໓. ຕຕິຍວຄ຺ໂຄ

(໒໕) ໕. ອຏ຺ຐມກກຖາ

໓໖໘. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມໂກ ປຸຄ຺ຄໂລ ໂສຕາປນ຺ໂນ ໂສຕາປຕ຺ຕິຜລປ຺ປຕ຺ໂຕ ປຏິລທ຺ໂຘ ອຘິຄໂຕ ສຈ຺ຉິກໂຕ ອຸປສມ຺ປຊ຺ຊ ວິຫຣຕິ, ກາເຍນ ຜຸສິຕ຺ວາ ວິຫຣຕີຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມໂກ ປຸຄ຺ຄໂລ ໂສຕາປນ຺ໂນ ໂສຕາປຕ຺ຕິຜລປ຺ປຕ຺ໂຕ…ເປ… ກາເຍນ ຜຸສິຕ຺ວາ ວິຫຣຕີຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐານຸສໂຍ ປຫີໂນຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉານຸສໂຍ… ສີລພ຺ພຕປຣາມາໂສ ປຫີໂນຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉານຸສໂຍ ປຫີໂນຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐານຸສໂຍ… ສີລພ຺ພຕປຣາມາໂສ ປຫີໂນຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐານຸສໂຍ ອປ຺ປຫີໂນຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ອປ຺ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐານຸສໂຍ ອປ຺ປຫີໂນຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ອປ຺ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉານຸສໂຍ… ສີລພ຺ພຕປຣາມາໂສ ອປ຺ປຫີໂນຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ອປ຺ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ສີລພ຺ພຕປຣາມາໂສ ອປ຺ປຫີໂນຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ອປ຺ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ….

໓໖໙. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານປຫານາຍ ມຄ຺ໂຄ ຠາວິໂຕຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານປຫານາຍ ສຕິປຏ຺ຐານາ ຠາວິຕາ…ເປ… ສມ຺ມປ຺ປຘານາ…ເປ… ໂພຊ຺ຌງ຺ຄາ ຠາວິຕາຕິ? ນ ເຫວໍ ວຕ຺ຕພ຺ເພ.

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານປຫານາຍ ມຄ຺ໂຄ ຠາວິໂຕ…ເປ… ໂພຊ຺ຌງ຺ຄາ ຠາວິຕາຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານປຫານາຍ ມຄ຺ໂຄ ອຠາວິໂຕຕິ? ອາມນ຺ຕາ. ອມຄ຺ເຄນ ປຫີນໍ ໂລກິເຍນ ສາສເວນ…ເປ… ສໍກິເລສິເຍນາຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານປຫານາຍ ສຕິປຏ຺ຐານາ…ເປ… ໂພຊ຺ຌງ຺ຄາ ອຠາວິຕາຕິ? ອາມນ຺ຕາ. ອມຄ຺ເຄນ ປຫີນໍ ໂລກິເຍນ ສາສເວນ…ເປ… ສໍກິເລສິເຍນາຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານປຫານາຍ ມຄ຺ໂຄ ອຠາວິໂຕ…ເປ… ສຕິປຏ຺ຐານາ…ເປ… ໂພຊ຺ຌງ຺ຄາ ອຠາວິຕາຕິ? ອາມນ຺ຕາ. ອມຄ຺ເຄນ ປຫີນໍ ໂລກິເຍນ ສາສເວນ…ເປ… ສໍກິເລສິເຍນາຕິ? ນ ເຫວໍ ວຕ຺ຕພ຺ເພ…ເປ….

໓໗໐. ນ ວຕ຺ຕພ຺ພໍ – ‘‘ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນ’’ນ຺ຕິ? ອາມນ຺ຕາ. ອຸປ຺ປຊ຺ຊິສ຺ສຕີຕິ? ນຸປ຺ປຊ຺ຊິສ຺ສຕິ. ຫຎ຺ຈິ ນຸປ຺ປຊ຺ຊິສ຺ສຕິ, ເຕນ ວຕ ເຣ ວຕ຺ຕພ຺ເພ – ‘‘ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ປຫີນ’’ນ຺ຕິ.

ນ ວຕ຺ຕພ຺ພໍ – ‘‘ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນ’’ນ຺ຕິ? ອາມນ຺ຕາ. ອຸປ຺ປຊ຺ຊິສ຺ສຕີຕິ? ນຸປ຺ປຊ຺ຊິສ຺ສຕິ. ຫຎ຺ຈິ ນຸປ຺ປຊ຺ຊິສ຺ສຕິ, ເຕນ ວຕ ເຣ ວຕ຺ຕພ຺ເພ – ‘‘ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ປຫີນ’’ນ຺ຕິ.

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐານຸສໂຍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີໂນຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉານຸສໂຍ… ສີລພ຺ພຕປຣາມາໂສ ນຸປ຺ປຊ຺ຊິສ຺ສຕີຕິ ກຕ຺ວາ ປຫີໂນຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ອາມນ຺ຕາ. ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉານຸສໂຍ… ສີລພ຺ພຕປຣາມາໂສ ນຸປ຺ປຊ຺ຊິສ຺ສຕີຕິ ກຕ຺ວາ ປຫີໂນຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກສ຺ສ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ອາມນ຺ຕາ. ໂຄຕ຺ຣຠຸໂນ ປຸຄ຺ຄລສ຺ສ ທິຏ຺ຐິປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ… ອຏ຺ຐມກສ຺ສ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ອາມນ຺ຕາ. ໂຄຕ຺ຣຠຸໂນ ປຸຄ຺ຄລສ຺ສ ວິຈິກິຈ຺ຉາປຣິຍຸຏ຺ຐານໍ ນຸປ຺ປຊ຺ຊິສ຺ສຕີຕິ ກຕ຺ວາ ປຫີນນ຺ຕິ? ນ ເຫວໍ ວຕ຺ຕພ຺ເພ…ເປ….

ອຏ຺ຐມກກຖາ ນິຏ຺ຐິຕາ.