໑. ຂນ຺ໂຘ

໖. ຣູປກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິໂຕ? ຣູປກ຺ຂນ຺ໂຘ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິໂຕ.

໗. ເວທນາກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິໂຕ? ເວທນາກ຺ຂນ຺ໂຘ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິໂຕ.

໘. ສຎ຺ຎາກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິໂຕ? ສຎ຺ຎາກ຺ຂນ຺ໂຘ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິໂຕ.

໙. ສງ຺ຂາຣກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິໂຕ? ສງ຺ຂາຣກ຺ຂນ຺ໂຘ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິໂຕ.

໑໐. ວິຎ຺ຎາຓກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິໂຕ? ວິຎ຺ຎາຓກ຺ຂນ຺ໂຘ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິໂຕ. ກຕິຫິ ອສງ຺ຄຫິໂຕ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິໂຕ.

(ເອກມູລກໍ.)

໑໑. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ທ຺ວີຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໒. ຣູປກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ…ເປ… ທ຺ວີຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໓. ຣູປກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ…ເປ… ທ຺ວີຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໔. ຣູປກ຺ຂນ຺ໂຘ ຈ ວິຎ຺ຎາຓກ຺ຂນ຺ໂຘ ຈ…ເປ… ທ຺ວີຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ, ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

(ທຸກມູລກໍ.)

໑໕. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ຕີຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໖. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ…ເປ… ຕີຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໗. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ວິຎ຺ຎາຓກ຺ຂນ຺ໂຘ ຈ…ເປ… ຕີຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ທ຺ວີຫິ ຂນ຺ເຘຫິ, ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

(ຕິກມູລກໍ.)

໑໘. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໑໙. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ວິຎ຺ຎາຓກ຺ຂນ຺ໂຘ ຈ…ເປ… ຈຕູຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ, ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

(ຈຕຸກ຺ກມູລກໍ.)

໒໐. ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ ວິຎ຺ຎາຓກ຺ຂນ຺ໂຘ ຈ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ຣູປກ຺ຂນ຺ໂຘ ຈ ເວທນາກ຺ຂນ຺ໂຘ ຈ ສຎ຺ຎາກ຺ຂນ຺ໂຘ ຈ ສງ຺ຂາຣກ຺ຂນ຺ໂຘ ຈ ວິຎ຺ຎາຓກ຺ຂນ຺ໂຘ ຈ ປຎ຺ຈຫິ ຂນ຺ເຘຫິ ທ຺ວາທສາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໒໑. ປຎ຺ຈກ຺ຂນ຺ຘາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ປຎ຺ຈກ຺ຂນ຺ຘາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

(ປຎ຺ຈກໍ.)