໓. ຕຕິຍວຄ຺ໂຄ

(໒໓) ໓. ວິມຸຕ຺ຕິກຖາ

໓໖໓. ສຣາຄໍ ຈິຕ຺ຕໍ ວິມຸຈ຺ຈຕີຕິ? ອາມນ຺ຕາ. ຣາຄສຫຄຕໍ ຣາຄສຫຊາຕໍ ຣາຄສໍສຏ຺ຐໍ ຣາຄສມ຺ປຍຸຕ຺ຕໍ ຣາຄສຫຠຸ ຣາຄານຸປຣິວຕ຺ຕິ ອກຸສລໍ ໂລກິຍໍ ສາສວໍ ສໍໂຍຊນິຍໍ ຄນ຺ຖນິຍໍ ໂອຆນິຍໍ ໂຍຄນິຍໍ ນີວຣຓິຍໍ ປຣາມຏ຺ຐໍ ອຸປາທານິຍໍ ສໍກິເລສິຍໍ ຈິຕ຺ຕໍ ວິມຸຈ຺ຈຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສຣາຄໍ ຈິຕ຺ຕໍ ວິມຸຈ຺ຈຕິ, ຣາໂຄ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ…ເປ… ສສຎ຺ຎໍ…ເປ… ສເຈຕນໍ…ເປ… ສປຎ຺ຎໍ [ສສຎ຺ຎໍ (ສີ. ກ.)] ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສຣາຄໍ ຈິຕ຺ຕໍ ວິມຸຈ຺ຈຕິ, ຣາໂຄ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ສຣາຄໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ຣາໂຄ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ ສຣາຄໍ…ເປ… ສສຎ຺ຎໍ ສຣາຄໍ…ເປ… ສເຈຕນໍ ສຣາຄໍ…ເປ… ສປຎ຺ຎໍ ສຣາຄໍ ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ຣາໂຄ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

໓໖໔. ສໂທສໍ ຈິຕ຺ຕໍ ວິມຸຈ຺ຈຕີຕິ? ອາມນ຺ຕາ. ໂທສສຫຄຕໍ ໂທສສຫຊາຕໍ ໂທສສໍສຏ຺ຐໍ ໂທສສມ຺ປຍຸຕ຺ຕໍ ໂທສສຫຠຸ ໂທສານຸປຣິວຕ຺ຕິ ອກຸສລໍ ໂລກິຍໍ ສາສວໍ…ເປ… ສໍກິເລສິຍໍ ຈິຕ຺ຕໍ ວິມຸຈ຺ຈຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສໂທສໍ ຈິຕ຺ຕໍ ວິມຸຈ຺ຈຕິ, ໂທໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ…ເປ… ສສຎ຺ຎໍ…ເປ… ສເຈຕນໍ…ເປ… ສປຎ຺ຎໍ ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສໂທສໍ ຈິຕ຺ຕໍ ວິມຸຈ຺ຈຕິ, ໂທໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ສໂທສໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສໂທສໍ ຈິຕ຺ຕໍ ວິມຸຈ຺ຈຕິ, ໂທໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ ສໂທສໍ… ສສຎ຺ຎໍ ສໂທສໍ… ສເຈຕນໍ ສໂທສໍ… ສປຎ຺ຎໍ ສໂທສໍ ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ໂທໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

໓໖໕. ສໂມຫໍ ຈິຕ຺ຕໍ ວິມຸຈ຺ຈຕີຕິ? ອາມນ຺ຕາ. ໂມຫສຫຄຕໍ ໂມຫສຫຊາຕໍ ໂມຫສໍສຏ຺ຐໍ ໂມຫສມ຺ປຍຸຕ຺ຕໍ ໂມຫສຫຠຸ ໂມຫານຸປຣິວຕ຺ຕິ ອກຸສລໍ ໂລກິຍໍ ສາສວໍ…ເປ… ສໍກິເລສິຍໍ ຈິຕ຺ຕໍ ວິມຸຈ຺ຈຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສໂມຫໍ ຈິຕ຺ຕໍ ວິມຸຈ຺ຈຕິ, ໂມໂຫ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ … ສສຎ຺ຎໍ… ສເຈຕນໍ… ສປຎ຺ຎໍ ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ສໂມຫໍ ຈິຕ຺ຕໍ ວິມຸຈ຺ຈຕິ, ໂມໂຫ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສຜສ຺ສໍ ສໂມຫໍ ຈິຕ຺ຕໍ ວິມຸຈ຺ຈຕິ, ຜສ຺ໂສ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ໂມໂຫ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສເວທນໍ ສໂມຫໍ… ສສຎ຺ຎໍ ສໂມຫໍ… ສເຈຕນໍ ສໂມຫໍ…ເປ… ສປຎ຺ຎໍ ສໂມຫໍ ຈິຕ຺ຕໍ ວິມຸຈ຺ຈຕິ, ປຎ຺ຎາ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ອາມນ຺ຕາ. ໂມໂຫ ຈ ຈິຕ຺ຕຎ຺ຈ ອຸໂຠ ວິມຸຈ຺ຈນ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສຣາຄໍ ສໂທສໍ ສໂມຫໍ ຈິຕ຺ຕໍ ວິມຸຈ຺ຈຕີຕິ? ອາມນ຺ຕາ. ວີຕຣາຄໍ ວີຕໂທສໍ ວີຕໂມຫໍ ນິກ຺ກິເລສໍ ຈິຕ຺ຕໍ ວິມຸຈ຺ຈຕີຕິ? ນ ເຫວໍ ວຕ຺ຕພ຺ເພ…ເປ… ເຕນ ຫິ ນ ວຕ຺ຕພ຺ພໍ – ‘‘ສຣາຄໍ ສໂທສໍ ສໂມຫໍ ຈິຕ຺ຕໍ ວິມຸຈ຺ຈຕີ’’ຕິ.

ວິມຸຕ຺ຕິກຖາ ນິຏ຺ຐິຕາ.