໑໐. ທສມນໂຍ

໑໐. ວິປ຺ປຍຸຕ຺ເຕນວິປ຺ປຍຸຕ຺ຕປທນິທ຺ເທໂສ

໓໕໓. ຣູປກ຺ຂນ຺ເຘນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ວິປ຺ປຍຸຕ຺ຕາ? ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໔. ເວທນາກ຺ຂນ຺ເຘນ ເຍ ຘມ຺ມາ… ສຎ຺ຎາກ຺ຂນ຺ເຘນ ເຍ ຘມ຺ມາ… ສງ຺ຂາຣກ຺ຂນ຺ເຘນ ເຍ ຘມ຺ມາ… ວິຎ຺ຎາຓກ຺ຂນ຺ເຘນ ເຍ ຘມ຺ມາ… ມນາຍຕເນນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ…ເປ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໕. ຈກ຺ຂາຍຕເນນ ເຍ ຘມ຺ມາ…ເປ… ໂຜຏ຺ຐພ຺ພາຍຕເນນ ເຍ ຘມ຺ມາ… ຈກ຺ຂຸຘາຕຸຍາ ເຍ ຘມ຺ມາ…ເປ… ໂຜຏ຺ຐພ຺ພຘາຕຸຍາ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໖. ຈກ຺ຂຸວິຎ຺ຎາຓຘາຕຸຍາ ເຍ ຘມ຺ມາ…ເປ… ມໂນວິຎ຺ຎາຓຘາຕຸຍາ ເຍ ຘມ຺ມາ… ສມຸທຍສຈ຺ເຈນ ເຍ ຘມ຺ມາ… ມຄ຺ຄສຈ຺ເຈນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໗. ນິໂຣຘສຈ຺ເຈນ ເຍ ຘມ຺ມາ… ຈກ຺ຂຸນ຺ທ຺ຣິເຍນ ເຍ ຘມ຺ມາ…ເປ… ກາຍິນ຺ທ຺ຣິເຍນ ເຍ ຘມ຺ມາ.. ອິຕ຺ຖິນ຺ທ຺ຣິເຍນ ເຍ ຘມ຺ມາ… ປຸຣິສິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໘. ມນິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໕໙. ສຸຂິນ຺ທ຺ຣິເຍນ ເຍ ຘມ຺ມາ… ທຸກ຺ຂິນ຺ທ຺ຣິເຍນ ເຍ ຘມ຺ມາ… ໂສມນສ຺ສິນ຺ທ຺ຣິເຍນ ເຍ ຘມ຺ມາ… ໂທມນສ຺ສິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໐. ອຸເປກ຺ຂິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ເອກາທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໑. ສທ຺ຘິນ຺ທ຺ຣິເຍນ ເຍ ຘມ຺ມາ… ວີຣິຍິນ຺ທ຺ຣິເຍນ ເຍ ຘມ຺ມາ… ສຕິນ຺ທ຺ຣິເຍນ ເຍ ຘມ຺ມາ… ສມາຘິນ຺ທ຺ຣິເຍນ ເຍ ຘມ຺ມາ… ປຎ຺ຎິນ຺ທ຺ຣິເຍນ ເຍ ຘມ຺ມາ… ອນຎ຺ຎາຕຎ຺ຎສ຺ສາມີຕິນ຺ທ຺ຣິເຍນ ເຍ ຘມ຺ມາ… ອຎ຺ຎິນ຺ທ຺ຣິເຍນ ເຍ ຘມ຺ມາ… ອຎ຺ຎາຕາວິນ຺ທ຺ຣິເຍນ ເຍ ຘມ຺ມາ… ອວິຊ຺ຊາຍ ເຍ ຘມ຺ມາ… ອວິຊ຺ຊາປຈ຺ຈຍາ ສງ຺ຂາເຣຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໒. ສງ຺ຂາຣປຈ຺ຈຍາ ວິຎ຺ຎາເຓນ ເຍ ຘມ຺ມາ… ສຬາຍຕນປຈ຺ຈຍາ ຜສ຺ເສນ ເຍ ຘມ຺ມາ… ຜສ຺ສປຈ຺ຈຍາ ເວທນາຍ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໓. ເວທນາປຈ຺ຈຍາ ຕຓ຺ຫາຍ ເຍ ຘມ຺ມາ… ຕຓ຺ຫາປຈ຺ຈຍາ ອຸປາທາເນນ ເຍ ຘມ຺ມາ… ກມ຺ມຠເວນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໔. ຣູປຠເວນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຕີຫິ ຘາຕູຫິ ວິປ຺ປຍຸຕ຺ຕາ.

໓໖໕. ອສຎ຺ຎາຠເວນ ເຍ ຘມ຺ມາ… ເອກໂວກາຣຠເວນ ເຍ ຘມ຺ມາ… ປຣິເທເວນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໖. ອຣູປຠເວນ ເຍ ຘມ຺ມາ… ເນວສຎ຺ຎານາສຎ຺ຎາຠເວນ ເຍ ຘມ຺ມາ… ຈຕຸໂວກາຣຠເວນ ເຍ ຘມ຺ມາ… ໂສເກນ ເຍ ຘມ຺ມາ… ທຸກ຺ເຂນ ເຍ ຘມ຺ມາ… ໂທມນສ຺ເສນ ເຍ ຘມ຺ມາ… ອຸປາຍາເສນ ເຍ ຘມ຺ມາ… ສຕິປຏ຺ຐາເນນ ເຍ ຘມ຺ມາ… ສມ຺ມປ຺ປຘາເນນ ເຍ ຘມ຺ມາ… ອິທ຺ຘິປາເທນ ເຍ ຘມ຺ມາ… ຌາເນນ ເຍ ຘມ຺ມາ… ອປ຺ປມຎ຺ຎາຍ ເຍ ຘມ຺ມາ… ປຎ຺ຈຫິ ອິນ຺ທ຺ຣິເຍຫິ ເຍ ຘມ຺ມາ… ປຎ຺ຈຫິ ພເລຫິ ເຍ ຘມ຺ມາ… ສຕ຺ຕຫິ ໂພຊ຺ຌງ຺ເຄຫິ ເຍ ຘມ຺ມາ… ອຣິເຍນ ອຏ຺ຐງ຺ຄິເກນ ມຄ຺ເຄນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໗. ຜສ຺ເສນ ເຍ ຘມ຺ມາ… ເວທນາຍ ເຍ ຘມ຺ມາ… ສຎ຺ຎາຍ ເຍ ຘມ຺ມາ… ເຈຕນາຍ ເຍ ຘມ຺ມາ… ຈິຕ຺ເຕນ ເຍ ຘມ຺ມາ… ມນສິກາເຣນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໖໘. ອຘິໂມກ຺ເຂນ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໑. ຕິກໍ

໓໖໙. ກຸສເລຫິ ຘມ຺ເມຫິ ເຍ ຘມ຺ມາ… ອກຸສເລຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໐. ສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ທຸກ຺ຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໑. ອທຸກ຺ຂມສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ເອກາທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໒. ວິປາເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໓. ວິປາກຘມ຺ມຘມ຺ເມຫິ ເຍ ຘມ຺ມາ… ສໍກິລິຏ຺ຐສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໔. ເນວວິປາກນວິປາກຘມ຺ມຘມ຺ເມຫິ ເຍ ຘມ຺ມາ… ອນຸປາທິນ຺ນຸປາທານິເຍຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ວິປ຺ປຍຸຕ຺ຕາ.

໓໗໕. ອນຸປາທິນ຺ນອນຸປາທານິເຍຫິ ຘມ຺ເມຫິ ເຍ ຘມ຺ມາ… ອສໍກິລິຏ຺ຐອສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໓໗໖. ສວິຕກ຺ກສວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໗. ອວິຕກ຺ກວິຈາຣມຕ຺ເຕຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໗໘. ອວິຕກ຺ກອວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ວິປ຺ປຍຸຕ຺ຕາ.

໓໗໙. ສຸຂສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໐. ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ເອກາທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໑. ທສ຺ສເນນ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ທສ຺ສເນນ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ອາຈຍຄາມີຫິ ຘມ຺ເມຫິ ເຍ ຘມ຺ມາ… ອປຈຍຄາມີຫິ ຘມ຺ເມຫິ ເຍ ຘມ຺ມາ… ເສກ຺ເຂຫິ ຘມ຺ເມຫິ ເຍ ຘມ຺ມາ… ອເສກ຺ເຂຫິ ຘມ຺ເມຫິ ເຍ ຘມ຺ມາ… ມຫຄ຺ຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໒. ອປ຺ປມາເຓຫິ ຘມ຺ເມຫິ ເຍ ຘມ຺ມາ… ປຓີເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໓໘໓. ປຣິຕ຺ຕາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໔. ມຫຄ຺ຄຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ອປ຺ປມາຓາຣມ຺ມເຓຫິ ຘມ຺ເມຫິ ເຍ ຘມ຺ມາ… ຫີເນຫິ ຘມ຺ເມຫິ ເຍ ຘມ຺ມາ… ມິຈ຺ຉຕ຺ຕນິຍເຕຫິ ຘມ຺ເມຫິ ເຍ ຘມ຺ມາ… ສມ຺ມຕ຺ຕນິຍເຕຫິ ຘມ຺ເມຫິ ເຍ ຘມ຺ມາ… ມຄ຺ຄາຣມ຺ມເຓຫິ ຘມ຺ເມຫິ ເຍ ຘມ຺ມາ… ມຄ຺ຄເຫຕຸເກຫິ ຘມ຺ເມຫິ ເຍ ຘມ຺ມາ… ມຄ຺ຄາຘິປຕີຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໕. ອນຸປ຺ປນ຺ເນຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ວິປ຺ປຍຸຕ຺ຕາ.

໓໘໖. ອຕີຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ອນາຄຕາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໗. ປຈ຺ຈຸປ຺ປນ຺ນາຣມ຺ມເຓຫິ ຘມ຺ເມຫິ ເຍ ຘມ຺ມາ… ອຊ຺ຌຕ຺ຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ພຫິທ຺ຘາຣມ຺ມເຓຫິ ຘມ຺ເມຫິ ເຍ ຘມ຺ມາ… ອຊ຺ຌຕ຺ຕພຫິທ຺ຘາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໘໘. ສນິທສ຺ສນສປ຺ປຏິເຆຫິ ຘມ຺ເມຫິ ເຍ ຘມ຺ມາ… ອນິທສ຺ສນສປ຺ປຏິເຆຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໒. ທຸກໍ

໓໘໙. ເຫຕູຫິ ຘມ຺ເມຫິ ເຍ ຘມ຺ມາ… ສເຫຕຸເກຫິ ຘມ຺ເມຫິ ເຍ ຘມ຺ມາ… ເຫຕຸສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ສເຫຕຸເກຫິ ຈ ຘມ຺ເມຫິ ເຍ ຘມ຺ມາ… ສເຫຕຸເກຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ເຫຕຸສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ເຫຕຸສມ຺ປຍຸຕ຺ເຕຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ນ ເຫຕຸສເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໐. ອປ຺ປຈ຺ຈເຍຫິ ຘມ຺ເມຫິ ເຍ ຘມ຺ມາ… ອສງ຺ຂເຕຫິ ຘມ຺ເມຫິ ເຍ ຘມ຺ມາ… ສນິທສ຺ສເນຫິ ຘມ຺ເມຫິ ເຍ ຘມ຺ມາ… ສປ຺ປຏິເຆຫິ ຘມ຺ເມຫິ ເຍ ຘມ຺ມາ… ຣູປີຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໑. ໂລກຸຕ຺ຕເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໓໙໒. ອາສເວຫິ ຘມ຺ເມຫິ ເຍ ຘມ຺ມາ… ອາສວສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ອາສເວຫິ ເຈວ ສາສເວຫິ ຈ ຘມ຺ເມຫິ ເຍ ຘມ຺ມາ… ອາສເວຫິ ເຈວ ອາສວສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ອາສວສມ຺ປຍຸຕ຺ເຕຫິ ເຈວ ໂນ ຈ ອາສເວຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໓. ອນາສເວຫິ ຘມ຺ເມຫິ ເຍ ຘມ຺ມາ… ອາສວວິປ຺ປຍຸຕ຺ເຕຫິ ອນາສເວຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໓໙໔. ສໍໂຍຊເນຫິ ຘມ຺ເມຫິ ເຍ ຘມ຺ມາ… ຄນ຺ເຖຫິ ຘມ຺ເມຫິ ເຍ ຘມ຺ມາ… ໂອເຆຫິ ຘມ຺ເມຫິ ເຍ ຘມ຺ມາ… ໂຍເຄຫິ ຘມ຺ເມຫິ ເຍ ຘມ຺ມາ… ນີວຣເຓຫິ ຘມ຺ເມຫິ ເຍ ຘມ຺ມາ… ປຣາມາເສຫິ ຘມ຺ເມຫິ ເຍ ຘມ຺ມາ… ປຣາມາສສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ປຣາມາເສຫິ ເຈວ ປຣາມຏ຺ເຐຫິ ຈ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໕. ອປຣາມຏ຺ເຐຫິ ຘມ຺ເມຫິ ເຍ ຘມ຺ມາ… ປຣາມາສວິປ຺ປຍຸຕ຺ເຕຫິ ອປຣາມຏ຺ເຐຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໓໙໖. ສາຣມ຺ມເຓຫິ ຘມ຺ເມຫິ ເຍ ຘມ຺ມາ… ຈິຕ຺ເຕຫິ ຘມ຺ເມຫິ ເຍ ຘມ຺ມາ… ເຈຕສິເກຫິ ຘມ຺ເມຫິ ເຍ ຘມ຺ມາ… ຈິຕ຺ຕສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ເຐຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐາເນຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານສຫຠູຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕີຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໗. ອນາຣມ຺ມເຓຫິ [ອນຸປາທິຓ຺ເຓຫິ (ສີ. ກ.)] ຘມ຺ເມຫິ ເຍ ຘມ຺ມາ… ຈິຕ຺ຕວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ຈິຕ຺ຕວິສໍສຏ຺ເຐຫິ ຘມ຺ເມຫິ ເຍ ຘມ຺ມາ… ອຸປາທາຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໓໙໘. ອນຸປາທິນ຺ເນຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ວິປ຺ປຍຸຕ຺ຕາ.

໓໙໙. ອຸປາທາເນຫິ ຘມ຺ເມຫິ ເຍ ຘມ຺ມາ… ກິເລເສຫິ ຘມ຺ເມຫິ ເຍ ຘມ຺ມາ… ສໍກິລິຏ຺ເຐຫິ ຘມ຺ເມຫິ ເຍ ຘມ຺ມາ… ກິເລສສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິເລສິເກຫິ ຈ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິລິຏ຺ເຐຫິ ຈ ຘມ຺ເມຫິ ເຍ ຘມ຺ມາ… ສໍກິລິຏ຺ເຐຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ກິເລສສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ກິເລສສມ຺ປຍຸຕ຺ເຕຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໐. ອສໍກິເລສິເກຫິ ຘມ຺ເມຫິ ເຍ ຘມ຺ມາ… ກິເລສວິປ຺ປຍຸຕ຺ເຕຫິ ອສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໔໐໑. ທສ຺ສເນນ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ທສ຺ສເນນ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໒. ສວິຕກ຺ເກຫິ ຘມ຺ເມຫິ ເຍ ຘມ຺ມາ… ສວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໓. ອວິຕກ຺ເກຫິ ຘມ຺ເມຫິ ເຍ ຘມ຺ມາ… ອວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ວິປ຺ປຍຸຕ຺ຕາ.

໔໐໔. ສປ຺ປີຕິເກຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໕. ສຸຂສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໖. ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ເອກາທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໔໐໗. ນ ກາມາວຈເຣຫິ ຘມ຺ເມຫິ ເຍ ຘມ຺ມາ… ອປຣິຍາປນ຺ເນຫິ ຘມ຺ເມຫິ ເຍ ຘມ຺ມາ… ອນຸຕ຺ຕເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ວິປ຺ປຍຸຕ຺ຕາ.

໔໐໘. ຣູປາວຈເຣຫິ ຘມ຺ເມຫິ ເຍ ຘມ຺ມາ… ອຣູປາວຈເຣຫິ ຘມ຺ເມຫິ ເຍ ຘມ຺ມາ… ນິຍ຺ຍານິເກຫິ ຘມ຺ເມຫິ ເຍ ຘມ຺ມາ… ນິຍເຕຫິ ຘມ຺ເມຫິ ເຍ ຘມ຺ມາ… ສຣເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ວິປ຺ປຍຸຕ຺ຕາ? ເຕ ຘມ຺ມາ ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

ຘມ຺ມາຍຕນໍ ຘມ຺ມຘາຕຸ, ທຸກ຺ຂສຈ຺ຈຎ຺ຈ ຊີວິຕໍ;

ສຬາຍຕນໍ ນາມຣູປໍ, ຈຕ຺ຕາໂຣ ຈ ມຫາຠວາ.

ຊາຕິ ຊຣາ ຈ ມຣຓໍ, ຕິເກສ຺ເວກູນວີສຕິ;

ໂຄຈ຺ຉເກສຸ ຈ ປຎ຺ຎາສ, ອຏ຺ຐ ຈູຬນ຺ຕເຣ ປທາ.

ມຫນ຺ຕເຣ ປນ຺ນຣສ, ອຏ຺ຐາຣສ ຕໂຕ ປເຣ;

ເຕວີສ ປທສຕໍ ເອຕໍ, ສມ຺ປໂຍເຄ ນ ລພ຺ຠຕີຕິ.

ວິປ຺ປຍຸຕ຺ເຕນວິປ຺ປຍຸຕ຺ຕປທນິທ຺ເທໂສ ທສໂມ.