໕. ປຎ຺ຈມ ປາຣາຊິກ ສິກ຺ຂາປຸຈ຺ຉາ

ປຸຈ຺ຉາ – ຠິກ຺ຂຸນີນໍ ອາວຸໂສ ປຎ຺ຈມ ປາຣາຊິກໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສຸນ຺ທຣີນນ຺ທໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ຕໍ, ສຸນ຺ທຣີນນ຺ທາ ຠນ຺ເຕ ຠິກ຺ຂຸນີ ອວສ຺ສຸຕາ ອວສ຺ສຸຕສ຺ສ ປຸຣິສປຸຄ຺ຄລສ຺ສ ກາຍສໍສຄ຺ຄໍ ສາທິຍິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ຠິກ຺ຂຸນີວິຠງ຺ຄ, ສງ຺ຆາທິເສສ ສິກ຺ຂາປຸຈ຺ຉາ

ປຸຈ຺ຉາ – ອຸສ຺ສຍວາທິກາຍ ອາວຸໂສ ຠິກ຺ຂຸນິຍາ ອຑ຺ຑໍ ກໂຣນ຺ຕິຍາ ສງ຺ຆາທິເສໂສ ກຕ຺ຖ ປຎ຺ຎຕ຺ໂຕ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ໂຕ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຕຸລ຺ລນນ຺ທໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ໂຕ, ຖຸລ຺ລນນ຺ທາ ຠນ຺ເຕ ຠິກ຺ຂຸນີ ອຸສ຺ສຍວາທິກາ ວິຫຣິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ໂຕ.

ປຸຈ຺ຉາ – ໂຈຣິໍ ອາວຸໂສ ວຸຏ຺ຐາເປນ຺ຕິຍາ ສງ຺ຆາທິເສໂສ ກຕ຺ຖ ປຎ຺ຎຕ຺ໂຕ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ໂຕ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ໂຕ, ຖຸລ຺ລນນ຺ທາ ຠນ຺ເຕ ຠິກ຺ຂຸນີ ໂຈຣິໍ ວຸຏ຺ຐາເປສິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ໂຕ.

ປຸຈ຺ຉາ – ເອກາຍ ອາວຸໂສ ຄາມນ຺ຕຣໍ ຄຈ຺ຉນ຺ຕິຍາ ສງ຺ຆາທິເສໂສ ກຕ຺ຖ ປຎ຺ຎຕ຺ໂຕ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ໂຕ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ອຎ຺ຎຕຣໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ໂຕ, ອຎ຺ຎຕຣາ ຠນ຺ເຕ ຠິກ຺ຂຸນີ ເອກາ ຄາມນ຺ຕຣໍ ຄຈ຺ຉິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ໂຕ.

ປຸຈ຺ຉາ – ອວສ຺ສຸຕາຍ ອາວຸໂສ ຠິກ຺ຂຸນິຍາ ອວສ຺ສຸຕສ຺ສ ປຸຣິສປຸຄ຺ຄລສ຺ສ ຫຕ຺ຖໂຕ ຂາທນີຍໍວາ ໂຠຊນີຍໍວາ ສຫຕ຺ຖາ ປຏິຄ຺ຄເຫຕ຺ວາ ຠຸຎ຺ຊນ຺ຕສ຺ສ ສງ຺ຆາທິເສໂສ ກຕ຺ຖ ປຎ຺ຎຕ຺ໂຕ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ໂຕ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສຸນ຺ທຣີນນ຺ທໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ໂຕ, ສຸນ຺ທຣີນນ຺ທາ ຠນ຺ເຕ ຠິກ຺ຂຸນີ ອວສ຺ສຸຕາ ອວສ຺ສຸຕສ຺ສ ປຸຣິສປຸຄ຺ຄລສ຺ສ ຫຕ຺ຖໂຕ ອາມິສໍ ປຏິຄ຺ຄເຫສິ ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ໂຕ.

ປຸຈ຺ຉາ – ກຸປິຕາຍ ອາວຸໂສ ອນຕ຺ຕມນາຍ ຠິກ຺ຂຸນິຍາ ຍາວຕຕິຍໍ ສມນຸຠາສນ຺ຕິຍາ ນ ປຏິນິສຊ຺ຊນ຺ຕິຍາ ສງ຺ຆາທິເສໂສ ກຕ຺ຖ ປຎ຺ຎຕ຺ໂຕ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ໂຕ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຈຓ຺ຑກາຬິໍ ຠິກ຺ຂຸນິໍ ອາຣພ຺ຠ ປຎ຺ຎຕ຺ໂຕ, ຈຓ຺ຑກາຬີ ຠນ຺ເຕ ຠິກ຺ຂຸນີ ກຸປິຕາ ອນຕ຺ຕມນາ ເອວໍ ອຠຓິ, ພຸທ຺ຘໍ ປຈ຺ຈາຈິກ຺ຂາມິ, ຘມ຺ມໍ ປຈ຺ຈາຈິກ຺ຂາມິ, ສງ຺ຆໍ ປຈ຺ຈາຈິກ຺ຂາມິ, ສິກ຺ຂໍ ປຈ຺ຈາຈິກ຺ຂາມິ, ກິນ຺ນຸມາວ ສມຓິໂຍ ຍາ ສມຓິໂຍ ສກ຺ຍຘີຕໂຣ, ສນ຺ຕຎ຺ຎາປິ ສມຓິໂຍ ລຊ຺ຊິນິໂຍ ກຸກ຺ກຸຈ຺ຈິກາ ສິກ຺ຂາກາມາ, ຕາສາຫໍ ສນ຺ຕິເກ ພ຺ຣຫ຺ມຈຣິຍໍ ຈຣິສ຺ສາມີຕິ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ໂຕ.

ປຸຈ຺ຉາ – ກສ຺ສ ອາວຸໂສ ວຈນໍ.

ວິສ຺ສຊ຺ຊນາ – ຠຄວໂຕ ຠນ຺ເຕ ວຈນໍ ອຣຫໂຕ ສມ຺ມາສມ຺ພຸທ຺ຘສ຺ສ.

ປຸຈ຺ຉາ – ເກນາວຸໂສ ອາຠຕໍ.

ວິສ຺ສຊ຺ຊນາ – ປຣມ຺ປຣາຍ ຠນ຺ເຕ ອາຠຕໍ.

ປຸຈ຺ຉາ – ອຕ຺ຖິ ນຸໂຂ ອາວຸໂສ ເອຕ຺ຖ ໂກຈິປິ ວິຣທ຺ຘໂທໂສ.

ວິສ຺ສຊ຺ຊນາ – ນຕ຺ຖິ ຠນ຺ເຕ.