ນິສ຺ສຄ຺ຄິປາຈິຕ຺ຕິຍ
໑. ຈີວຣວຄ຺ຄ ໑. ປຐມກຖິນ ສິກ຺ຂາປຸຈ຺ຉາ
ປຸຈ຺ຉາ – ຍໍ ເຕນ ອາວຸໂສ ຠຄວຕາ…ເປ… ສມ຺ມາສມ຺ພຸທ຺ເຘນ ອຕິເຣກຈີວຣໍ ທສາຫໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ເວສາລິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຕິເຣກຈີວຣໍ ຘາເຣສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໒. ອຸໂທສິຕ ສິກ຺ຂາປຸຈ຺ຉາ
ປຸຈ຺ຉາ – ເອກຣຕ຺ຕໍ ອາວຸໂສ ຕິຈິວເຣນ ວິປ຺ປວສນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ຠິກ຺ຂູນໍ ຫຕ຺ເຖ ຈີວຣໍ ນິກ຺ຂິປິຕ຺ວາ ສນ຺ຕຣຸຕ຺ຕເຣນ ຊນປທຈາຣິກໍ ປກ຺ກມິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໓. ຕຕິຍກຖິນ ສິກ຺ຂາປຸຈ຺ຉາ
ປຸຈ຺ຉາ – ອກາລຈີວຣໍ ອາວຸໂສ ປຏິຄ຺ຄເຫຕ຺ວາ ມາສໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ອກາລຈີວຣໍ ປຏິຄ຺ຄເຫຕ຺ວາ ມາສໍ ອຕິກ຺ກາເມສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໔. ປຸຣາຓຈີວຣ ສິກ຺ຂາປຸຈ຺ຉາ
ປຸຈ຺ຉາ – ອຎ຺ຎາຕິກາຍ ອາວຸໂສ ຠິກ຺ຂຸນິຍາ ປຸຣາຓຈີວຣໍ ໂຘວາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸທາຍິໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸທາຍີ ອຎ຺ຎາຕິກາຍ ຠິກ຺ຂຸນິຍາ ປຸຣາຓຈີວຣໍ ໂຘວາເປສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໕. ຈີວຣປຏິຄ຺ຄຫຓ ສິກ຺ຂາປຸຈ຺ຉາ
ປຸຈ຺ຉາ – ອຎ຺ຎາຕິກາຍ ອາວຸໂສ ຠິກ຺ຂຸນິຍາ ຫຕ຺ຖໂຕ ຈີວຣໍ ປຏິຄ຺ຄຓ຺ຫນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ຣາຊຄເຫ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸທາຍິໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸທາຍີ ອຎ຺ຎາຕິກາຍ ຠິກ຺ຂຸນິຍາ ຫຕ຺ຖໂຕ ຈີວຣໍ ປຏິຄ຺ຄເຫສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໖. ອຎ຺ຎາຕກວິຎ຺ຎຕ຺ຕິ ສິກ຺ຂາປຸຈ຺ຉາ
ປຸຈ຺ຉາ – ອຎ຺ຎາຕກໍ ອາວຸໂສ ຄຫປຕິໍວາ ຄຫຕານິໍວາ ຈີວຣໍ ວິຎ຺ຎາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ອຎ຺ຎາຕກໍ ເສຏ຺ຐິປຸຕ຺ຕໍ ຈີວຣໍ ວິຎ຺ຎາເປສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໗. ຕຕຸຕ຺ຕຣິ ສິກ຺ຂາປຸຈ຺ຉາ
ປຸຈ຺ຉາ – ອຎ຺ຎາຕກໍ ອາວຸໂສ ຄຫປຕິໍ ວາ ຄຫປຕານິໍ ວາ ຕຕຸຕ຺ຕຣິ ຈີວຣໍ ວິຎ຺ຎາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ນ ມຕ຺ຕໍ ຊານິຕ຺ວາ ພຫຸມ຺ປິ ຈີວຣໍ ວິຎ຺ຎາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
ປຸຈ຺ຉາ – ປຸພ຺ເພ ອປ຺ປວາຣິຕສ຺ສ ອາວຸໂສ ອຎ຺ຎາຕກໍ ຄຫປຕິໍ ວາ ຄຫຕານິໍ ວາ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊນ຺ຕສ຺ສ ຈ ອຎ຺ຎາຕເກ ຄຫປຕິເກ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊນ຺ຕສ຺ສ ຈ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ປຸພ຺ເພ ອປ຺ປວາຣິໂຕ ອຎ຺ຎາຕກໍ ຄຫປຕິກໍ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊິ. ໂສເຍວ ຠນ຺ເຕ ອາຍສ຺ມາ ອຸປນນ຺ໂທ ສກ຺ຍປຸຕ຺ໂຕ ປຸພ຺ເພ ອປ຺ປວາຣິໂຕ ອຎ຺ຎາຕເກ ຄຫປຕິເກ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໑. ຈີວຣວຄ຺ຄ ໑໐. ຣາຊ ສິກ຺ຂາປຸຈ຺ຉາ
ປຸຈ຺ຉາ – ອຕິເຣກຕິກ຺ຂຕ຺ຕຸໍ ອາວຸໂສ ໂຈທນາຍ ອຕິເຣກ ຉກ຺ຂຕ຺ຕຸໍ ຐາເນນ ຈີວຣໍ ອຠິນິປ຺ຜາເທນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ອຸປາສເກນ ອຊ຺ຊຓ຺ໂຫ ຠນ຺ເຕ ອາຄເມຫີຕິ ວຸຈ຺ຈມາໂນ ນາຄເມສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ, ໑. ໂກສິຍ ສິກ຺ຂາປຸຈ຺ຉາ
ປຸຈ຺ຉາ – ໂກສິຍມິສ຺ສກໍ ອາວຸໂສ ສນ຺ຖກໍ ກາຣາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ອາຬວິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ໐ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ໂກສິຍກາຣເກ ອຸປສງ຺ກມິຕ຺ວາ ເອວມຫໍສຸ ພຫູ ອາວຸໂສ ໂກສກາຣເກ ປຈຖ ອມ຺ຫາກມ຺ປິ ທສ຺ສຖ ມຍມ຺ປິ ອິຈ຺ຉາມ ໂກສິຍມິສ຺ສກໍ ສນ຺ຕກໍ ກາຕຸນ຺ຕິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໒. ສຸທ຺ຘກາຬກ ສິກ຺ຂາປຸຈ຺ຉາ
ປຸຈ຺ຉາ – ສຸທ຺ຘກາຬການໍ ອາວຸໂສ ເອຬກໂລມານໍ ສນ຺ຖຕໍ ກາຣາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ເວສາລິຍໍ ຠນ຺ເຕ ປຎ຺ຎຕ຺ຖໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ສຸທ຺ຘກາຬການໍ ເອຬກໂລມານໍ ສນ຺ຖຕໍ ກາຣາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໓. ທ຺ເວຠາຄ ສິກ຺ຂາປຸຈ຺ຉາ
ປຸຈ຺ຉາ – ອນາທິຍິຕ຺ວາ ອາວຸໂສ ຕຸລໍ ໂອທາຕານໍ ຕຸລໍ ໂຄຈຣິຍານໍ ນວໍ ສນ຺ຖຕໍ ກາຣາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ໂຖກໍເຍວ ໂອທາຕໍ ອນ຺ເຕ ອາທິຍິຕ຺ວາ ຕເຖວ ສຸທ຺ຘກາຬການໍ ເອຬກໂລມານໍ ສນ຺ຖຕໍ ກາຣາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໔. ຉພ຺ພສ຺ສ ສິກ຺ຂາປຸຈ຺ຉາ
ປຸຈ຺ຉາ – ຍໍ ເຕນ ອາວຸໂສ ຠຄວຕາ…ເປ… ສມ຺ມາສມ຺ພຸທ຺ເຘນ ອນຸວສ຺ສໍ ກາຣາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ອນຸວສ຺ສໍ ສນ຺ຖຕໍ ກາຣາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
ປຸຈ຺ຉາ – ກສ຺ສ ອາວຸໂສ ວຈນໍ.
ວິສ຺ສຊ຺ຊນາ – ຠຄວໂຕ ຠນ຺ເຕ ວຈນໍ ອຣຫໂຕ ສມ຺ມາສມ຺ພຸທ຺ຘສ຺ສ.
ປຸຈ຺ຉາ – ເກນາວຸໂສ ອາຠຕໍ.
ວິສ຺ສຊ຺ຊນາ – ປຣມ຺ປຣາຍ ຠນ຺ເຕ ອາຠຕໍ.
ປຸຈ຺ຉາ – ອຕ຺ຖິ ນຸໂຂ ອາວຸໂສ ເອຕ຺ຖ ໂກຈິ ວິຣທ຺ຘໂທໂສ.
ວິສ຺ສຊ຺ຊນາ – ນຕ຺ຖິ ຠນ຺ເຕ.
ສໍຄາຍນຕ຺ຖາຍ ສງ຺ຆສ຺ສ ຎາປນໍ
ສຸຓາຕຸ ເມ ຠນ຺ເຕ ສງ຺ໂຆ, ອຫໍ ອາຍສ຺ມນ຺ຕໍ ວິຈິຕ຺ຕສາຣາຠິວໍສໍ ຕິປິຏກຘຣ ຘມ຺ມຠຓ຺ຑາຄາຣິກໍ ອິເມສໍ ນິສ຺ສຄ຺ຄິຍປາຈິຕ຺ຕິຍສິກ຺ຂາປທານໍ ຍາວ ຉພ຺ພສ຺ສສິກ຺ຂາປທໍ ນິທານາທີນິ ປຸຈ຺ຉິຕພ຺ພານິ ອເນການິ ຐານານິ ປຸຈ຺ຉິໍ, ປຸຏ຺ໂຐປຸຏ຺ໂຐ ຈ ໂສ ອາຍສ຺ມາ ວິຈິຕ຺ຕສາຣາຠິວໍໂສ ວິສ຺ສຊ຺ເຊສິ, ອິຕິຫິທໍ ຠນ຺ເຕ ອິມານິ ສິກ຺ຂາປທານິ ນິມ຺ມລານິ ສຸປຣິສຸທ຺ຘານີ ຕສ຺ເສວ ຠຄວໂຕ ວຈນານິ ອຣຫໂຕ ສມ຺ມາສມ຺ພຸທ຺ຘສ຺ສ, ຕສ຺ມາ ຍຖາປຸເຣ ມຫາກສ຺ສປາທໂຍ ມຫາເຖຣວຣາ ໂປຣາຓສໍຄີຕິກາຣາ ພ຺ຣຫ຺ມຈຣິຍສ຺ສ ຈິຣຏ຺ຐິຕິຍາ ພຫຸຊນຫິຕາຍ ພຫຸຊນສຸຂາຍ ໂລການຸກມ຺ປາຍ ອຕ຺ຖາຍ ຫິຕາຍ ສຸຂາຍ ເທວມນຸສ຺ສານໍ ຘມ຺ມວິນຍໍ ສໍຄາຍິໍສຸ ເຈວ ອນຸສໍຄາຍິໍສຸ ຈ, ເອວເມວ ມຍມ຺ປິ ທານິ ສພ຺ເພວ ຉຏ຺ຐສໍຄີຕິ ມຫາຘມ຺ມສຠາ ປຣິຍາປນ຺ນາ ຉພ຺ພສ຺ສ ນິສ຺ສຄ຺ຄິຍ ສິກ຺ຂາປທໂຕ ປຏ຺ຐາຍ ອິມານິ ນິສ຺ສຄ຺ຄິຍສິກ຺ຂາປທານິ ເອກໂຕ ຄຓສຊ຺ຌາຍໍ ກຕ຺ວາ ສໍຫາເຍຍ຺ຍາມ.
໒. ໂກສິຍວຄ຺ຄ ໕. ນິສີທນສນ຺ຖຕ ສິກ຺ຂາປຸຈ຺ຉາ
ປຸຈ຺ຉາ – ຍໍ ເຕນ ອາວຸໂສ ຠຄວຕາ…ເປ… ສມ຺ມາສມ຺ພຸທ຺ເຘນ ອນາທິຍິຕ຺ວາ ປຸຣາຓສນ຺ຖຕສ຺ສ ສາມນ຺ຕາ ສຸຄຕວິທຕ຺ຕິໍ ນວໍ ນິສີທນສນ຺ຖຕໍ ກາຣາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ສນ຺ຖຕານິ ອຸຊ຺ຌິຕ຺ວາ ອາຣຎ຺ຎິກໍ ປິຓ຺ຑປາຕິກງ຺ຄໍ ປໍສຸກູລກງ຺ຄໍ ສມາທິຍິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໖. ເອຬກໂລມ ສິກ຺ຂາປຸຈ຺ຉາ
ປຸຈ຺ຉາ – ເອຬກໂລມານິ ອາວຸໂສ ປຏິຄ຺ຄເຫຕ຺ວາ ຕິໂຍຊນໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອຎ຺ຎຕຣໍ ຠນ຺ເຕ ຠິກ຺ຂຸໍ ອາຣພ຺ຠ ປຎ຺ຎຕ຺ຕໍ, ອຎ຺ຎຕໂຣ ຠນ຺ເຕ ຠິກ຺ຂຸ ເອຬກໂລມານິ ປຏິຄ຺ຄເຫຕ຺ວາ ຕິໂຍຊນໍ ອຕິກ຺ກາເມສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໗. ເອຬກໂລມໂຘວາປນ ສິກ຺ຂາປຸຈ຺ຉາ
ປຸຈ຺ຉາ – ອຎ຺ຎາຕິກາຍ ອາວຸໂສ ຠິກ຺ຂຸນິຍາ ເອຬກໂລມານິ ໂຘວາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສກ຺ເກສຸ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຎ຺ຎາຕິກາຫິ ຠິກ຺ຂູນີຫິ ເອຬກໂລມານິ ໂຘວາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ ໘. ຣູປິຍ ສິກ຺ຂາປຸຈ຺ຉາ
ປຸຈ຺ຉາ – ຣູປິຍໍ ອາວຸໂສ ປຏິຄ຺ຄຓ຺ຫນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ຣາຊຄເຫ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ຣູປິຍໍ ປຏິຄ຺ຄເຫສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
ປຸຈ຺ຉາ – ກຖໍ ອາວຸໂສ ຕຕ຺ຖ ປຏິປຊ຺ຊນ຺ໂຕ ຣູປິຍໍ ປຏິຄ຺ຄຓ຺ຫາຕິ ນາມ.
ວິສ຺ສຊ຺ຊນາ – ສຍໍ ຠນ຺ເຕ ຄຓ຺ຫາຕິ, ອຎ຺ຎໍ ວາ ຄຓ຺ຫາເປສິ, ອິທໍ ອຍ຺ຍສ຺ສ ໂຫຕູຕິ ອຸປນິກ຺ຂິຕ຺ຕໍ ສາທິຍຕິ, ເອວໍ ໂຂ ຠນ຺ເຕ ປຏິປຊ຺ຊນ຺ໂຕ ຠິກ຺ຂຸ ຣູປິຍໍ ປຏິຄ຺ຄຓ຺ຫາຕິ ນາມ.
ປຸຈ຺ຉາ – ກຖໍ ອາວຸໂສ ຕຕ຺ຖ ປຏິປຊ຺ຊນ຺ໂຕ ຠິກ຺ຂຸ ຣູປິຍໍ ນ ປຏິຄ຺ຄຓ຺ຫາຕິ ນາມ.
ວິສ຺ສຊ຺ຊນາ – ຍຖາ ຠນ຺ເຕ ຣາຊສິກ຺ຂາປເທ ຍຖາ ຈ ຠນ຺ເຕ ເມຓ຺ຑກສິກ຺ຂາປເທ ອາຄຈ຺ຉຕິ, ຕຖາ ຠນ຺ເຕ ປຏິປຊ຺ຊນ຺ໂຕ ຠິກ຺ຂຸ ຣູປິຍໍ ນ ປຏິຄ຺ຄຓ຺ຫາຕິນາມ.
໒. ໂກສິຍວຄ຺ຄ ໙. ຣູປິຍສໍໂວຫາຣ ສິກ຺ຂາປຸຈ຺ຉາ
ປຸຈ຺ຉາ – ຣູປິຍສໍໂວຫາຣໍ ອາວຸໂສ ສມາປຊ຺ຊນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ນານປ຺ປກາຣກໍ ຣູປິຍສໍໂວຫາຣໍ ສມາປຊ຺ຊິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໒. ໂກສິຍວຄ຺ຄ, ໑໐. ກຍວິກ຺ກຍ ສິກ຺ຂາປຸຈ຺ຉາ
ປຸຈ຺ຉາ – ນານປ຺ປກາຣກໍ ອາວຸໂສ ກຍວິກ຺ກຍໍ ອາປຊ຺ຊນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ຠຄວຕາ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ປຣິພ຺ພາຊເກນ ສທ຺ຘິ ກຍວິກ຺ກຍໍ ສມາປຊ຺ຊິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
ປຸຈ຺ຉາ – ກຖໍ ອາວຸໂສ ຕຕ຺ຖ ປຏິປຊ຺ຊນ຺ໂຕ ຠິກ຺ຂຸ ກຍວິກ຺ກຍໍ ສມາປຊ຺ຊຕິນາມ.
ວິສ຺ສຊ຺ຊນາ – ອິມິນາ ອິມໍ ເທຫິ ອິມິນາ ອິມໍ ອາຫຣ ອິມິນາ ອິມໍ ປຣິວຕ຺ເຕຫິ ອິມິນາ ອິມໍ ເຈຕາເມຫີຕິ ອຊ຺ຌາຈຣຕິ, ເອວໍ ໂຂ ຠນ຺ເຕ ປຏິປຊ຺ຊນ຺ໂຕ ກຍວິກ຺ກຍໍ ສມາປຊ຺ຊຕິນາມ.
ປຸຈ຺ຉາ – ກຖໍ ອາວຸໂສ ຕຕ຺ຖ ປຏິປຊ຺ຊນ຺ໂຕ ຠິກ຺ຂຸ ນ ກຍວິກ຺ກຍໍ ສມາປຊ຺ຊຕິນາມ.
ວິສ຺ສຊ຺ຊນາ – ໂຍ ຠນ຺ເຕ ອຄ຺ຆໍ ປຸຈ຺ຉຕິ, ໂຍ ຈ ຠນ຺ເຕ ກປ຺ປິຍກາຣກສ຺ສ ອາຈິກ຺ຂຕິ, ໂຍ ຈ ຠນ຺ເຕ ອມ຺ຫາກຎ຺ຈ ອິທໍ ອຕ຺ຖິ ອມ຺ຫາກຎ຺ຈ ອິມິນາ ຈ ອິມິນາ ຈ ອຕ຺ໂຖຕິ ຠຓຕິ, ເອວໍ ໂຂ ຠນ຺ເຕ ປຏິປຊ຺ຊນ຺ໂຕ ຠິກ຺ຂຸ ນ ກຍວິກ຺ກຍໍ ສມາປຊ຺ຊຕິນາມ.
໓. ປຕ຺ຕວຄ຺ຄ, ໑. ປຕ຺ຕ ສິກ຺ຂາປຸຈ຺ຉາ
ປຸຈ຺ຉາ – ອຕິເຣກປຕ຺ຕໍ ອາວຸໂສ ທສາຫໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຕິເຣກປຕ຺ຕໍ ຘາເຣສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໕໑໔. ໓. ປຕ຺ຕວຄ຺ຄ, ໒. ອູນປຎ຺ຈພນ຺ຘນ ສິກ຺ຂາປຸຈ຺ຉາ
ປຸຈ຺ຉາ – ອູນປຎ຺ຈພນ຺ຘເນນ ປຕ຺ເຕນ ອຎ຺ຎໍ ນວໍ ປຕ຺ຕໍ ເຈຕາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສກ຺ເກສຸ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອປ຺ປມຕ຺ຕເກນປິ ຠິນ຺ເນນ ອປ຺ປມຕ຺ຕເກນປິ ຂຓ຺ເຑນ ວິລິຂິຕມຕ຺ເຕນປິ ພຫູ ປຕ຺ເຕ ວິຍ຺ຍາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
ນ ຠິກ຺ຂເວ ປຕ຺ໂຕ ວິຎ຺ຎາເປຕພ຺ໂພ, ໂຍ ວິຎ຺ຎາເປຍ຺ຍ ອາປຕ຺ຕິ ທຸກ຺ກຏສ຺ສ.
໓. ປຕ຺ຕວຄ຺ຄ ໓. ເຠສຊ຺ຊ ສິກ຺ຂາປຸຈ຺ຉາ
ປຸຈ຺ຉາ – ເຠສຊ຺ຊານິ ອາວຸໂສ ປຏິຄ຺ຄເຫຕ຺ວາ ສຕ຺ຕາຫໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ເຠສຊ຺ຊານິ ປຏິຄ຺ຄເຫຕ຺ວາ ສຕ຺ຕາຫໍ ອຕິກ຺ກາເມສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໓. ປຕ຺ຕວຄ຺ຄ ໔. ວສ຺ສິກສາຏິກ ສິກ຺ຂາປຸຈ຺ຉາ
ປຸຈ຺ຉາ – ອຕິເຣກມາເສ ເສເສ ຄິມາເນ ອາວຸໂສ ວສ຺ສິກສາຏິກຈີວຣໍ ປຣິເຍສນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຕິເຣກມາເສ ເສເສ ຄິມ຺ຫາເນ ວສ຺ສິກສາຏິກຈີວຣໍ ປຣິເຍສິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໓. ປຕ຺ຕວຄ຺ຄ ໕. ຈີວຣອຈ຺ຉິນ຺ທນ ສິກ຺ຂາປຸຈ຺ຉາ
ປຸຈ຺ຉາ – ຠິກ຺ຂຸສ຺ສ ອາວຸໂສ ສາມໍ ຈີວຣໍ ທຕ຺ວາ ກຸປິເຕນ ອນຕ຺ຕມເນນ ອຈ຺ຉິນ຺ທນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ຠິກ຺ຂຸສ຺ສ ສາມໍ ຈີວຣໍ ທຕ຺ວາ ກຸປິໂຕ ອນຕ຺ຕມໂນ ອຈ຺ຉິນ຺ທິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໓. ປຕ຺ຕວຄ຺ໂຄ, ໖. ສຸຕ຺ຕວິຎ຺ຎຕ຺ຕິ ສິກ຺ຂາປຸຈ຺ຉາ
ປຸຈ຺ຉາ – ສາມໍ ອາວຸໂສ ສຸຕ຺ຕໍ ວິຎ຺ຎາເປຕ຺ວາ ຕນ຺ຕວາເຍຫິ ຈີວຣໍ ວາຍາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ຣາຊຄເຫ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ສາມໍ ສຸຕ຺ຕໍ ວິຎ຺ຎາເປຕ຺ວາ ຕນ຺ຕວາເຍຫິ ຈີວຣໍ ວາຍາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໓. ປຕ຺ຕວຄ຺ຄ, ໗. ມຫາເປສກາຣ ສິກ຺ຂາປຸຈ຺ຉາ
ປຸຈ຺ຉາ – ປຸພ຺ເພ ອປ຺ປວາຣິຕສ຺ສ ອາວຸໂສ ອຎ຺ຎາຕກສ຺ສ ຄຫປຕິກສ຺ສ ຕນ຺ຕວາເຍ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິ ຍໍ ຠນ຺ເຕ ປຎ຺ຎຕ຺ຕໍ.
ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.
ວິສ຺ສຊ຺ຊນາ – ອາຍສ຺ມນ຺ຕໍ ຠນ຺ເຕ ອຸປນນ຺ທໍ ສກ຺ຍປຸຕ຺ຕໍ ອາຣພ຺ຠ ປຎ຺ຎຕ຺ຕໍ, ອາຍສ຺ມາ ຠນ຺ເຕ ອຸປນນ຺ໂທ ສກ຺ຍປຸຕ຺ໂຕ ປຸພ຺ເພ ອປ຺ປວາຣິໂຕ ອຎ຺ຎາຕກສ຺ສ ຄຫປຕິກສ຺ສ ຕນ຺ຕວາເຍ ອຸປສງ຺ກມິຕ຺ວາ ຈີວເຣ ວິກປ຺ປໍ ອາປຊ຺ຊິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.
໓. ປຕ຺ຕວຄ຺ໂຄ, ໘. ອຈ຺ເຈກຈີວຣ ສິກ຺ຂາປຸຈ຺ຉາ
ປຸຈ຺ຉາ – ອຈ຺ເຈກ ຈີວຣໍ ອາວຸໂສ ປຏິຄ຺ຄເຫຕ຺ວາ ຈີວຣກາລສມຍໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.