໒. ອາຍຕນໍ

໒໒. ຈກ຺ຂາຍຕນໍ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕໍ? ຈກ຺ຂາຍຕນໍ ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໒໓. ໂສຕາຍຕນໍ … ຆານາຍຕນໍ… ຊິວ຺ຫາຍຕນໍ… ກາຍາຍຕນໍ… ຣູປາຍຕນໍ… ສທ຺ທາຍຕນໍ… ຄນ຺ຘາຍຕນໍ… ຣສາຍຕນໍ… ໂຜຏ຺ຐພ຺ພາຍຕນໍ…ເປ… ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

໒໔. ມນາຍຕນໍ ເອເກນ ຂນ຺ເຘນ ເອເກນາຍຕເນນ ສຕ຺ຕຫິ ຘາຕູຫິ ສງ຺ຄຫິຕໍ. ກຕິຫິ ອສງ຺ຄຫິຕໍ? ຈຕູຫິ ຂນ຺ເຘຫິ ເອກາທສຫາຍຕເນຫິ ເອກາທສຫິ ຘາຕູຫິ ອສງ຺ຄຫິຕໍ.

໒໕. ຘມ຺ມາຍຕນໍ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສງ຺ຄຫິຕໍ. ກຕິຫິ ອສງ຺ຄຫິຕໍ? ເອເກນ ຂນ຺ເຘນ ເອກາທສຫາຍຕເນຫິ ສຕ຺ຕຣສຫິ ຘາຕູຫິ ອສງ຺ຄຫິຕໍ.

(ເອກມູລກໍ.)

໒໖. ຈກ຺ຂາຍຕນຎ຺ຈ ໂສຕາຍຕນຎ຺ຈ ເອເກນ ຂນ຺ເຘນ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໒໗. ຈກ຺ຂາຍຕນຎ຺ຈ ຆານາຍຕນຎ຺ຈ… ຈກ຺ຂາຍຕນຎ຺ຈ ຊິວ຺ຫາຍຕນຎ຺ຈ… ຈກ຺ຂາຍຕນຎ຺ຈ ກາຍາຍຕນຎ຺ຈ… ຈກ຺ຂາຍຕນຎ຺ຈ ຣູປາຍຕນຎ຺ຈ… ຈກ຺ຂາຍຕນຎ຺ຈ ສທ຺ທາຍຕນຎ຺ຈ… ຈກ຺ຂາຍຕນຎ຺ຈ ຄນ຺ຘາຍຕນຎ຺ຈ… ຈກ຺ຂາຍຕນຎ຺ຈ ຣສາຍຕນຎ຺ຈ… ຈກ຺ຂາຍຕນຎ຺ຈ ໂຜຏ຺ຐພ຺ພາຍຕນຎ຺ຈ ເອເກນ ຂນ຺ເຘນ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໒໘. ຈກ຺ຂາຍຕນຎ຺ຈ ມນາຍຕນຎ຺ຈ ທ຺ວີຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຕີຫິ ຂນ຺ເຘຫິ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໒໙. ຈກ຺ຂາຍຕນຎ຺ຈ ຘມ຺ມາຍຕນຎ຺ຈ ອສງ຺ຂຕໍ ຂນ຺ຘໂຕ ຐເປຕ຺ວາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

(ທຸກມູລກໍ.)

໓໐. ທ຺ວາທສາຍຕນານິ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ທ຺ວາທສາຍຕນານິ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

(ທ຺ວາທສກໍ.)