໘. ມຫິໍສກຣຏ຺ຐສ຺ສາສນວໍສກຖາມຄ຺ໂຄ

໘. ອິທານິ ຍຖາວຸຕ຺ຕມາຕິກາວເສນ ມຫິໍສກຣຏ຺ຐສາສນວໍສກຖາມຄ຺ຄໍ ວຕ຺ຕຸໍ ໂອກາໂສ ອນຸປ຺ປຕ຺ໂຕ, ຕສ຺ມາ ຕໍ ວກ຺ຂາມິ.

ຕຕິຍສງ຺ຄີຕາວສາເນ ຫິ ມຫາໂມຄ຺ຄລິປຸຕ຺ຕຕິສ຺ສຕ຺ເຖໂຣ ມຫາເຣວຕ຺ເຖຣໍ ມຫິໍສກມຓ຺ຑລໍ ເປເສສິ,- ຕ຺ວໍ ເອຕໍ ຣຏ຺ຐໍ ຄນ຺ຕ຺ວາ ເອຕ຺ຖ ສາສນໍ ປຕິຏ຺ຐາເປຫີຕິ.

ໂສຈ ອຕ຺ຕປຎ຺ຈໂມ ຫຸຕ຺ວາ ມຫິໍສກມຓ຺ຑລໍ ອຄມາສິ ປຈ຺ຈນ຺ຕິເມສຸ ຊນປເທສຸ ປຎ຺ຈວຄ຺ໂຄ ຄໂຓ ອລໍ ອຸປສມ຺ປທກມ຺ມາຍາຕິ ມຎ຺ຎມາໂນ. ເຖໂຣ ມຫິໍສກມຓ຺ຑລໍ ຄນ຺ຕ຺ວາ ເທວທູຕສຸຕ຺ຕໍ ກເຖສິ. ສຸຕ຺ຕປຣິໂຍສາເນ ຈຕ຺ຕາລີສປາຓສຫສ຺ສານິ ຘມ຺ມຈກ຺ຂຸໍ ປ຺ປຏິລຠິໍສຸ. ຈຕ຺ຕາລີສໍເຍວ ປາຓສຫສ຺ສານິ ປພ຺ພຊິໍສຸ.

ຄນ຺ຕ຺ວານ ຣຏ຺ຐໍ ມຫິໍສໍ, ມຫາເຣໂວ ມຫິທ຺ຘິໂກ;

ໂຈເທຕ຺ວາ ເທວທູເຕຫິ, ໂມເຈສິ ພນ຺ຘນາ ພຫູຕິ.

ອຘຸນາ ປນ ຕຕ຺ຖ ສາສນສ຺ສ ອພ຺ເຠຫິວິຍ ປຏິຈ຺ຉນ຺ນສ຺ສ ສູຣິຍສ຺ສ ໂອກາໂສ ທຸພ຺ພໂລ ຫຸຕ຺ວາ ປຎ຺ຎາຍຕິ.

ອິຕິ ສາສນວໍເສ ມຫິໍສກຣຏ຺ຐສາສນວໍສກຖາມຄ຺ໂຄ

ນາມ ອຏ຺ຐໂມ ປຣິຈ຺ເຉໂທ.