໑໔. ອຠິຎ຺ຎານຸໂຍໂຄ

໑໙໓. ນ ວຕ຺ຕພ຺ພໍ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ? ອາມນ຺ຕາ. ນນຸ ອຕ຺ຖິ ໂກຈິ ອິທ຺ຘິໍ ວິກຸພ຺ພຕີຕິ? ອາມນ຺ຕາ. ຫຎ຺ຈິ ອຕ຺ຖິ ໂກຈິ ອິທ຺ຘິໍ ວິກຸພ຺ພຕິ, ເຕນ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ.

໑໙໔. ນ ວຕ຺ຕພ຺ພໍ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ? ອາມນ຺ຕາ. ນນຸ ອຕ຺ຖິ ໂກຈິ ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ…ເປ… ປຣຈິຕ຺ຕໍ ວິຊານາຕິ… ປຸພ຺ເພນິວາສໍ ອນຸສ຺ສຣຕິ… ທິພ຺ເພນ ຈກ຺ຂຸນາ ຣູປໍ ປສ຺ສຕິ… ອາສວານໍ ຂຍໍ ສຈ຺ຉິກໂຣຕີຕິ? ອາມນ຺ຕາ. ຫຎ຺ຈິ ອຕ຺ຖິ ໂກຈິ ອາສວານໍ ຂຍໍ ສຈ຺ຉິກໂຣຕິ, ເຕນ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ.

໑໙໕. ອຕ຺ຖິ ໂກຈິ ອິທ຺ຘິໍ ວິກຸພ຺ພຕີຕິ ກຕ຺ວາ ເຕນ ຈ ກາຣເຓນ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ໂຍ ອິທ຺ຘິໍ ວິກຸພ຺ພຕິ, ສ຺ເວວ ປຸຄ຺ຄໂລ? ໂຍ ອິທ຺ຘິໍ ນ ວິກຸພ຺ພຕິ, ນ ໂສ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ…ເປ….

໑໙໖. ໂຍ ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ…ເປ… ໂຍ ປຣຈິຕ຺ຕໍ ວິຊານາຕິ… ໂຍ ປຸພ຺ເພນິວາສໍ ອນຸສ຺ສຣຕິ… ໂຍ ທິພ຺ເພນ ຈກ຺ຂຸນາ ຣູປໍ ປສ຺ສຕິ… ໂຍ ອາສວານໍ ຂຍໍ ສຈ຺ຉິກໂຣຕິ, ສ຺ເວວ ປຸຄ຺ຄໂລ? ໂຍ ອາສວານໍ ຂຍໍ ນ ສຈ຺ຉິກໂຣຕິ, ນ ໂສ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ…ເປ….

ອຠິຎ຺ຎານຸໂຍໂຄ.