໔. ຈຕຸຕ຺ຖວຄ຺ໂຄ

(໓໘) ໖. ໂພຘິຍາ ພຸທ຺ໂຘຕິກຖາ

໓໙໘. ໂພຘິຍາ ພຸທ຺ໂຘຕິ? ອາມນ຺ຕາ. ໂພຘິຍາ ນິຣຸທ຺ຘາຍ ວິຄຕາຍ ປຏິປສ຺ສທ຺ຘາຍ ອພຸທ຺ໂຘ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ໂພຘິຍາ ພຸທ຺ໂຘຕິ? ອາມນ຺ຕາ. ອຕີຕາຍ ໂພຘິຍາ ພຸທ຺ໂຘຕິ? ນ ເຫວໍ ວຕ຺ຕພ຺ເພ…ເປ… ອຕີຕາຍ ໂພຘິຍາ ພຸທ຺ໂຘຕິ? ອາມນ຺ຕາ. ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ຕາຍ ໂພຘິຍາ ທຸກ຺ຂໍ ປຣິຊານາຕິ, ສມຸທຍໍ ປຊຫຕິ, ນິໂຣຘໍ ສຈ຺ຉິກໂຣຕິ, ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

ໂພຘິຍາ ພຸທ຺ໂຘຕິ? ອາມນ຺ຕາ. ອນາຄຕາຍ ໂພຘິຍາ ພຸທ຺ໂຘຕິ? ນ ເຫວໍ ວຕ຺ຕພ຺ເພ…ເປ….

ອນາຄຕາຍ ໂພຘິຍາ ພຸທ຺ໂຘຕິ? ອາມນ຺ຕາ. ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ອຕີຕາຍ ໂພຘິຍາ ພຸທ຺ໂຘ, ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ຕາຍ ໂພຘິຍາ ທຸກ຺ຂໍ ປຣິຊານາຕິ, ສມຸທຍໍ ປຊຫຕິ, ນິໂຣຘໍ ສຈ຺ຉິກໂຣຕິ, ມຄ຺ຄໍ ຠາເວຕີຕິ? ອາມນ຺ຕາ. ອຕີຕາຍ ໂພຘິຍາ ພຸທ຺ໂຘ, ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ອນາຄຕາຍ ໂພຘິຍາ ພຸທ຺ໂຘ, ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ອາມນ຺ຕາ. ອນາຄຕາຍ ໂພຘິຍາ ພຸທ຺ໂຘ, ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

ອຕີຕາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ອຕີຕາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ອາມນ຺ຕາ. ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

ອນາຄຕາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ອາມນ຺ຕາ. ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ໂພຘິກຣຓີຍໍ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ອນາຄຕາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ອາມນ຺ຕາ. ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘ, ນ ຈ ຕາຍ ໂພຘິຍາ ທຸກ຺ຂໍ ປຣິຊານາຕິ…ເປ… ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ…ເປ….

໓໙໙. ອຕີຕາຍ ໂພຘິຍາ ພຸທ຺ໂຘ, ອນາຄຕາຍ ໂພຘິຍາ ພຸທ຺ໂຘ, ປຈ຺ຈຸປ຺ປນ຺ນາຍ ໂພຘິຍາ ພຸທ຺ໂຘຕິ? ອາມນ຺ຕາ. ຕີຫິ ໂພຘີຫິ ພຸທ຺ໂຘຕິ? ນ ເຫວໍ ວຕ຺ຕພ຺ເພ…ເປ….

ຕີຫິ ໂພຘີຫິ ພຸທ຺ໂຘຕິ? ອາມນ຺ຕາ. ສຕຕໍ ສມິຕໍ ອພ຺ໂພກິຓ຺ຓໍ ຕີຫິ ໂພຘີຫິ ສມນ຺ນາຄໂຕ ສໂມຫິໂຕ, ຕິສ຺ໂສ ໂພຘິໂຍ ປຈ຺ຈຸປຏ຺ຐິຕາຕິ? ນ ເຫວໍ ວຕ຺ຕພ຺ເພ…ເປ….

ນ ວຕ຺ຕພ຺ພໍ – ‘‘ໂພຘິຍາ ພຸທ຺ໂຘ’’ຕິ? ອາມນ຺ຕາ. ນນຸ ໂພຘິປຏິລາຠາ ພຸທ຺ໂຘຕິ? ອາມນ຺ຕາ. ຫຎ຺ຈິ ໂພຘິປຏິລາຠາ ພຸທ຺ໂຘ, ເຕນ ວຕ ເຣ ວຕ຺ຕພ຺ເພ – ‘‘ໂພຘິຍາ ພຸທ຺ໂຘ’’ຕິ.

ໂພຘິປຏິລາຠາ ພຸທ຺ໂຘຕິ, ໂພຘິຍາ ພຸທ຺ໂຘຕິ? ອາມນ຺ຕາ. ໂພຘິປຏິລາຠາ ໂພຘີຕິ? ນ ເຫວໍ ວຕ຺ຕພ຺ເພ…ເປ….

ໂພຘິຍາ ພຸທ຺ໂຘຕິກຖາ ນິຏ຺ຐິຕາ.