໙. ວຈນໂສຘນໍ

໕໕. ປຸຄ຺ຄໂລ ອຸປລພ຺ຠຕິ, ອຸປລພ຺ຠຕິ ປຸຄ຺ຄໂລຕິ? ປຸຄ຺ຄໂລ ອຸປລພ຺ຠຕິ, ອຸປລພ຺ຠຕິ ເກຫິຈິ ປຸຄ຺ຄໂລ ເກຫິຈິ ນ ປຸຄ຺ຄໂລຕິ. ປຸຄ຺ຄໂລ ເກຫິຈິ ອຸປລພ຺ຠຕິ ເກຫິຈິ ນ ອຸປລພ຺ຠຕີຕິ? ນ ເຫວໍ ວຕ຺ຕພ຺ເພ…ເປ….

໕໖. ປຸຄ຺ຄໂລ ສຈ຺ຈິກຏ຺ໂຐ, ສຈ຺ຈິກຏ຺ໂຐ ປຸຄ຺ຄໂລຕິ? ປຸຄ຺ຄໂລ ສຈ຺ຈິກຏ຺ໂຐ, ສຈ຺ຈິກຏ຺ໂຐ ເກຫິຈິ ປຸຄ຺ຄໂລ ເກຫິຈິ ນ ປຸຄ຺ຄໂລຕິ. ປຸຄ຺ຄໂລ ເກຫິຈິ ສຈ຺ຈິກຏ຺ໂຐ ເກຫິຈິ ນ ສຈ຺ຈິກຏ຺ໂຐຕິ? ນ ເຫວໍ ວຕ຺ຕພ຺ເພ…ເປ….

໕໗. ປຸຄ຺ຄໂລ ວິຊ຺ຊມາໂນ, ວິຊ຺ຊມາໂນ ປຸຄ຺ຄໂລຕິ? ປຸຄ຺ຄໂລ ວິຊ຺ຊມາໂນ, ວິຊ຺ຊມາໂນ ເກຫິຈິ ປຸຄ຺ຄໂລ ເກຫິຈິ ນ ປຸຄ຺ຄໂລຕິ. ປຸຄ຺ຄໂລ ເກຫິຈິ ວິຊ຺ຊມາໂນ ເກຫິຈິ ນ ວິຊ຺ຊມາໂນຕິ? ນ ເຫວໍ ວຕ຺ຕພ຺ເພ…ເປ….

໕໘. ປຸຄ຺ຄໂລ ສໍວິຊ຺ຊມາໂນ, ສໍວິຊ຺ຊມາໂນ ປຸຄ຺ຄໂລຕິ? ປຸຄ຺ຄໂລ ສໍວິຊ຺ຊມາໂນ, ສໍວິຊ຺ຊມາໂນ ເກຫິຈິ ປຸຄ຺ຄໂລ ເກຫິຈິ ນ ປຸຄ຺ຄໂລຕິ. ປຸຄ຺ຄໂລ ເກຫິຈິ ສໍວິຊ຺ຊມາໂນ ເກຫິຈິ ນ ສໍວິຊ຺ຊມາໂນຕິ? ນ ເຫວໍ ວຕ຺ຕພ຺ເພ…ເປ….

໕໙. ປຸຄ຺ຄໂລ ອຕ຺ຖິ, ອຕ຺ຖິ ປຸຄ຺ຄໂລຕິ? ປຸຄ຺ຄໂລ ອຕ຺ຖິ, ອຕ຺ຖິ ເກຫິຈິ ປຸຄ຺ຄໂລ ເກຫິຈິ ນ ປຸຄ຺ຄໂລຕິ. ປຸຄ຺ຄໂລ ເກຫິຈິ ອຕ຺ຖິ ເກຫິຈິ ນຕ຺ຖີຕິ? ນ ເຫວໍ ວຕ຺ຕພ຺ເພ…ເປ….

໖໐. ປຸຄ຺ຄໂລ ອຕ຺ຖິ, ອຕ຺ຖິ ນ ສພ຺ໂພ ປຸຄ຺ຄໂລຕິ? ອາມນ຺ຕາ…ເປ… ປຸຄ຺ຄໂລ ນຕ຺ຖິ, ນຕ຺ຖິ ນ ສພ຺ໂພ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ. (ສໍຂິຕ຺ຕໍ)

ວຈນໂສຘນໍ.