໙. ສມ຺ປຍຸຕ຺ເຕນສມ຺ປຍຸຕ຺ຕປທນິທ຺ເທໂສ

໓໑໙. ເວທນາກ຺ຂນ຺ເຘນ ເຍ ຘມ຺ມາ… ສຎ຺ຎາກ຺ຂນ຺ເຘນ ເຍ ຘມ຺ມາ… ສງ຺ຂາຣກ຺ຂນ຺ເຘນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສມ຺ປຍຸຕ຺ຕາ? ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໐. ວິຎ຺ຎາຓກ຺ຂນ຺ເຘນ ເຍ ຘມ຺ມາ… ມນາຍຕເນນ ເຍ ຘມ຺ມາ… ຈກ຺ຂຸວິຎ຺ຎາຓຘາຕຸຍາ ເຍ ຘມ຺ມາ…ເປ… ມໂນຘາຕຸຍາ ເຍ ຘມ຺ມາ… ມໂນວິຎ຺ຎາຓຘາຕຸຍາ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ…ເປ… ເຕ ຘມ຺ມາ ຕີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໑. ສມຸທຍສຈ຺ເຈນ ເຍ ຘມ຺ມາ… ມຄ຺ຄສຈ຺ເຈນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໒. ມນິນ຺ທ຺ຣິເຍນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໓. ສຸຂິນ຺ທ຺ຣິເຍນ ເຍ ຘມ຺ມາ… ທຸກ຺ຂິນ຺ທ຺ຣິເຍນ ເຍ ຘມ຺ມາ… ໂສມນສ຺ສິນ຺ທ຺ຣິເຍນ ເຍ ຘມ຺ມາ … ໂທມນສ຺ສິນ຺ທ຺ຣິເຍນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໔. ອຸເປກ຺ຂິນ຺ທ຺ຣິເຍນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ຉຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໕. ສທ຺ຘິນ຺ທ຺ຣິເຍນ ເຍ ຘມ຺ມາ… ວີຣິຍິນ຺ທ຺ຣິເຍນ ເຍ ຘມ຺ມາ… ສຕິນ຺ທ຺ຣິເຍນ ເຍ ຘມ຺ມາ… ສມາຘິນ຺ທ຺ຣິເຍນ ເຍ ຘມ຺ມາ… ປຎ຺ຎິນ຺ທ຺ຣິເຍນ ເຍ ຘມ຺ມາ… ອນຎ຺ຎາຕຎ຺ຎສ຺ສາມີຕິນ຺ທ຺ຣິເຍນ ເຍ ຘມ຺ມາ… ອຎ຺ຎິນ຺ທ຺ຣິເຍນ ເຍ ຘມ຺ມາ… ອຎ຺ຎາຕາວິນ຺ທ຺ຣິເຍນ ເຍ ຘມ຺ມາ… ອວິຊ຺ຊາຍ ເຍ ຘມ຺ມາ… ອວິຊ຺ຊາປຈ຺ຈຍາ ສງ຺ຂາເຣຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໖. ສງ຺ຂາຣປຈ຺ຈຍາ ວິຎ຺ຎາເຓນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໗. ສຬາຍຕນປຈ຺ຈຍາ ຜສ຺ເສນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໘. ຜສ຺ສປຈ຺ຈຍາ ເວທນາຍ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໒໙. ເວທນາປຈ຺ຈຍາ ຕຓ຺ຫາຍ ເຍ ຘມ຺ມາ… ຕຓ຺ຫາປຈ຺ຈຍາ ອຸປາທາເນນ ເຍ ຘມ຺ມາ… ກມ຺ມຠເວນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໐. ໂສເກນ ເຍ ຘມ຺ມາ… ທຸກ຺ເຂນ ເຍ ຘມ຺ມາ… ໂທມນສ຺ເສນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໑. ອຸປາຍາເສນ ເຍ ຘມ຺ມາ… ສຕິປຏ຺ຐາເນນ ເຍ ຘມ຺ມາ… ສມ຺ມປ຺ປຘາເນນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໒. ອິທ຺ຘິປາເທນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ທ຺ວີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໓. ຌາເນນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ທ຺ວີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໔. ອປ຺ປມຎ຺ຎາຍ ເຍ ຘມ຺ມາ… ປຎ຺ຈຫິ ອິນ຺ທ຺ຣິເຍຫິ ເຍ ຘມ຺ມາ … ປຎ຺ຈຫິ ພເລຫິ ເຍ ຘມ຺ມາ… ສຕ຺ຕຫິ ໂພຊ຺ຌງ຺ເຄຫິ ເຍ ຘມ຺ມາ… ອຣິເຍນ ອຏ຺ຐງ຺ຄິເກນ ມຄ຺ເຄນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໕. ຜສ຺ເສນ ເຍ ຘມ຺ມາ… ເຈຕນາຍ ເຍ ຘມ຺ມາ… ມນສິກາເຣນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໖. ເວທນາຍ ເຍ ຘມ຺ມາ… ສຎ຺ຎາຍ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໗. ຈິຕ຺ເຕນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໘. ອຘິໂມກ຺ເຂນ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ທ຺ວີຫິ ຘາຕູຫິ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໓໙. ສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ທຸກ຺ຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ອທຸກ຺ຂມສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໐. ສວິຕກ຺ກສວິຈາເຣຫິ ຘມ຺ເມຫິ ເຍ ຘມ຺ມາ… ອວິຕກ຺ກວິຈາຣມຕ຺ເຕຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໑. ສຸຂສຫຄເຕຫິ ຘມ຺ເມຫິ ເຍ ຘມ຺ມາ… ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໒. ເຫຕູຫິ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ສເຫຕຸເກຫິ ຈ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ເຫຕຸສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໓. ສເຫຕຸເກຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ເຫຕຸສມ຺ປຍຸຕ຺ເຕຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ນ ເຫຕຸສເຫຕຸເກຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ [ນ ເຫຕູຫິ ສເຫຕຸເກຫິ (ພຫູສຸ)] ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໔. ອາສເວຫິ ຘມ຺ເມຫິ ເຍ ຘມ຺ມາ… ອາສເວຫິ ເຈວ ສາສເວຫິ ຈ ຘມ຺ເມຫິ ເຍ ຘມ຺ມາ… ອາສເວຫິ ເຈວ ອາສວສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໕. ອາສວສມ຺ປຍຸຕ຺ເຕຫິ ເຈວ ໂນ ຈ ອາສເວຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໖. ສໍໂຍຊເນຫິ… ຄນ຺ເຖຫິ… ໂອເຆຫິ… ໂຍເຄຫິ… ນີວຣເຓຫິ… ປຣາມາເສຫິ ຘມ຺ເມຫິ ເຍ ຘມ຺ມາ… ປຣາມາເສຫິ ເຈວ ປຣາມຏ຺ເຐຫິ ຈ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໗. ປຣາມາສສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໘. ຈິຕ຺ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໔໙. ເຈຕສິເກຫິ ຘມ຺ເມຫິ ເຍ ຘມ຺ມາ… ຈິຕ຺ຕສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ເຐຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐາເນຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານສຫຠູຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕີຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ.

໓໕໐. ອຸປາທາເນຫິ ຘມ຺ເມຫິ ເຍ ຘມ຺ມາ… ກິເລເສຫິ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິເລສິເກຫິ ຈ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິລິຏ຺ເຐຫິ ຈ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ກິເລສສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໕໑. ສໍກິລິຏ຺ເຐຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ… ກິເລສສມ຺ປຍຸຕ຺ເຕຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ… ສວິຕກ຺ເກຫິ ຘມ຺ເມຫິ ເຍ ຘມ຺ມາ… ສວິຈາເຣຫິ ຘມ຺ເມຫິ ເຍ ຘມ຺ມາ… ສປ຺ປີຕິເກຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

໓໕໒. ສຸຂສຫຄເຕຫິ ຘມ຺ເມຫິ ເຍ ຘມ຺ມາ… ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ສມ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສມ຺ປຍຸຕ຺ຕາ? ເຕ ຘມ຺ມາ ເອເກນ ຂນ຺ເຘນ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ.

ອຣູປກ຺ຂນ຺ຘາ ຈຕ຺ຕາໂຣ, ມນາຍຕນເມວ ຈ;

ວິຎ຺ຎາຓຘາຕຸໂຍ ສຕ຺ຕ, ທ຺ເວ ສຈ຺ຈາ ຈຸທ຺ທສິນ຺ທ຺ຣິຍາ.

ປຈ຺ຈເຍ ທ຺ວາທສ ປທາ, ຕໂຕ ອຸປຣິ ໂສຬສ;

ຕິເກສຸ ອຏ຺ຐ ໂຄຈ຺ຉເກ, ເຕຈຕ຺ຕາລີສເມວ ຈ.

ມຫນ຺ຕຣທຸເກ ສຕ຺ຕ, ປທາ ປິຏ຺ຐິ ທຸເກສຸ ຉ;

ນວມສ຺ສ ປທສ຺ເສເຕ, ນິທ຺ເທເສ ສງ຺ຄຫໍ ຄຕາຕິ.

ສມ຺ປຍຸຕ຺ເຕນສມ຺ປຍຸຕ຺ຕປທນິທ຺ເທໂສ ນວໂມ.