໕. ອິນ຺ທ຺ຣິຍໍ

໕໐. ຈກ຺ຂຸນ຺ທ຺ຣິຍໍ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕໍ? ຈກ຺ຂຸນ຺ທ຺ຣິຍໍ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໕໑. ໂສຕິນ຺ທ຺ຣິຍໍ… ຆານິນ຺ທ຺ຣິຍໍ… ຊິວ຺ຫິນ຺ທ຺ຣິຍໍ… ກາຍິນ຺ທ຺ຣິຍໍ… ອິຕ຺ຖິນ຺ທ຺ຣິຍໍ … ປຸຣິສິນ຺ທ຺ຣິຍໍ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໕໒. ມນິນ຺ທ຺ຣິຍໍ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕໍ.

໕໓. ຊີວິຕິນ຺ທ຺ຣິຍໍ ທ຺ວີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຕີຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໕໔. ສຸຂິນ຺ທ຺ຣິຍໍ … ທຸກ຺ຂິນ຺ທ຺ຣິຍໍ… ໂສມນສ຺ສິນ຺ທ຺ຣິຍໍ… ໂທມນສ຺ສິນ຺ທ຺ຣິຍໍ… ອຸເປກ຺ຂິນ຺ທ຺ຣິຍໍ… ສທ຺ຘິນ຺ທ຺ຣິຍໍ… ວີຣິຍິນ຺ທ຺ຣິຍໍ… ສຕິນ຺ທ຺ຣິຍໍ… ສມາຘິນ຺ທ຺ຣິຍໍ… ປຎ຺ຎິນ຺ທ຺ຣິຍໍ… ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ… ອຎ຺ຎິນ຺ທ຺ຣິຍໍ… ອຎ຺ຎາຕາວິນ຺ທ຺ຣິຍໍ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

(ເອກມູລກໍ.)

໕໕. ຈກ຺ຂຸນ຺ທ຺ຣິຍຎ຺ຈ ໂສຕິນ຺ທ຺ຣິຍຎ຺ຈ ເອເກນ ຂນ຺ເຘນ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໖. ຈກ຺ຂຸນ຺ທ຺ຣິຍຎ຺ຈ ຆານິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ຊິວ຺ຫິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ກາຍິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ອິຕ຺ຖິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ປຸຣິສິນ຺ທ຺ຣິຍຎ຺ຈ ເອເກນ ຂນ຺ເຘນ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໗. ຈກ຺ຂຸນ຺ທ຺ຣິຍຎ຺ຈ ມນິນ຺ທ຺ຣິຍຎ຺ຈ ທ຺ວີຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໘. ຈກ຺ຂຸນ຺ທ຺ຣິຍຎ຺ຈ ຊີວິຕິນ຺ທ຺ຣິຍຎ຺ຈ ທ຺ວີຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໙. ຈກ຺ຂຸນ຺ທ຺ຣິຍຎ຺ຈ ສຸຂິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ທຸກ຺ຂິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ໂສມນສ຺ສິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ໂທມນສ຺ສິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ອຸເປກ຺ຂິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ສທ຺ຘິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ວີຣິຍິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ສຕິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ສມາຘິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ປຎ຺ຎິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ອຎ຺ຎິນ຺ທ຺ຣິຍຎ຺ຈ… ຈກ຺ຂຸນ຺ທ຺ຣິຍຎ຺ຈ ອຎ຺ຎາຕາວິນ຺ທ຺ຣິຍຎ຺ຈ ທ຺ວີຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

(ທຸກມູລກໍ.)

໖໐. ພາວີສຕິນ຺ທ຺ຣິຍານິ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕານິ? ພາວີສຕິນ຺ທ຺ຣິຍານິ ຈຕູຫິ ຂນ຺ເຘຫິ ສຕ຺ຕຫາຍຕເນຫິ ເຕຣສຫິ ຘາຕູຫິ ສງ຺ຄຫິຕານິ. ກຕິຫິ ອສງ຺ຄຫິຕານິ? ເອເກນ ຂນ຺ເຘນ ປຎ຺ຈຫາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕານິ.