໓. ປຕ຺ຕວຄ຺ຄ, ໑. ປຕ຺ຕ ສິກ຺ຂາປຸຈ຺ຉາ

ປຸຈ຺ຉາ – ອຕິເຣກປຕ຺ຕໍ ອາວຸໂສ ທສາຫໍ ອຕິກ຺ກາເມນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ປຎ຺ຎຕ຺ຕໍ.

ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອຕິເຣກປຕ຺ຕໍ ຘາເຣສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

໕໑໔. ໓. ປຕ຺ຕວຄ຺ຄ, ໒. ອູນປຎ຺ຈພນ຺ຘນ ສິກ຺ຂາປຸຈ຺ຉາ

ປຸຈ຺ຉາ – ອູນປຎ຺ຈພນ຺ຘເນນ ປຕ຺ເຕນ ອຎ຺ຎໍ ນວໍ ປຕ຺ຕໍ ເຈຕາເປນ຺ຕສ຺ສ ນິສ຺ສຄ຺ຄິຍໍ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕໍ.

ວິສ຺ສຊ຺ຊນາ – ສກ຺ເກສຸ ຠນ຺ເຕ ປຎ຺ຎຕ຺ຕໍ.

ປຸຈ຺ຉາ – ກໍ ອາວຸໂສ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ຉພ຺ພຄ຺ຄິເຍ ຠນ຺ເຕ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຉພ຺ພຄ຺ຄິຍາ ຠນ຺ເຕ ຠິກ຺ຂູ ອປ຺ປມຕ຺ຕເກນປິ ຠິນ຺ເນນ ອປ຺ປມຕ຺ຕເກນປິ ຂຓ຺ເຑນ ວິລິຂິຕມຕ຺ເຕນປິ ພຫູ ປຕ຺ເຕ ວິຍ຺ຍາເປສຸໍ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ນ ຠິກ຺ຂເວ ປຕ຺ໂຕ ວິຎ຺ຎາເປຕພ຺ໂພ, ໂຍ ວິຎ຺ຎາເປຍ຺ຍ ອາປຕ຺ຕິ ທຸກ຺ກຏສ຺ສ.