໖. ປຏິຈ຺ຈສມຸປ຺ປາທາທິ

໖໑. ອວິຊ຺ຊາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໖໒. ອວິຊ຺ຊາປຈ຺ຈຍາ ສງ຺ຂາຣາ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕາ.

໖໓. ສງ຺ຂາຣປຈ຺ຈຍາ ວິຎ຺ຎາຓໍ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕໍ.

໖໔. ວິຎ຺ຎາຓປຈ຺ຈຍາ ນາມຣູປໍ ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕໍ.

໖໕. ນາມຣູປປຈ຺ຈຍາ ສຬາຍຕນໍ ທ຺ວີຫິ ຂນ຺ເຘຫິ ຉຫາຍຕເນຫິ ທ຺ວາທສຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ຕີຫິ ຂນ຺ເຘຫິ ຉຫາຍຕເນຫິ ຉຫິ ຘາຕູຫິ ອສງ຺ຄຫິຕໍ.

໖໖. ສຬາຍຕນປຈ຺ຈຍາ ຜສ຺ໂສ… ຜສ຺ສປຈ຺ຈຍາ ເວທນາ… ເວທນາປຈ຺ຈຍາ ຕຓ຺ຫາ… ຕຓ຺ຫາປຈ຺ຈຍາ ອຸປາທານໍ… ກມ຺ມຠໂວ [ອຸປາທານປຈ຺ຈຍາ ກມ຺ມຠໂວ (ສີ. ສ຺ຍາ.)] ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິໂຕ.

໖໗. ອຸປປຕ຺ຕິຠໂວ … ກາມຠໂວ… ສຎ຺ຎາຠໂວ… ປຎ຺ຈໂວກາຣຠໂວ ປຎ຺ຈຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ນ ເກຫິຈິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ອສງ຺ຄຫິໂຕ.

໖໘. ຣູປຠໂວ ປຎ຺ຈຫິ ຂນ຺ເຘຫິ ປຎ຺ຈຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ນ ເກຫິຈິ ຂນ຺ເຘຫິ ສຕ຺ຕຫາຍຕເນຫິ ທສຫິ ຘາຕູຫິ ອສງ຺ຄຫິໂຕ.

໖໙. ອຣູປຠໂວ… ເນວສຎ຺ຎານາສຎ຺ຎາຠໂວ… ຈຕຸໂວກາຣຠໂວ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິໂຕ.

໗໐. ອສຎ຺ຎາຠໂວ… ເອກໂວກາຣຠໂວ ເອເກນ ຂນ຺ເຘນ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິໂຕ.

໗໑. ຊາຕິ ທ຺ວີຫິ ຂນ຺ເຘຫິ… ຊຣາ ທ຺ວີຫິ ຂນ຺ເຘຫິ… ມຣຓໍ ທ຺ວີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຕີຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໗໒. ໂສໂກ… ປຣິເທໂວ… ທຸກ຺ຂໍ… ໂທມນສ຺ສໍ… ອຸປາຍາໂສ… ສຕິປຏ຺ຐານໍ… ສມ຺ມປ຺ປຘານໍ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໗໓. ອິທ຺ຘິປາໂທ ທ຺ວີຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ຕີຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິໂຕ.

໗໔. ຌານໍ ທ຺ວີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຕີຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໗໕. ອປ຺ປມຎ຺ຎາ … ປຎ຺ຈິນ຺ທ຺ຣິຍານິ… ປຎ຺ຈ ພລານິ… ສຕ຺ຕ ໂພຊ຺ຌງ຺ຄາ… ອຣິໂຍ ອຏ຺ຐງ຺ຄິໂກ ມຄ຺ໂຄ… ຜສ຺ໂສ… ເວທນາ… ສຎ຺ຎາ… ເຈຕນາ… ອຘິໂມກ຺ໂຂ… ມນສິກາໂຣ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິໂຕ.

໗໖. ຈິຕ຺ຕໍ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕໍ.