໓. ຕຕິຍວຄ຺ໂຄ

(໒໒) ໒. ອຣິຍນ຺ຕິກຖາ

໓໕໗. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ມຄ຺ໂຄ ຜລໍ ນິພ຺ພານໍ, ໂສຕາປຕ຺ຕິມຄ຺ໂຄ ໂສຕາປຕ຺ຕິຜລໍ, ສກທາຄາມິມຄ຺ໂຄ ສກທາຄາມິຜລໍ, ອນາຄາມິມຄ຺ໂຄ ອນາຄາມິຜລໍ, ອຣຫຕ຺ຕມຄ຺ໂຄ ອຣຫຕ຺ຕຜລໍ, ສຕິປຏ຺ຐານໍ ສມ຺ມປ຺ປຘານໍ ອິທ຺ຘິປາໂທ ອິນ຺ທ຺ຣິຍໍ ພລໍ ໂພຊ຺ຌງ຺ໂຄຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ສຸຎ຺ຎຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ…. ສຸຎ຺ຎຕາຣມ຺ມຓນ຺ຕິ? ອາມນ຺ຕາ. ຐານາຐານຎ຺ຈ ມນສິ ກໂຣຕິ, ສຸຎ຺ຎຕຎ຺ຈ ມນສິ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ຐານາຐານຎ຺ຈ ມນສິ ກໂຣຕິ, ສຸຎ຺ຎຕຎ຺ຈ ມນສິ ກໂຣຕີຕິ? ອາມນ຺ຕາ. ທ຺ວິນ຺ນໍ ຜສ຺ສານໍ ທ຺ວິນ຺ນໍ ຈິຕ຺ຕານໍ ສໂມຘານໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ… ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ຐານາຐານຎ຺ຈ ມນສິ ກໂຣຕິ, ອປ຺ປຓິຫິຕຎ຺ຈ ມນສິ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ຐານາຐານຎ຺ຈ ມນສິ ກໂຣຕິ, ອປ຺ປຓິຫິຕຎ຺ຈ ມນສິ ກໂຣຕີຕິ? ອາມນ຺ຕາ. ທ຺ວິນ຺ນໍ ຜສ຺ສານໍ ທ຺ວິນ຺ນໍ ຈິຕ຺ຕານໍ ສໂມຘານໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

໓໕໘. ສຕິປຏ຺ຐານາ ອຣິຍາ ສຸຎ຺ຎຕາຣມ຺ມຓາຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ສຸຎ຺ຎຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ສຕິປຏ຺ຐານາ ອຣິຍາ ອນິມິຕ຺ຕາຣມ຺ມຓາ…ເປ… ອປ຺ປຓິຫິຕາຣມ຺ມຓາຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ສມ຺ມປ຺ປຘານາ, ອິທ຺ຘິປາທາ, ອິນ຺ທ຺ຣິຍາ, ພລາ, ໂພຊ຺ຌງ຺ຄາ ອຣິຍາ ສຸຎ຺ຎຕາຣມ຺ມຓາຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ສຸຎ຺ຎຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ໂພຊ຺ຌງ຺ຄາ ອຣິຍາ ອນິມິຕ຺ຕາຣມ຺ມຓາ… ອປ຺ປຓິຫິຕາຣມ຺ມຓາຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

໓໕໙. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ‘‘ສຸຎ຺ຎຕາຣມ຺ມຓ’’ນ຺ຕິ? ອາມນ຺ຕາ. ສຕິປຏ຺ຐານາ ອຣິຍາ ນ ວຕ຺ຕພ຺ພາ – ‘‘ສຸຎ຺ຎຕາຣມ຺ມຓາ’’ຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ສຕິປຏ຺ຐານາ ອຣິຍາ ນ ວຕ຺ຕພ຺ພາ – ‘‘ອປ຺ປຓິຫິຕາຣມ຺ມຓາ’’ຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ສຸຎ຺ຎຕາຣມ຺ມຓໍ…ເປ… ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ສມ຺ມປ຺ປຘານໍ…ເປ… ໂພຊ຺ຌງ຺ຄາ ອຣິຍາ ນ ວຕ຺ຕພ຺ພາ – ‘‘ອປ຺ປຓິຫິຕາຣມ຺ມຓາ’’ຕິ? ນ ເຫວໍ ວຕ຺ຕພ຺ເພ…ເປ….

໓໖໐. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ມຄ຺ໂຄ ຜລໍ ນິພ຺ພານໍ, ໂສຕາປຕ຺ຕິມຄ຺ໂຄ ໂສຕາປຕ຺ຕິຜລໍ…ເປ… ໂພຊ຺ຌງ຺ໂຄຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ສຸຎ຺ຎຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ… ສຸຎ຺ຎາຕາຣມ຺ມຓນ຺ຕິ? ອາມນ຺ຕາ. ສຕ຺ຕານໍ ຈຸຕູປປາຕຎ຺ຈ ມນສິ ກໂຣຕິ, ສຸຎ຺ຎຕຎ຺ຈ ມນສິ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາຕຎ຺ຈ ມນສິ ກໂຣຕິ, ສຸຎ຺ຎຕຎ຺ຈ ມນສິ ກໂຣຕີຕິ? ອາມນ຺ຕາ. ທ຺ວິນ຺ນໍ ຜສ຺ສານໍ ທ຺ວິນ຺ນໍ ຈິຕ຺ຕານໍ ສໂມຘານໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ອນິມິຕ຺ຕາຣມ຺ມຓໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ສຕ຺ຕານໍ ຈຸຕູປປາຕຎ຺ຈ ມນສິ ກໂຣຕິ, ອປ຺ປຓິຫິຕຎ຺ຈ ມນສິ ກໂຣຕີຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາຕຎ຺ຈ ມນສິ ກໂຣຕິ, ອປ຺ປຓິຫິຕຎ຺ຈ ມນສິ ກໂຣຕີຕິ? ອາມນ຺ຕາ. ທ຺ວິນ຺ນໍ ຜສ຺ສານໍ ທ຺ວິນ຺ນໍ ຈິຕ຺ຕານໍ ສໂມຘານໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

໓໖໑. ສຕິປຏ຺ຐານາ ອຣິຍາ ສຸຎ຺ຎຕາຣມ຺ມຓາ…ເປ… ອນິມິຕ຺ຕາຣມ຺ມຓາ…ເປ… ອປ຺ປຓິຫິຕາຣມ຺ມຓາຕິ? ອາມນ຺ຕາ. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ສມ຺ມປ຺ປຘານໍ …ເປ… ໂພຊ຺ຌງ຺ຄາ ອຣິຍາ ສຸຎ຺ຎຕາຣມ຺ມຓາ…ເປ… ອນິມິຕ຺ຕາຣມ຺ມຓາ…ເປ… ອປ຺ປຓິຫິຕາຣມ຺ມຓາຕິ? ອາມນ຺ຕາ. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ສຸຎ຺ຎຕາຣມ຺ມຓໍ…ເປ… ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ສຕິປຏ຺ຐານາ ອຣິຍາ ນ ວຕ຺ຕພ຺ພາ – ‘‘ອປ຺ປປຓິຫິຕາຣມ຺ມຓາ’’ຕິ? ນ ເຫວໍ ວຕ຺ຕພ຺ເພ…ເປ….

໓໖໒. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ສຸຎ຺ຎຕາຣມ຺ມຓໍ…ເປ… ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ສມ຺ມປ຺ປຘານາ…ເປ… ໂພຊ຺ຌງ຺ຄາ ອຣິຍາ ນ ວຕ຺ຕພ຺ພາ – ‘‘ອປ຺ປຓິຫິຕາຣມ຺ມຓາ’’ຕິ? ນ ເຫວໍ ວຕ຺ຕພ຺ເພ…ເປ….

ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ອາມນ຺ຕາ. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ນ ວຕ຺ຕພ຺ພໍ – ‘‘ອຣິຍ’’ນ຺ຕິ? ອາມນ຺ຕາ. ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ນ ວຕ຺ຕພ຺ພໍ – ‘‘ອຣິຍ’’ນ຺ຕິ? ນ ເຫວໍ ວຕ຺ຕພ຺ເພ …ເປ….

ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ນ ວຕ຺ຕພ຺ພໍ – ‘‘ອຣິຍ’’ນ຺ຕິ? ອາມນ຺ຕາ. ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ນ ວຕ຺ຕພ຺ພໍ – ‘‘ອຣິຍ’’ນ຺ຕິ? ນ ເຫວໍ ວຕ຺ຕພ຺ເພ…ເປ….

ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ສຸຎ຺ຎຕາຣມ຺ມຓນ຺ຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ສຸຎ຺ຎຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອນິມິຕ຺ຕາຣມ຺ມຓໍ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ສຸຎ຺ຎຕາຣມ຺ມຓໍ…ເປ… ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ…ເປ…. ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ອປ຺ປຓິຫິຕາຣມ຺ມຓນ຺ຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ‘‘ສຸຎ຺ຎຕາຣມ຺ມຓ’’ນ຺ຕິ? ອາມນ຺ຕາ. ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ‘‘ສຸຎ຺ຎຕາຣມ຺ມຓ’’ນ຺ຕິ? ນ ເຫວໍ ວຕ຺ຕພ຺ເພ…ເປ….

ຐານາຐາເນ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ອນິມິຕ຺ຕາຣມ຺ມຓໍ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ‘‘ອປ຺ປຓິຫິຕາຣມ຺ມຓ’’ນ຺ຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕານໍ ຈຸຕູປປາເຕ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ສຸຎ຺ຎຕາຣມ຺ມຓໍ…ເປ… ອນິມິຕ຺ຕາຣມ຺ມຓໍ…ເປ… ອປ຺ປຓິຫິຕາຣມ຺ມຓນ຺ຕິ? ອາມນ຺ຕາ. ອາສວານໍ ຂເຍ ຍຖາຠູຕໍ ຎາຓໍ ຕຖາຄຕພລໍ ອຣິຍໍ ນ ວຕ຺ຕພ຺ພໍ – ‘‘ອປ຺ປຓິຫິຕາຣມ຺ມຓ’’ນ຺ຕິ? ນ ເຫວໍ ວຕ຺ຕພ຺ເພ…ເປ….

ອຣິຍນ຺ຕິກຖາ ນິຏ຺ຐິຕາ.