໗. ຕິກໍ

໗໗. ກຸສລາ ຘມ຺ມາ… ອກຸສລາ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ກຸສລາ ຘມ຺ມາ… ອກຸສລາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໗໘. ອພ຺ຍາກຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໗໙. ສຸຂາຍ ເວທນາຍ ສມ຺ປຍຸຕ຺ຕາ ຘມ຺ມາ… ທຸກ຺ຂາຍ ເວທນາຍ ສມ຺ປຍຸຕ຺ຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໘໐. ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ສຕ຺ຕຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕາ.

໘໑. ວິປາກາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໘໒. ວິປາກຘມ຺ມຘມ຺ມາ… ສໍກິລິຏ຺ຐສໍກິເລສິກາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໘໓. ເນວວິປາກນວິປາກຘມ຺ມຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໘໔. ອຸປາທິນ຺ນຸປາທານິຍາ ຘມ຺ມາ ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ອສງ຺ຄຫິຕາ.

໘໕. ອນຸປາທິນ຺ນຸປາທານິຍາ ຘມ຺ມາ ປຎ຺ຈຫິ ຂນ຺ເຘຫິ ສຕ຺ຕຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ປຎ຺ຈຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໘໖. ອນຸປາທິນ຺ນອນຸປາທານິຍາ ຘມ຺ມາ… ອສໍກິລິຏ຺ຐອສໍກິເລສິກາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໘໗. ອສໍກິລິຏ຺ຐສໍກິເລສິກາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໘໘. ສວິຕກ຺ກສວິຈາຣາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໘໙. ອວິຕກ຺ກວິຈາຣມຕ຺ຕາ ຘມ຺ມາ… ປີຕິສຫຄຕາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໙໐. ອວິຕກ຺ກອວິຈາຣາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ອສງ຺ຄຫິຕາ.

໙໑. ສຸຂສຫຄຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໙໒. ອຸເປກ຺ຂາສຫຄຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ສຕ຺ຕຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕາ.

໙໓. ທສ຺ສເນນ ປຫາຕພ຺ພາ ຘມ຺ມາ… ຠາວນາຍ ປຫາຕພ຺ພາ ຘມ຺ມາ… ທສ຺ສເນນ ປຫາຕພ຺ພເຫຕຸກາ ຘມ຺ມາ… ຠາວນາຍ ປຫາຕພ຺ພເຫຕຸກາ ຘມ຺ມາ… ອາຈຍຄາມິໂນ ຘມ຺ມາ… ອປຈຍຄາມິໂນ ຘມ຺ມາ… ເສກ຺ຂາ ຘມ຺ມາ… ອເສກ຺ຂາ ຘມ຺ມາ… ມຫຄ຺ຄຕາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໙໔. ເນວ ທສ຺ສເນນ ນ ຠາວນາຍ ປຫາຕພ຺ພາ ຘມ຺ມາ… ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸກາ ຘມ຺ມາ… ເນວາຈຍຄາມິນາປຈຍຄາມິໂນ ຘມ຺ມາ… ເນວເສກ຺ຂນາເສກ຺ຂາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໙໕. ປຣິຕ຺ຕາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໙໖. ອປ຺ປມາຓາ ຘມ຺ມາ… ປຓີຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໙໗. ປຣິຕ຺ຕາຣມ຺ມຓາ [ປຣິຕ຺ຕາຣມຓາ (?)] ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໙໘. ມຫຄ຺ຄຕາຣມ຺ມຓາ ຘມ຺ມາ… ອປ຺ປມາຓາຣມ຺ມຓາ ຘມ຺ມາ… ຫີນາ ຘມ຺ມາ… ມິຈ຺ຉຕ຺ຕນິຍຕາ ຘມ຺ມາ… ສມ຺ມຕ຺ຕນິຍຕາ ຘມ຺ມາ… ມຄ຺ຄາຣມ຺ມຓາ ຘມ຺ມາ… ມຄ຺ຄເຫຕຸກາ ຘມ຺ມາ… ມຄ຺ຄາຘິປຕິໂນ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໙໙. ມຊ຺ຌິມາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໐໐. ອນິຍຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໐໑. ອຸປ຺ປນ຺ນາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໐໒. ອນຸປ຺ປນ຺ນາ ຘມ຺ມາ ປຎ຺ຈຫິ ຂນ຺ເຘຫິ ສຕ຺ຕຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ປຎ຺ຈຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໐໓. ອຸປ຺ປາທິໂນ ຘມ຺ມາ ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ອສງ຺ຄຫິຕາ.

໑໐໔. ອຕີຕາ ຘມ຺ມາ… ອນາຄຕາ ຘມ຺ມາ… ປຈ຺ຈຸປ຺ປນ຺ນາ ຘມ຺ມາ… ອຊ຺ຌຕ຺ຕາ ຘມ຺ມາ… ອຊ຺ຌຕ຺ຕພຫິທ຺ຘາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໐໕. ພຫິທ຺ຘາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໐໖. ອຕີຕາຣມ຺ມຓາ ຘມ຺ມາ… ອນາຄຕາຣມ຺ມຓາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໐໗. ປຈ຺ຈຸປ຺ປນ຺ນາຣມ຺ມຓາ ຘມ຺ມາ… ອຊ຺ຌຕ຺ຕາຣມ຺ມຓາ ຘມ຺ມາ… ພຫິທ຺ຘາຣມ຺ມຓາ ຘມ຺ມາ… ອຊ຺ຌຕ຺ຕພຫິທ຺ຘາຣມ຺ມຓາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໐໘. ສນິທສ຺ສນສປ຺ປຏິຆາ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໐໙. ອນິທສ຺ສນສປ຺ປຏິຆາ ຘມ຺ມາ ເອເກນ ຂນ຺ເຘນ ນວຫາຍຕເນຫິ ນວຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ຕີຫາຍຕເນຫິ ນວຫິ ຘາຕູຫິ ອສງ຺ຄຫິຕາ.

໑໑໐. ອນິທສ຺ສນອປ຺ປຏິຆາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ, ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.