໘. ທຸກໍ

໑໑໑. ເຫຕູ ຘມ຺ມາ… ເຫຕູ ເຈວ ສເຫຕຸກາ ຈ ຘມ຺ມາ… ເຫຕູ ເຈວ ເຫຕຸສມ຺ປຍຸຕ຺ຕາ ຈ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໑໒. ນ ເຫຕູ ຘມ຺ມາ… ອເຫຕຸກາ ຘມ຺ມາ… ເຫຕຸວິປ຺ປຍຸຕ຺ຕາ ຘມ຺ມາ… ນ ເຫຕູ ອເຫຕຸກາ [ນ ເຫຕູ ອເຫຕຸກາ (ສ຺ຍາ. ກ.) ວິຠ. ທຸກປຎ຺ຫາປຸຈ຺ຉເກປິ] ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໑໓. ສເຫຕຸກາ ຘມ຺ມາ… ເຫຕຸສມ຺ປຍຸຕ຺ຕາ ຘມ຺ມາ… ສເຫຕຸກາ ເຈວ ນ ຈ ເຫຕູ ຘມ຺ມາ… ເຫຕຸສມ຺ປຍຸຕ຺ຕາ ເຈວ ນ ຈ ເຫຕູ ຘມ຺ມາ… ນ ເຫຕູ ສເຫຕຸກາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໑໔. ສປ຺ປຈ຺ຈຍາ ຘມ຺ມາ… ສງ຺ຂຕາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໑໕. ອປ຺ປຈ຺ຈຍາ ຘມ຺ມາ… ອສງ຺ຂຕາ ຘມ຺ມາ ນ ເກຫິຈິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໑໖. ສນິທສ຺ສນາ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໑໗. ອນິທສ຺ສນາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ, ເອເກນາຍຕເນນ ເອກາຍ ຘາຕຸຍາ ອສງ຺ຄຫິຕາ.

໑໑໘. ສປ຺ປຏິຆາ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ອສງ຺ຄຫິຕາ.

໑໑໙. ອປ຺ປຏິຆາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ, ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໒໐. ຣູປິໂນ ຘມ຺ມາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໒໑. ອຣູປິໂນ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໒໒. ໂລກິຍາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໒໓. ໂລກຸຕ຺ຕຣາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໒໔. ເກນຈິ ວິຎ຺ເຎຍ຺ຍາ ຘມ຺ມາ… ເກນຈິ ນ ວິຎ຺ເຎຍ຺ຍາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໒໕. ອາສວາ ຘມ຺ມາ… ອາສວາ ເຈວ ສາສວາ ຈ ຘມ຺ມາ… ອາສວາ ເຈວ ອາສວສມ຺ປຍຸຕ຺ຕາ ຈ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໒໖. ໂນ ອາສວາ ຘມ຺ມາ… ອາສວວິປ຺ປຍຸຕ຺ຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໒໗. ສາສວາ ຘມ຺ມາ… ສາສວາ ເຈວ ໂນ ຈ ອາສວາ ຘມ຺ມາ… ອາສວວິປ຺ປຍຸຕ຺ຕາ ສາສວາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໒໘. ອນາສວາ ຘມ຺ມາ… ອາສວວິປ຺ປຍຸຕ຺ຕາ ອນາສວາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໒໙. ອາສວສມ຺ປຍຸຕ຺ຕາ ຘມ຺ມາ… ອາສວສມ຺ປຍຸຕ຺ຕາ ເຈວ ໂນ ຈ ອາສວາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໓໐. ສໍໂຍຊນາ ຘມ຺ມາ… ຄນ຺ຖາ ຘມ຺ມາ… ໂອຆາ ຘມ຺ມາ… ໂຍຄາ ຘມ຺ມາ… ນີວຣຓາ ຘມ຺ມາ… ປຣາມາສາ ຘມ຺ມາ… ປຣາມາສາ ເຈວ ປຣາມຏ຺ຐາ ຈ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໓໑. ໂນ ປຣາມາສາ ຘມ຺ມາ… ປຣາມາສວິປ຺ປຍຸຕ຺ຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໓໒. ປຣາມຏ຺ຐາ ຘມ຺ມາ… ປຣາມຏ຺ຐາ ເຈວ ໂນ ຈ ປຣາມາສາ ຘມ຺ມາ… ປຣາມາສວິປ຺ປຍຸຕ຺ຕາ ປຣາມຏ຺ຐາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໓໓. ອປຣາມຏ຺ຐາ ຘມ຺ມາ… ປຣາມາສວິປ຺ປຍຸຕ຺ຕາ ອປຣາມຏ຺ຐາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໓໔. ປຣາມາສສມ຺ປຍຸຕ຺ຕາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໓໕. ສາຣມ຺ມຓາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໓໖. ອນາຣມ຺ມຓາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໓໗. ຈິຕ຺ຕາ ຘມ຺ມາ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕາ.

໑໓໘. ໂນ ຈິຕ຺ຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໓໙. ເຈຕສິກາ ຘມ຺ມາ… ຈິຕ຺ຕສມ຺ປຍຸຕ຺ຕາ ຘມ຺ມາ… ຈິຕ຺ຕສໍສຏ຺ຐາ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໔໐. ອເຈຕສິກາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ທ຺ວີຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໔໑. ຈິຕ຺ຕວິປ຺ປຍຸຕ຺ຕາ ຘມ຺ມາ… ຈິຕ຺ຕວິສໍສຏ຺ຐາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໔໒. ຈິຕ຺ຕສມຸຏ຺ຐານາ ຘມ຺ມາ ຈຕູຫິ ຂນ຺ເຘຫິ ຉຫາຍຕເນຫິ ຉຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ຉຫາຍຕເນຫິ ທ຺ວາທສຫິ ຘາຕູຫິ ອສງ຺ຄຫິຕາ.

໑໔໓. ໂນ ຈິຕ຺ຕສມຸຏ຺ຐານາ ຘມ຺ມາ… ໂນ ຈິຕ຺ຕສຫຠຸໂນ ຘມ຺ມາ… ໂນ ຈິຕ຺ຕານຸປຣິວຕ຺ຕິໂນ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ທ຺ວີຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໔໔. ຈິຕ຺ຕສຫຠຸໂນ ຘມ຺ມາ… ຈິຕ຺ຕານຸປຣິວຕ຺ຕິໂນ ຘມ຺ມາ ຈຕູຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໔໕. ຈິຕ຺ຕສໍສຏ຺ຐສມຸຏ຺ຐານາ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານສຫຠຸໂນ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິໂນ ຘມ຺ມາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໔໖. ໂນ ຈິຕ຺ຕສໍສຏ຺ຐສມຸຏ຺ຐານາ ຘມ຺ມາ… ໂນ ຈິຕ຺ຕສໍສຏ຺ຐສມຸຏ຺ຐານສຫຠຸໂນ ຘມ຺ມາ… ໂນ ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິໂນ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ທ຺ວີຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໔໗. ອຊ຺ຌຕ຺ຕິກາ ຘມ຺ມາ ທ຺ວີຫິ ຂນ຺ເຘຫິ ຉຫາຍຕເນຫິ ທ຺ວາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ຉຫາຍຕເນຫິ ຉຫິ ຘາຕູຫິ ອສງ຺ຄຫິຕາ.

໑໔໘. ພາຫິຣາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ຉຫາຍຕເນຫິ ຉຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ຉຫາຍຕເນຫິ ທ຺ວາທສຫິ ຘາຕູຫິ ອສງ຺ຄຫິຕາ.

໑໔໙. ອຸປາທາ ຘມ຺ມາ ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ອສງ຺ຄຫິຕາ.

໑໕໐. ໂນ ອຸປາທາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ຕີຫາຍຕເນຫິ ນວຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນວຫາຍຕເນຫິ ນວຫິ ຘາຕູຫິ ອສງ຺ຄຫິຕາ.

໑໕໑. ອຸປາທິນ຺ນາ ຘມ຺ມາ ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ອສງ຺ຄຫິຕາ.

໑໕໒. ອນຸປາທິນ຺ນາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ສຕ຺ຕຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ປຎ຺ຈຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໑໕໓. ອຸປາທານາ ຘມ຺ມາ… ກິເລສາ ຘມ຺ມາ… ກິເລສາ ເຈວ ສໍກິເລສິກາ ຈ ຘມ຺ມາ… ກິເລສາ ເຈວ ສໍກິລິຏ຺ຐາ ຈ ຘມ຺ມາ… ກິເລສາ ເຈວ ກິເລສສມ຺ປຍຸຕ຺ຕາ ຈ ຘມ຺ມາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໑໕໔. ໂນ ກິເລສາ ຘມ຺ມາ… ອສໍກິລິຏ຺ຐາ ຘມ຺ມາ… ກິເລສວິປ຺ປຍຸຕ຺ຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໕໕. ສໍກິເລສິກາ ຘມ຺ມາ… ສໍກິເລສິກາ ເຈວ ໂນ ຈ ກິເລສາ ຘມ຺ມາ… ກິເລສວິປ຺ປຍຸຕ຺ຕາ ສໍກິເລສິກາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໕໖. ອສໍກິເລສິກາ ຘມ຺ມາ… ກິເລສວິປ຺ປຍຸຕ຺ຕາ ອສໍກິເລສິກາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໕໗. ສໍກິລິຏ຺ຐາ ຘມ຺ມາ… ກິເລສສມ຺ປຍຸຕ຺ຕາ ຘມ຺ມາ… ສໍກິລິຏ຺ຐາ ເຈວ ໂນ ຈ ກິເລສາ ຘມ຺ມາ… ກິເລສສມ຺ປຍຸຕ຺ຕາ ເຈວ ໂນ ຈ ກິເລສາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໕໘. ທສ຺ສເນນ ປຫາຕພ຺ພາ ຘມ຺ມາ… ຠາວນາຍ ປຫາຕພ຺ພາ ຘມ຺ມາ… ທສ຺ສເນນ ປຫາຕພ຺ພເຫຕຸກາ ຘມ຺ມາ… ຠາວນາຍ ປຫາຕພ຺ພເຫຕຸກາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໕໙. ນ ທສ຺ສເນນ ປຫາຕພ຺ພາ ຘມ຺ມາ… ນ ຠາວນາຍ ປຫາຕພ຺ພາ ຘມ຺ມາ … ນ ທສ຺ສເນນ ປຫາຕພ຺ພເຫຕຸກາ ຘມ຺ມາ… ນ ຠາວນາຍ ປຫາຕພ຺ພເຫຕຸກາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໖໐. ສວິຕກ຺ກາ ຘມ຺ມາ… ສວິຈາຣາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໑໖໑. ອວິຕກ຺ກາ ຘມ຺ມາ… ອວິຈາຣາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ອສງ຺ຄຫິຕາ.

໑໖໒. ສປ຺ປີຕິກາ ຘມ຺ມາ… ປີຕິສຫຄຕາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໖໓. ອປ຺ປີຕິກາ ຘມ຺ມາ… ນ ປີຕິສຫຄຕາ ຘມ຺ມາ… ນ ສຸຂສຫຄຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໖໔. ສຸຂສຫຄຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໑໖໕. ອຸເປກ຺ຂາສຫຄຕາ ຘມ຺ມາ ຕີຫິ ຂນ຺ເຘຫິ ທ຺ວີຫາຍຕເນຫິ ສຕ຺ຕຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕາ.

໑໖໖. ນ ອຸເປກ຺ຂາສຫຄຕາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໑໖໗. ກາມາວຈຣາ ຘມ຺ມາ… ປຣິຍາປນ຺ນາ ຘມ຺ມາ… ສອຸຕ຺ຕຣາ ຘມ຺ມາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໑໖໘. ນ ກາມາວຈຣາ ຘມ຺ມາ… ອປຣິຍາປນ຺ນາ ຘມ຺ມາ… ອນຸຕ຺ຕຣາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໖໙. ຣູປາວຈຣາ ຘມ຺ມາ… ອຣູປາວຈຣາ ຘມ຺ມາ… ນິຍ຺ຍານິກາ ຘມ຺ມາ… ນິຍຕາ ຘມ຺ມາ… ສຣຓາ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໑໗໐. ນ ຣູປາວຈຣາ ຘມ຺ມາ… ນ ອຣູປາວຈຣາ ຘມ຺ມາ… ອນິຍ຺ຍານິກາ ຘມ຺ມາ… ອນິຍຕາ ຘມ຺ມາ… ອຣຓາ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ອຣຓາ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

ສງ຺ຄຫາສງ຺ຄຫປທນິທ຺ເທໂສ ປຐໂມ.