ປາຏິເທສນີຍ

໓. ຕຕິຍປາຏິເທສນີ ສິກ຺ຂາປຸຈ຺ຉາ

ປຸຈ຺ຉາ – ເສກ຺ຂສມ຺ມເຕສຸ ອາວຸໂສ ກຸເລສຸ ຂາທນີຍໍ ວາ ໂຠຊນີຍໍ ວາ ສຫຕ຺ຖາ ປຏິຄ຺ຄເຫຕ຺ວາ ຠຸຎ຺ຊນ຺ຕສ຺ສ ປາຏິເທສນີຍໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສມ຺ພຫຸເລ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ນມຕ຺ຕໍ ຊານິຕ຺ວາ ປຏິຄ຺ຄເຫສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ເສຂິຍກຓ຺ຑ

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ປຸຣໂຕ ວາ ປຈ຺ຉໂຕ ວາ ໂອລມ຺ເພນ຺ເຕນ ນິວາເສນ຺ຕສ຺ສຈ ປາຣຸປນ຺ຕສ຺ສຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ປຸຣໂຕ ຈ ປຈ຺ຉໂຕ ຈ ໂອລມ຺ພນ຺ຕາ ນິວາເສສຸໍເຈວ ປາຣຸປິໍສຸຈ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ກາຍໍ ວິວຣິຕ຺ວາ ອນ຺ຕຣຆເຣ ຄຈ຺ຉນ຺ຕສ຺ສ ຈ ນິສີທນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄີເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ກາຍໍ ວິວຣິຕ຺ວາ ອນ຺ຕຣຆເຣ ຄຈ຺ຉິໍສຸ ເຈວ ນິສີທິໍສຸຈ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ຫຕ຺ຖໍ ວາ ປາທໍ ວາ ກີຬາເປນ຺ເຕນ ອນ຺ຕຣຆເຣ ຄຈ຺ຉນ຺ຕສ຺ສ ຈ ນິສີທນ຺ຕສ຺ສ ຈ, ຕຫໍ ຕຫໍ ໂອໂລເກນ຺ເຕນ ອນ຺ຕຣຆເຣ ຄຈ຺ຉນ຺ຕສ຺ສ ຈ ນິສີທນ຺ຕສ຺ສ ຈ, ອຸກ຺ຂິຕ຺ຕກາຍ ອນ຺ຕຣຆເຣ ຄຈ຺ຉນ຺ຕສ຺ສ ຈ ນິສີທນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ຫຕ຺ຖມ຺ປິ ປາທມ຺ປິ ກີຬາເປນ຺ຕາ ຕຫໍ ຕຫໍປິ ໂອໂລເກນ຺ຕາ ອນ຺ຕຣຆເຣ ຄຈ຺ຉິໍສຸເຈວ ນິສີທິໍສຸ ຈ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ອຸກ຺ຂິຕ຺ຕກາຍ ອນ຺ຕຣຆເຣ ຄຈ຺ຉິໍສຸເຈວ ນິສີທິໍສຸຈ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ອຸຊ຺ຊຄ຺ຆິກາຍ ວາ ອຸຈ຺ຈາສທ຺ທໍ ມຫາສທ຺ທໍ ກໂຣນ຺ເຕນ ວາ ອນ຺ຕຣຆເຣ ຄຈ຺ຉນ຺ຕສ຺ສຈ ນິສີທນ຺ຕສ຺ສຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ມຫາຫສິຕໍ ຫສນ຺ຕາ ຈ ອຸຈ຺ຈາສທ຺ທໍ ມຫາສທ຺ທໍ ກໂຣນ຺ຕາ ຈ ອນ຺ຕຣຆເຣ ຄຈ຺ຉິໍສຸເຈວ ນິສີທິໍສຸຈ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ກາຍປ຺ປຈາລກໍ ວາ ພາຫຸປ຺ປ ຈາລກໍ ວາ ສີສປ຺ປຈາລກໍ ວາ ຂມ຺ຠກເຕນ ວາ ໂອຄຸຓ຺ຐິເຕນ ວາ ອນ຺ຕຣຆເຣ ຄຈ຺ຉນ຺ຕສ຺ສ ຈ ນິສີທນ຺ຕສ຺ສ ຈ ອຸກ຺ກຸຏິກາຍ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ກາຍປ຺ປຈາລກໍ ພາຫຸປ຺ປຈາລກໍ ສີສປ຺ປຈາລກໍ ກໂຣນ຺ຕາ ຈ ຂມ຺ຠີກຕາ ຈ ໂອຄຸຓ຺ຐິຕາ ຈ ອນ຺ຕຣຆເຣ ຄຈ຺ຉິໍສຸເຈວ ນິສີທິໍສຸຈ, ອຸກ຺ກຸຏິກາຍຈ ອນ຺ຕຣຆເຣ ຄຈ຺ຉິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ປລ຺ລຕ຺ຖິກາຍ ອນ຺ຕຣຆເຣ ນິສິນ຺ນສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ປລ຺ລຕ຺ຖິກາຍ ອນ຺ຕຣຆເຣ ນິສີທິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ອສກ຺ກຈ຺ຈໍ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສ ຈ ຕຫໍ ຕຫໍ ໂອໂລເກນ຺ເຕນ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສຈ ສູປຎ຺ເຎວ ພຫຸໍ ປຏິຄ຺ຄຓ຺ຫນ຺ຕສ຺ສຈ ຖູປີກຕໍ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອສກ຺ກຈ຺ຈໍ ປິຓ຺ຑປາຕໍ ປຏິຄ຺ຄເຫສຸໍ, ຕຫໍ ຕຫໍ ໂອໂລເກນ຺ຕາ ປິຓ຺ຑປາຕໍ ປຏິຄ຺ຄເຫສຸໍ, ສູປຎ຺ເຎວ ພຫຸໍ ປຏິຄ຺ຄເຫສຸໍ, ຖູປີກຕໍ ປິຓ຺ຑປາຕໍ ປຏິຄ຺ຄເຫສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ອາສກ຺ກຈ຺ຈໍ ປິຓ຺ຑປາຕໍ ຠຸຎ຺ຊນ຺ຕສ຺ສຈ ຕຫໍ ຕຫໍ ໂອໂລເກນ຺ຕນ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ຕຫໍ ຕຫໍ ໂອມສິຕ຺ວາ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ສູປຎ຺ເຎວ ພຫຸໍ ຠຸຎ຺ຊນ຺ຕສ຺ສ ຈ ຖູປກໂຕ ໂອມທ຺ທິຕ຺ວາ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ສູປໍ ວາ ພ຺ຍຎ຺ຊນໍ ວາ ໂອທເນນ ປຏິຈ຺ຉາເທນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອສກ຺ກຈ຺ຈໍ ປິຓ຺ຑປາຕໍ ຠຸຎ຺ຊິໍສຸ, ຕຫໍ ຕຫໍ ໂອໂລເກນ຺ຕາ ປິຓ຺ຑປາຕໍ ຠຸຎ຺ຊິໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ຕຫໍ ຕຫໍ ໂອມສິຕ຺ວາ ປິຓ຺ຑປາຕໍ ຠຸຎ຺ຊິໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ພຫຸໍ ສູປໍ ຠຸຎ຺ຊິໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ຖູປກໂຕ ໂອມທ຺ທິຕ຺ວາ ປິຓ຺ຑປາຕໍ ຠຸຎ຺ຊິໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ສູປມ຺ປິ ພ຺ຍຎ຺ຊນມ຺ປິ ໂອທເນນ ປຏິຈ຺ຉາເທສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ສູປໍວາ ໂອທນໍວາ ອຄິລາເນນ ອຕ຺ຕໂນ ອຕ຺ຖາຍ ວິຎ຺ຎາເປຕ຺ວາ ຠຸຎ຺ຊນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ສູປມ຺ປິ ໂອທນມ຺ປິ ອຕ຺ຕໂນ ອຕ຺ຖາຍ ວິຎ຺ຎາເປຕ຺ວາ ຠຸຎ຺ຊິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ອຸຊ຺ຌານສຎ຺ຎິນາ ປເຣສໍ ປຕ຺ຕໍ ໂອໂລເກນ຺ຕສ຺ສ ຈ ອຕິມຫນ຺ຕໍ ກພຬໍ ກໂຣນ຺ຕສ຺ສ ຈ ທີຆໍ ອາໂລປໍ ກໂຣນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຸຊ຺ຌານສຎ຺ຎິໂນ ປເຣສໍ ປຕ຺ຕໍ ໂອໂລເກສຸໍ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ອຕິມຫນ຺ຕໍ ກພຬໍ ກຣິໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ທີຆໍ ອາໂລປໍ ກຣິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ອນາຫເຏ ກພເຬ ມຸຂທ຺ວາຣໍ ວິວຣນ຺ຕສ຺ສ ຈ ຠຸຎ຺ຊມາເນ ສພ຺ພໍ ຫຕ຺ຖໍ ມຸເຂ ປກ຺ຂິປນ຺ຕສ຺ສ ຈ ສກພເຬນ ມຸເຂນ ພ຺ຍາຫຣນ຺ຕສ຺ສ ຈ ປິຓ຺ຑຸກ຺ເຂປກໍ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ກພຬາວຈ຺ເຉທກໍ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ອວຄຓ຺ຑກາຣກໍ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ຫຕ຺ຖນິທ຺ຘຸນກໍ ສິຕ຺ຖາວກາຣກໍ ຊິວ຺ຫານິຈ຺ຉາຣກໍ ຈປຸຈປຸກາຣກໍ ປິຓ຺ຑປາຕໍ ຠຸຎ຺ຊນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອນາຫເຏ ກພເຬ ມຸຂທ຺ວາຣໍ ວິວຣິໍສຸ, ຠຸຎ຺ຊມານາ ສພ຺ພໍ ຫຕ຺ຖໍ ມຸເຂ ປກ຺ຂິປິໍສຸ, ສກພເຬນ ມຸເຂນ ພ຺ຍາຫຣິໍສຸ, ປິຓ຺ຑຸກ຺ເຂປກໍ ຠຸຎ຺ຊິໍສຸ, ກພຬາວຈ຺ເຉທກໍ ຠຸຎ຺ຊິໍສຸ, ອວຄຓ຺ຑກາຣກໍ ຠຸຎ຺ຊິໍສຸ, ຫຕ຺ຖນິທ຺ຘຸນກໍ ສິຕ຺ຖາວກາຣກໍ ຊິວ຺ຫານິຈ຺ຉາຣກໍ ຈປຸຈປຸກາຣກໍ ຠຸຎ຺ຊິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ສຸຣຸສຸຣຸກາຣກໍ ຠຸຎ຺ຊນ຺ຕສ຺ສຈ ຫຕ຺ຖນິລ຺ເລຫກໍວາ ປຕ຺ຕນິລ຺ເລຫກໍ ວາ ໂອຏ຺ຐນິລ຺ເລຫກໍ ວາ ຠຸຎ຺ຊນ຺ຕສ຺ສ ຈ ສາມິເສນ ຫຕ຺ເຖນ ປານີຍຖາລກໍ ປຏິຄ຺ຄຓ຺ຫນ຺ຕສ຺ສ ຈ ສສິຕ຺ຖກໍ ປຕ຺ຕໂຘວນໍ ອນ຺ຕຣຆເຣ ຈຑ຺ເຑນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສຸຣຸ ສຸຣຸກາຣກໍ ຠນ຺ເຕ ຠຸຎ຺ຊນ຺ຕສ຺ສ ທຸກ຺ກຏໍ ໂກສມ຺ພິຍໍ ປຎ຺ຎຕ຺ຕໍ, ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠນ຺ເຕ ຠິກ຺ຂູ ສຸຣຸສຸຣຸກາຣກໍ ຂີຣໍ ປິວິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ. ຫຕ຺ຖນິລ຺ເລຫກໍ ຠຸຎ຺ຊນ຺ຕສ຺ສ ຈ ປຕ຺ຕນິລ຺ເລຫກໍ ຠຸຎ຺ຊນ຺ຕສ຺ສ ຈ ໂອຏ຺ຐນິລ຺ເລຫກໍ ຠຸຎ຺ຊນ຺ຕສ຺ສ ທຸກ຺ກຏໍ ສາວຕ຺ຖິຍໍ ປຎ຺ຎຕ຺ຕໍ, ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ຫຕ຺ຖນິລ຺ເລຫກໍ ຠຸຎ຺ຊິໍສຸ, ປຕ຺ຕນິລ຺ເລຫກໍ ຠຸຎ຺ຊິໍສຸ, ໂອຏ຺ຐນິລ຺ເລຫກໍ ຠຸຎ຺ຊິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ສາມິເສນ ຫຕ຺ເຖນ ປານີຍຖາລກໍ ປຏິຄ຺ຄຓ຺ຫນ຺ຕສ຺ສ ຈ ສສິຕ຺ຖກໍ ປຕ຺ຕໂຘວນໍ ອນ຺ຕຣຆເຣ ຉຑ຺ເຑນ຺ຕສ຺ສ ຈ ທຸກ຺ກຏໍ ຠຄ຺ເຄສຸ ປຎ຺ຎຕ຺ຕໍ, ສມ຺ພຫຸເລ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ສມ຺ພຫຸລາ ຠິກ຺ຂູ ສາມິເສນ ຫຕ຺ເຖນ ປານີຍຖາລກໍ ປຏິຄ຺ຄເຫສຸໍ, ເຕເຍວ ຠນ຺ເຕ ສມ຺ພຫຸລາ ຠິກ຺ຂູ ສສິຕ຺ຖກໍ ປຕ຺ຕໂຘວນໍ ອນ຺ຕຣຆເຣ ຉຑ຺ເຑສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ຉຕ຺ຕປາຓິສ຺ສ ຘມ຺ມໍ ເທເສນ຺ຕສ຺ສ ຈ ທຓ຺ຑປາຓິສ຺ສ ວາ ສຕ຺ຖປາຓິສ຺ສ ວາ ອາວຸຘປາຓິສ຺ສ ວາ ຘມ຺ມໍ ເທເສນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ຉຕ຺ຕປາຓິສ຺ສ ທຓ຺ຑປາຓິສ຺ສ ສຕ຺ຖປາຓິສ຺ສ ອາວຸຘປາຓິສ຺ສ ຘມ຺ມໍ ເທເສສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ປາທຸກາຣຸຬ຺ຫສ຺ສ ຈ ອຸປຫນາຣຸຬ຺ຫສ຺ສ ຈ ຍານຄຕສ຺ສ ຈ ສຍນຄຕສ຺ສ ຈ ຘມ຺ມໍ ເທເສນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ປາທຸກາຣຸຬ຺ຫສ຺ສ ອຸປຫນາຣຸຬ຺ຫສ຺ສ ຍານຄຕສ຺ສ ສຍນຄຕສ຺ສ ຘມ຺ມໍ ເທເສສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ປລ຺ລຕ຺ຖິກາຍ ນິສິນ຺ນສ຺ສ ຈ ເວຐິຕສີສສ຺ສ ຈ ໂອຄຸຓ຺ຐິຕສີສສ຺ສ ຈ ຉມາຍໍ ນິສີທິຕ຺ວາ ອາສເນ ນິສິນ຺ນສ຺ສ ຈ ນີເຈ ອາສເນ ນິສີທິຕ຺ວາ ອຸຈ຺ເຈ ອາສເນ ນິສິນ຺ນສ຺ສ ຈ ຐິເຕນ ນິສິນ຺ນສ຺ສ ຈ ປຈ຺ຉໂຕ ຄຈ຺ຉນ຺ເຕນ ປຸຣໂຕ ຄຈ຺ຉນ຺ຕສ຺ສ ຈ ອຸປ຺ປເຖນ ຄຈ຺ຉນ຺ເຕນ ປເຖນ ຄຈ຺ຉນ຺ຕສ຺ສ ຈ ຘມ຺ມໍ ເທເສນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍວ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ປລ຺ລຕ຺ຖິກາຍ ນິສິນ຺ນສ຺ສ ຈ ເວຐິຕສີສສ຺ສ ຈ ໂອຄຸຓ຺ຐິຕສີສສ຺ສ ຈ ຉມາຍໍ ນິສີທິຕ຺ວາ ອາສເນ ນິສິນ຺ນສ຺ສ ຈ ນີເຈ ອາສເນ ນິສີທິຕ຺ວາ ອຸຈ຺ເຈ ອາສເນ ນິສິນ຺ນສ຺ສ ຈ ຐິຕານິສິນ຺ນສ຺ສ ຈ ປຈ຺ຉໂຕ ຄຈ຺ຉນ຺ຕາ ປຸຣໂຕ ຄຈ຺ຉນ຺ຕສ຺ສ ຈ ອຸປ຺ປເຖນ ຄຈ຺ຉນ຺ຕາ ປເຖນ ຄຈ຺ຉນ຺ຕສ຺ສ ຈ ຘມ຺ມໍ ເທເສສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ອນາທຣິຍໍ ອາວຸໂສ ປຏິຈ຺ຈ ຐິເຕນ ອຸຈ຺ຈາຣໍ ວາ ປສ຺ສາວໍ ວາ ກໂຣນ຺ຕສ຺ສ ຈ ຫຣິເຕ ວາ ອຸທເກ ວາ ອຸຈ຺ຈາຣໍ ວາ ປສ຺ສາວໍ ວາ ເຂຬໍ ວາ ກໂຣນ຺ຕສ຺ສ ຈ ທຸກ຺ກຏໍ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ຉພ຺ພຄ຺ຄິເຍວ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ຐິຕາ ອຸຈ຺ຈາຣມ຺ປິ ປສ຺ສາວມ຺ປິ ອກໍສຸ, ເຕເຍວ ຠນ຺ເຕ ຉພ຺ພຄ຺ຄິຍາ ຠິກ຺ຂູ ຫຣິເຕປິ ອຸທເກປິ ອຸຈ຺ຈາຣມ຺ປິ ປສ຺ສາວມ຺ປິ ເຂຬມ຺ປິ ອກໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.