໑໕-໑໘. ຎາຕການຸໂຍຄາທິ

໑໙໗. ນ ວຕ຺ຕພ຺ພໍ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ? ອາມນ຺ຕາ. ນນຸ ມາຕາ ອຕ຺ຖີຕິ? ອາມນ຺ຕາ. ຫຎ຺ຈິ ມາຕາ ອຕ຺ຖິ, ເຕນ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ.

໑໙໘. ນ ວຕ຺ຕພ຺ພໍ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ? ອາມນ຺ຕາ. ນນຸ ປິຕາ ອຕ຺ຖິ…ເປ… ຠາຕາ ອຕ຺ຖິ… ຠຄິນີ ອຕ຺ຖິ… ຂຕ຺ຕິໂຍ ອຕ຺ຖິ … ພ຺ຣາຫ຺ມໂຓ ອຕ຺ຖິ… ເວສ຺ໂສ ອຕ຺ຖິ… ສຸທ຺ໂທ ອຕ຺ຖິ… ຄຫຏ຺ໂຐ ອຕ຺ຖິ… ປພ຺ພຊິໂຕ ອຕ຺ຖິ… ເທໂວ ອຕ຺ຖິ… ມນຸສ຺ໂສ ອຕ຺ຖີຕິ? ອາມນ຺ຕາ. ຫຎ຺ຈິ ມນຸສ຺ໂສ ອຕ຺ຖິ, ເຕນ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ.

໑໙໙. ມາຕາ ອຕ຺ຖີຕິ ກຕ຺ວາ ເຕນ ຈ ກາຣເຓນ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຕ຺ຖິ ໂກຈິ ນ ມາຕາ ຫຸຕ຺ວາ ມາຕາ ໂຫຕີຕິ? ອາມນ຺ຕາ. ອຕ຺ຖິ ໂກຈິ ນ ປຸຄ຺ຄໂລ ຫຸຕ຺ວາ ປຸຄ຺ຄໂລ ໂຫຕີຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ໂກຈິ ນ ປິຕາ ຫຸຕ຺ວາ…ເປ… ນ ຠາຕາ ຫຸຕ຺ວາ… ນ ຠຄິນີ ຫຸຕ຺ວາ… ນ ຂຕ຺ຕິໂຍ ຫຸຕ຺ວາ… ນ ພ຺ຣາຫ຺ມໂຓ ຫຸຕ຺ວາ… ນ ເວສ຺ໂສ ຫຸຕ຺ວາ… ນ ສຸທ຺ໂທ ຫຸຕ຺ວາ… ນ ຄຫຏ຺ໂຐ ຫຸຕ຺ວາ… ນ ປພ຺ພຊິໂຕ ຫຸຕ຺ວາ… ນ ເທໂວ ຫຸຕ຺ວາ… ນ ມນຸສ຺ໂສ ຫຸຕ຺ວາ ມນຸສ຺ໂສ ໂຫຕີຕິ? ອາມນ຺ຕາ. ອຕ຺ຖິ ໂກຈິ ນ ປຸຄ຺ຄໂລ ຫຸຕ຺ວາ ປຸຄ຺ຄໂລ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

໒໐໐. ມາຕາ ອຕ຺ຖີຕິ ກຕ຺ວາ ເຕນ ຈ ກາຣເຓນ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຕ຺ຖິ ໂກຈິ ມາຕາ ຫຸຕ຺ວາ ນ ມາຕາ ໂຫຕີຕິ? ອາມນ຺ຕາ. ອຕ຺ຖິ ໂກຈິ ປຸຄ຺ຄໂລ ຫຸຕ຺ວາ ນ ປຸຄ຺ຄໂລ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ໂກຈິ ປິຕາ ຫຸຕ຺ວາ… ຠາຕາ ຫຸຕ຺ວາ… ຠຄິນີ ຫຸຕ຺ວາ… ຂຕ຺ຕິໂຍ ຫຸຕ຺ວາ… ພ຺ຣາຫ຺ມໂຓ ຫຸຕ຺ວາ… ເວສ຺ໂສ ຫຸຕ຺ວາ… ສຸທ຺ໂທ ຫຸຕ຺ວາ… ຄຫຏ຺ໂຐ ຫຸຕ຺ວາ… ປພ຺ພຊິໂຕ ຫຸຕ຺ວາ… ເທໂວ ຫຸຕ຺ວາ… ມນຸສ຺ໂສ ຫຸຕ຺ວາ ນ ມນຸສ຺ໂສ ໂຫຕີຕິ? ອາມນ຺ຕາ. ອຕ຺ຖິ ໂກຈິ ປຸຄ຺ຄໂລ ຫຸຕ຺ວາ ນ ປຸຄ຺ຄໂລ ໂຫຕີຕິ? ນ ເຫວໍ ວຕ຺ຕພ຺ເພ…ເປ….