺ຕິ. ອນາຣມ຺ມຓໍ ອຕີຕາຣມ຺ມຓນ຺ຕິ ມິຈ຺ຉາ.

ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ນນຸ ອຕີຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘີຕິ? ອາມນ຺ຕາ. ຫຎ຺ຈິ ອຕີຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ໂນ ຈ ວຕ ເຣ ວຕ຺ຕພ຺ເພ – ‘‘ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ.

໕໖໐. ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ນນຸ ອນາຄຕາຣມ຺ມຓນ຺ຕິ? ອາມນ຺ຕາ. ຫຎ຺ຈິ ອນາຄຕາຣມ຺ມຓໍ, ໂນ ຈ ວຕ ເຣ ວຕ຺ຕພ຺ເພ – ‘‘ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ. ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ ມິຈ຺ຉາ. ຫຎ຺ຈິ ວາ ປນ ອນາຣມ຺ມຓໍ, ໂນ ຈ ວຕ ເຣ ວຕ຺ຕພ຺ເພ – ‘‘ອນາຄຕາຣມ຺ມຓ’’ນ຺ຕິ. ອນາຣມ຺ມຓໍ ອນາຄຕາຣມ຺ມຓນ຺ຕິ ມິຈ຺ຉາ.

ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ນນຸ ອນາຄຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘີຕິ? ອາມນ຺ຕາ. ຫຎ຺ຈິ ອນາຄຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ໂນ ຈ ວຕ ເຣ ວຕ຺ຕພ຺ເພ – ‘‘ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ.

ປຈ຺ຈຸປ຺ປນ຺ນໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ປຈ຺ຈຸປ຺ປນ຺ນາຣມ຺ມຓໍ ຈິຕ຺ຕໍ ສາຣມ຺ມຓນ຺ຕິ? ອາມນ຺ຕາ. ອຕີຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ອຕີຕາຣມ຺ມຓໍ ຈິຕ຺ຕໍ ສາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ… ປຈ຺ຈຸປ຺ປນ຺ນໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ປຈ຺ຈຸປ຺ປນ຺ນາຣມ຺ມຓໍ ຈິຕ຺ຕໍ ສາຣມ຺ມຓນ຺ຕິ? ອາມນ຺ຕາ. ອນາຄຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ອນາຄຕາຣມ຺ມຓໍ ຈິຕ຺ຕໍ ສາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕີຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ອຕີຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ປຈ຺ຈຸປ຺ປນ຺ນໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ປຈ຺ຈຸປ຺ປນ຺ນາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ອນາຄຕໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ອນາຄຕາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ອາມນ຺ຕາ. ປຈ຺ຈຸປ຺ປນ຺ນໍ ອາຣພ຺ຠ ອຕ຺ຖິ ອາວຏ຺ຏນາ…ເປ… ປຓິຘິ, ປຈ຺ຈຸປ຺ປນ຺ນາຣມ຺ມຓໍ ຈິຕ຺ຕໍ ອນາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

໕໖໑. ນ ວຕ຺ຕພ຺ພໍ – ‘‘ອຕີຕານາຄຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ? ອາມນ຺ຕາ. ນນຸ ອຕີຕານາຄຕໍ ນຕ຺ຖີຕິ? ອາມນ຺ຕາ. ຫຎ຺ຈິ ອຕີຕານາຄຕໍ ນຕ຺ຖິ, ເຕນ ວຕ ເຣ ວຕ຺ຕພ຺ເພ – ‘‘ອຕີຕານາຄຕາຣມ຺ມຓໍ ຈິຕ຺ຕໍ ອນາຣມ຺ມຓ’’ນ຺ຕິ…ເປ….

ອຕີຕານາຄຕາຣມ຺ມຓກຖາ ນິຏ຺ຐິຕາ.