໙. ຉຕ຺ຕຸປາຫນວຄ຺ຄ, ໑໒. ທ຺ວາທສມ ສິກ຺ຂາປຸຈ຺ຉາ

ປຸຈ຺ຉາ – ອໂນກາສກຕໍ ອາວຸໂສ ຠິກ຺ຂຸໍ ປຎ຺ຫໍ ປຸຈ຺ຉນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສມ຺ພຫຸລາ ຠິກ຺ຂຸນິໂຍ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂຸນິໂຍ ອໂນກາສກຕໍ ຠິກ຺ຂຸໍ ປຎ຺ຫໍ ປຸຈ຺ຉິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ສປ຺ປິໍ ວາ ອາວຸໂສ ເຕລໍ ວາ ມຘຸໍ ວາ ຜາຓິຕໍ ວາ ມຈ຺ຉໍ ວາ ມໍສໍ ວາ ຂີຣໍ ວາ ທຘິໍ ວາ ວິຎ຺ຎາເປຕ຺ວາ ຠຸຎ຺ຊນ຺ຕິຍາ ປາຏິເທສນີຍໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິຍາ ຠິກ຺ຂຸນິໂຍ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂຸນິໂຍ ສປ຺ປິມ຺ປິ ເຕລມ຺ປິ ມຘຸມ຺ປິ ຜາຓິຕມ຺ປິ ມຈ຺ຉມ຺ປິ ມໍສມ຺ປິ ຂີຣມ຺ປິ ທຘິມ຺ປິ ວິຎ຺ຎາເປຕ຺ວາ ຠຸຎ຺ຊິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ຈຕຸນ຺ນໍ ອາວຸໂສ ວິປຕ຺ຕີນໍ ກຕມາ ວິປຕ຺ຕິ.

ວິສ຺ສຊ຺ຊນາ – ອາຈາຣວິປຕ຺ຕິ ຠນ຺ເຕ.

ປຸຈ຺ຉາ – ຉນ຺ນໍ ອາວຸໂສ ອາປຕ຺ຕິສມຸຏ຺ຐານານໍ ກຕິຫິ ສມຸຏ຺ຐາເນຫິ ສມຸຏ຺ຐາຕິ.

ວິສ຺ສຊ຺ຊນາ – ຈຕູຫິ ຠນ຺ເຕ ສມຸຏ຺ຐາເນຫິ ສມຸຏ຺ຐາຕິ, ສິຍາ ກາຍໂຕ ສມຸຏ຺ຐາຕິ, ນວາຈໂຕ ນຈິຕ຺ຕໂຕ, ສິຍາ ກາຍໂຕ ຈ ວາຈໂຕ ຈ ສມຸຏ຺ຐາຕິ, ນຈິຕ຺ຕໂຕ, ສິຍາ ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນວາຈໂຕ, ສິຍາ ກາຍໂຕ ຈ ວາຈໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ອິເມຫິ ຠນ຺ເຕ ຈຕູຫິ ສມຸຏ຺ຐາເນຫິ ສມຸຏ຺ຐາຕິ.

ປຸຈ຺ຉາ – ກາ ອາວຸໂສ ວິປຕ຺ຕິ.

ວິສ຺ສຊ຺ຊນາ – ອສໍວໂຣ ຠນ຺ເຕ ວິປຕ຺ຕິ.

ປຸຈ຺ຉາ – ກາ ອາວຸໂສ ສມ຺ປຕ຺ຕິ.

ວິສ຺ສຊ຺ຊນາ – ສໍວໂຣ ຠນ຺ເຕ ສມ຺ປຕ຺ຕິ.

ປຸຈ຺ຉາ – ກາ ອາວຸໂສ ປຏິປຕ຺ຕິ.

ວິສ຺ສຊ຺ຊນາ – ນ ເອວຣູປໍ ກຣິສ຺ສາມີຕິ ຍາວຊີວໍ ອາປາຓໂກຏິກໍ ສມາທາຍ ສິກ຺ຂຕິ ສິກ຺ຂາປເທສຸ, ອຍໍ ຠນ຺ເຕ ປຏິປຕ຺ຕິ.

ປຸຈ຺ຉາ – ກສ຺ສ ອາວຸໂສ ວຈນໍ.

ວິສ຺ສຊ຺ຊນາ – ຠຄວໂຕ ຠນ຺ເຕ ວຈນໍ ອຣຫໂຕ ສມ຺ມາສມ຺ພຸທ຺ຘສ຺ສ.

ປຸຈ຺ຉາ – ເກນາວຸໂສ ອາຠຕໍ.

ວິສ຺ສຊ຺ຊນາ – ປຣມ຺ປຣາຍ ຠນ຺ເຕ ອາຠຕໍ.

ສຸຓາຕຸ ເມ ຠນ຺ເຕ ສງ຺ໂຆ…ເປ… ສໍຄາເຍຍ຺ຍາມ.